حكمت فعدلت فامنت

قبل متهاجموا المسلسل وتطلعوا عليه احكام مع احترامي لاعتراضكم علي تجسيد الصحابه لكن العمل من وجهه نظري هيفيد الاسلام وهيعرف جيل من الشباب بالتاريخ اللي مبيقروش عنه حاجه بالاضافه ان الي كاتبه شخص محترم هو دكتور وليد سيف اللبي كتب ثلاثيه الاندلس والتغريبه الفلسطينيه والمخرج هو حاتم علي المشهور باعماله المحترمه ياريت تشوفوه الاول

احنا محتاجين نتابع المسلسل ده خاصه ان حاليا بيحكم مصر رئيس بخلفيه اسلاميه فلازم يمشي علي نهج الصحابه

 

لماذا احب سبايدرمان؟

منذ يومين مرت ذكري عشره اعوام علي نزول الفيلم الاول للرجل العنكبوت ودخولي اياه في السينما في صيف 2002 

ومنذ ذلك الوقت تعلقت بالسلسله واحببتها واحببت شخصيه بيتر باركر  فانا وهو متشابهان كلانا كنا خجولان وقتها 

نرتدي النظارات ( في الواقع لم اكن ارتديها الا في عام 2005)

نحب فتاه نخجل من مصارحتها ( وقتها ايضا)

شديدو الحساسيه

نعاني من ضعف جسماني فلسنا مفتولين العضلات او نمتلك اجسام رياضيه ولسنا جذابين

ولكننا نمتلك الصدق 

احببت رغبته في امتلاك القوه ليغطي علي فشله في مواجهه الاخرين واحببت الرغبه في الحريه والتحليق والقفز بين المباني وتحدي قوي الجاذبيه والقوه اللا متناهيه الحدود 

وبالطبع انا اكره العناكب جدا واتقزز منها 

وبالطبع الجمله التي غيرت حياتي 

with great power comes great responsblities

بالاضافه للخدع السينمائيه والتصوير البديع وطاقم الممثلين وموسيقي الفيلم التي اصبحت تيمه شهيره كما انني كنت من متابعين قصص الكوميكس وانا مراهق بالذات مغامرات العنكبوت

كل هذا جعلني اعشق السلسله وكنت انتظر نزول جزء جديد لاشاهده في السينما واخرج مبهورا كالاطفال ابث شباك العنبكوت في الهواء في خيالي الواسع واحلم اني اطير واقفز مثله وكان اصدقائي يلقبونني بالمراهق واتفق معهم في ذلك

لذلك عندما نزل الفيلم الجديد رغم تغيير الطاقم باكمله لكني لم اتردد في دخوله في السينما خاصه انه مدعوم بتقنيه الثري دي الثلاثيه الابعاد وسيتم تناول بدايه القصه بشكل مختلف وقد كان مااردت

لن اتحدث عن المشاهد المبهره المجسمه او اداء الممثلين وخاصه من قام بدور دكتور كونورز او اداء اندرو جارفيلد الذي حل محل توبي ماجواير 

لكن يكفي ان الفيلم اعادني عشره اعوام للخلف لنفس المتعه التي شعرت بها اول مره في السينما

لن يشعر ابدا اي شخص بمتعه ان تكون مثل سبايدرمان لا يقف شيء في طريقك وتتسلق اي شيء 

بالطبع كان من افضل مشاهدي عندما تردد بيتر في مصارحه جوين بحقيقته فتركته لكنه القي عليها شباكه وجذبها اليه ليقبلها وهي لا تصدق انه هو نفسه الرجل العنكبوت

وموسيقي جيمس هونور الرائعه

هذا الفيلم اعطاني امل وطاقه ايجابيه كنت ابحث عنها منذ فتره وملئني بالتفائل وسبب صمودي في الماضي وقدرتي علي الاستمرار وتجعلني اتماسك فقد كان يكفي ان اتذكر بيتر باركر لانهض من جديد 

ربما اكون ماذكرته تافهاا وغير منطقيا لكنها الحقيقه وكانت سبب الهامي ايضا

ربما يكون البعض قد يقاران بين السلسله القديمه والجديده ولم يتاقلم بعد علي التغيير لكني واثق ان الفيلم الجديد الذي اخرجه مارك ويب ( مخرج فيلم 500 يوم من سمر ) سيفعل نفس مافعله كريس نولان في سلسله باتمان 

بيتر باركر شخصيه ثريه  نمت في الاعوام الماضيه ومرت بتحديات كثيره تتعلق بالاختيار والقدر وانقسام عالمه الي نصفين مابين دوره في حمايه الابرياء وبين حياته الخاصه التي تسير في مشاكل 

بين قناعته في البدايه انه يرغب في الثار لعمه القتيل ورغبه في تخليص ضميره من ذنب يعتقد انه السبب في ماحدث لعمه بين وانه لم يمتلك الفرصه ليجلس معه ويستمع الي نصائحه ويعتذر له عن وقاحته قبيل وفاته التي تطورت لان اصبح مهمته ان يستغل القوي في مساعده الاخرين 

تركيبه نفسيه معقده ادت الي شرخ علاقته بحبيبته خوفا عليها واخفاءه هويته عنها ثم مصارحته ثم قرار بتركها 

كل ذلك واكثر يجعلني احب سبايدرمان

 

 

سلم....السلطه

الصوره ملتقطه من امام ماسبيرو في يناير السابق

.........

يوم 19 نوفمبر 2011 

في شارع محمد محمود الساعه التاسعه ليلا

اتحصن امام سياج من الصفيح مع شباب الالتراس والثوار  وسته ابريل وشباب حازم ابوة اسماعيل بينما ينهمر علينا الخرطوش والمطاطي من قوات الامن المركزي ونسعل من الغاز المفرط قذفه علينا

يسالني الصحفيين الفرنسيين الملازمين لي انا وخالد ومحمد عبد الفتاح بالانجليزيه لان لغتي الفرنسيه لا تتعدي ميرسي بوكوا او سيلفو بليه مسيو

"wat u think will happen this night?

me: to night will be the end of the military council and the revoultion will win

كان من الممكن ان يكون فعلا النصر حليفنا ونسقط ونحاكم العسكر لكن رفاقنا من الموسليم برازر هوود تخلوا عننا خوفا من تاجيل انتخابات مجلس الشعب الذي تم حله مؤخرا 

كان من الممكن ان نتمتع الان برئيس حقيقي سواء كان محمد مرسي او غيره لكن بصلاحيات حقيقيه ونحن نري طنطاوي وغيرهم من عجزه المجلس العسكري امام المحكمه الثوريه لناخذ بحق شهدائنا الذين ازاداوا بعد ذلك في مذابح مجلس الوزراء والعباسيه وبورسعيد 

كان من الممكن ان نستلم سلطه حقيقيه وكان من الممكن ان اكون اول من يبايع محمد مرسي علي السمع والطاعه

..................

عام ونصف حلمنا وشاركنا في الحلم 

في اول ثمانيه عشر يوما كانوا حلما في غايه الجمال كنا اشبه بالمدينه الفاضله بكل تياراتنا واتجاهاتنا

لكن الحلم بعد شهر تفتت واصبح مسخا 

عام ونصف كانت الثوره وشخص اخر اجمل شيئين حدثوا لي في حياتي 

ربما اكون اخطئت وكنت انانيا او تغيرت او اسات لكليهما او اصبحت محدث نعمه او لم احمد الله علي تلك الهبتين 

كلنا تصرفنا بشكل خاطيء ولا استثني احدا فنحن لسنا ملائكه نحن بشرا ولكننا نفتقر للقدره علي الغفران والتسامح للاسف

لو ساعتذر لهما ساعتذر واصحح ماحدث واقبل راسيهما رغبه في تعويضهما 

مهما حدث مني او منهما سيظلان في قلبي وفي ارشيف ذكرياتي كشيء جميل كانوا وكنت جزءا منهما ويعلم الله معزتهما في قلبي وان انكساري لم يكن هينا 

...........................

اليوم سيتسلم اول رئيس منتخب بشرعيه وديمنقراطيه حقيقيه السلطه من من حكموا البلاد منذ ستون عاما

ممن قاموا بانقلاب غير شرعي سموه ثوره ونسبوا فضلها لهم 

اليوم يتحقق حلم حسن البنا منذ ستون عاما في ان يصبح الاخوان المسلمين بيدهعم مقاليد الحكم فهنيئا لهم علي ذلك فقد صبروا وصمدوا وتعبوا وعانوا وشاركوا في الثوره 

اليوم ستنتهي الثوره كما عهدناها ليبدا عهد جديد باصلاح وكتابه دستور للبلاد وبدء مشروع النهضه الذي وعد به الاخوان

انا لم انتخب محمد مرسي لاسباب خاصه بي وبالطبع لم اكن انتوي انتخاب شفيق 

لكني كثائر ينتهي دوري اليوم او ربما انتهي منذ فتره لاصبح مواطنا يرغب في رؤيه بلده تتقدم في مسيره تاخرت كثيرا

يعلم الله اني اتمني رؤيه حمدي بدين يحاكم  الذي سبنا بالفاظ قذره العام الماضي في العباسيه في الموقعه الشهيره التي استشهد فيها زميلنا محمد محسن رحمه الله 

سانضم لحزب الدستور باذن الله لاني اثق بالبرادعي واتمني ان ياتي علي راس وزاره تكون بصلاحيات تتسع لاصلاح ملموس وليس مقيدا 

وليتذكر محمد مرسي اننا سنكون وراءه طالما سار علي درب الحق وسنكون ضده ان اخلف وعوده وسنمنحه فرصا 

هنيئا لمصر 

............

اختم البوست بمقوله استاذي دكتور احمد خالد توفيق عن الانتظار والامل بشخصيه رفعت اسماعيل وماجي ماكيلوب

"للابد؟

ماذا"

ستكون لي للابد؟

وحتي تحترق النجوم وحتي تجف المحيطات والخ الخ "

ولم يكمل تلك الجمله

  حتي الان لان القدر لم يكتب النهايه لسبب ما

هاكتب

هشام صاحبي بيقول لي اكتب وعبر عن نفسك

انا ناوي اكتب بس مش دلوقتي 

كل اللي اقدر اقوله اني بعد خمسه وعشرين يناير بعد التنحي او بالاصح بعد استفتاء مارس انا اتغيرت وبقيت شخص تاني

واتشوهت من جوايا 

انا بقيت نصين نص وسخ ونص بيحاول يبقي نظيف 

خسرت ناس كتيره والاقسي خسرتك

انا مش حابب الفتره الانتقاليه بكرهها وبكره اللي غملته فيا 

ماهو مش معقول واحد كان بيشتبك في معارك مع العسكر وبيدمن منظر الامن المركزي والجيش وريحه الغاز والمطاطي وبيجري علي اي مسيره 

مش معقول بعد ده كله يبقي طبيعي اكيد مريض نفسي  واكيد انسان مشوه من جواه 

مش معقول بعد كل الموت ده والاعتصامات والادراينالين والعرق ابقي طبيعي

انا بس اللي حازز في نفسي اني مامتش لغايه دلوقتي

ولا حاجه

                      مش لاقي حاجه اقولها

لاول مره يجيلي عجز عن الكلام مبيجليش نوم علشان خايف احلم باللي عاوزه ولو حلمت به مهابقي عايز افوق علشان مش هلاقيه في الواقع وخايف انام محلمش به اتوجع وعارف ان عدم نومي ماهيحل المشكله لانه كده كده مش موجود  انا مابقيتش عارف اليوم بيبتدي امتي وبيخلص امتي

انا معرفش بكره مخبيلي ايه 

انا تايه 

بس عايش اليوم بيومه يمكن الاسبوع الجاي يبقي فيه تغيير يبقي فيه امل

there will be blood

اعتصام ونتيجه بتااخر وحشود في التحرير 

مبارك بيحتضر

سلاح بيدخل مصر بكميات مهوله

كلام عن تمهيد لنجاح شفيق

كلام عن صفقه مع العسكر مقابل الخازوق الدستوري

كلام عن مسيرات للتضامن مع المعتقلين

كلام عن حشد العسكر لقواته في مداخل القاهره ومخارجها واستنفار عام 

كلام عن مواجهه وتصعيد 

كلام عن سيناريو 54 

كلام كتير لكني شامم حاجه واحده

شامم دم وقريب جدا

شكرا

عاشق سارح في الملكوت ميهموش العمر يفوت يدفع في الحرية حياته ولو اتكتف للحظة يموت قلبه بيبرق زي الماس ولا يملك غير الإحساس غرقان في جروحه وآلامه وبيداوي في جروح الناس بايع قلبه للي يحبه ومعندوش للحب شروط عاشق سارح في الملكوت ولو اتكتف للحظة يموت طير في السما وملوش عنوان وفي ايده خاتم سليمان كان عايز بالضحكة يغير ويتوه كل الأحزان عاش الحلم كأنه حقيقة وافتكر إن الدنيا بريئة من طيبته سلم لحبيبته وحبيبته بتبيع في دقيقة فوق واتحرر من أوهامك العمر بيخلص قدامك الطير مش هيطير في جهنم ومفيش سمكة بتعشق حوت




قلبي اتكسر مرتين
مره في وسط الرصاص والغاز واحنا قليلين في شارع محمد محمود السنه اللي فاتت ومحدش نزل معانا والناس بتتكلم علينا  ومحدش نزل معانا وتشتمنا
والمره التانيه في نفس الشارع لما هي  قالت مش هينفع نبقي مع بعض في التليفون

.........

في مسلسل الغفران

اخر حلقه
امجد بيعترف لوالدته انه لما كان في الجيش مكانش بينام وبيحرس الوحده بتاعته ويتفقد العساكر بما انه ملازم
كان بيعمل كده لانه خايف من اي هجوم من العدو كان متحفز وحط نفسه في موود الدفاع عن الوطن ومهمته يحمي اهله وبلده
وصحابه وكل الناس لان ده واجبه


لكن الحقيقه انه كان بيعمل كده لانه عايز عزه تنام في امان وانه بيفكر فيها ومههوش هي بتعمل ايه ولا مع مين المهم تكون بامان
لانه بيعمل ده كله علشانها هي حتي لو مش معاه


وانا لما نزلت في اول يوم نزلت لاني كنت يائس كنت حاسس ان مافيش حاجه فضلت الا اننا نسقط النظام وعارف انها محاوله يائسه
لكني كنت بهرب من واقعي للاسف وكنت ناوي علي الموت واني مارجعش تاني

بالاضافه ان كنت فاكر امل مش راجعه تاني وهتسافر



لما نزلت في محمد محمود كنت عايز الخلاص كنت استنتفذت كل شيء والاهم اني مكنتش قادر اتحمل واقع ومجتمع بيهاجمني وبيكدبني وبيشوه سمعتي والاوسخ انه دمر حياتي بحجه اني مش حر في حياتي ونسي كل حاجه عملتها له


والافظع انه اخد امل مني ودمر علاقتي بها


الافظع انه كسرني ولسه بيكسرني وبما ان خلاص كل حاجه خلصت لوضع ومستقبل انا مطلبتوش فكان لازم اعترف بده

شكرا علي السنه ونصف اللي كانت حلم بس اتدمر ومعرفش اخرته ايه


شكرا  لكل من اتسببت لهم بالالم وجرحتهم انا منسحب ومش عايز ابقي شريك في المرحله الجايه

لو فيها موت انا معاكم غير كده انا اسف

انا انسان تافه وضعيف مش قد المسئوليه وهمومي عبيطه واحلامي متستاهلش اتكلم عنها

كان نفسي اعيش في مجتمع احسن من كده لكنه كسرني

انا فيا العبر ومش ملاك وعاص وربنا مش راضي عني ويمكن تكون رحمه ربنا انه يخلصني