life is. ...waiting

Adult Pi Patel: I suppose in the end, the whole of life becomes an act of letting go, but what always hurts the most is not taking a moment to say goodbye

 

Above all: don't lose hope. .

Argo..fuck ur self

ويذهب الاوسكار للفيلم ذو الخلفيه السياسيه عن ازمه الرهائن الامريكيين ابان الثوره الاسلاميه في ايران في عهد الخميني والعلاقه المتوتره بين البلدين مع اسقاط سياسي علي نوايا امريكا تجاه ايران مستقبليا وفي نفس الوقت عن اهميه صناعه السينما وهوليوود  وتاثيرها في ثقافه الشعوب عالميا وكيف انها وسيله ولغه تتناقلها كل اجناس الارض مهمها كانت اختلافهم وعقائدهم 

ربما كانت الجوائز مرضيه لباقي الافلام خاصه فوز انج لي عن فيلمه المبدع حياه باي وفوز ترانتينو بافضل سيناريو ولكني كنت اتمني ان يفوز فيلم البؤساء بافضل فيلم لانه اعظمهم واكثرهم اكتمالا من النواحي الفنيه والجماليه 

مبروك لبن افليك فهو مخرج مجتهد وصنع فيلما مهما وسنتغاضي عن التدليس السياسي والاغراض الغير معلنه 

les miserables

Do you hear the people sing
Lost in the valley of the night?
It is the music of a people
Who are climbing to the light.

For the wretched of the earth
There is a flame that never dies.
Even the darkest night will end
And the sun will rise.

They will live again in freedom
In the garden of the Lord.
They will walk behind the plough-share,
They will put away the sword.

The chain will be broken
And all men will have their reward.

Will you join in our crusade?
Who will be strong and stand with me?
Somewhere beyond the barricade
Is there a world you long to see?
Do you hear the people sing?
Say, do you hear the distant drums?
It is the future that they bring
When tomorrow comes!

Will you join in our crusade?
Who will be strong and stand with me?
Somewhere beyond the barricade
Is there a world you long to see?
Do you hear the people sing?
Say, do you hear the distant drums?
It is the future that they bring
When tomorrow comes...
Tomorrow comes!

زي النهارده تاني

"لقد الأمر منا سنوات طويلة حتى وصلنا إلى هذة النقطة. وهؤلاء الشباب الذين لم يعلمهم أحد، ولم يدرِّبهم أحد، ولم يجدوا أحدا يقتدوا به، نشئوا رغم ذلك راغبين في الحق والخير والجمال وأطلقوا ثورة لم نرَ في بلدنا من قبل. لكن العواجيز ضللوهم؛ تسع سنوات من التيه والفوضى والقتل. ورغم ذلك كله يوشكون الآن، وحدهم، على الخروج من هذا التيه. تَعلَّموا من فشلهم وفشلنا، وراجَعوا أنفسهم، وأعادوا تنظيم صفوفهم بطريقة أخرى أفضل وأكثر نجاعة، ويتأهبون الآن لإزاحة هؤلاء العواجيز الخونة الذين يسدُّون الطريق والخروج"

في ذكري يوم تنحي الفرعون مبارك 

في ذكري انتهاء اليوتوبيا وبدء حكم العسكر والاخوان 

في ذكري اخر مره قلنا فيها ايد واحده في الميدان ومجيء فرعون مقدس الهي له اهله وعشيرته

لكن هيفضل الامل موجود 

هنفضل ثورجيه لحد مانوصل للحريه 

وبكره ثوره وبعده ثوره وهننتصر

حكموكي ماحكموكي برده المصري مصري والمملوك مملوكي وانت ياحلوه ياحره بكره راح نحرروكي

وبرده لسه امل موجوده وعندي امل فيها 

زي النهارده

الصوره من يوم 25 يناير 2011  الساعه الثالثه عصرا بميدان التحرير

..............

do u hear the people sing the song of angry men

its the music of the pepole who will not be slaves again

احدي اغنيات الفيلم الرائع  les miserables  المقتبس عن الروايه الشهيره للاديب الفرنسي فيكتور هوجو 

بالصدفه قررت ان اشاهد الفيلم البارحه لاتذكر الروايه التي اقتنيتها منذ احدي عشر عاما من معرض الكتاب والذي يتزامن مع بدايه معرض الكتاب لهذا العام وانتوي الذهاب اليه

الفيلم عن معاناه البشر من الظلم وغياب العدل والبحث عن الحب والمساواه والكرامه والتقدير 

عن الفقر الذي يكوي البشر ويجعلهم عبيدا لمن يملك المال

عن من ينتظرون الثوره لينفجر غضبهم ويبنوا عالم جديد بقواعد نظيفه خاليه من اخطاء الماضي

 مشهدين من اروع مشاهد الفيلم مشهد الثوره وقمع جنود الملك للثوار الشباب  ومشهد النهايه بعد وفاه جان فالجان وانضمامه لكل الابرياء المخلصين المحبين الذي امتلكوا قلوب خالصه ونقيه واعطوا وضحوا من اجل من يحبون

بلا شك هو وفيلم life of pi و فيلم ترنتيتو الاخير اروع افلام العام  وقد تحولت تلك الروايه الي مسرحيه ناجحه لسنوات عديده موسيقيه غنائيه الي ان ظهرت علي شاشه السينما بممثلين مثل هيو جاكمان في اعظم ادواره وراسل كرو وان هاثاوي

لذلك خلق الله السينما التي تجمع بين الادب وفن المسرح والموسيقا لتؤثر فينا وترتقي بروحنا

..............

زي النهارده من سنتين عدوا اتولدنا انا والتلاتين الف شاب وشابه في ميدان التحرير وكان اعظم ايام حياتنا

زي النهارده كنت مش عامل حسابي ارجع تاني واتولد فينا امل وتفائل وحلم بدان نحققه 

زي النهارده هيخليه كل سنه ذكري ليوم عظيم شاركت بجزء صغير في صنعه 

زي النهارده افتكر كل اللي كلمتهم وشوفتهم 

امي

خالد واحمد

طارق

فاطمه عابد ومالك مصطفي

عادل صليب وهشام الجنيدي

امنيه

احمد فؤاد

ضياء وكريم

محمد امين راضي ووائل حمدي

نواره نجم واسماء محفوظ واحمد ماهر

عبد الرحمن يوسف وعلاء الاسواني

محمد عبد الفتاح ومحمد ابو باشا

بثينه كامل وجورج اسحاق

كريمه الحفناوي وابو العلا ماضي واسامه غزالي حرب

زي النهارده يمكن مش هيتكرر تاني بس هيفضل في قلوبنا 

الغريب ان معرض الكتاب كان قبل الثوره بيوم من سنتين والنهارده نفس الشيء

مهما كان اللي هيحصل هو خير انا غالبا مش هشارك لان هيبقي عندي مؤتمر 

احنا كل اللي محتاجينه قليل من الحب 

" هل تسمع اغاني الناس التائهين في وادي الضياء

انها موسيقي الناس الذين يتسلقون الي النور

في يؤس الارض يوجد لهب لا ينطفيء

حتي احلك الليالي ستنتهي وتشرق الشمس

سوف يعيشوا مجددا احرار في جنه الرب"

عام طويل

2012

انا عايز اتكلم عايز افضفض 

انا جوايا كلام كتير لان السنه دي مكانتش سهله 

كان فيها حاجات حلوه طبعا بس كان فيها حاجات اوحش


بالاضافه اني قعدت مستني نهايه العالم زي ماقبائل المايا تنبات وفي الاخر محصلش حاجه 

بس علي الاقل بعتبر السنه دي هي الفراق بيني وبين السياسه للابد وبين حاجات تانيه

اعتذر لو فيه خلط بين احداث عامه او شخصيه بس انا متاثر بالاسلوب ده من عمنا صنع الله ابراهيم

اممم بدات بالنسبه لي في السينما كنت بشوف فيلم اسماء لعمرو سلامه  مع خالد  وطلعت اعيط منه

كان نفس اليوم لذكري احداث كنيسه القديسين 
ونفس ذكري اول مره اروح اسكندريه مع امل

خسرت صديق ليا بسبب انه خانني وكدب عليا

احمد عبد العزيز صديق وزميل اتوفي وهو نايم علي سريره وجالي اكتئاب وكان داخل علي زواج  واصغر مني بسنه

بقيت اشك في كل الناس وبقيت انسان لا يطاق ,وبقيت مههوس وعلاقتي بامل بدات يحصل فيها شرخ اكبر من اي مره

دخلت فيلم هيوجو بتاع مارتن سكورسيزي اللي بعتبره تحيه الي صناعه السينما

بدات اقرا لدكتور عز الدين شكري فشير  اول روايه كانت غرفه العنايه المركزه ومن ساعتها ادمنته 

قريت روايه انين لشريف ثابت اللي بقي صديق بعد كده  

العسكر والاخوان حضروا قداس 7 يناير بدعوه من الكنيسه المصريه وبعض شباب الاقباط انتفض وهتف بسقوط العسكر اشاره لموقعه ماسبيرو ولاموا البابا شنوده علي ده

شاركنا في احياء الذكري الاولي ل25 يناير وكانت المسيرات عظيمه ورائعه  وبعد كده حضرت كتب كتاب طارق بن عمتي وقابلت ولاد عمتي سميه وقابلت زوجه احمد الكولومبيه اللي اسلمت وصاحبتها ايلانا وقضينا يوم حلو في الحسين ووصلت ايلانا للدقي وبعد كده طلعت علي ماسبيرو مع الثوار 

حصلت احداث بورسعيد ومات 77 من جمهور الالتراس ونزلت تالت يوم في شارع منصور عند وزاره الداخليه في الاشتباكات اللي قعدت اسبوع ومجلس الشعب الاسلامي نفض لها تماما وعمل انتخابات مجلس الشوري والشارع بينتفض طالب القصاص والمشير بيسخن الناس علي الفوضي ورامي عصام طلع اغنيته الشهيره اه يامجلس يابن الحرام بعت دم شهيد بكام

بعدها باسبوع نظمنا مسيره لوزاره الدفاع مع سته ابريل والالتراس وكفايه وائتلاف شباب الثوره نطالب فيها العسكر بالرحيل 

ومحاكمتهم علي جرايمهم 

 مجلس الشعب كان مجلس قذر  كله كدب وناس مرضي نفسيين وفضايح 

البلكييمي اللي طلع كداب وعمل عمليه تجميل

وونيس السلفي اللي كان بيفرش واحده معاه في العربيه علي الطريق الزراعي

وحازم ابو اسماعيل اللي امه طلعت امريكيه وكان بينكر ده علشان يدخل انتخابات الرئاسه وكان انصاره عاملين حمله بوسترات سنحيا كراما في كل حته في مصر

البرادعي انسحب من سباق الانتخبات واضطريت اؤيد ابو الفتوح لانه الاقرب ليا وبحترمه واعرفه من قبل الثوره وبيمثل لي الاسلام الوسطي اليبرالي 

دكتور عز الدين عمل تجربه لاول مره من نوعها بدا ينشر كل يوم حلقه من روايه باب الخروج علي جرنان التحرير وكان لسه مخلصهاش والاغرب الروايه كل اللي حصل فيها اتحقق في الست شهور اللي بعد كده بالظبط كانه مكشوف عنه الحجاب

بقي عندي اكونت لتويتر ولله الحمد

عملنا انتخابات النقابه الفرعيه  بتاعتنا وعملنا تحالف الثوره مستمره ضد تكتل الاخوان بس للاسف الاخوان اكتسحوا وفازوا

كان دكتور عادل مرشح النقيب وجاله اكتئاب بعدها لكنه اتجاوز ده

افتتحت مشروع العياده اللي شاركت فيها مع زمايلي وللاسف قفلناها بعد ست شهور

قضينا يوم في العين السخنه مع صحابنا كان يوم جميل مايتنسيش 

حصلت احداث العباسيه وكنت هاموت هناك عند وزاره الدفاع ويومها العسكر بطشوا بكل ماتوا من جبروت واعتقلوا ناس كتير مننا وكانت غلطه اننا نزلنا علشان نقف مع ولاد ابو اسماعيل وطبعا البيه كان نايم عند امه وسابنا نتفشخ  وفاطمه وبيرو عملوا مجهود علشان يوصلوا لي ربنا يخليهم ليا

حضرت مؤتمر الاسكندريه وبعدها حصلت خناقه كبيره مع امل سبنا بعض للمره التالته 

الفتره دي مكانتش بعرف انام كنت مبنامش الا الساعه سبعه الصبح وماكنتش بحب اروح من الشغل كنت بخاف اروح علشان هابقي لوحدي في البيت

كنت كل اسبوع ادخل سينما اروح عند عمتي المهم اغير جو اشتري كتب اكل بفظاعه لغايه ماتخنت دقني طولت وادمنت الشيشه 

ماكنتش عايش 

ماحدش يتخيل هي عملت فيا ايه ومكنتش اتخيل ان الفراق بشع بالشكل ده 

قابلت ربا 

معرفش ايه اللي خلاها تظهر في الوقت ده بس لها فضل كبير اني اتجاوز المحنه دي والوحيده اللي ارتحت لها وتدريجيا بدات احكي لها عن نفسي وهي تحكي لي وبقينا اصدقاء بس كنت حاسس ان الموضوع هيتطور لدرجه اني فكرت اتقدم لها وفاتحت اهلي في الموضوع بس حصلت ظروف كل حاجه اتاجلت

كان فيه صديقه تانيه حاولت تفوقني من اللي كنت فيه وانا مدين لها بالكتير  ضحا انت انسانه رائعه بجدومخلصه

اغنيه موبنييل اللي مصر كلها بقت تغنيها علشان نفضل نعيش مع بعض

اعلان اتصالات بتاع متقولش علي نفسك كده انت حد جميل 



امي اجلت العمليه لاجل غير مسمي واجلت العمره اللي كنت هطلعها معاها 
فيليب خطب 
نواره نجم اتزوجت واسماء محفوظ اتزوجت\
ابراهيم رجع اجازه قصيره من انجلترا 
 طارق بن عمتي خلف
طارق صاحبي رجع لرنا 

عمتي حفصه ماتت ومعرفتش اروح العزا ولا حضرت الجنازه

دكتور اكرم سافر بعد معلمني اشتغل حالات implant 

اشتريت الloupes  علشان شغل الاندو وكنت فرحان به جدا 

بدات اتقن الحالات الصعبه لعلاج الجذور

حضرت مؤتمر راس البر 

عمر سليمان اعلن انه داخل سباق الرئاسه وسبب رعب كبير ومجلس الشعب حاول يطبق قانون العزل عليه وعلي احمد شفيق وعمرو موسي باعتبارهم من الفلول

خيرت الشاطر مرشح الاخوان انسحب ودخل بداله محمد مرسي رئيس حزب الحريه والعداله 

الاخوان عملوا حمله دعم قويه جدا وضخمه وحشدوا انصارهم

عملنا حمله دعم ترشيح هياتم لرئاسه الجمهوريه


عادل صليب صاحبي بقي اسمه الشيخ عادل صليب علي تويتر 

انتخبت ابو الفتوح في الجوله الاولي وخسر لان السلفيين اتخلوا عنه  وروحت ابطلت صوتي في الجوله التانيه ومعصرتش علي نفسي لمون والكل حاول يقنعني اني ااجي علي نفسي علشان ادي صوتي لمرسي بدل شفيق لكني قاطعت الاتنين وعملت ده بضمير مستريح

البلتاجي طلع مع مني الشاذلي بيكشف حقيقه احداث موقعه الجمل وقال علي الهوا كلمه ياشراميط

خسرت محمد امين راضي واحد من اعز اصدقائي بسبب اني باركت للناس علي خساره شفيق 

بعد فوز مرسي في اول يوم من تسلمه الحكم عملنا حمله للافراج عن المعتقلين في السجون العسكريه اللي اتحاكموا ادام القضاء العسكري وروحنا للقصر نطالب مرسي بالوفاء بوعوده

من وقتها قاطعت اي نشاط ثوري وسياسي 

عمر سليمان مات في توقيت غريب تزامن مع مقتل عدد من الشخصيات الهامه في سوريا 
البابا شنوده مات
عمار الشريعي مات

جلال عامر مات 

مسلسل عمر كان اروع عمل درامي السنه دي في رمضان وطبعا استغليت رمضان في تطهير روحي ومسح الماضي

ربا بقت شيء اساسي بالنسبه لي لكن لسخريه القدر ظهرت بعد كده امل مره تانيه واتدمرت علاقتي بربا لاني ماقدرتش انسي امل للاسف وماشوفتهاش الا في عزاء والدها

حاولت اقنع نفسي اني ماحبتش ربا  لكن بالوقت اكتشفت انها كانت حاجه مهمه جدا ليا وضيعتها واتخليت عنها

مي خاطر اتزوجت محمد كمال صاحبنا

والد عمرو عبد العظيم اتوفي وزواجه اتاجل لفتره لكنه تم في النهايه

عمرو صلاح اتزوج

حضرت حفل زفاف قباري وياسمين وقابلت احمد عبد الماجد وفاطمه ومالك زوجها وكان يوم رائع  واللي رفع معنوياتي مالك

 اتخانقت مع اهلي وقاطعتهم وسبت البيت وسافرت الواحات قعدت اسبوع هناك بعيد عن الناس ومبردش علي حد

حضرت اول حفله لتجربه الايماكس في مصر مع فيلم جيمس بوند الجديد سكاي فوول وبعد كده جربت الثري دي بتاعهم

قريت روايه الفيل الازرق لاحمد مراد وارعبني وصفه لعلاقه يحيي بلبني اللي كانت بتنطبق علي علاقتي بامل

قرلايت روايه دكتور احمد خالد توفيق السنجه بس معجبتنيش اووي

لقيت روايه ورده لصنع الله ابراهيم اخيرا بعد بحث لمده 3 اعوام

لقيت روايه الابله لديستوفيسكي بس مخلصتهاش لسه

بقيت من مدمنين لعبه المزرعه السعيده

حصلت احداث الفيلم المسيء للنبي محمد وحصلت احداث عنف ووجدي غنيم طلع في فيديو بيشتم الاقباط وقالهم ياشراميط

مات 55 طفل مصري في حادثه قطار اسيوط 

جابر صلاح مات علي ايد الداخليه في شارع القصر العيني 
جابر كان من سته ابريل ومن اللي انتخبوا مرسي وايدوه 

قبل عيد ميلادي سافرت اسكندريه لوحدي وبالصدفه قابلت ضحا وجابتلي هديه من مكتبه ديوان بعتز بها جدا 

امل كلمتني يوم عيد ميلادي

بقي عندي 29 سنه وشعر ابيض طلع لي

اختي جابت ابنها التاني وحضرت الولاده لاول مره في حياتي اشوف عمليه قيصريه واشوف خروج طفل معلنا قدومه للحياه بصرخه 

كانت تجربه مذهله

حصلت احداث رفح ومات 13 عسكري مصري علي الحدود في سيناء

مرسي عزل المجلس العسكري وعزل طنطاوي وعنان لكنه كرمهم ودالهم قلاده النيل وعينهم مستشارين له

وعمل اعلان دستوري مكمل

يسري نصر الله عمل فيلم بعد الموقعه وشارك رسميا في مهرجان كان بس معجبش ناس كتيره لانه صادم بالنسبه للثوار

الاخوان واتشوفيسكي عملوا فيلم مبهر فيه كم ضخم من الممثلين علي راسهم توم هانكس واعتقد هيبقي له نصيب الاسد في الاوسكار الفيلم اسمه cloud atlas


حسن بن اختي بقي يعرف يجري ويتكلم 

مشروع النهضه طلع الفنكوش 

اوباما نجح في فتره رئاسيه تانيه 

اغنيه كوريه اسمها gandam style  عملت مليار ونصف مشاهد علي اليوتيوب

تميم يونس كشف سر علاقه بوجي وطمطم 

 احيينا ذكري محمد محمود

بعدها بفتره بكام شهر عمل اعلان تاني ادي لنفسه صلاحيات فشيحخه وحصن قراراته وحصن مجلس الشوري والتاسيسيه وشال النائب العام  والبرادعي كون جبه انقاذ وطنيه مع صباحي وموسي والفلول وبدالت مظاهرات في كل حته مصر ضد الاخوان 

نزلنا بعد كده عند قصر الاتحاديه في مسيره ضخمه ورغم الحواجز الامنيه قدرنا نتخطي والداخليه انسحبت من ادامنا وبعدها نزل الاخوان وحصلت اشتباكات ومات 8 مصريين وحصلت اشتباكات مع الداخليه عند بيت مرسي في الزقازيق

طلع المرشد بعدها بيقول ماذنب النباتات ومرسي طلع بيلوم اللي كسروا رفرف عربيه الرئاسه

تم الاعلان علي استفتاء الدستور وقاطعت الاستفتاء بعد ماقريت الدستور  

خسرت ناس كتيره بسبب تعصبي ضد الاخوان واتمهوني اني فلوول 


سما المصري الراقاصه عملت اغنيه بتتريق فيها علي الاخوان 

القنوات الدينيه بقت سافله

باسم يوسف خد حقنا من كل الاسلاميين وفضحهم ورفع معنوياتنا 

جربت الحشيش ومعجبنيش وماثرش عليا 

مابقيتش اقرا جرايد 

كتاب البرادعي اترجم للعربي وكتاب ثروت الخرباوي نزل بتاع سر المعبد اللي بيكشف فيه تنظيم الاخوان

مابقيتش اكلم والدي اللي شايفني من الخوارج علشان بؤيد البرادعي وبعارض مرسي

قدمت في الزماله المصريه لطب الاسره 

بدات افكر احضر كورسات الزماله البريطانيه 

قضينا حفله عيد ميلاد ابن عمرو مع كل صحابنا وكان يوم رائع قبل نهايه السنه في الشيخ زايد

شفت كميه افلام كارتون لديزني وبيكسار رجعتني عشرين سنه لورا


مروه اختي وانتيمتي مختفيه بقالها فتره وكان نفسي اشوفها قبل مالسنه تخلص

اه بيقولوا فيه اختفاليه في التحرير بكره بمناسبه راس السنه
غالبا هروح هناك

سنه طويله بس اهي راحت لحالها ولو لنا عمر يبقي الحال افضل وابقي غورت من البلد دي ومارجعش تاني 






ياللا كل سنه وانتم طيبين ياحلوين 

تاثير الفراشه

ماذا يحدث لو لم يموت خالد سعيد؟ منذ ثلاثه اعوام؟

ماذا يحدث لو لم يعود االبرادعي الي مصر؟

ماذال يحدث لو لم يحرق بو عزيزي نفسه وتم صفعه منذ عامين في تونس؟

ماذا يحدث لو لم انزل يوم 25 يناير؟

 

ماذا يحدث لو لم يعرف ذلك الحقير ماكان بيني وبين امل؟

ماذا يحدث لو لم اصارح امل بمشاعري او ابتعدت عنها؟

ماذا يحدث

ماذا يحدث لو كنت شخصا عاديا تافها انانيا ؟

ماذال يحدث لو كنت انضمتت الي جماعه الاخوان؟

ماذا يحدث لو كنت انضممت الي الحزب الوطني قبل اندلاع الثوره بشهر؟

ماذا يحدث لو كنت اكملت الماجستير؟

ماذا يحدث لو لم اهدر اموالي في مشروع فاشل؟

ماذا يحدث لو كنت مشيت جنب الحيط 

اكيد كنت هابقي احسن بكتيير من اللي انا فيه دلوقتي

ا