25

"أنا شاب لكن عمري ألف عا م وحيد لكن بين ضلوعي زحام خايف و لكن خوفي مني أنــاأخرس و لكن قلبي مليان كلام و عجبي"

صلاح جاهين




" die as a good one or live along to see ur self become a villan "

سفر التكوين

انطلق الكائن بسرعه صاروخيه تتجاوز سرعه الضوء في هذا النفق الدافيء المظلم وهو يري زملاءه يتهاوون من خلفه ويلقون

مصرعهم في منتصف الطريق رغم اعدادهم الهائله الا انه ادرك انه الوحيد الذي قدر له النجاه لاتمام مهتمه التي خلق من اجلها وفي

سباق مع الزمن كان القلق يكاد يقتله الا يصل في الوقت المنشود ولحسن الحظ تراءي له من بعيد الهدف راقدا ساكنا ينتظر قدومه فاسرع واسرع ليسلمه الامانه حتي لو كلفه ذلك حياته

5

4

3

2
1

اخترقه في اخر لحظه واطلق شحنته داخل جدران الهدف ليهتز المكاان كله وتتصاعد اهه عميقه من مكان بعيد تردد لها الصدي ثم انتهي كل شيء



*******
- - - - - - - - - - - -

سفر الرؤيه

نهض المخلوق من مكانه وحاول فتح عينيه لكن الضوء الساطع غشاهم فحاول ان يتحرك فشعر بالعجز حاول مره اخري

لكن اتاه صوت عميق هاديء رخيم قوي مؤثر

" هل اتي علي الانسان حينا من الدهر لم يكن شيئا مذكورا "

نظر الي المصدر فوجده هو نفسه مصدر الضوء شعر بالخشوع والرهبه ركز واغلق عينيه بشده وغاص في اعماقه واحس بنفسه ثم بدا يحرك اطرافه رويدا رويدا شعر بالاجهاد والتعب لكنه واصل امن انه يستطيع ان يتحرك ويقاوم وقف علي قدميه وقع ارضا لكنه حاول مره اخري حتي فعلها

وسيطر علي توازنه نظر الي الضوء فاته الصوت مره اخري

" هو الذي جعل لكم الارض ذلولا فامشوا في مناكبها وكلوا من رزقه واليه النشور "

نظر الي اسفل قدميه فوجد كوكبا لامعا في الفضاء به بحار تجري وجبال شاهقه واشجار تتمايل

راي الارض

راي نفسه سيدها

امسك بها وشعر بالقوه وادرك انه خليفه صاحب الصوت في الارض

- - - - - - - - - - - -

( واااااااااااااااااااااااااااااااااااااااااااااااااااااااااااااااااء) خرجت تلك الصيحه من المخلوق الهلامي الطري الملمس حينما امسك به كائنات اخري تتفحصه في اعجاب وفرحه واعطوه لكائن اخر دافيء الملمس ناعم حنون به طاقه ايجابيه من المشاعر الجميله

وجد نتؤ مرتفع يبرز من الكائن من صدره فتلقفه بفمه واخذ يلعقه ويمتصه في نشوه وهو يتجرع السائل الدافيء الذي دخل في اعماقه

- - - - - - - - - - - -

اصبح الكائن اشد تماسكا وتنتابه الاشارات والرؤي بسرعه داخل عقله والاغرب انها لاحداث لم تقع بعد لاناس اخرون واماكن اخري وعوالم اخري ولزمن لا ينتمي له

واصل لهوه مع رفاق في مثل عمره وراي نفسه يدخل مع اهله محرابا عملاقا ذو احساس مريح به حجر عملاقا اسودا يطوف حوله الاف من الكائنات الاخري تردد صوتا واحدا في خشوع وبعضهم يبكي وتحيطهم طاقه نورانيه لا توصف

راي نفسه مع اسرته يركبون طائرا عملاقا ينتقل بهم من ذلك المكان الي بلدا اخرا به صحراء واهرامات ونيلا وفرعونا عظيما نمرودا وشعبا متخاذلا سقيما كسولا

- - - - - - - - - - - -

اصبح الكائن له صفه واسما وسلوكا




تساءل في البدايه لما يجب ان يفعل مثل الاخرين وتساءل عن تصرفات البعض واهتمامهم باولويات تدعي الدراسه والعمل



الحكومي واكل العيش والزواج والخلفه والثانويه العامه والمظهر الاجتماعي والحجاب والنقاب والدقن والجلباب وقميص النوم والفرينش كت والميكرو جيب والاستريتش والكارينا والفيجا والشبكه والمهر وشقه علي النيل وعربيه فاخره ونائب مهم ووزير وطعام وفير وحب سيطره وزحمه وجهل وتخالف وانانيه ومصلحجيه وماديه وواقعيه ورومانسيه وبوهيميه وفلسفيه وفول وطعميه والحرام والحلال





وانفصام الشخصيه والازدواجيه والشيزوفيرينيا والتناقضيه والبحث عن الذاتيه والطريق للوجوديه والذات الالهيه






تساءل لما بني قومه وجنسه يشغلون بالهم بتلك الافكار ويحملون همومها




لما كل منهم ينشغل بنفسه ويبحث عن ذاته وعن سبب خلقه




وصف بانه غير عادي وربما مختلا مختلفا عن الاخرين في كل شيء نظر له اهله بشفقه وتحسر وكانه كائن غريب او مريض مع انه في الواقع اصح منهم اجمعين

حاول ان يتحدث عن اشياء واقعيه مستقبليه ويدلي برايه في اي مناقشه لكن لم يكترث له احد
فانعزل عن نفسه وصادق الكتب ليرتوي منها

- - - - - - - - - - - -

يدعونه انسانا ينتمي لجنس البشر مطالب منه التزامات ومسؤوليات مجبر عليها ليست باختياره مطالب ان ينافس الاخرون في كل شيء ويتفوق عليهم ويفعل مثلهم ويحذو حذوهم لكنه لا يبغي ذلك يريد ان يفعل مايريده هو ليس مايريده من حوله
يتدخلون في كل شيء ويفرضون سيطرتهم عليه
يريد اشياء اخري اشياء يحبها ويبرع فيها

يقول لهم دعونا من تلك الشكليات ولنرجع للماضي للبدايه دعونا نمرح ونعيش في طمانينه وسكون

لكنهم اصبحوا قساه بالنسبه له ونظر الي الزمن فراه قاسيا مكشرا عن انيابه

نظر الي الدنيا وجدها تضحك في خبث ومكر

- - - - - - - - - - - -

فرعون البلد العظيم حفيد الفراعنه القدامي يتعرض للاغتيال علي يد افرادا يتبعون تيارا يزعمون انه لنصره رسولهم وربهم ولامتهم فينجو الفرعون من خطتهم ويفتك بهم ويعذبهم ويخصيهم وينفيهم ويهين انسانيتهم


فيقرروا الانتقام ويتمادوا في عنفهم ويردوا بسياسه العنف مقابل العنف والبادي اظلم والعين بالعين والسن بالسن
فيقوم بابادتهم نهائيا ليثبت قوته

ثم يخرج الي شعبه ويقول لهم انا ربكم الاعلي وهذا ولدي من بعدي قد ولييته عليكم فاياي فاطيعون

- - - - - - - - - - - -

يسمع كلاما عن فساد الناس وانحلالهم الاخلاقي وجبروتهم وظلمهم وقهرهم وظنهم انهم اسياد الكون ومرحوا في الارض عبثا وفسادا
وفي يوم كان يلهو مع اخوته في منزلهم اذ بالارض ترتج من تحت اقدامهم ويسمع نفس الصوت العميق المؤثر يخاطبه مره اخري

" ويل للمطففين الذين اذا اكتالوا علي الناس يستوفون واذا كالوهم او وزنوهم يخسرون الا يظن اولئك انهم مبعوثون "

يصرخ فزعا علي امه التي بالخارج لكن كل شيء يسكن يري الاخبار وهي تنقل ماحدث وماصاب الارض ونواحيها

يري الظلمه مازلوا يحيون فيسمع نفس الصوت

" ويمدهم في طغيانهم يعمهون"

- - - - - - - - - - - -

يسمع اخبارا عن بلادا بعيده وقريبه بلد به محرابا مقدسا يحتله اناس اخرون مسلحون بالحقد والكره والظلم والهمجيه وياقال لهم احفاد كائنات مشعره تتسلق الاشجار واخري تلهو في الطين بقذارتاها
يسمع عن انتفاضه وثوره من الشعب المحتل ضد الظلمه اللذين حاولوا انتهاك المكان المقدس

يسمع عن قاره عملاقه تسيطر علي العالم بقوتها بلا حدود تتعرض للهجوم من قبل فئه قليله ضعيفه بدائيه تذيقها الذل والمراره

يترتب علي ذلك تغيير التاريخ وخريطه العالم ويترتب عليه تغيير مسار حياه الانسان من طريقه الي كهف العلم الي كهف الطب
ورحيله الي بلد اخري لتلقي العلم والمضي في مصيره مع اناس اخرون مختللفون عنه

يقابل انسان اخر مثله لكن ملامحه ارق واجمل تخلب لبه ويصبح عاشقا لها ومجنونا بها لكنه يكتم حبه بداخله ويصبح حبا من طرفا واحد طيله 6 اعوام صامتا يتالم ثم يترك انه وهم كبير عاشه وقد اضاع وقته
يختلط وتتسع مداركه وافقه ويدرك الحقيقه الزائفه للعالم وماصبح عليه

يتغير ويصبح قاسيا ساخرا ناقدا لاذعا متشائما واقعيا صارما بعدما راي ما صار اليه البشر وتعفنهم وتعفن نفسه والظلمه التي تجتاحه لتبتبلعه يري كفه الضوء والعدل والرحمه مازالت قائمه تحارب من اجل بقائها ضد كفه الظلام والحقد والكراهيه والطغيان

يصبح في الوسط مابين الكفتين ويبذل جهده لوزن الامور وحفظ التوازن كيلا ينهار العالم
يتعرف الي رفاق اخرين مثله وحالمون مثله يحملون نفس افكاره يقابلهم في عاالم اخر موازي لعالمنا وغير مرئي باسماء مستعاره لكن بروح نقيه صادقه بدون اقنعه وزيف

يتناقشون يتحاورون يضحكون يحلمون يكتبون ليغيروا العالم الي مكان افضل بعدما شعروا ان الواقع اصبح لا يحتمل المعيشه في ظل تلك الظروف

لكن انساننا يقع في المحظور ويرتاد العوالم السفليه الساكنه بالشياطين ويغرق معهم ويتغير وتتشوه روحه لانه لم يصمد اختار بيديه الظلام اختار ان يكون لاعبا في عالم بدون قواعد ولا قيم ولولا تدخل القدر وانقاذه علي يد انسانه اخري من عالم النور مثله ضحت بكل شيء من اجله وحده وبذلت نفسها في سبيله وهي لم تطلب منه اي شيء سوي ان يصمد من اجلها

لم يعرف قيمتها الا بعد فوات الاوان وبعد ان تسبب في المها وجرحها وتذكر انها كانت دائما بجانبه ولم تتخلي عنه ابدا بعكسه هو الاناني
اراد ان يساعدها لكنه شعر بالعجز

فيقرر الانتظار حتي تتحسن الظروف وحتي يستعيد عافيته وينهض من جديد

نعم سينهض ويستكمل قدره ويبحث عن ذاته في تلك الرحله التي ظلت ربع قرن

25 عاما من السفر والترحال

يري نفسه وقد وهن جسده وضعفت عينيه ونمت لحيته لكن بداخله مازال قلب ينبض وعقل يحلم

ولن يتوقف حتي لو فني جسده فروحه مازالت موجوده ولن تغادر الا بامر ربها

الرحله مازلت في بدايتها

الملائكه للمتهم

" تكلم وقول الحقيقه امام الرب"

" نعلم انك مذنب ومفعم بالخطايا"


المتهم " مذنب ام لا

لا يهمني ذلك

ماهتم بامره هو شيء واحد فقط


كنت اعمي والان ابصر "

تمت

رمضان 1429

سبتمبر 2008

نوستالجيااااااااا رمضانيه

رمضان رجع من تاني ورجعت معاه زكرياتنا

ده هيبقي اول رمضان من غير مانفطر مع جدتي اللي توفت من شهرين

اول رمضان مانروحش فيه البلد زي كل سنه واول رمضان بيت العيله يتقفل فيه

ده تاني رمضان من غير احمد صاحبنا اللي مات السنه اللي فاتت

ده رابع رمضان من غير عمي عبد العزيز الله يرحمه

ده اول رمضان من غير مانتجمع انا وصحابي زي كل سنه علشان محمد في الجيش وعمرو في القاهره وابراهيم في القاهره ومش هنشوف بعض الا كل خميس من رمضان لكن مش هنبقي زي زمان للاسف

ده هيبقي تالت رمضان استمتع به من ساعه ماتخرجت من الجامعه من غير مزاكره ولا سفر ولا قرف بس بيني وبين نفسي باشتاق لايام رمضان في الجامعه

باشتاق لايام الفطار الجماعي وايام مكانت باتبهدل في المواصلات علشان اوصل رمسيس بس من كتر الزحمه والخنقه

باشتاق لايام ماكنت صغير باجيب فانوس رمضان والعب به انا واخواتي بعد الفطار والنينجا ترتلز والباور رينجرز

باشتاق لايام ليالي الحلميه وزيزينيا والمال والبنون لما كانت الدراما المصريه متوهجه وقتها

باشتاق لايام فوازير شريهان وعمو فؤاد وايام مسلسل هارون الرشيد وعمر بن عبد العزيز وقت السحور

بافتكر رمضان 2006 لما عشت رمضان بكل لحظه فيه وماضيعتش وقت خاالص وطلعت منه راضي عن نفسي وياريت ده يتكرر السنه دي واقدر ارضي نفسي وابعد نفسي عن اي معصيه واي حاجه تغضب ربنا واتم كل الفروض والعبادات اللي عليا

بافتكر ايام صلاه التهجد وانا باعيط وانا ساجد وبادعي ربنا واطول في السجود

بافتكر ايام حرصي الدائم علي صلاه التروايح واغيظ اصحابي كل سنه اني ختمت القران قبل ال 10 اواخر من رمضان

رمضان 2007

شغلي في الجمعيه كان اكتر من اي فتره قبل كده وعملنا خير كتيير جدا وادخلنا الفرحه علي قلوب اسر كتيره

وساهمنا في نشر جو الموده والرحمه والرضا عن الحياه ولو لفتره قصيره

صحيح ناس مشيت من رساله وناس تانيه جت لكن لسه هدفها واحد ورسالتها مستمره والحمد لله

رمضان 2007 خاص اكتر لسبب في نفسي انه كان مرحله فاصله من التردد والشك والخوف لانتقالي لمرحله اكبر ومقابلتي لشخصيه مهمه جدا في حياتي

رمضان 2007 كان احلي افطار جماعي مع زمايلي في الشغل في العاشر من رمضان كان يوم اكتر من رائع

رمضان 2007 كان عيد ميلادي الخاص قبل السحور اصحابي احتفلوا به معايا في نادي المصريه بلازا

رمضان يجمعنا زي كل سنه صحيح الدنيا اتغيرت والناس اتغيرت لكني حريص اني استمتع به زي كل سنه

رمضان فرصتي اني اطهر نفسي من العبء الثقيل اللي مستحمله بقاللي 9 شهور واحاول اعوض حاجات كتيره قصرت فيها للاسف

يارب اغفر لكل احبائي اللي رحلوا وباشتاقلهم وارحمهم في الليله المفترجه دي

يارب بلغني ليله القدر ومش عاوز حاجه بعدها وكفايه كرمك عليا والجميل ده

يارب ارشدني اني اخليني في الطريق اللي انا رسمته لنفسي وماشي فيه لغايه مانت تقولي اقف وهاقف

يارب ارعي وصون اهلي علشان هم تعبوا جدا علشاني

يارب خد بيدي وارشدني للراحه الابديه وراحه البال اللي بادور عليها من زمان واشرح لي صدري ويسر لي امري

محطات ترانزيت

كانت اجازه سريعه كده علشان الواحد يشحن ويعرف يدخل علي رمضان وهو شبعان علي الاخر ابتدت التلاتء من رمسيس للتحرير للهرم وبعد كده رمسيس علي اسكندريه ومن هناك لمارينا وبعد كده اسكندريه تاني علي رمسيس لمصر الجديده ومن هناك للتحرير علي رمسيس لبيتنا والحمد لله وده كله من التلاتتاء للسبت يعني انجاز

هي صحيح كانت البدايه بتاعتها شؤم شويه لما كنت هناك في التحرير وقت ماولع مجلس الشوري بس ربك سترها

والواحد اهم حاجه انه اتبسط لما قابل اعز اتنين عرفهم في ايجي واجدع ناس بجد محمد قباري واحمد ماجد كان والله الواحد عارفهم من زمان جدا وقضينا وقت كويس وكان نفسي ييجوا معانا مارينا ويظبطونا هناك بس ان شالله المره الجايه

ندخل بقي في الموضوع الاساسي

الاهمال

احنا شعب مهمل فعلا بجد مش هزار

الاهمال والاستهتار بيغلف روحنا لاقصي درجه بشكل بشع

مش علشان حكايه الحريقه بتاعه مجلس الشوري ولا العباره اللي غرقت ولا قطار الصعيد ولا حريق بني سويف في المسرح ولا الفتنه الطائفيه ولا البلطجه ولا تسريب امتحانات الثانويه العامه

فكك يابني ويابنتي

الحاجات دي مسئوله عنها الحكومه

انا بتكلم عامه ولا علشان الحكومه بتاعتنا مهمهله يبقي احنا لازم نبقي زيهم

ولا سوء اداره الازمه ولا كيفيه التعامل معها

ده كله اللي جايبنا لورا

مابنتحرحكش الا لما المصيبه بتحصل وبعد مالكرسي اتكسر

حاجه تنقط بصراحه ناس ماشيه كده بظروفها ويقولك ربك يفرجها ماشي ياعم الحاج بس برده ناخد بالنا ونعمل احتياطتنا

واللي حصل يوم الجمعه باالليل في شارع الكوربه في مصر الجديده خناقه كبيره جدا شويه مراهقين اهاليهم ماربوهمش كانوا هيدبحوا بعض ومافيش امن خالص في الشاارع مع ان المفروض اليوم ده بيبقي الشارع مقفول للمشاه بس من 10 الصبح ل 10 بالليل علشان الناس تنزل تتمشي ويبقي علي الاقل فيه وجود امني لكن لا حياه لمن تنادي اهمال وتسيب لاقصي درجه وشويه عيال نازلين علشان يتمنظروا وينفخوا بعض حاجه تقرف بجد

اما الحكومه المبجله بسم الله ماشاء الله علليها عداها العيب

في حد يطفي حريقه بالمياه؟ فيه مواد مخصصه لاطفاء حريق وبعدين ازاي يقعدوا 8 ساعات فيها؟

ليه هي غابه اتحرقت ؟

الحكومه برده ماتحركنش في مساله الانفجار السكاني الا بعد 28 سنه وجايه تعملك حمله تنظيم النسل دلوقتتي؟

ااااااااااااااااااااااااااااااااااااخ

الحكومه جايه تطبق قانون المرور ؟ فيه حاجه اسمها قانون المرور اصلا المرور معروف قوانمينه من الازل جايين يفتكروا دلوقتي ان كان فيه حاجات المفروض يعملوها من الاول ولما لما اتنزقت في شويه فلوس قالت تعالي نخنصر شويه فلوس من الشعب

وايه حكايه مترو الانفاق دي

انتم بتشتغلونا ياعالم ولا ايه؟ قمه الاهمال

اقسم بالله العظيم الكارثه الجديده اللي هتحصل للشعب هتبقي في مترو الانافق وهتبقي كارثه بجد لان هيبقي فيها اعداد ضخمه

مترو الانفاق عاوز صيانه عاوز اهتمام وتنظيم

بصراحه انا لو مكان الريس اشيل الحكومه الفاشله دي اللي ماحققتش اي حاجه لغايه دلوقتي للناس غير انها موتت النتاس وجابت لهم الضغط

طبعا الريس عمره ماهيسمعني ومش عاوزه يسمعني بس عامه الرصيد بتاعكم بقي اووفر اوي والناس مش هتفوت اللي هيحصل بس لما يفوقوا لنفسهم ان شالله والناس نفسها تبقي ملتزمه وتبطل اهمال

wall - e

خارج النص انا بحب افلام الكارتون جدا

ومابخجلش اني ادخلها سينما

وباسمتع بها جدا وخاصه الفيلم ده الاخراني

مش مجرد فيلم كارتون والسلام ده فيلم هام جدا عن الارض عن مصير الارض في المستقبل وعن مدي اهمالنا للعالم اللي احنا عايشينه وعن خوفنا من اننا نفقد الصله بتراثنا وزكرياتنا ويصبح اعتمادنا الاساسي علي التكنولوجيا ونهاجر ونسيب الوطن بحثا عن رفاهيه مزيفه

ده كله شركه بيكمسار الرائعه عملته في فيلم ساعه ونص بس بشكل جذاب وعميق هيخليك تفكر مليون مره وانت طالع من السينما وتقول ازاي ربنا مدينا عالم رائع زي وكوكب جميل واحنا بندمره بنفسنا

مش فيلم عن روبوت وحيد عايش لوحده بروتينيه يوميه منتظر انه يجد الحب يوما ما بيمثل البني ادمين بيمثل الانتظار وبيحارب في سبيل اثبات وجوده ووجود الحياه المتمثله في نبته صغيره لم يمسسها التلوث بعد

بيحارب في سبيل العوده للوطن من اجل مستقبل افضل بيبذل اقصيب مابوسعه في سبيل من يحب

مش هاعرف اوصفلكم بصراحه لكني بكيت في مشاهد كتيره من شده التاثر ولاول مره ابكي في فيلم كارتون

احنا عامللين موضوع عن الفيلم في ايجي http://www.egyfilm.com/Forums/viewforum.php?f=45&sid=eeb1ab893d4d9d80c48102e8ec524d01

انا ماكنتش عاوز ارغي ده كله انا مالي بس انا لسه راجع من اجازه

.......................................

بعيد عن خنقه الشغل والناس والبلد والحكومه

وبعيد عن كل مشاكلنا الاجتماعيه والنفسيه

وبعيد عن الضغوط والاحباطات

وبعيد عن الزحمه والعياط

وبعيد عن قله الحيله والفقع

وبعيد عن سكه الانتظار

هاخليني في غيبوبه يومين تلاته واسلخ جلدي واغسل دماغي واطهر نفسي وبعد كده ارجع استعد واستني من اول وجديد

خارج النص

من فتره قريت روايه وكاله عطيه لخيري شلبي هتخليك تنسي الدنيا وتقضي 5 ساعات قرايه تعيش في جو خيالي واقعي ينسيك اهلك

شفت برده فيلم amelie هيخليك تحس بعذوبه نفسك وان الدنيا دي ولا حاجه وعيشها زي مانت عايز وبالطريقه اللي انت عايزها مش الناس عايزينها

انتم بتاخدوا فييزا؟؟؟؟؟؟؟؟؟؟؟

معلش استفسار بسيط حضرات الحكام

انتم بتاخدوا فيزااااااااااا؟ ولا مابتاخدوش؟

شكلكم كده بتاخدوا

معلش حضرتك هدفك ايه في الحياه؟ غير ان عندك شبق ومابتشبعيش ؟

معلش هو حضرتك مثل اعلي للشباب المصري ؟ ولا بتاخد فيزا ؟

يابن الظريفه جرررررررررررررررررر

A- 7-A

اكيد بتاخد فيزا

انت بتاخد فيزا؟ اه

وانا كمان باخد فيزا

كلنا بناخد فيزا

تعالي ناخد فيزا

بس يارب يكون في فيزا كفايه تكفينا كلنا ونلحق نتعنش بها

عاشت الفيزاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

غروب الفجر

fairy tales

هو شرس وعصبي جدا وبيغلي من جوه ولسانه لازع وناقد

هي طيبه جدا وهاديه ورقيقه وغلبانه وصبوره وكريمه

هو : انا لا يمكن ارتبط بقصه حب ده كلام فارغ وهجص وشغل مراهقين وبنات اليومين دول عاوزين الحرق وضرب البلغ ماتربوش جتهم البلا

هي : انا لا يمكن اخلي حد يضحك عليا بكلمتين ويعيشني في قصه وهميه انا ناضجه وعاقله وعارفه ان كل الرجاله غشاشيسن ومنافقين ومش بتوع جدا ولا بتوع زواج

هو : ده عند امها اللي هتقولي انا بحبك حبك برص و10 خرس انت بتعملي كده علشان عاوزه تصطادي عريس وخلاص اه منكم يابنات حواء شويه افاعي

هي : انا ليا زاتي وطموحي ومش هاخلي واحد ييجي يقولي اقعدي في البيت علشان العيال والطبيخ ويخليني خدامه عند اللي خلفوه لا انا ارقي من كده بكتيير

بعد شهر من اول مقابله

هو : غريبه البنت دي اول مره اقابل زيها عقلها حاجه روعه غير اي بنت تانيه بجد انا مندهش هل فعلا فيه بنات لسه زيها في زمننا ده؟ ثقافه ايه واداب ايه وتدين ونضج

هي : ايه ده؟ ده غير فكره الرجاله تماما عني راجل بجد طموح وواثق من نفسه ومتحضر ومثقف ومش له اي نيه سيئه ولا اي رغبه وسخه فيا

بعد اول شهرين

هو : ايه ده؟ في ايه؟ انا وقعت ولا ايه؟ انا مش بابطل تفكير فيها ايه اللي حصل لا لا لازم ااافوق وانهي علاقتي بها دي مجرد صداقه

هي : يالهوي معقوله قلبي اتحرك؟ لا لا اثبتي يابت اوعي تتهزي بس ليه انا عاوزه اسمع صوته واشوفه كل يوم واشوف عينيه الحلوه وماتكلمش خالص ادامه

بعد 6 شهور

هو : وبعدين بقي اعمل ايه ياربي

انا بحبها بحبها جدا انا ماتخيلتش ان اليوم ده هييجي بس انا فعلا مش قادر ابعد عنها خلاص اتعودت عليها ومابقتش شايف غيرها بس لازم اكون نفسي وابني مستقبلي معقوله هتستناني انا ماقدرش اتقدم لها دلوقتي خالص ياربي اعمل ايه بس ظروفي مش كويسه واهلي لا يمكن يساعدوني دلوقتي

هي ارحمني يارب انا باتنفس نفس النفس بااعه وباشوف من عينيه وباسمع من صوته هو كل حياتي هو املي ونوري وعقلي مش قادره ابعد عنه لحظه رحمتك يارب وصبرني بس هو ليه ماتقدمش لغايه دلوقتي انا خايفه وقلقانه مووت خايفه يروح مني

بعد سنه

هو : وبعدين بقي انا موقفي محرج جدا مافتحتش معاها موضوع الزوج لغايه دلوقتي ومكسوف جدا بس ماقدرش لان مش بايدي حاجه وخايف اقولها تسيبني مش قادر بجد اتخيل ده ده انا اموت لكن هي ذنبها ايه تستناني ده كله انا كده اناني جدا وبظلمها

هي : مش عاوزه اضغط عليه اكتر من كده بس موقفي محرج في البيت عماله ارفض كل العرسان علشانه وهو ماتحركش وبدات ازهق ويجيلي ياس مش عاوزه افتح معاه الموضوع علشان هو مش ناقص ربنا يكون في عونه وهو محتاجني جدا معاه

بعد سنتين

هو : هي مالها مابتتكلبمش ليه وبارده جدا ومابقتش تيجي في مواعيدها وكل شويه بحجه وبعدين مابقتش زي الاول وبقت تقعد ساكته معايا ايه التغيير ده ياتري انا عملت حاجه ؟ هي مش قادره تقدر اللي انا فيه حرام عليكي بجد ياشيخه فلقتيني

هي : هو مابقاش يحبني انا متاكده من ده خلاص اتغير وزهق مني وعاوز يخلع خساره بجد بيكنسل عليا ودايما مشغفوول وكل شويه يسافر وبيكدب ليه بس كده ده جزائي اني صبرت عليك واستحملتك

القلب : هتعانوا وهتتعبوا وهتزعلوا وتعيطوا بس ماينفعش تستمروا اكتر من كده علاقتكم بتموت

العقل : لازم تسيبوةا بعض خلاص الحدوته خلصت وحرام كده

القدر : يمكن مالكمش نصيب في بعض دلوقتي ويمكن الزمن كفيل انكم تنسوا بعض

توته توته فرغت الحدوته

out-of-such-world

مدونه من المدونات النادره اللي اول ماتدخلها تخلها ببطء وتحس بشيء غريب وانت جواها

ان صاحبه المدونه دي حساسه جدا من الصور والمقولات والامثال اللي مليانه حيطان المدونه

صاحبتها تحس انها هشه جدا وخايف وانت بتتحرك جوه المدونه تخدش اي حاجه او تكسر اي حاجه

تبتدي تبص علي المواضيع اللي كاتباها هتصدم ان رغم الشكل الخارجي الرقيق للمدونه لكن كلمات وسطور المدونه وعمق مواضيعها اكثر جاذبيه بكثيير ممكا كنت تتخيل

بتتكلم في كل حاجه الفلسسفه الشعر الفن السينما باسلوب عميق للغايه من غير زعيق او جعير بشكل سلس

صحيح انها بتكتب باللغيتين العربيه والانجليزيه لكنها متمكنه جدا منهم

من المدونات اللي وانت طالع منها هتحس ان انت ماضيعتش وقتك وانت بتتصفج اجوائها

لاعضاء ايجي فيلم هي عضوه مميزه جدا بمواضيعها وهنا اثبتت نفسها اكتر

عنوان المدونه

http://out-of-such-world.blogspot.com/2008/08/children-dangers-of-technology.html

من فيلم قص ولزق

في عز فرحتنا دايما نلاقي الخوف

واقف في سكتنا مشتاق لنا وملهوف

كاننا وحشينه مع اننا عايشينه

خوف خلانا واحنا مغمضين من شوقه

لا عمره خلا القلب يفرح فرحه بجد

ولا عمره خلا حد مطمن لحد

كاننتا واحشينه مع اننا عايشينه

خوف خلانا واحنا مغمضين بنشوف

ياما حاولنا وكان نفسنا

ننسي روحنا ونسيب نفسنا

بس تملي بيفوقنا شعور بالخوف

الاغنيه الجميله دي بصوت هدي عمار من الفيلم الرائع الجميل قص ولزق اللي بيعتبر افضل فيلم شفته في 2007

الفيلم ده بيعبر عن جيلنا وعن حياتنا عن الشباب اللي عايشين وميتين

بعد مهتشوف الفيلم هتتغير نظرتك للحياه ويمكن ماتتغيرش لكن لازم تشوفه

الفيلم متوافر حاليا علي نسخ دي في دي ومع باعه الجرائد وعلي مواقع عديده علي النت

نصيحه شوفوا الفيلم وقولوا رايكم

فوتكم بعافيه

النوستالجيا الكبري ياجدعان

a legend

a song



....................................................................................................................

Non, rien de rienNon, je ne regrette rienNi le bien qu'on m'a fait, ni le malTout ça m'est bien égal

Non, rien de rien Non, je ne regrette rienC'est payé, balayé, oubliéJe me fous du passé

Avec mes souvenirs J'ai allumé le feuMes chagrins, mes plaisirs Je n'ai plus besoin d'eux Balayés mes amours Avec leurs trémolos Balayés pour toujours

Non, rien de rienNon, je ne regrette rien Ni le bien qu'on m'a fait, ni le malTout ça m'est bien égalNon, rien de rien Non, je ne regrette rienCar ma vie Car mes joies Aujourd'huiça commence avec toi

***********************

لا...لا أنـدمُ على شيئٍ لا.. لا شيئ من لا شيئلا.. لا أندم على شيئلا ما أحسنوه إليّ و لا ما أساؤوه كل هذا عندي سيّان


لا.. لا شيئ من لا شيئلا.. لا أندم على شيئ فكلّه مضى.. انقضى ..انتسى لا أبالي بالماضي

مع ذكرياتي أوقدتُ النارأحزاني..سعاداتي لم أعد أحتاجهم رحلوا عشاقي مع زغرداتهم رحلوا للأبد وأعود إلى الصفر

لا.. لا شيئ من لا شيئ لا.. لا أندم على شيئ لا ما أحسنوه إليّ و لا ما أساؤوه

كل هذا عندي سيّانلا.. لاشيئ من لا شيئ لا.. لا أندم على شيئلأنّ حياتي لأنّ أفراحي اليوم.... تبدأ معك أنت

***********************

معرفش ليه جبت الاغنيه المشهوره دي لاديث بياف صوت فرنسا لكنها بتعبر عني تماما باستثناء الجزء الاخير



انا فعلا بقيت زيها

..............................................................................

book...........

and movie........

انا مكبوت ومضغوط

علشان كده حالتي النفسيه بتسمح لي اني اتكلم عنهم

الكتاب و
الفيلم طبعا غني عن التعريف وعن الشهره لانه من الافلام الصادمه جدا واللي حققت نجاح منقطع النظير نظرا لتناول الفكره والموضوع بشكل جريء ومرير

القصه ببساطه عن المجتمع المعاصر اللي اصبح افراده مفككين داخليا مدمرين نفسيا مكتئبين نتيجه للمجتمع الراسمالي الاستهلاكي البارد القائم علي الروتين واستعمال البشر كعبيد واستهلاكهم لاقصي درجه وازاله مشاعرهم بالعمل وادمان المنتجات الاستهلاكيه والاحلام الزائفه والقيم والرموز الفاتره المثيره للاشمئزاز والتي من المفترض انها مطمح جميع الناس

عن غسيل المخ الذي تعرض له البشر في عالمنا وزمننا المعاصر وسحق ارادتهم وشخصيبتهم
بطل الفيلم مصاب بالاكتئاب والاحباط وكاره الحياه المعاصره وكاره المجتمع وبيحتقره وبائس جدا لكنه في نفس الوقت مش قادر يعمل اي حاجه بيحاول انه يتعالج من اكتئابه بحضوره لجلسات علاج نفسيا لمرضي اخرين زي المصابين بالسرطان والايدز وامراض نفسيه اخري ويحاول انه يحاول البجث عن اصدقاء ليس له عائله

يشعر بالوحده والارق والملل في حياته التي بلا معني او هدف


يقابل شخص هو النقيض منه تماما يعيش بحريته متحديا المجتمع وراكل مؤخرته بعنف يقترح عليه انشاء نادي للقتال لتفريغ غضبهم وكبتهم ووازاحه همومهم النفسيه الرهيبه

راحه لن تتحقق الا باراقه الدماء والعنف وبسخريه الفيلم الرائعه تجد ان معظم الازواج والكثير جدا من المواطنين انضموا لهذا النادي السري ذو القواعد القاسيه والعنيفه











نادي القتال بيمثل ماوصل اليه حال الرجل رغم انه الذكر الا انه اضعف من الانثي في زمننا انه لا يحتمل مواجهه الانثي لانها اقوي منه بمراحل فسيسبب هذا له الخزي والعار





اصبح الرجل مخصيا كما يجوز لي الوصف




في نادي القتال بتطلع كل رغباتك وجموحك وكرهك وحقدك اللي اتكون بسبب المجتمع اللي انت عايش فيه

وتدريجيا بتبتدي تتمرد علي المجتمع وتطلع له لسانك وتقوله طز فيكي وفي اللي حطوا القوانين والقواعد للمجتمع

طز في الشعارات والمباديء والقيم

طز في الناس وتفاهتهم وبتبتدي تستريح لكن مابتهداش الا لما تصمم علي تلقين المجتمع درسا لن ينساه

انك تحطم رموزه وقيمه بنفسك علشان توري العالم كله انه مبني علي حاجات فانيه وضعيفه


هتحاول انك تكون خليه ثوريه مجموعه مناهضه للحكومه وللمجتمع اشبه باللي عملوه الجماعات الاسلاميه المتطرفه لكن انت مابتطمعش في سلطه او جاه او مركز او مال


انت بيتحاول تبكي وتصرخ باعلي صوتك

تحاول تتخيل اشخاص بتمزقهم وتقطع اشلائهم

بتحاول توجه طاقه العنف الرهيبه اللي جواك وكل الام السنين واحزانها بتطلعها بكشل متدفق كنهر لا يجف

ده حال الانسان المعاصر رغم الحضاره والتقدم والعولمه الا انه اصبح وحيدا خائفا محبطا

اصبح يشعر بالضاله وبعدم جدوي الحياه

اصبح ينتحر يوميا او يدمن مخدرات او ينجرف الي عوالم الظلام والجنس والانحراف

اصبح يمشي في وسط الناس تائها حائرا غاضبا

يشعر بالعجز وبقله الحيله


بيقولوا ان المثقفين اكتر ناس معرضين للاكتئاب معرفش الكلام ده صح ولا لا انا مبعتبرش نفسي مثقف ولا حتي افقه اي شيئ

لكني فعلا زي بطل الروايه مصاب بكل ماتم زكره

ارغب في الانضمام الي نادي القتال لكي استريح لكي استعيد ادميتي

ادميتي التي لن تتحقق الا بالعنف والدم

فيه مكتئبين كتير ومحبطين اكتر موجودين زيي ومتفقين معايا

بادعوهم لتكوين نادي خاص بنا

ليس بالبضروره ان يكون ناديا حقيقيا للعنف لكن علي الاقل نحاول به اظهار وجهه نظرنا وصوتنا للعالم


نحاول ان نثبت للعالم اننا موجودين واننا لن نندثر تحت اقدامه العملاقه

نحاول ان نترك اثر في وجه الزمن

لن نخلق عالما خياليا مثل مافعلوا في ماتريكس او ارض الاحلام والوعود

بل سنخلق عالما داخل عالمهم


سنقتحم منزلهم ونخرج مقتنياتنا

وليحتمل العالم والمجتمع مابداخلنا فهو الكثير


الويل ثم الويل

والهول
هو ماينتظركم

ماسبق يمثل 90 بالمائه مني

.........................................................

مصر الجديده

يمكن علشان فعدت هناك 5 سنين ايام الدراسه فاتعلقت جدا بمصر الجديده حبيتها شايفها اجمل جزء في القاهره بعد وسط البلد والحسين

يمكن علشان مافيهاش الغوغائيه المعتاده والزحمه الخانقه ويمكن منظمه اكتر وهاديه اكتر رغم ان فيه حتت تانيه منظمه ومنسقه زي المهندسين و 6 اكتوبروالمعادي الجديده

لكن مصر الجديده فيها سحر خاص سلب لبي واثر علي كياني

علاقتي بها بدات من سنه 1999 ومستمره لغايه دلوقتي

من اول مره نزلت فيها شارع الميرغني ومحطه كليه البنات وانا بقيت اسير للابد في الجزء ده من القاهره

بحس انه بلدي التاني بعد الزقازيق يمكن مابستريحش الا فعلا في بيت عمتي هناك في شارع اسماء فهمي اللي ادام كليه البنات علي طول

بحس اني اصلا كنت موجود من 50 سنه هناك من قبل حتي ماهلي يبقي لهم وجود

عارفين الاحساس ده ولا انا بهيس

انك اصلا بتنتمي لمكان عمرك ماشفته الا متاخر

مصر الجديده للاسف عيبها انك لما تطلع منها تبتدي تشوف قباحه العالم الخارجي وقرفه مع احترامي لكل سكان القاهره وبدون عنصريه او تحيز

لكني فعلا شايفها حاجه تانيه خالص

يمكن حتي سكان مصر الجديده مش مهتمين بجمالها ولا بسحرها يمكن علشان اتعودوا عليها كتير

انا قعدت 5 سنين كنت اخاص جامعه واطلع من رمسيس علي بيت عمتي علي طول وبالليل اخرج انا وابن عمتي بالعربيه نقعد في اي كافيه او ندخل سينما او نروح ناحيه قصر البارون او نتمشي بالليل خالص في روكسي والشوارع فاضيه ومافيش حد

نعدي في شارع العروبه وعلي القصر الرائاسي

ننعد في كوستا اللي ادام نادي هيليوبوليس لغايه مابقيت من مدنين كوستا منك لله ياللي في بالي

فاكر سنه 2006 ايام مامصر خدت كاس البطوله الالمم الافريقيه

مش عاوز اقولكم مصر الجديده كانت مقفوله تماما من كل حته بكميات لا تصدق من الشباب والبشر بجو رهيب مكانش فيه اوكسجين والاعاداد الغفيثره كانت كفايه بتكوين جيوش لتحرير القدس

معظم خروجاتنا كانت بتبقي بعد الساعه 10 بالليل ونرجع علي 4

بحب المترو بتاعها رغم انه سكه وبيعطل كتيير لكن فيه متعه كده تحس ان النحاس باشا بنفسه ومكرم عبيد كانوا بيركبوه زمان ايام الملك فاروق

انا عارف اني اناني اني بتكلم كتيير عنها بس اعمل ايه بحبها جدا ولازم كل اسبوع انزل يومين هناك علشان استرجع زكرياتي دول 5 سنين مش اي كلام يعني

ده عيب اللي عنده نوستالجيا زيي مابيعرفش يتخلص منها ابدا