حكايه

Music Playlist at MixPod.com

مش بسببها هي لوحدها هابطل تدوين الفتره اللي جايه وابطل اكتب وافضفض
مش بسبب موتها ولا الصدمه اللي انا فيها لغايه دلوقتي خدت القرار ده

مش بسبب اني حاسس ان امي التانيه ماتت وراحت خلاص

يمكن بسبب اني مابقيتش قادر اتكيف زي الباقيين علي غيابها من حياتنا
بقيت اقرب لعدم المبالاه

اسمع عن فلان سافر اقول وماله
فلانه فركشت مع فلان والطريق فضي لك اقوله مابقاش ينفع
فلانه اللي انت كانت عاجباك بس ماتحركتش اتخطبت اقول الحمد لله
فلان عمل عياده اقول ربنا يوسع رزقه
فلان خلف وفلان خطب وفلان قرا فاتحه
اقول ربنا يتمم لهم علي خير

لي مش ناوي تتزوج يابني؟ انت اتاخرت اووي
اقولهم بكره ان شالله

اللي رماك في الغربه راميني بالنسبه لي البعد ساهيني بحلم يوم ماتشوفك عيني بحلم ودموعي تصحيني"

"
حميد الشاعري اغنيه قلبي معاك

يقولوا لي جمال بقي عنده 3 مليون مؤيد من الشباب في جمعيه جيل المستقبل مش ناوي تدخل معاهم علشان تضمن مستقبلك
اقولهم وماله مايضرش اهو احسن من غيره

يقولوا لي جوه لجنه السياسات عمالين يحلموا ان الشعب المصري يبقي 40 مليون بس او 30
اقولهم قريب ان شالله هنبقي زي ماهم عاوزين

يقولوا لي رايحين بكره نعمل اعتصام سلمي اقول ماليش فيه
يقولوا لي عاوزين نحتج ادام دار الحكمه علي مستوي الاطباء الهزيل اقولهم انا مش طبيب

ييقولوا لي البلد ناقصها شراره اقولهم معييش ولاعه
يقولوا رايحين نعمل حمله توقيعات تبع الائتلاف المصري من اجل التغيير
اقولهم مش فارقه معايا

يقولوا لي فيه ندوه للمدونين في وسط البلد وهيديرها فلان وفلان عن الوضع القائم الحالي
اقولهم وبعدين

يقولوا لي فلان عجبه مجموعتك القصصيه اياها وبيفكر ينشرها لك
اقوله مش حلوه ومش هتعجب حد ومش عاوز حد يشوفها

تعالي نطلع الحته الفلانيه
لا
تعالي ندخل سينما
لا
ده فلان نزل روايه جديده
اقولهم لا
يقولوا نام لك شويه
اقولهم مكنتش بعرف انام الا عندها ولا احس بالشبع من النوم الا هناك وهي موجوده
حتي لما قعدت اليومين بتوع العزا هناك البيت مابقاش زي زمان صامت زي القبر

تعالي
سيبوني في حالي
انا تعبان وفاقد الاتصال معا اي حد

الاول كنت اقول هاخد مناعه من الصدمات من ساعه ما عمي توفي وبعد كده حصلته جدتي وجت عمتي قضت عليا بجد
الحزن اللي جوايا زي البحر مش راضي يخلص حاسس اني متخدر وعايش في حلم بشع
يقلوا لي شغلك مابقيتش مهتم به زي الاول
يقولوا لي خلص حتي الفيرست بتاع الماستر
اقولهم سيبوها بظروفها
مش زعلان علشان الموت زعلان علشان جزوري وروابطي بالدنيا والناس اللي انا متعلق بهم 26 سنه عماله اروح مني وتتفك واحده ورا التانيه
ماقدرش كده في يوم وليله اتقبل الوضع ده
كله الا ده

عزائي الوحيد ان الاسبوع ده اتلمت كل العيله اللي ماحدش لمهم من السنه اللي فاتت وحسيت ان فيه امل مره تانيه نرجع زي زمان
نفسي بجد نرجع نتلم علي طرابيزه واحده وهاتخيل ان اللي راحوا قاعدين معانا وشايفهم
يقولوا الحي ابقي من الميت
اقولهم وفين الحي ده اصلا؟

انا مجوف من جوه شكل من بره وفاضي من جوه باكل واشرب وانام وامشي لكن من غير روح
اقولهم الموضوع مش علشان الموت الموضوع مش هتفهموه اصلا علشان انا حاسس ان وجودي بيتلاشي
مش قادر اتخيل ان لمه زمان وسهرات زمان ده كله راح واني لما هازور ولادها بعد كده مش هلاقيها في البيت وهاشوف صوره غيابها في عيون ولادها
مش قادر اتخيل ان السرطان قرر يرجع يلعب لعبته البطيئه مره تانيه بعد 20 سنه من التوقف
عارف ان كلها اسبوعين والكل هينشغل وينسي ويابختهم بجد انهم بيعرفوا ينسوا

قاعدين انا ومحمد وخالد وطارق واحمد بنتفرج علي احلي الاوقات
وللمره

الاولي كلنا نركز في فيلم عربي مع بعض وقاعدين ساكتين ادامه ماحدش بيتعرض ولا يقوم يغير الفيلم

" ان الحياه مرحله ان الحياه مساله"
" وقلوبنا مسكونه"
كفايه نعرف بقي ان الحياه سكينه مسنونه"
حميد الشاعري من اغنيه مجانين

خالد وهو بيوصلني انا ومحمد
محمد قال له لف بينا في الحتت اللي كنا بنروح فيها زمان روحنا لقصر البارون وركنا العربيه ادامه وقعدنا ساكتين
لمه عيال كانت من 20 سنه رجعت تاني بس ناقصها ناس كتيره في نفس المكان
مضطر ابطل اكتب علشان النوبه جت ليا مره تانيه وماصدقت خدت حبه مهدئه

معلش يابراهيم كان نفسي اتكلم عن فرحك انت ومها
معلش ياعبد العاطي كان نفسي اتكلم عن خطوبتك انت وروده

كويس ان رمضان جه خلاص يمكن نفسي ترتاح وربنا يهديها ويخفف اللي انا حاسس به
ربنا يصبرنا كلنا علي اللي حصل لنا ويتقبل دعواتي علشان اللي راحوا

" واصل الدم مش ميه "
حميد الشاعري من البوم حكايه

الله يرحمك

توفيت الي رحمة الله تعالي

د‏.‏أسماء حسن عبدالله

المدرس بكلية بنات عين شمس

زوجة لواء شرطة محمد سامي امين ووالدة المحاسب طارق محمد سامي والمهندس احمد محمد سامي والمهندس خالد محمد سامي وشقيقة كل من المرحوم الدكتور عبدالعزيز حسن والاستاذ عبدالله حسن

والدكتور محمود حسن والدكتور اسامة حسن والاستاذة حفصة حسن

والاستاذة سمية حسن

والعزاء يوم الاثنين بدار مناسبات الشرطة

وتلغرافيا‏14‏ ش اسماء فهمي مصر الجديدة

EGYPTIAN HISTORY X

" سابدا من الحريه التي لا جدران لها ولا حدود لها"

فيودور ديستوفيكسي
من روايه الشياطين






الحشيش والجنس والمال ثالوث مرتبط ببعضه
هذه حياتي منذ كنت بالجامعه الي تلك اللحظه

اعرفكم علي نفسي

انا فلان الفلاني سليل عائله فلان الشهيره
بين يدي الان مايطلقون عليه الجوينت وعلي فراشي كما ترون زوجه اعز اصدقائي مستلقيه بعد وصله الحب التي مارسناها بجموح
ماذا اسمع؟ تنعتني بال………

لا ارجوك لا تقل ذلك انا لا اسمح لك انا شخص محترم جدا

تبصق علي؟
لما لا تبصق علي زوجها الذي يفعل العن مني بمراحل؟ ام ان الكعكه في يد اليتيم تصبح من العجب؟

انا متدني نعم
عربيد طبعا
زنديق بالتاكيد
لكني من عليه القوم

علي الاقل انا فعلت معها ذلك ولم تفعلها مع شخص غريب والاقربون اولي بالمعروف
في حقيقه الامر اني دؤووب علي ذلك بحجه كسر الملل بالاضافه اني شخص حقود كنت اشتهيها في فتره خطوبتها ومنذ اللحظه الاولي علمت انها ستسقط
بين براثني لعلمي بضعفها الانثوي
بالاضافه انها تستمتع باهانه زوجها عن طريقي وتوجيه صفعه مدويه له تفش فيه غلها

هي التي كان جميع شباب الحزب يتمني ان يكسب ودها فقط لمكانه ابيها عند الرئيس
اي رئيس؟ لا اتذكر في الواقع القديم ام حديث العهد انهما متشابهان فقط الاخير مهتم بلطبقه الراقيه


الاب حاول ان يصلح مافعله سلفيه الاشتراكي والراسمالي وخلق نظام مختلف تماما حاول ان يجمله لكنه كالاخرين افسده المنصب وتحول من شخص صالح الي طالح ظالم قاسي
انا ومن معي من الجيل الجديد من بقايا النظام القديم ومخلفات الحزب بعدما اعدنا تطويره وامداده بدماء جديده نحاول ان نعيد للمجتمع التقسيم الطبيعي مثل ما خلقنا الله طبقات متفاوته مستقره
لكنكم جاحدون وناكرون للجميل تبغون المزيد

ليست مسئوليتنا ان منكم من لا يجد قوته ومن لا يحيا حياه ادميه محترمه
ومن يعاني ويتالم

تعتقدون انكم ستغيرون شيئا؟ فلما لم تفعلوا من قبل؟
ان القدر محسوم منذ البدايه جل مافعلتموه هو جعل الواقع اسوا بمراحل وتاخير النهايه


جيلي جيل نهايه السبعينات اصبح مثل جيل الالفيه الجديده


جيل نتج عن اخطاء من سبقونا وتركونا نصارع الريح بدون معونه



الكي تعلموا تاريخي فيجب ان تعلموا تاريخ عائلتي العريقه

جدي كان من تلاميذ حسن البنا وبعد مامات ترك الجماعه لاختلافه السياسي معهم والفقهي
ووالدي ميوله اشتراكيه قوميه عربيه من اللي عايشين لسه علي ذكري عبد الناصر

والدتي من طبقه متوسطه عاديه لا تفقه شيئا الا في البطيخ ورعايه الطفال
رغم انها جامعيه

والدي خرج من صغره من الصعيد من اجل ان يدرس في القاهره
حين كان المستقبل اما مهندس يعمل في السد العالي او ظابط حربيه اسوه بالرئيس المبجل صاحب فكره الانقلاب المزعوم الذي تحول الي ثوره

لكن جدي اصر علي ادخاله كليه الطب لكي يصبح في عائلتنا طبيب محترم
معظم عائلتي مقتنعه انهايجب ان تصل لاعلي المناصب العلميه من اجل ان يبقوا دكاتره واساتذه جامعه ومهندسين وعلماء
رغم ارادتهم يجب ان يصبحوا كذلك لانهم لا يمتلكون سندا في البلد ولا معارف قريبه من النظام في ذلك الزمن

)

فالعلم كان هو الوسيله الوحبيده يللوصول الي مايريدونه ويرتقوا السلم الاجتماعي من اسفله لاعلاه
وغالبا اتحقق بعد ماواحد من اعمامي تم تكريمه من الرئيس السادات وسافر في بعثه علميه لامريكا قضي هناك 10 سنين رجع طبعايبصق علي البلد وبيدخن بايب و لا يسمع الا فرانك سيناترا
( رحم الله امه عندما كان يسمع محمد قنديل)

عمي له حق لانه عندما احتك بمجتمع لاول مره يراه مختلف تماما عن النمط السائد هنا في بلدنا وخاصه بعدما وقع في حب كاثرين اليهوديه ذات الاصل المصري والتي دعته لترك مصر وللزواج بعيدا عن الصراعات السياسيه والحروب والتخلف
وكان علي وشك ان يتزوجها فعلا خاصه بعد ان حملت منه لكن القدر لم يمهلهم وماتت علي يد احد المتعصبين العرب بعد حرب 1973

................

عمي ووالدي علاقتهم متينه جدا وعمتي ابتهال نفس الشيء

خاصه انهم التلاته الوحيدين اللي سافروا بره مصر وكانوا علي اتصال دائما سواء عمتي اللي كانت في فرنسا ورجعت تتلحن باغاني اديث بياف

ووالدي الذي ذهب الي مدينه الضباب لندن

وكان ينقصه ان يسجد راكعا لاساتذته المتواضعين عندما خبر منهم كرمهم وعلمهم ودماثه اخلاقهم وتعلم منهم عاده الشاي بعد الخامسه
والدي كان متزوج وقتها بامي عندما قابل طبيبه ايرانيه شيعيه وقع في حبها وتاثر بثقافتها وعلمها وروحها الخفيفه المتسامحه رغم اختلافهم في مسائل عديده فقهيه وتاريخيه بشان الفتنه الكبري وماحدث للامام علي
( ربما تفسير ذلك ان والدي مازال مؤيدا لايران في عصرنا الحالي وحتي عندما قامت الثوره الاسلاميه في 1979 كان سيهاجر الي الابد لولا ان اعمامي تدخلوا وحذروه من مصير ابنه الذي سيربي بعيدا عن كنفه

قال حينما عاد الي مصر بعد انتهاءه من رساله الدكتوراه
" يبدو اننا في مصر نصاب بعمي في القرنيه لاننا لا نري نسائنا علي حقيقتهم"
واترك لكم تفسير تلك العباره

والدتي قبل ان تتزوج ابي كانت علي علاقه حب بظابط في القوات المسلحه في الجبهه لكنه لقي مصرعه بعدما داس علي لغم كان مزروع من قواتنا ونسوا ان ينتزعوه بعد نهايه الحرب

فمات شهيد الوطن بيد سلاح الوطن

واصبح طي النسيان مثل اي شيء اخر في بلدنا
حتي امي نسته مع لون بالطو ابي الابيض لان بناتنا يبهرون بكلمتين

ظابط او طبيب

وهذا يعكس عقده عميقه تحتمل تفسيرات عديده انتم في غني عنها ولساني يعف عن زكرها لانها مخجله ومحرجه


عمتي تزوجت زواج مصالح لاننا كنا نريد شخص في السلطه
تاره نائب في البرلمان
تاره استاذ جامعه
تاره موظف في الخارجيه
حتي اختارت في النهايه مقدم بالحرس الجمهوري كان يريد ان يتزوج من فتاه جامعيه لانه مصاب بعقده عندما تقدم لفتاه كانت معتقله في فتره المظاهرات واغراها بمنصبه وسلطته لكنها اخرجت له اصبعها الاوسط
واطلقت له واحده اسكندراني

اما عمتي فهي طيبه جدا مسكينه كان يوقظها من النوم فجرا ليس لتصلي حاشا لله
ولكن لتضرب له تعظيم سلام

ويردد علي مسامعها ماقام به مع الرئيس وان الرئيس يثق به وانه انقذ حياته اكثر من مره ويسرد عليها مانطلق عليه كلمه هجص
طبعا اصيب بالكمم عندما تلقي رئيسه رصاصه في راسه من فتي غر من جماعه الجهاد في العرض العسكري


..................

عمي عندما رجع من امريكا قرر ان يستثمر ماتعلمه لاهداف اقتصاديه بحته وعن طريق علاقته ببعض رجال الحزب وقتها مع بعض عمداء الجامعات استطاع ان يوثق نفسه بالنظام
وانطلق بعدها للافق

اصبح الشكل المجسد للراسماليه يمشي علي قدمين ثم توالت اللعنه
اصبح ابي يجري وراء لقمه العيش واصبح استاذا بالجامعه لكنه انحني امام اول فرصه للعمل في الخليج رغم انه كان يستطيع ان يحقق نفس المستوي المادي في مصر لكنه لم يطق صبرا

وكان هذا في بدايه عهد الرئيس مبارك عظم الله اجره

بالطبع عشت فتره جميله هناك مليئه بالرفاهيه رغم الغربه ولكني استفدت الكثير من التعامل مع البشر بالخارج بمختلف جنسياتهم وان كانت تجمعهم هم واحد
وعندما عدت الي مصر لم استطع التاقلم كثيرا مع ذلك المناخ

بعدها خالي عادل رجع من افانستان بعد انسحاب السوفييت وتفرق شله المجاهدين العرب ليقع في براثن امن الدوله واستدعاءات يوميه واتهامات اصابه بالجنون فعلا وجعله يقرر الندم علي ذهابه اصلا لتلبيه الجهاد وترك مستقبله وخطيبته وعمله
وربما كان هربا من مناخ دوله تجعله يتقبل معاهده كامب ديفيد التي كان طالما ضد الصلح مع اليهود ومن مؤيدي قصيده امل دنقل الشهيره

رغم انه كان ذو افكار شيوعيه في البدء وشاب هيبي رقيع ثم احد معجبي فريق الابا الشهير الي ان ال به الحال كجهادي
وولولا جهود العائله لاخفاء اثاره حتي لا تتاثر سمعتنا لكنا اصبحنا كما يقال ملطشه


اما انا كنت متمردا من صغري فلم يفلح معي التعليم ولم اكن نابغا ولا عبقريا
كنت ابغي الحياه بكل مافيها استنشقها كزهره بريه وامتص رحيقها واتركها ذابله

دخلت جميع العوالم السفليه والعلويه جربت الحشيش والافيون وصادقت مسجلين خطر وديلرز و شواذ وقوادين ودخلت عوالم شارع الهرم ومنتديات وسط البلد العوالم الماسكوت عنها
لكن ماكان يقض منامي ويؤرق احلامي هو ذلك الصداع القاتل الذي كان يفتك بي ثم يتركني كجثه هامده نائما لفتره طويله رغم خوف امي من حالي لكني كنت اطمئنها انه من اثر المذاكره
تخرجت من الجامعه مثلما دخلتها لا افقه شيئا لكن عمي التقطني وضمني الي عالمه
قال لي البلد تريد من يكون خبر كل شيئا فيها وانت الشخص المطلوب
البلد تحتاج شخصا جرب كل شيء

احسست انني في مقدمه رافت الهجان وكنت علي وشك ان اقول رقبتي سداده يامحسن بيك
عملت في شركه اتصالات اجنبيه فقط لانني اجيد الفرنسيه والانجليزيه بطلاقه وبالمساء كنت امارس العمل الحزبي

الي ان قابلت السيد جمال مبارك بالصدفه الذي غير تفكيري تماما
هو ليس مثلما نتخيل هاديء تماما لبق ومعه فكر جديد بالفعل
طبعا اقول هذا كي اقنع نفسي بعدما اعصر علي راسي ليموناده
كانت مشكلته الاصيله هو الحرس القديم لابيه وصراعه معه حتي اصبح الحزب منشق الي فرقتين فرقه العجائز الاشداء وفرقته التي لم يكن يساندها الا نفوذ رجل الاعمال محتكر الحديد
عمي كان ينتمي الي الفرقتين وكنت مندهش كيف يفعلها لكنه نصحني ان اصبح الذراع اليمني للسيد جمال
في البدء كان صعب ان اتقرب منه خاصه انه حذر جدا ويستطيع شم الخطر علي مقربه منه لكني لم اكن احمل له اي تهديد كنت ابغي ان اتعلم منه وارافقه خاصه انه لا يجد فارق سن كبير الا 10 اعوام فقط

بالاضافه انه يتمتع بتاييد الولايات المتحده واصبح جاهزا لشغل كرسي الرجل الكبير الذي نخر السوس جسده وافسد ه مافعله في الوطن في ال 35 عاما المنصرمه

لكنه رغم ذلك كان يترك الحبل علي غاربه قليلا مثلما سمح ببعض الصحف بمهاجمته وسبه وبعض الروايات الجريئه التي تهاجم عهده وبعض الافلام التي ترمز اليه حتي انه جعل الاخوان المسلمين يفوزوا في انتخابات البرلمان في احدي الدورات لكنه لم يكررها بعد ذلك وحتي سمح بانتخابات رئاسيه حره لكنه فتك بمنافسيه بعد مافاز كاالعاده
يقولون ان اخطر الكائنات هو الاسد الجريح العجوز
وانا متفق تماما مع ذلك

ااه من هذا الصداع مره اخري ساضطر ان اتوقف عن الكتابه مره اخري مؤقتا............

يتبع

P A N O R A M A

the following images has been taken by my lens which is a trial to describe thing

bout our country egypt

again its only documentary album with no political intentions

16

نوستالجيا

" نعيب زماننا والعيب فينا ومالزماننا عيب سوانا

ونهجو ذا الزمان بغير ذنب ولو نطق الزمان لنا لهجانا

وليس الذئب ياكل لحم بعض

وياكل بعضنا البعض عيانا "

الامام الشافعي

دوي رنين هاتفه المحمول علي تلك النغمه لينتشله من ذلك العالم الذي يعيش فيه باحلام مستحيله الحدوث وبقدرات وصفات اشبه لعوالم مثاليه وخياليه الصنع يتمني لو يعيش فيها للابد حتي لو كان قدره ان يصبح متفرجا عليها فقط
التقط هاتفه من المقعد المجاور لفراشه ليتذكر انها مجرد رنه المنبه وليس شخصا بحد ذاته قرر ان يتذكره ويمني عليه بنغمه الاتصال
تمددد لفتره من الوقت مغمض عينا واحده ويراقب بالاخري مروحه السقف وكانها في مشهد سلو موتشن يتناوب مع كل حركه زكري تمر كالبرق
اراد الاغتسال من العرق الغامر جسده المنهك معنويا وماديا ولكنه ابي ذلك الا بعد ان يتصفح قليلا علي موجات الاثير كما يطلق عليها او بالمعني الادق بحر الانترنت
كعادته لا يدخل الا 3 مواقع فقط احدهما حلقه وصل بمجموعه من الاصدقاء كان من اوائل زوار تلك الحلقه مذ مايقرب من 6 اعوام
ولكنه لم يكن يبحث عن اخبارهم فهو اعلم بظروفهم ومشاغل حياتهم بل فقط يبحث عن رساله خفيه تائهه او ضاله او لم تصل بعد
يعلم انها لن تصل او قررت ان تغير مجراها اخيرا بعد ان ادركت عدم جدواها
رساله من شخص يستغيث به ولكن في واقع الامر كان هو من يستغيث به
ولكن لا جديد بعد مرور عام علي ماحدث
هو ليس نادما علي ذلك فقط اختار بكامل ارادته الحره وبيده ولن و يتراجع
لكنه فقط يشتاق الي تلك الايام او ربما هي نزوه تاتيه بين الحين او الاخر
يشتاق الي تلك الفتره التي اعتبرها افضل فتره في عمره القصير الاجل

وينفلت من بين ايدنا زمان

وتنفرط الايام كعود كهرمان

يتفرط النور والحنان والامان

وينفرط من بين ايدنا زمان

كانه سحبه قوس في اوتار كمان

كلمات سيد حجاب

بعد ان انهي حمامه اكتشف ان الوقت ليس كما اعتقد
لقد استيقظ والناس نيام
الهذه الدرجه وصل الي عدم احساسه بالزمن؟
تفقد حجرات اخوته وجدهم نائمين
تفقد شارع منطقته وجده ساكن كالقبر
لا يقطعه الا مواء القطط وهمسات متحابين في مكان ما في شقه ما
واحلام وكوابيس عشرات يشحنون بها يومهم القادم بلا ريب

ابتسم لانه يرغب في العزله
انها الجنه كما يحلم ان يعيش والاخرين صم بكم عمي
فتح احد كتبه القديمه وقد ملاها التراب وكساها من اعلاها لاسفلها
اخيرا وجد الوقت ليعاود قراءه كتبه القديمه وليستمنع الي موسيقاه المفضله مره اخري
بل والاجمل انه فتح التلفاز ليجد فيلمه المفضل فجلس امامه قليلا مع بطل الفيلم وهو يحكي لصديقه عن حبيبته التي فقدها مرتين ولم يكتب له ان يجتمع به ا
بعد فراق دام اعواما طويله وصبر وسهر ليالي جافه كجوف بئر هجرته المياه
ومع تترات النهايه بكي

لعنته كانت ومازالت هي هبته ودائما كانت القوه التي منحها له الله عن سائر خلقه كانت عبئا ثقيلا علي عاتقه
لانه لم يعرف كيف يتحكم بها وكيف يسيطر عليها
وهاهي قد جلبت عليه الوبال واضاعت فرصا عديده من يديه والادهي انها اضاعت روحه
روحه التي مازالت عالقه في اصداء الماضي وبحر الزكريات
الي تلك الايام التي كان فيها البشر علي مبادئهم واخلاقهم وكان هو مازال علي حلمه واصراره ليغير العالم الي حال افضل

ولكنه بمررور الوقت تغير ليس هو فقط بل جميع من عرفهم
تغيروا وضعفت معنوياتهم وحماسهم
وقد ادرك ان السبب هو تقدمهم في العمر
وغرقهم في ملكوت الدنيا وهمومها
ليس هم فقط بل الجميع معارفه واقربائه
جيرانه واولاد بلده
رغم انهم نفس الناس نفس الحاكم نفس الحزب نفس النظام نفس السياسات
فما الذي اصاب الجميع في ال 30 عاما المنصرمه؟
لما اصبحوا بتلك الروح الانهزاميه والاستغلاليه؟
لما لا ينظرون الي الماضي ويحاولوا ان بتعلموا منه؟
لما هو نفسه اصبح بعيدا عن الماضي
اين زمانه الجميل وزمن الاخرين؟
لما لا يسعد احد والجميع يشقي
لما تبدو الحياه بائسه وكريهه في زمننا

اين زمنا كان مازال نقيا بريئا طاهرا متحمسا وطموحا

اين زمنا كان عليه ان يحارب من اجل نفسه ومن اجل مايؤمن به ومن اجل الاخرين

اين زمنا كان يتوجب عليه استكمال الحلم والوفاء بالوعد

ام انه فقط استسلم بعد ان تكاثرت عليه الهموم وعجز عن تحملها فقرر ان يترك نفسه لرمح القدر

تن تن تان تان تن تتن تان تان تن تان تان
تلك المقطوعه الحالمه كان يسمعها دائما وهو وحيدا في الغرفه المظلمه وغارق في عالم اخر
كم كان يقضي الساعات حتي طلوع الفجر مع اشياء عديده
ليس حزينا علي ضياع ماكان يملكه لكنه حزين لانه تغير ولم يعد كما كان
بدا الامر بالموت وانتهي بالتشتت والتيه

ليس مايدونه حاليا عن مافقده لكن عما حدث له وللاخرين
لما تغيروا ولما اصبحوا علي تلك الحال
لما تنازلوا ولما انسحبوا ولما فقدوا بريقهم
لما تشتتوا وتفرقت بهم السبل
لما يغرق الجميع في الظلام

الجميع في الظلمه العاتمه وعير واعيين بالطوفان القادم؟
وجد امامه الماضي مشرقا وجميلا والحاضر كئيبا ومخيفا والغد غامضا وساحرا
قال له الماضي ابقي معنا


قال له الحاضر تكيف معنا
قال له الغد استعد معنا

فاختار الماضي وتعلق بذيل الغد
ولكن هل سينجح؟

اهداء الي جميع اصدقائي سواء الحقيقين ام السايبرييين والمدونين

Music Playlist at MixPod.com

يحكي ان

حواء هي العطف والحنان هي الانوثه والامومه

حواء هي الشر والفساد هي الافعي الحرباء

حواء هي اقدس اسرار الكون وسر استمرار البشريه
حواء هي سبب الالام واللعنات
حواء هي من لانستطيع الحياه بدونها ونتمنني هلاكها
حواء هي دائنا ودوائنا

حواء رفقا بي ياحواء
يحسن اديكي بالجزمه



" الي كل واحده اتغرت في حبها وكل واحده شافت انها اتظلمت من راجلها وكل واحده شايفه ان الرجاله وحشين وغدارين وعاوزين يولعوا بالجاز
ياريت ماتقروش الكلام ده علشان الغلط راكبكم من ساسكم لراسكم "

عن الف ليله ليله



كان ياماكان كائن جميل رقيق وانيق ولطيف الكائن ده اتعمل عنه كتب واساطير

كان عايش مع غول بشعر وكرش وريحه مش لطيفه
الغول ده شهواني مووت وطاغيه وقلبه ناشف وحجر وقاسي وطماع
لكن معاها يبقي زي العيل الصغير
مايقدرش يعيش الا لما يسمع صوتها ويرتاح لحوادتها
هي عندها سر السحر وعارفه نقط ضعفه
يروح يقعد ادامها زي ابنها كده وويقولها احكي لي حدوته
علشان اللي جوايا كتتير قوي انا وحش اووي من جوايا

قالت له بص ياسيدي وتاج راسي
هاحكيلك 3 حواديت بس وحياتي عنك تبطل تبقي مستبد وتحاول تبقي كويس مع رعاياك

تحاول تتعظ من الحواديت دي وتفهم اد ايه احنا تعبانين وغلابه
احنا جنسنا طيب جدا ومظلوم احنا مش عايزين غير كلمه شكر وحبه حنيه واعتراف بمكانتنا
انا عارفه انك مالكش ذنب وان اللي جابرك علي ده ياسيدي الكبارات بتوع البلد
وانك بس طموح وخايف علي مكانتك
بس اسمع مني الحدواديت دي وهتعرف اد ايه حالنا بقي وحش اووي ياسيدي

الغول ماقدرش وقال احكي ياستنا وعلي عيني وراسي

يحكي ان

3 صبايا غلابه مالهمش ضهر
3 صبايا في سن الزهور
3صبايا الناس هتاكلهم لو ماطلعوش انيابهم ووقفوهم لحد حدهم
3 صبايا عمهم طلع واطي ودوون مالقوش غير واحد غلبان زيهم
فقير بس جدع
مقوطع من شجره بس راجل
3 صبايا مايعرفوش دكره قبل كده
3 صبايا بيشوفوا جسمه وكيانه وهو بيشتغل وجدعنته واخلاقه حركت حاجه جواهم
3 صبايا لهم طبيعه اسمها طبيعه انثي
من حقهم يبقي لهم الطبيعه دي ويعبروا عنها
كل واحده منهم شايفه فيه الراجل بتاعها
الراجل اللي تدخل وتنام جوه صدره ويحيطها بعضلاته
يضمها ويديها احنان والحاجات التانيعه
مابيحسوش بانوثتهم الا وهم دايبيبن جواه وعرقه مغطيهم
بس كل واحده مخبيه عن التاني
وهو افتكر نفسه هارون الرشيد وضحك عليهم كلهم
استغل طيبتم وضعفهم وخان الوعد
استغل انهم اختاروه بنفسهم
والنتيجه كانت دم ونار
الرقه انقلبت لدمار
الوحش طلع من الغار
حواء مابقتش واحده حنينه بقت غول مارد جبار
كلت الجدع وقرقشت عظمه وده عقاب من يخدع حواء ويضحك علي قلبها وهين كرامتها

.........................

الحدوته التانيه ياسيد الناس
عن ست الحسن والجمال
استنت الراجل المناسب
فارس الاحلام
جاي علي ظهر حمار ابيض
بس اتاخر اووي
ماجاش لغايه دلوقتي ياسيد الناس
تكونش مافيش مواصفات زي ماهي عاوزاه؟
ولا الرجاله بقوا مختلفين واتغيروا عن زمان
قالوا لها يابنت الحلال اتزوجي الحقي شبابك
مافيش حد بالموااصفات دي
ارحمي نفسك شويه
انت بشر
لكن لا والف لا انا هاستناه لغايه اخر العمر
وفاتها القطر ومابقاش فيه محطات بعد كده

.......................

حدوته تالته
عن بنت بنوت
بنت ناس كويسين
بنت زوات
طلع لها ملك امور صحيح عنده شعرتين بيض
لكن مالوش حل ياخواتي عليه
مكانه وسلطان ومال
اتزوجوا علي سنه الله ورسوله
وكان هو بيتغل رجولته وفحولته الجنسيه ويبجرجرها بارادتها للسرير
يخليها تدوق الجنس لاول مره وتدمنه وماتقدرش تقول لا
يخليها انثي بجد ومتوهجه علي سريرها وفي حضنه

حملت منه وفرحت لكنه طلع ندل وقالها اللي في بطنك م مني
اهانها وكسر قلبها وفضحها وهي ياعيني مكسوره الجناح
وهو طبعا ماحدش يقدر يقرب منه


ادني خلصت ياسيد الناس انت رايك ايه بقي؟
رايي ؟ نهار ابوك اسود ده انا هاطلع البلا كله علي جتتك ياروح امك
انت عارفه كلامك ده هيودينا في داهيه اخرسي خالص اكتمي
خلي الديك يكاكي واياكي تتكلمي في ده تاني

وسكتت شهرزاد عن الكلام المباح

خارج النص

انا اتعرضت لهجوم في معتقداتي واخلاقي من قبل ناس كتيره بسبب الفيلم ده خاصه في موقع ايجي فيلم ومنتدياته وكنت متبني حمله للدفاع عن الفيلم لاني من المؤمنين بان الحريه لا سقف لها وان الفن والادب ماينفعش يكون ملتزم بتقاليد ومعتقدات مجتمع فاكر نفسه عايش في المدينه الفاضله

الفيلم نزل اهو وموجود في كل حته واظن من انطباعات الناس اللي شافته ماقدرتش تفتح بقها بكلمه واحده واللي مافهمش الفيلم لازم يشوفه مره تانيه لان الفيلم مش عن قضايا المراه وحقوقها او العنف ضد المراه

وحيد حامد كتب فيلم فريد من نوعه فيلم عن مصر وعن الكلام المباح وعن اللي يتقال واللي مايتقالش
الفيم فيه خطوط حمراء كتيره ومهمه ومعموله بشكل زكي جدا ماحدش هيعرف يتستنبطها الا لو ركز كويس فيه
الفيلم عن نظام خلي العلاقه بين الراجل والست تبقي زي الزفت
وكلها مشاكل ومصايب
خلي معتقدات الناس تتغير ويتحولوا لجزارين ومجرمين ونصابين وحراميه
خلي اسمي علاقه في الكون وارق كائن ربنا خلقه لاسعاد الرجل يبقي زي الجاريه والعبد ويتاكل حقه ويتبهدل
اه معظم النماذج اللي في الفيلم من الرجاله طالعه واطيه وطالعه منحله
لكن دي افراز طببعي لمجتمع بقي ملعوب في اساسه
العيب مش في الرجاله
العيب في الست اللي لسه فاكره ان الحياه وردي وان الراجل اللي هي بتضحي علشانه بكل حاجه هيقدر يرد لها الجميل
لكن مش هينفع
واظن المثال ده كان واضح في دور مني زكي وزوجها

زوجها اللي بيتحرك باوامر من القيادات العليا وخايف علي مكانته وبيضغط علي زوجته وهي ماتقدرش تقوله لا لانها بتحبه جدا لكنه هو شايف انها اداه ضعيفه واقفه في طريقه

يسري نصر الله مخرج عظيم عالمي اثبت انه مخرج مالوش حل

الفيلم من عبقريته ورسالته الغير مباشره ماحدش هياخد باله منه الا فئه قليله جدا الباقين هيتفرجوا عليه كمجرد فيلم عن حواديت وهينسوا الفيلم بعد كده

اه الفيلم هيعجب الحريم طبعا وهيزعل ارجاله
لكنه في كلا الاحوال فيلم انساني جدا يمكن يعتبر لغايه دلوقتي هو افضل افلام السنه دي من غير مبالغات خالد يوسف ولا دمويه مروان حامد ولا الاخراج الضعيف لاحمد علاء

كلمتين اخرانين

اغنيه عمرو دياب الله علي حبك انت بتفكرني بزكري جميله جدا ارجو صاحبه الذكري تكون بخير وتعرف ان مهما حصل كانت اجمل فتره في عمري يوم ماظهرت في حياتي الهم تكون عرفت تقف علي رجليها وتقدر تكمل من غيري وربنا يوفقها

U P

" the adventure awaits u "

تحفه بيكسار الجديده الممتعه والعميقه للغايه كالعاده والتي تتمثل فيه افلام تجذب جميع الاعمار ونقع في عشقها

فيلم العام بجداره عن الفرص المؤجله والوفاء بالوعد والحب الابدي

فيلم سيجعلك تبكي من قلبك وتضحك من شده عذوبته ورقته

لعشاق السينما الجميله انصحهم بمشاهده الفيلم في اقرب فرصه

فيلم للمصابين بالكتئاب والاحباط والحنين للماضي وكره الحاضر

الفيلم متوافر فقط في سيتي ستارز وجالاكسي