الجمعة، 31 أكتوبر، 2008

هم
















احنا بنكرههم وبنحقد عليهم





علشان؟





علشان هم اقوي مننا ومستضعفيننا وكاسرين عيننا ومبهدلين فينا ومضيعين شبابنا وجيلنا واولادنا وبيموتوا اهلنا وناسنا ومحتلين بلادنا وقتلوا رضاعنا







احنا بنكرههم علشان هم سبب كل البلاوي وسبب كل المصايب وبيتحكموا في مصير العالم







هم خايفين مننا





وعاوزين يفكروا زينا ويدخلوا جوه دماغنا ويحاولوا يشيلوا اسباب الكراهيه دي بطريقتهم الديمقراطيه او بطريقتهم العسكريه زي ماحصل في افغانستان والعراق



هم فاكرين اننا كلنا ملثمين بحزام ناسف ورافعين الكلاشينكوف علي طول وورانا علم عليه لا اله الا الله محمد رسول الله





ومربيين دقوننا وملبسين حريمنا نقاب بعين واحده وبناكل زي البهايم وبنحب الفلوس وعاملين زي الغنم ومتخلفين وجهله ومانستحقش الحق في الحياه وبالنسبه لهم احنا مصادر طاقه او مواقع استرايتيجه هامه









دي الحقيقه المره الموجوده بين الطرفين وساهم فيها الاعلام الغربي والعربي في تشويه صوره العرب والمسلمين وتصويرنا علي اننا بلااد فقيره متخلفه بنركب الجمال وعايشين في الخيم وكل واحد فينا متزوج اربعه ومخلف 100 عيل





بنربيهم علي كره امريكا والعالم الغربي









علشان كده مانجيش نقول لا دول هما بيشوهونا في افلامهم واعمالهم الفنيه ومش عارف ايه زي ماحصل قبل كده في فيلم the siege مع ان الفيلم ده خصوصا اتعرض في 1999 وكان بيتنبا ب 11 سبتمبر بالظبط لكن ماحدش بص ولا عبر والكل طنش







في سنه 2005 المخرج الصهيوني المعروف ستيفن سبيللبرج عمل فيلم اسمه munich





باختصار شديد الفيلم عن الصراع الفلسطيني الاسرائيلي من خلال مذبحه ميونيخ اللي راح ضحيتها 11 لاعب اوليمبي اسرائيلي علي يد منظمه ايلول الاسود التابعه لحركه فتح





بسبب الفيلم ده اسرائيل هاجمت المخرج ورغم ترشيح الفيلم ل 5 جوايز اوسكار والمستوي الفني والانساني العالي ماخدش ولا جايزه واتعرض لهجوم بشع في شخصه





الفيلم ببساطه بيدين العنف من الجانبيين وخاصه اسرائيل بيدين تورطها واستمرارها في حل الصراع بالعنف وشلالات الدم





دي كانت اول مبادره بعد 11 سبتمبر في اللسينما لتوضيح االامور علي حقيقتها





بعد كده جه المخرج ريدلي سكوت الانجليزي وعمل الفيلم المشهور kingdom of heaven اللي بيتكلم عن صلاح الدين الايوبي والحملات الصليبيه واتعرض لنفس الهجوم لانه اظهر صلاح الدين بشخصيه عادله حكيمه نزيهه







ريدلي سكوت كرر محاولته في الغوص في الصراع العربي الغربي السنه دي بفيلمه الهام





body of lies



الفيلم استعان فيه بنجمين كبار دي كابريو وراسل كرو





الفيلم بيتكلم عن تعاون اجهزه المخابرات الامريكيه مع اجهزه المخابرات العربيه في مطارده تنظيم القاعده والقبض علي احد زعائمها المدعو ب كريم السليمي





الفيلم بيغوص في اساليب المخابرات الامريكيه القذره القاسيه في استجواب المعتقلين وتجنيد العملاء والضرب بيد من حديد دون النظر للجانب الانساني للعواقب الوخيمه لاي عمليه تقوم بها





بيتفاوت مابين منطقتين مركز القياده المركزيه في لانجلي بامريكا حيث الساده المتانقين الوسيمين المرفهين يشاهدوا كل شيء في مكاتبهم عن طريق الاقمار الصناعيه وطائرات التجسس وهم يشربون الكابتشينو ويعبثون باللاب توب





والمنطقه التانيه هي ميدان العمليات الحقيقي في العراق والاردن حيث يكافح عملاء الوكاله في حرب حقيقه شرسه ضد العدو المتمثل في تنظيم القاعده وبيصور لك اد ايه هم بيعانوا وبيتعرضوا لاهوال شديده وانهم بشر من لحم ودم زينا





وانهم بيتعاطفوا معانا كعرب مسلمين وبيحبونا اكتر من القاده الموجودين في واشنطن او لانجلي





وانهم معترضين علي الاسلوب اللي بيشتغلوا فيه وبيتعاملوا فيه معانا بطرقهم الوحشيه القاسيه





طبعا ده كلام اونطه رغم ان فيه جانب من الصواب





بس بقي المثير بجد هو ان معظم ابطال الفيلم ممثلين عرب ومركزين علي دور المخابرات الاردنيه في التجسس علي الخليات الارهابيه والاندساس جواها بطرقهم الزكيه جدا البعيده عن وسائل التكنولوجيا والاجهزه المعقده واتمثل ده في شخصيبه هاني سلام مدير المخابرات الاردنيه المثير للجدل





المفاجاه بقي ان اللي عمل الدور ده ده ممثل اجنبي مش عربي لكنه مثله باتقان شديد وكان له وجهه نظر غريبه لكن لو فكرت فيها هتلاقي انها هي الحل الوحيد فعلا لمحاربه الارهاب رغم خباثتها





الجهاديين الاسلاميين هنا موجودين بصورتهم التقليديه المعروفه واحد بيفجر نفسه وهو بيقول لا اله الا الله ومركزين طبعا علي صورتهم وهم بيموتوا نفسهم وسط المدنيين الابرياء اللي لا حول لهم ولا قوه وفي نفس الوقت مركز علي جبروت القوه الامريكيه العاصفه وهي بتحصد الجميع بلا رحمه





في اكتر من مشهد لما قتلوا عرب ابرياء علشان خططهم ماتنكشفش





الكوميديا بقي والمسخره ان دي كابريو كان بيتكلم عربي مكسر في الفيلم بشكل يضحك بس متقن بصراحه





وفيه مشهد مهم جدا لما بيواجه زعيم اتنظيم اللي بيقول ايه من القران بتبرر انهم لهم الحق في قتل النصاري واليهود






فبيجادله في الايه وللاسف المشهد ده اتطع منه في السينما بسبب الراقابه الميمونه بالاضافه لمشاهد عديده اتقطعت خوفا علي مشاعر المسلمين مع انها اصلا مشاهد من وجهه نظر المتطرفين الاسلاميين اللي بيبيحوا قتل المدنيين اليهود والنصاري طبقا للقران ولوصايا النبي محمد



نقطه تانيه غريبه جدا وهي البطله هنا فتاه ايرانيه واصلا هي ممثله ايرانيه بيقع في حبها بطلنا الامريكي الوسيم وبيتجاادل معها في موضوع الصراع بين العالم الاسلامي والغربي وطبعا البطله الجميله بتقع في حبه بسهوله


رغم الاداء العالي للمثله لكن مش فاهم اشمعني جابوا جنسيتها ايرانيه هنا بالذات؟




الفيلم متصور في العراق والاردن ودبي وتركيا



والمشاهد المتصوره في الاردن اروع ممايمكن لانها كانت في وسط الزحام وسط الناس الحقيقين في العاصمه عمان



الفيلم برده مبين ان المسلمين مش كلهم ارهابييين واوغاد فيه منهم ناس كويسه جدا وكريمه وناس مثقفه لكن هم دول اللي بيروحوا في وسيط الحرب اللعينه اللي ابتدت في العراق وتوابعها الوخيمه بنشر كل العمليات الاستشهاديه خارج نطاق العراق لمتد الي هولندا وبريطانيا



بعض المشاهد كانت مركزه علي المخيمات الفلسطينيه والحاله المزريه اللي الناس عايشاها هناك وعلي حال العراق المؤسف


مشاهد اخري غريبه منها زعم المخابرات الامريكيه ان الزرقاوي كان تابع لاسامه بن لادن وان اسامه اتخلي عنه علشان كده الامريكان عرفوا يجيبوه



وطيب وهو اسامه اصلا كان له علاقه بالزرقاوي؟



اسامه بن لادن له منهج مختلف تماما عن منهج الزرقاوي اللي بصراحه الغرب له حق في انتقادهم بصورتهم السيئه وهم بيدبحوا الضحايا في فيلم يتصور علي النت




المضمون الاسايسي للفيلم ان عالمنا كله عالم من الاكاذيب والاوهام ماتعرفش مين بيخدع مين ومين تثق فيه



امشي بمبدا ماتثقش في اي حد واخدع الكل



سواء كانت المخابرلاات العربيه والامريكيه او المبدا السلفي او الوهابي



كل جهه بتخفي معلوماتها عن الاخري




علشان تعرف تلعب اللعبه صح وتكون هي المسيطره علي مقاليد الامور كل جهه تلعب باسلوبها الخاص وعاوزه تنجح لوحدها

سواء كانوا ماشيين باسس صحيحه او مزيفه مش مهم المهم النتايج والاثار مش مهم بقي الناس اللي بتتااذي من ده كله

عالم غامض معتمد علي الصوره الاعلاميه ولقطات مزيفه متفبركه لخداع الناس كلها وزرع الاكاذيب في وسط اي مجتمع بملقمه بمعلومات غير حقيقيه

عالم المخابرات عالم قذر للغايه مبني علي حصد المعلومات واستغلال الضعفاء بشكل بارد للغايه

الفيلم لو هنتكلم علي مستواه الفني هو عالي طبعا ورغم تكلفته الضخمه لكن بطلي الفيلم قرروا خفض اجرهم علشان الفيلم يطلع بصوره مشرفه ودي كابريو قعد فتره طويله في دبي يتعلم العربيه ويعيش وسط الناس علشان يعمل الدور

هو دوره يمكن يكون مكرر نوعا ما الشخصيه اللي بيستيقظ ضميرها ويتعاطف مع الابرياء ويقرر التمرد علي رؤساءه

لكنه هنا عملها بتميز خلتني اكون واثق ان الولد الوسيم بتاع تايتانيك مش هو نفسه الشاب الموهوب بتاع 2008

راسل كرو ممثل من العيار الثقيل صحيح انه مشاهده اقل من دي كابريو لكنه كان حاضر غائب طول الفيلم وخاصه ان دوره محوري اداه ببرود وثقل دم مميزه للشخصيه المقصوده

كان فيه استعانه بممثلين فلسطنيين منهم ابطال فيلم الجنه الان

رديلي سكوت عمل فيبلم ممتع وهام ومعقد جدا وهنا للاسف في مصر كانوا ناويين يمنعوه وبعد كده عرضوه بس قصصصوا منه كام مشهد كده خاصه مشاهد تعذيب المخابرات الاردنيه القاسيبه للمعتقلين

الفيلم من اهم افلام السنه دي ويستحق فعلا انك تشوفه

الخميس، 23 أكتوبر، 2008

TESTERONE

















الموضوع ده دراسه اجتماعيه عامه علي جزئين الاجزء الاول في مدونه الزميله







"



حقا ان زماننا ليس زمن الرجال فقد ولي وذهبت ايامه"









اي اتنين متزوجين بيبقوا نفسهم يبجيبوا ولد قبل مايبجيبوا بنت
ليه؟
لاسباب عديده منها انه هيبقي راجل ومسئوليه ومنظره وفشخره وكيد الاعادي








واول مايتولد الولد تلاقيه بياخد رقيه من الحسد والاهل يبخبوا الخبر لفتره ويعملوا له حجاب علي ورك نمله
وده كله علشان ولد







طبعا بيغدقوا عليه في اللعب والدلع لغايه سن معينه وطلباته كلها مجابه وفسح وهيصه بقي وياسلام بقي لو كان له اخت اكبر منه بحبه خلاص كده بقي في البلاك ليست وانسي هتبقي مكروه طول عمرك
وده مش ذنبك انك اتولدت ولد وبتتعامل معامله خاصه افضل من البنت لكن الناس هي اللي حطتك في الوضع الحرج ده







علشان كده بنات كتير تشتكي ان المجتمع مجتمع زكوري وبيفضل الولد علي البنت





















في الزمن القديم كان الولد بيتربي تربيه خشنه بعد ال 10 سنين علي انه راجل البيت ولو غلط يتضرب ويتعاقب وكل حاجه بيعملها غصب عنه وممالوش راي ومايقدرش يعترض علي راي والده





وده كان بيموت فيه جزء من روحه رغم انه مافيهاش حاجه لما يطيع والده لكن كان ممنوع عليه حتي انه يبدي رايه او يقول هو عاوز ايه



وكان مطلوب انه يبقي مسئول عن كل حاجه ويبقي هو الراجل في غياب الاب ومطلوب منه انه يرعي امه واخوته وطلبات البيت
ده كله مافيهاش حاجه



لكن انه يبقي مطالب انه يكون صوره طبق الاصل من والده؟ ليه بقي افرض انه عاوز يبقي حاجه تانيه او يمشي في طريق تانيه خالص





ده كله بيخلق جواه هم تقيل لو هو نفسيا مش مستعد وممكن يخلق منه راجل بجد قادر فعلا علي تحمل المسئوليه
لكن في الحالتين بيتولد عنده عقده من مساله الاختيار هتخليها تطارده طول حياته





وهتخلي عنده عقده حب السيطره
وده للاسف مش موجود الا في العالم العربي وبس





لو شخصيه الاب ديكتاتوريه بحته هتغلي تماما شخصيه الابن وهيطلع طول عمره ماعندوش شخصيه ومتردد وهيعاني في زواجه لان زوجته هي اللي هتبقي مسيطره عليه





لو الاب مدي حريه زياده عن اللزوم للابن غالبا هيطلع فاسد وهيستغل سلطاته بشكل سيء وهيبقي شخحصيه انانيه تافهه كريهه





لو الاب مسك العصايه من النص وده المفروض هيعرف يطلع ابن معتدل وناجح وديمقراطي














اللي سبق ده كله ماينفيش ان الرجل الشرقي بيحب يكون هو اللي بيتولي زمام الامور سواء كان ديمقراطي او ديكتاتوري







مهمها اختلفت طبقاتهم او مستواهم الاجتماعي والثقافي
اه احنا كرجاله بنجب السيطره ممكن ساعات نسيبها علي البحري ونسيب شويه حريه لكن اوقات معينه لازم احنا اللي نتحكم في كل حاجه ماينفعش نسبب للحريم المسائل مش علشان احنا متكبرين ولا عندنا عقده نقص
ده شيء فطري موجود جوانا في طبيعتنا
ككائنات ذكوريه





منها انه بيحب يكون هو التحكم في مصروف البيت واختيار العروسه واختيار المنزل وحتي طبيعه علاقته بزوجته الجنسيه بيحب يكون هو المتحكم فيها غاالبا
الراجل مش عاوز حد يغصب عليه ولو حصل فده لو هو اصلا موقفه ضعيف او مكانته ضعيفه في حالات نادره زي السياسه او الدين او العمل







في السياسه طبعا مايقدرش يقول حاجه للحاكم خوفا منه ولسبب تاني ان الحاكم بيمثل صوره مشابهه لصوره الاب المحفوره في دماغه واللي المفروض مايخرجش عن طوعه بالاضافه ان الرجال في العالم العربي متعودين انهم يبقوا محكومين ومايتخدلوش ابدا في امور الحكم الا لرجال الساسه واصحاب المناصب ومراكز القوي علشان كده الراجل بيحب يكون هو صاحب الكلمه الاولي والخيره في البيت وهو الناهي الامر وبس





















زمان كان فيه حاجه اسمها سي السيد واللي خلدها الرائع نجيب محفوظ شحخصيه جميله خلبت لب اغلب الرجال في العالم العربي انا عن نفسي شايفها شخصيه رجاله زمان اللي بجد



انا ماقصدش هنا اني ابقي متعصب لبني جنسي لكن فعلا الشخصيه دي تستحق ان الواحد يحترمها رغم انها اتسببت في اختلال نفسي لابنائها وفوبيا من مجرد زكر اسمه





لكن رغ م كده الشخصيه دي ضحيه لتربيه صارمه وبتتكرر في الاجيال المتواليه بعد كده رغم انه هو له حياه تانيه لاهيه حنون ومرح ومسخره وكريم وهلاس





علشان كده رجاله كتيير بيحلموا بالسلطه سواء سياسيه او دينيه علشان يشبعوا رغباتهم المكبوته وطموحاتهم


لكن حاليا اصبح الرجاله يرثي لهم









زمان كنت تلاقي رجاله بجد بيحملوا معاني واسامي الرجوله

بدايه من نبينا الكريم والصحابه وعمر بن الخطاب مرورا ب عمر بن عبد العزيز ويوسف بن تاشفين وصلاح الدين الايوبي ومحمد علي وعمر مكرم واحمد عرابي وجمال عبد الناصر ( مع اختلافي فه بكثره واعتراضي عليه لاسباب خاصه) و






اخيرا السادات





















زمان كان الست تموت في اي حاجه لها شعر ويطلع منها شويه دخان

دلوقتي بيموتوا في مهند

























الست بطبيعتها ضعيفه مهمها حاولت وانكرت وادعت انها بقت اقوي حاليا من الراجل





علشان كده بتحب الراجل اللي بيشخط فيها حتي لو ادعت انها غضبانه او حست بالاهانه لكن من جواها هو ارضي شعورها الانثوي بالاحساس بالضعف وهي طبعا عمرها ماهتقوله كده علشان مايسوقش فيها ويركبها لكن لو وصلت لحد الضرب هيبقفي فيها كلام تاني










صوره الراجل الازليه بتاعه رجل الكهف وهو بيجر الست من شعرها وداخل بها الكهف مفارقتش الستات والرجاله ورغم انها صوره تثير الاشمئزاز لكن بعضهم بيحلم بها لانه اصلا عنده رغبات ماسوشيه عميقه من الطرفين علشان كده في ستات بتحب انها تتربط وتبقي مستسلمه تماما للراجل اثناء المعاشره الزوجيه خاصه لو كانت بتحبه فعلا
ورغم كده تلاقيهم بيطلعوا عليك ويقولوا لك الراجل ده كذا ولا كذا ولا كذا
ياسلام









حاليا ااراجل عربي ياما حاله يصعب علي الكافر نظرا لان نسبه كبيره منهم اصبح عنده مشاكل جنسيه وده الشيء الوحيد اللي كان بيحاول يثبت نفسه فيها ويثبت رجولته نظرا للتلوث وكثره المشكلات والاحساس بالقهر والمراره في انظمه عربيه مستبده وظروف معيشيه صعبه وحاله ماديه ضعيفه





والراجل لما يفقد حتي نقطه التميز بتاعته علي الست في وضعه الجنسي بيصاب باالاكتئاب وبيحاول الفرار من البيت وبيتجنب الجلوس مع عيلته ويتجنب التقاء نظراته





ياما بقي يقرر انه يسلم نفسه لوسائل الاعلام وصناعه النجم بانه يتقلد بعض المظاهر الناعمه والناعسه وتسبيبل العينين والصوت الهامس والابتسامه الجذابه حتي يكون في الصوره ومايتركنش علي جنب

يعني في الحالتين ضايع ضايع


لما اتعرض مسلسل باب الحاره ومسلسل صراع علي الرمال وكلاهما اعمال سوريه خلبت لب العالم العربي كله نظرا لشخصياتهم الرجوليه البحته الخلابه الرجال ذو الشنبات والدقون والصوت الجهور والجمهور قال والله زمان

وده بيعكس الحاله المزريه النفسيه اللي وصل لها الناس حاليا انهم اصبحوا يفتقدوا معني كلمه راجل





لا يخفي علي احد ان الراجل الان ساب مقاليد الامور للست في كل حاجه في تربيه العيال ومصاريف الييت وبقي مضطر انه يسسيبها تطلع تشتغل وتصرف عليهم لان الزمن مابقاش زي الزمن واستسلم للنداءات العاليه بحقوق المراه
تراجع عن مكانه في قياده الدوله وترك جزء للمراه هو طبعا مش غبي علشان يسيب لها كل حاجه بس قال ارضيها باي حاجه مؤقتا علشان تبطل زن





وفي نفس الوقت هو بيحقد عليها لانها نجحت واتحدته وغلبته وبتلقي مسانده اكتر منه في جميع دول العالم ماعدا الدول المتخلفه ودول العاللم التالت





اي راجل بتحكمه امراه في العمل او الحكم بيبقي مغلول منها لكنه بيكتم جواه وده من حقه لان مش هو ده الوضع الطبيعي للراجل


صحيح الست بتتعب اكتر وتشقي وبتتحمل برود الرجل وقسوته ونزواته ومغامراته





لكنه برده الراجل بيتخنق من الست احيانا ويبقي عاوز يرمييها من الشباك لما يلاقيها بتتصرف بغباء او تعمل زي الستات الفاضيه في موضوع الرغي والنميمه ولوك لوك لوك لوك


بالاضافه ان اعصابه مشدوده دايما في لقمه العيش والشغل وعامل هم بكره





اركب اي مترو او اتوبيس نقل عام شوف الرجاله ماشيه ازاي مكشره مهمومه مكتئبه بيتابعوا اسعر الغلاء والمرتبات والحوافز عاملين هم مصاريف المدارس والكليات ومصاريف البيت والاكل واللبس وياعيني بقه لو حد عنده بنت علي وش زواج لازم يجهزها احسن حاجه علشان ماحدش يتريق عليه









وفي نفس الوقت ان الراجل بيمر بحاجه اسمها ازمه منتصف العمر تلاقيه بيبص لواحده تانيه غير مراته او ارتبط عاطفيا فعلا بواحده تانيه وهو هنا مش بيخونها لكنه بتكوينه العاطفي الراجل ممكن يحب اكتر من واحده في نفس الوقت وبنفس المقدار وده شيء صعب ان عقليه الست تتفهمه لانها بتبص علي انه بيخونها او بيبعمل كده لانه شايفها فيها حاجات ناقصه او هي بدات تدوب ادامه وتختفي تماما وده مش صحيح







الرجاله مايهونش عليها الست اللي وقفت معاه طول عمره ورافقته في الكفاح وعمره ماهيتخلي عنها لكنه يعمل ايه في قلبه لو فعلا قابل واحده تانيه خلبت عقله ولبه
ياما هيواجه العالم كله ويتحداه ويتحمل العقبات









ياما يكتم جواه ويصبر ويمكن يبتدي يكتئب كمان








لكن ماباليد حيله












لكن في نفس الوقت مايقدرش يعمل لها حاجه لان الست لها قدسيه خاصه في المجتمعات العربيه خاصه المصريه ويمكن هنا في مصر الست بتتعامل كويس احسن من بلاد تانيبه زي الاردن وسوريا اللي فيها جرائم الشرف نسبه عاليه او دةل زي السعوديه اللي الست مش واخده حريتها خالص





فياريت ماتجيش ستات وتقول فينك ياحريه







انتم دلوقتي واخدينها تاالت ومتلت اه صحيح ان في طبقات كتيره لسه ماوصلهاش الكلام ده وخاصه في الارياف والاقاليم
لكن النخبه الحاكمه والمتعلمه في ايدها انها تتغير كل حاجه لو اتحركوا







وفي نفس الوقت هجوم شديد دايما علي الراجل





ده الراجل بيتحرش بينا





ده الراجل متعصب ضدنا





ده الراجل بيتحكم فينا





ده الراجل مطلع عينينا

فين ده؟







الست لو شايفه كده تخلع زوجها ولا تفك من خطيبها ولا تديله بالجزمه لكنها بس بتحب ترمي كل حاجه عليه
فيه مثل بيقولك الراجل مايعيبهوش الا جيبه









للاسف ده كان زمان وخلص
دلوقتي الرجاله بقت زي قلتها وهينقرضوا
من كتر الاناث في مصر بقيت مستغرب ده احنا بقينا قليلين اوي يارجاله
شوف اي مدرسه كميه البنات اللي طالعه منها او اي جامعه هتصعق من كميتهم
هتقول هيتزوجوا دول ازاي





ده لازم الواحد يتزوج اتنين علي الاقل علشان يحل مشكله العنوسه
لكن ازاي بقي الستات مش هيرضوا وانانيين كمان يقولوا لك تتزوج عليا ياراجل يامنيل
لا خلاص خلي زميلتك ولا صاحبتك ولا جارتك تعنس وافرحي فيها بقي





الكلام ده مش من عندي بالمناسبه






وبعدين ييجوا يتهموا الرجاله عينهم زايغه
طبعا عينهم زايغه









من كتر مالحريم والنسوان بيعملوه في نفسهم وبيتفننوا في ده
وكمان ماحدش ييجي يلوم واحد قاعد ادام التلفزيون وبيتفرج علي هيفاء وهبي وسايب مراته









انا عن نفسي معجب بهيفاء وهبي ماخبيش علي حد علشان ست فعلا بتهتم بجمالها رغم انها ساعات بتفرط منها وبتتحول الي مبتذله وتافهه واصبحت سلعه اعلاميه متدنيه وبتحرص علي القاء الضوء عليها وبس










ماهي مراته هي السبب اصلا هي اللي مش مهتمه بنفسهها
هتقولوا مالراجل كمان لازم يهتم











لا الراجل بيهتم ولو عاوز يهتم هيهتهم بس الست تجاريه بدل ماهي عماله تتخن وتكشر في وشه علي طول وماتكلموش الا علي الطبيخ والجيران





بيتخنق منها ومن دماغها ومن منظرها














وتلاقيه يبيص لبره ورغم انه هو مزودها حبتين وبيلوم الست علي كل حاجه وبيكسر في نفسيتها
لكنه فعلا لو بيحبها هيحبها زي ماهي وهيرضي بها










لكن برده ده مايبعدناش عن اسباب الكراهيه المتبادله مابين الجنسين
هل هي غيره من النجاح او حب السيطره او اسباب قديمه او فطريه










خلينا واقعيين الراجل بقي مظلوم جدا الفتره الاخيره ومش ذنبه انه بقي مهمل وجاهل وبيتغاضي عن كوارث كتيره بتحصل وانهيار في المجتمعات وتخليه عن دوره الهام










الراجل محتاج ترجع ثقته بنفسه شويه ومحتاج مسانده قويه من المجتمع محتاج حد يرفعه من علي الارض ويحتويه ويخليه يفرغ همومه










الرجاله المتمثله في الشباب اللي بيتبدل في اشغل والهجره ويموت في عرض البحر علشان لقمه العيسش







الشباب اللي مش عارفين يتزوجوا واللي اغلبهم بيشكل 60 بالمائه من المجتمع طبقه متوسطه او اقل من المتوسطه مالهاش وسايط ولا عربيه ولا فيلاا وعايشين اليوم بيومه
الشباب اللي اي امين شرطه حقير او ظابط داخليه يهزءه










الشباب اللي بيتفرج علي البنات الشيك والمرفهه ويتفرج علي الشقق الغاليه ويدفن همومه في سينما تافهه هتضحكه في ساعتين او يروح يلف له سيجاره ماريجوانا
او يروح يتفرج علي فيلم بورنو او يقعد علي القهوه يلعب دومينو
او يتزوج زميله له عرفي ويسبها اول اول ماتحمل منه او تقوله عريس متقدم لي













وانا بتفرج علي الفيلم العظيم حب فوق هضبه الهرم شوف هو معمول بقاله 19 سنه ولبغايه دلوقتي هو فعلا بيعبر عن اغلب شباب جيلي بصدق وبصوره انسانيه خلابه













الشباب اللي بيتعصب لماتشات الكوره بيفرغ فيها جزء من اللي جواه







او تلاقيه بيتفرج علي افلام اكشن او يحب السرعه في السواقه ويخاطر بحياته
ده كله مكتوم جواهم علشن هم عارفين ان بكره مش مضمون حاليا










عارفين ان حياتهم هتبقي زي الزفت ومش متختلفه عن حياه اي واحد عنده 35 سنه ماشي في الشارع







شباب قرر يقول لا للزواج لا للاحلام لا لاني ابقي راجل







الشباب دول مشروع رجاله بس متعطل ومتاجل







وبعد ده كله تيجوا تقولوا فين الرجاله







قبل م تاحسبوا الرجاله حاسبوا الظروف والمجتمع


















اه ملحوظه اخيره انا مش متعصب لجنس الرجال انا بس عملت لكم دراسه عامه وتحليل لكلام رجاله كتير باسمعه منهم بينهم وبين بعضهم

الأحد، 12 أكتوبر، 2008

من اين نبدا (1 )؟؟؟؟؟؟؟؟



الفكره فكره محمد قباري وقررنا ننشرها في المدونات بتاعتنا كل واحد يقول مجموعه افكار عمليه للبدء والاستعداد
الاستععدا لايه؟
للتغيير ياضي العين
للاصلاح
كنت كتبت موضوع عن كده من شهر وهاستعرض بعض النقاط وهاضيف حاجات

http://egyfilm.com/Forums/viewtopic.php?t=240109&sid=e12909cede38d74e5317d2f62634b393



الحلول العمليه رقم 1

الوعي القومي







مش من نوعيه مصر هي امك ورقبتي فادك يامحسن بييه؟
لا وعي اهم اننا لو ماهتميناش بابلد اللي هي اصلا اتدمرت خلقه يبقي نروح نشوف لنا بلد تانيه
اه بس ياحلو منك له مافيش بلد هترضي تاخد لاجئين
انت اصلا امكانياتك ايه وهتضيف ايه اصلا للببلد اللي هتروح لها
فيه ناس هتقول اننا مش هنحقق ذانتنا الا لو طلعنا من هنا
انا بقولكم اه صح وانا واحد منهم فعلا مش هينفع احقق ذاتي الا بره مصر
بس ليه قولت كده؟


علشان الجو الموجوده في البلد مابيسمحش بظاهر قدراتي وامكانياتي ولا بيعترف بافكاري؟
علشان اغلب سكان مصر بما فيها الحكومه بتعترف بالكليات ذات المنصب الاجتماعي فقط
زي الطب والهندسه وكليه الشرطه وخلافه علشان دول اللي بيبجيبوا فلووس ومركز وعروسه وعربيه وفيللا وعقد عمل

انا طبيب اه لكني خجلان وحاسس بالعار لاني مش شايف ان الاطباء فادوا مجتمعم بجد ولا عملوا اي انجازات اللهم الا عدد قليل جدا يحتذي بهم واضافوا لتاريخ مصر في مجالات الادب والسياسه والفن والدين
واصبحوا رموز يحتذي بها وبفخر

مع ان ناس تانيه خريجين اداب او تجاره او حقوق قدروا يحققوا حاجات كتيره واصبحوا ناس فعاله في المجتمع المدني وناشطين

وفعالين في خدمه الوطنابرزهم ناس زي عمرو خالد ودكتور محمد سليم العوا ودكتور عبد الوهاب المسيري ودكتور يونان لبيب رزق والصحفي محمد حسنين هيكل والشيخ الشعراوي ودكتور احمد زويل والاديب نجيب محفوظ

ودول كلهم مش خريجين طب ولا هندسه ولا شرطه
وغيرهم وغيرهم دول ناس لهم بصمه في تاريخ مصر المعاصر

لو الاهالي يغرسوا الامثال دي للشباب ويحثوهم علي المسيبره وان يكون فيه فعلا اهتمام حقيقي بباقي الكليات وان الناس مش تبص لخريج التجاره علي انه فاشل ولا بتاع الحقوق علي انه عاطل ولا بتاع الاداب علي انه تافه
ان الناس تشجع ان اولادهم يشقوا الطريق اللي هم عاوزينه بنفسهم ويساعدوهم والحكومه برده نفس الكلام
يكون فيه تغطيه اعلاميه وصحفيه كبري للموضوع ده لان برده لسه 70 بالمائه من شعب مصر بيقاتل علشان كليات القمه والثانويه العامه الفاشله ومافيش فايده

عمر ماهيحصل ازدهار في بلد بتهتم ب 3 مجالات بس

هو المهندس الزراعي او العامل او الزبال او الموظف اقل مننا في ايه؟
بياخد مرتب اقل؟بيعاني من ملل الحكومه ونظره المجتمع الكئيبه له
طيب هو عمره ماهيشتغل كويس ولا بذمه كول مافي النظره دي
نفس الحكايه لخريج الجامعه الحديث لو كان تجاره

هيعاني علشان شغل ولازم يجيب واسطه ولازم يبوس القدم ويبكي الندم انه دخل الكليه الفاشله دي
فيطلع معقد

فيلعن البلد ويقول ماتلزمنيش ويكرههها ويسافر بره او يهاجر او يغرق في البحر
ويبتدي الاحساس العام بتلاشي الانتماء وحب الوطن بالسلامه ياقلبي وانا داعيلك
شفتم انا اقصد ايه؟

الخلاصه ان لو فعلا حبينا شغلنا واخترناه بارادتنا هننجز فيه بجد لكن مش الشغل ولا المركز اللي يتفرض غصب عننا
كتير جدا بيشتغلوا بدون ان يحبوا وظيفتهم



الحل رقم 2

الوعي الديني


في ال 5 السنين اللي فاتوا حصل تطور في الاعلام الديني بعشرات القنوات الفضائيه اللي جذبت الاف من المصريين حولها


ودعاه متعددين مش هاتكلم عنهم منهم من له ضمير ومنه من باع زمته للشيطان ومنهم من يقول هجص وخرافات وبيلحس الدماغ ومنهم من فعلا اثر فيا وكان السبب في تغييري وتركي لحاجات كتيره

بس انا عاوز اشيد بالدعاه الجدد العصريين وخاصه ان الداعي لازم يكون قريب من الشباب ويقدر يوصل لهم وياثر فيهم مش يشخط فيهم ويزعق لهم

الخطاب الديني بصراحه فيه ازمه كبيره ومصيبه رغم انتشار الفضائيات لكنه مازال يحتاج الكثير ليصبح عصريا ومؤثرا

اولا مجموعه من الدعاه بينادو بالنقاب والحجاب الشرعي ماشي مافيش مشاكل
بس هل ينفع ان كل سكان مصر يتنقبوا؟ او يتحجبوا

فيه طبقات معينه لاتعرتف بالحجاب لاسباب عديده منها منظرهم في المجتمع المخملي خاصه لو كانوا من الطبقه الراقيه مش كلهم طبعا بعضهم والبعض الاخر لا

منهم من يشغل مناصب هامه في شركات متعدده الجنسيه او كمناصب سيااسيه والحكومه لها نظره خاصه في الموضوع ده ولو حصل ان واحده هتبقي لابسه حجاب هتلاقيها لابسه حجاب اي كلام بس اهو اسمه احجاب والسلام
المشكله مش مشكله حجاب ولا نقاب


مانا لامؤاخذه ممكن ابقي لابسه نقاب ومش باين حاجه مني وابقي والعياذ بالله ماشيه بطال ولا نفسي اماره بالسوء
والعكس بالنسبه لغير المحجبات ناس كتيره جدا منهم محترمين
ودي مش قاعده طبعا

والمصيبه الاكبر الفتيات مابين 16 ل 21 بيرتدوا حجاب قميء ومقزز علي راي يوسف معاطيمن فوق عمرو خالد ومن تحت عمرو دياب

,ودي مشكله ادهي لان انا شايف ان السبب الرئيسي للتحرش الجنسي مهمها الناس اختلفت معايا هو لبس المحجبات اللي اصبح مثير للغرائز بشكل رهيب فبيحصل مشكله عند الشاب العاطل المكبوت جنسيا المحروم عاطفيا لما يلاقي المحجبه لابسه كده وماشيه متبرجه وهو اللي المفروض انه يغض بصره طبعا ويعف نفسه علي اد مايقدر وانه يصبر ويصوم حتي ياتيه الفرج

المطلوب منه انه يعتبرهم اخواته وطبعا مش كل الشباب زي بعض فبيضطروا لافراغ شهوتهم بطرق تانيه زي افلام البورنو والعاده السريه او يلجا لربنا ويطلب منه العون

لكن بصراحه ليا نظره تانيه خالص انه ممكن يحصل له تناقض جوه نفسه
هو مش ده الحجاب اللي ربنا امر به؟. طيب هم لابسين كده ليه وليه بيعملوا فينا كده
هم مش حاسين ان احنا تعبانين ومحرومين وبيعاني اكتر لما يلاقي الاعلام بيشجع المحجبات الجدد المتبرجات وبيساندهم وعلي فكره اصبحوا يسغلوا حوالي 40 بالمائه او اكثر من محجبات مصر ودي نسبه مشضئيله
بيحصل اضطراب في نفسيته وبيتدخل عوامل كثيره جدا منها احساسه بفقدانه لانسانيته ولاحترام المجتمع له ولاحساسه بانه مالوش لازمه في الدنيا وانه مركون علي الرف

بالاضافه انه عاطل عن العمل ومكتئب او بيعمل وظيفه حقيره وحقد طبقي نحو الشباب الاخرين نتيجه لظروفه
ده كله بيحوله لوحش هايج جنسيا ولو انه مش جنيسيا بالظبط هو مجرد غاضب من الوطن ومن المجتمع ومن المتغيرات والتناقض في نفسيات البشر
بييحوله لمضطرب نفسسيا عاوز يصرخ
فبيجد اقرب فريسه واللي تهم المجتمع العصري وهو بناته او الاناث الخاصين به
ياما اغتصاب باما معاكسه ياما تحرش ياما سباب من اللي قلبك بيحبه
وده مش ذنب البنت ولا ذنب الشاب
ده ذنب المجتمع اللي وصل الاتنين للمستوي ده
ولغياب الخطاب الديني والاجتماعي والانساني
ده نتيجه لتحليل نفسي قمت به ومتاكد انه صحيح بنسبه 70 بالمائه

الحل


زي مانا قلت ان المساجد تفتح ابوابها بعد الصلوات الرسميه للندوات والمحاضرات الدينيه الهادفه الهعادئه يقوم عليها اشخاص معتدلون محافظون مثقفين
ان اخطاب الديني يتم مراجعته مش معقول يبقي كله الدعاء علي النصاري وابيهود والحكام الظالمين
مانبص لنفسنا احنا الاول نشزف احخواتنا
مانشوف ولادنا اللي بيقعدوا في الشوارع ماحدش منهم بيتحرك لما الادان بيادن
ماحدش فاهم دينه الا من معلومات سطحيه او مغلوطه من النت او الفضائيات
ماحدش بيجرب يفتح ويبحث ويقرا ويسمع
والادهي انهم مش لاقيين مين اللي يقدر يوجه لهم النصيحه
الكل بيمشي في الشارع بيسب الدين وماحدش بيتحرك لما حد يسب الدين
يبقي جنابك تقف وتقول له حرام عليك
وتنهيه عن دهلما تشوف منكر تغيره بايدك لو لسانك او قلبك وده اضعف الايمان
لازم تاخد موقف من الدنيا مش معقول ان يبقي سب الدين كده عمال علي بطال
مش معقول انك مابتتقيش ربنا الا في 30 يوم بس
وياريتك تتقيهم علي وجه حق ده انت بتبقي عاوز طلبات من ربنا اد كده وتقعد تعيط له وتدعي انه يحقفقها لكطيب وانت اصلا حققت ايه تجاه اخرتك ولا دينك ولا تجاه ربك؟
,وبعد رمضان بتنسي كل حاجه وترجع ريما لعادتها القديمه

الحل انه يبقي فيه وعي ديني قوي ومستمر الشباب نفسهم يقدروا يقوموا بالدور ده علي قدر مايقدروا
ادعوا للعمل الصالح في شغلك او جامعتك او بيتك او لمراتكاو لولادك
لما تتعود كل يوم تصحي علي ادان الفجر وتعف نفسك بصيام الاتنين والخميس وتعطي الصدقات وتحسن للفقير ولزوي الحاجات
لما تكون مثال للشاب المسلم الصالح اكيد اللي حولك هيتاثروا وهتسب في قلوبهم بصمه




حل رقم 3



العمل الجماعي الاصلاحي


مش محتاج كلام لكن جمعيات زي صناع الحياه ورساله وغيرهم عملوا شغل ولو بنسبه ضئيله مفيده للمجتمع
عمرو خالد رغم كل شيء واختلافي معه في بداياته كداعيه
الا انه اثبت انه صاحب فكر وتوجه وصاحب مشروع ضخم وله حلم عاوز يحققه
اظن ان اللي شارك او سمع عن حمله الادمان واللي هيشارك في حمله التعليم والحملات الاخري
هيعرف ان ممكن حاجات كتيره جدا تتغير
انت فاضي ساعه ولا ساعتين في الاسبوع روح شارك في عمل خيري او نشاط خيري
فيه ناس كتيره محتاجه مساعدتك ياريت تقف جنبهم
الحكومه م هتتحرك علشان المؤخره بتاعتها تقيله ومليانه ومش هتعرف تهزها حبتين
يبقي نتحرك احنا
المفروض ان كلنا اخوه ونساند بعض وعمر مافي دوله هتتقدم طول ماحنا برطات وكل واحد ماشي لوحده
العمل الجماعي هو الحل
بدل مالبنات قاعده في بيوتها مستيين قطار الزواج ومابيعملواش حاجه يروحوا يشاركوا باي مجهود واي حاجه علي اد مايقدروا
بدل مالشباب قاعد في الكافيهات زي خيبتها يروح يساهم
البنت نفسها االلي بيقولوا عليها عانس هتحس ان لها اهميه وهتسترد جزء من روحها لما تشتغل في العمل الخيري بنيه سليمه مش نيه انها رايحه تشوف عريس


حل رقم 4

اه يابلدالويل للطغاه

اتفو عاي ام دي بلد

يلعن البلد وعيشتها

منكم لله ياظلمه

احييييييييييييييييييييييه

احنا بناخد فيها

مافيش فايده

دي كلها كلام بيتثال من معظم الشعب في المقاهي والشوارع ناحيه الحكومه والنظام والحزب الوطني
اه الحزب الوطني حزب ابن ستين كلب نجس كل اللي فيهم شويه قوادين ومومسات وحراميه وشواذ وبلطجيه لابسين كرافتات وراكبين عربيات ومطلعين ميتين ابونا بقالهم 28 سنه بما فيهم الفرعون الكبير بتاعهم
عارفين الناس دي جت منين؟

جت مننا
من وسطنا

ناس زينا لاقوا ان الجو بيسمح بده وان فيه تطنيش وتسيب وعدم شعور بالمسئوليه وحااله خمول
نتيجه لاهتمامنا بلقمه العيش وزواج البت وتجهيزها والترقيه والثانويه العامه وليله الخميس وحبه الفياجرا والواسطه والشغل وماتش الاهلي والزمالك وطابور العيش

اهتمامنا الازلي بالحاجات دي خلت الطريق مفتوح للباقيين اللي طلعوا وعرفوا يركبونا
اوعي تقولوا الحكومه هي البي سابتهم كده
?????????????????

لا ياعين امك انت وهو انت السبب منك له

انت لو كنت فعلا بتهتم بالعمل في السياسه وبتهتم بحق شعبك واين يهدر المال العام ومابترفعش قضيه ولا بترشح نفسك في مجلس الشعب ولا بتحاول تعرف دستور بلد ولا بتحاول تعرف اللي ليك واللي عليك
مكانش ده حصل

هتقولي سياسه ايه مانت عارف اللي فيها

هياخدوني امن دوله ويحطوا العصايه في مؤخرتي او يغتصبوني وينتكوا رجولتي او يههدوني بالنفي
اه حصلك كده

يبقي تسكت وتنعزل؟

لا طبعا عليك وعلي القضاء
القضاء فااسد؟
علي النيابه؟
برده؟
علي جمعيات حقوق الانسان؟
علي الاعلام؟
برده هتقوللي مس هيسبوني في حاللي
بص انا عن نفسي خرجت من الحزب اللي كنت فيه لاسباب تانيه ان لقيت مافيش اهتمام فعلي ولا خطوات بتتحقق وان المصاعب والعراقيل واقفه ادام طريقنا السياسي وان مافيش اصلا اعتراف في البلد بحاجه اسمها الاحزاب
ليه
????????

لان اصلا اي حزب مافيهوش االا 200 او 3000 واحد بالكتييرلا ومابيعملوا حاجه خالص
اللهم الا جماعه الاخوان المسلمين اعداهم كبيره ورغم اختلافي معاهم في نواياهم لكن علي الاقل لهم نشاط فعلي سياسي هم وحركه كفابيه وجذبوا انظار العالم لهم رغم العنف والاضطهاد ضدهم

مابقولكش تبقي اخوانجي ولا اشتراكي

عاوزك تبقي مصري مسلم عزيز النفس

يوم ماحصل 6 ابرل حصلت فوضي وهرتله وتجاوز حدود
عاوز تعبر عن احتجاجك يبقي فعلا ايجابي سلمي
استنفذت كل طرقك السلميه وصرخاتك مالهاش مستجيب
يبقي تسنتني مع الباقيين في انتظار الانفجار الوشيك والتغيير العنيف اللي هيحصل وهيسقط منه دماء كثيره
بس ماتنساش حاجه مهمه

مثلما تكونوا يولي عليكم

اللي هييجي ده علشان يحكمك لو انت فعلا فاسد ومهمهل ماتتوقعش انه هيبقي احسن منك

باقي الحملات سيتولاها زملائي واصدقائي باذن الله

الأحد، 5 أكتوبر، 2008

رمضان ............بح






خلص رمضان خلاص






زعلان عليه جدا لانه خلص بعد 30 يوم حسيت فيهم براحه وهدوء وبعد عن الدنيا ومشاغلها






ماكنتش قارف نفسي باي حاجه حتي السياسه كنت منفض لها وكل الهلس اللي حصل واخر التطورات كنت عاوز ابقي مغيب فعلا عن الدنيا بالشهر ده





ماهمنيش بقي القرضاوي قال ايه والهيصه اللي حصلت والهجوم الشديد ولا الاخ اللي قتل المطربه ومصر كلها مشفوله به زي مايكون قتل جولدا مائير




ولا الناس الي ماتت في الدويقه وقضوا رمضان تعيس عليهم مشردين حزاني ماهم يستاهلوا بصراحه مش مطلوب منهم انهم يعيشوا ولا يتنفسوا يموتوتا احسن





ولا حكايه الحرايق والهبل ده ولا ازمه امريكا الاقتصاديه ولا الم الناس وقرفهم





مشكلتنا احنا كبشر انتا عبيد لنزواننا وعبيد للدنيا ومتاعها





اللواحد مننا يقعد يفني عمره كله ورا الفلوس والشغل وتربيه العيال والمتعه الجنسيه والمنصب والجاه والعربيه والشقه والمصيف وهناكل ايه بكره وهنخرج فين النهارده



مشكلتنا اننتا مش عارفين نتخلص من عبوديه نفسنا




من رغبتنا اننا نقعد نلف ونلف ورا حاجات هاستافيد منها ايه في الاخر






هاستفيد ايه لما اقعد اكتب في السياسه وانتقد في الحكومه والنظام؟






طيب مابص للناس اصلا




مثلما تكونوا يولي عليكم



باختصار كده



واللي بيحصل لنا نستاهله لاننا اصلا متعفنين من جوه مهمها ادعينا اننتا ملايكه او قديسين



فينا جزء مظلم قبيح بنحاول ننكره او ننفيه




هاستافاد ايه لما يطلع ميتيني في الشغل علشان كام مياياه علشان اجيب شقه واتزوج واخلف عيال ييجيوا في الزمن الاغبر المنيل ده يعانوا زيي وزي غيري في عصر مالوش معالم وفي وسط عالم قاسي وفاسد





هستفاد ايه لما اتعب علشان اجيب عربيه هي اصلا هتتعبني بعد كده في حاجات كتيره ويمكن لا قدر الله اعمل بها حادثه ولا استغلها استغلال بشع





هستفاد ايه لما اجري علي ترقيه ولا ادور علي واسطه او منصب؟






هستفاد ايه لما اتفشخ في دوامه الدنيا والجري ورا المصالح؟






هستافاد ايه لما احرق دمي بالدنيا وهمها وضغطي يعلي والاقي نفسي باسمتمع بحاجات مزيفه فانيه





هاستفاد ايه لما انسي ان انسان وان ليا رب مابطيعهوش او اقرب منه الا في 30 يوم بس في رمضان ومابنزلش اصلي في الجامع ولا اقرب من المصحف؟






.-.-.-.-.-.-.-.-.-.-.-.-.-.-.-.-.-.

















انا في االعشر الاواخر كنت في حاله نيرفانا جميله مع ربنا بسبب اني طنشت الدنيا وكل حاجه وماعبرتش اي حاجه ولا اي حد






كنت اقعد بالليل مسترخي في فناء المسجد اتامل انجوم





لقيت اناي ازاي مابعملش ده كل يوم مابقعدش ليه مع نفسي ومع ربي في الجو الخلاب ده؟؟؟؟؟؟؟؟؟





يوم 28 كنت هاعيط خلاص لاني ماكنتش عازوز رمضان يخلص او بالمعني الاصح اجازتي من الدنيا تخلص لاني عارف ان بعدها هارجع للدنيا ولنفسي الاماره بالسوء وابقي زي باقي الناس اهتم بالزفت الهباب القطران اللي اسمه مصلحتك ومستقبلك






ماخبيش عليكم اتمنيت ربنا يقبض روحي قبل مارمضان يخلص علشان استريح






ده مش معناه اني مكتئب ولا حاجه






انا بس كاره الدنيا مش عاوز منها حاجه والله وكل يوم في ال 10 الاواخر كنت بادعي ل 35 واحد اعرفهم وانسي نفسي بالدعاء






انا نفسي ابعد عن ده كله واسيب كل حاجه ورايا زي مانا عملت كده في رمضان واجلت كل حاجه لبعد العيد






نفسي السنه الجايه اعمل عمره في رمضان او اكون بره مصر باذن الله علشان شبعت منها ولله الحمد










القرب من ربنا والاندماج معاه في ملكوته والتوحد في عاللمه نعمه والله








مش عارف حسيت ان فيه ارواح كتيره طايره في الشهر ده محلقه في السما كلها عاوزه تدخل من البوابه بتاعه ربنا وبتتضرع له








لو قدرنا نتخلص من اعبائنا الجسيمه ونتحرر من سيطره العقل علينا




هنستريح جدا






انا بحلم اني اتحرر واطير وابعد عن ده كله






بحلم بصحراء وواحه خضراء وبحيره






بحلم بنخله علي شاطيء ابيض وبحر شفاف






بحلم بجبل يطل علي وادي ضخم واسع






بحلم اني فوق الجبل ده وانا مغمض عينيا ومنتشي وسايب كل حاجه ورايا





حتي الكتابه مابقتش عاوز اكتب





اللي عاوزه اني احتفظ باللي خدته من الدنيا من زكريات جميله ولحظات حلوه وماضي بعيد جميل




وبعد كده بعد ماتشبعت بالفتره دي كلها وبروحانيه رمضان






مممكن ابقي اقرر افوق بعدها ولا اخليني هناك






في رمضان






................................................................................................








خارج النص








تابعت برنامجين في رمضان واحد للاستاذ عمرو خالد والتاني للداعيه معز مسعود






معز مسعود شاب انيق ومعروف ومثقف وهاديء واسلوبه سلس ناعم بيترك في داخلك اثر برنامجه الطريق الصح برنامج رائع مفيد جدا





حبيت بس انوه عن الشاب ده اللي اكيد فيه ناس كتيره تعرفه
























.........................












ابو جعفر المنصور









عمل درامي رائع انتاج قطري اردني سوري باخراج تونسي عن اهم خلفاء الدوله العباسيه واشرسهم وتاساسيه لعاصمه الخلافه بغداد

وصراعه مع الامويين وابو مسلم الخراساني والعلويين



كان فاكهه رمضان بجد وعمل مشرف للدراما العربيه

اللي تابعه استفاد جدا واسمتع به للغايه





........................................
نجيب ساويرس باحبه
رجل زكي جدا وبيعرف يفكر صح
مش علشان انا موبنييل
لا لان الراجل ده قدر انه يخلي النظام مايعرفش يسيطر عليه حتي لو كان مشارك معاه
كان له برنامج في رمضان علي قناه او تي في
حاول اهم3 ذيعيين في مصر
محمود سعد وعمرو اديب ولميس الحديدي
حلقاته كانت رائعه للغايه