الأحد، 5 أكتوبر، 2008

رمضان ............بح






خلص رمضان خلاص






زعلان عليه جدا لانه خلص بعد 30 يوم حسيت فيهم براحه وهدوء وبعد عن الدنيا ومشاغلها






ماكنتش قارف نفسي باي حاجه حتي السياسه كنت منفض لها وكل الهلس اللي حصل واخر التطورات كنت عاوز ابقي مغيب فعلا عن الدنيا بالشهر ده





ماهمنيش بقي القرضاوي قال ايه والهيصه اللي حصلت والهجوم الشديد ولا الاخ اللي قتل المطربه ومصر كلها مشفوله به زي مايكون قتل جولدا مائير




ولا الناس الي ماتت في الدويقه وقضوا رمضان تعيس عليهم مشردين حزاني ماهم يستاهلوا بصراحه مش مطلوب منهم انهم يعيشوا ولا يتنفسوا يموتوتا احسن





ولا حكايه الحرايق والهبل ده ولا ازمه امريكا الاقتصاديه ولا الم الناس وقرفهم





مشكلتنا احنا كبشر انتا عبيد لنزواننا وعبيد للدنيا ومتاعها





اللواحد مننا يقعد يفني عمره كله ورا الفلوس والشغل وتربيه العيال والمتعه الجنسيه والمنصب والجاه والعربيه والشقه والمصيف وهناكل ايه بكره وهنخرج فين النهارده



مشكلتنا اننتا مش عارفين نتخلص من عبوديه نفسنا




من رغبتنا اننا نقعد نلف ونلف ورا حاجات هاستافيد منها ايه في الاخر






هاستفيد ايه لما اقعد اكتب في السياسه وانتقد في الحكومه والنظام؟






طيب مابص للناس اصلا




مثلما تكونوا يولي عليكم



باختصار كده



واللي بيحصل لنا نستاهله لاننا اصلا متعفنين من جوه مهمها ادعينا اننتا ملايكه او قديسين



فينا جزء مظلم قبيح بنحاول ننكره او ننفيه




هاستافاد ايه لما يطلع ميتيني في الشغل علشان كام مياياه علشان اجيب شقه واتزوج واخلف عيال ييجيوا في الزمن الاغبر المنيل ده يعانوا زيي وزي غيري في عصر مالوش معالم وفي وسط عالم قاسي وفاسد





هستفاد ايه لما اتعب علشان اجيب عربيه هي اصلا هتتعبني بعد كده في حاجات كتيره ويمكن لا قدر الله اعمل بها حادثه ولا استغلها استغلال بشع





هستفاد ايه لما اجري علي ترقيه ولا ادور علي واسطه او منصب؟






هستفاد ايه لما اتفشخ في دوامه الدنيا والجري ورا المصالح؟






هستافاد ايه لما احرق دمي بالدنيا وهمها وضغطي يعلي والاقي نفسي باسمتمع بحاجات مزيفه فانيه





هاستفاد ايه لما انسي ان انسان وان ليا رب مابطيعهوش او اقرب منه الا في 30 يوم بس في رمضان ومابنزلش اصلي في الجامع ولا اقرب من المصحف؟






.-.-.-.-.-.-.-.-.-.-.-.-.-.-.-.-.-.

















انا في االعشر الاواخر كنت في حاله نيرفانا جميله مع ربنا بسبب اني طنشت الدنيا وكل حاجه وماعبرتش اي حاجه ولا اي حد






كنت اقعد بالليل مسترخي في فناء المسجد اتامل انجوم





لقيت اناي ازاي مابعملش ده كل يوم مابقعدش ليه مع نفسي ومع ربي في الجو الخلاب ده؟؟؟؟؟؟؟؟؟





يوم 28 كنت هاعيط خلاص لاني ماكنتش عازوز رمضان يخلص او بالمعني الاصح اجازتي من الدنيا تخلص لاني عارف ان بعدها هارجع للدنيا ولنفسي الاماره بالسوء وابقي زي باقي الناس اهتم بالزفت الهباب القطران اللي اسمه مصلحتك ومستقبلك






ماخبيش عليكم اتمنيت ربنا يقبض روحي قبل مارمضان يخلص علشان استريح






ده مش معناه اني مكتئب ولا حاجه






انا بس كاره الدنيا مش عاوز منها حاجه والله وكل يوم في ال 10 الاواخر كنت بادعي ل 35 واحد اعرفهم وانسي نفسي بالدعاء






انا نفسي ابعد عن ده كله واسيب كل حاجه ورايا زي مانا عملت كده في رمضان واجلت كل حاجه لبعد العيد






نفسي السنه الجايه اعمل عمره في رمضان او اكون بره مصر باذن الله علشان شبعت منها ولله الحمد










القرب من ربنا والاندماج معاه في ملكوته والتوحد في عاللمه نعمه والله








مش عارف حسيت ان فيه ارواح كتيره طايره في الشهر ده محلقه في السما كلها عاوزه تدخل من البوابه بتاعه ربنا وبتتضرع له








لو قدرنا نتخلص من اعبائنا الجسيمه ونتحرر من سيطره العقل علينا




هنستريح جدا






انا بحلم اني اتحرر واطير وابعد عن ده كله






بحلم بصحراء وواحه خضراء وبحيره






بحلم بنخله علي شاطيء ابيض وبحر شفاف






بحلم بجبل يطل علي وادي ضخم واسع






بحلم اني فوق الجبل ده وانا مغمض عينيا ومنتشي وسايب كل حاجه ورايا





حتي الكتابه مابقتش عاوز اكتب





اللي عاوزه اني احتفظ باللي خدته من الدنيا من زكريات جميله ولحظات حلوه وماضي بعيد جميل




وبعد كده بعد ماتشبعت بالفتره دي كلها وبروحانيه رمضان






مممكن ابقي اقرر افوق بعدها ولا اخليني هناك






في رمضان






................................................................................................








خارج النص








تابعت برنامجين في رمضان واحد للاستاذ عمرو خالد والتاني للداعيه معز مسعود






معز مسعود شاب انيق ومعروف ومثقف وهاديء واسلوبه سلس ناعم بيترك في داخلك اثر برنامجه الطريق الصح برنامج رائع مفيد جدا





حبيت بس انوه عن الشاب ده اللي اكيد فيه ناس كتيره تعرفه
























.........................












ابو جعفر المنصور









عمل درامي رائع انتاج قطري اردني سوري باخراج تونسي عن اهم خلفاء الدوله العباسيه واشرسهم وتاساسيه لعاصمه الخلافه بغداد

وصراعه مع الامويين وابو مسلم الخراساني والعلويين



كان فاكهه رمضان بجد وعمل مشرف للدراما العربيه

اللي تابعه استفاد جدا واسمتع به للغايه





........................................
نجيب ساويرس باحبه
رجل زكي جدا وبيعرف يفكر صح
مش علشان انا موبنييل
لا لان الراجل ده قدر انه يخلي النظام مايعرفش يسيطر عليه حتي لو كان مشارك معاه
كان له برنامج في رمضان علي قناه او تي في
حاول اهم3 ذيعيين في مصر
محمود سعد وعمرو اديب ولميس الحديدي
حلقاته كانت رائعه للغايه














هناك 15 تعليقًا:

كلام على بلاطة يقول...

كل عام وانت بخير

كراكيب يقول...

بص بقى البلوج بتاعتك مختلفة
والافلام والروايات اللي انت قايل عليها في السايد بار جامدين جدا
وخصوصا بقى انت واحد تعبان جدا وعايز ينام فدي احسن حاجة في الموضوع لان النوم ده عزيز وغالي واعز اللي يعز

وبالنسبة بقى للبوست
فحسيت بعد ما قريته اني اتخنقت اكتر علشان رمضان مشي بسرعه اوي وان هو بييجي مرة واحدة في السنة وان هو 30 يوم بس
يوووووووه بقى يا رمضان
و والله لسة بدري والله يا شهر الصياااام

miro el niro kwaniro

mUsLiM يقول...

كل سنه وانت طيب يا دكتور

ولو انها متأخره شويه معلش

وان شاء الله ربنا يبلغنا واياك رمضان القادم امين

السلام عليكم

The Seagull يقول...

والله معـاك حق فعـلاً يا دكتـور .. أنـا يمكن سبب حالة الاكتئاب والخمول اللي أنـا فيها دلوقتي بسبب إن رمضـان خلص :( .. ربنـا يرحمنـا برحمته ويعيننـا على طاعته دايمـًا ويبلغنـا رمضـان السنة الجاية إن شـاء الله :)

banouta masreya يقول...

انا زعلانة اوى انه خلص مع ان اخر كام يوم كنت ابتديت اتعب و ماعرفتش اختمه زى ما كنت عايزة

معز مسعود انا عرفته من كبارى و عجبنى جدا بجد و الجروب بتاعه على الفيسبوك هايل حقيقى

ما تابعتش ولا مسلسل السنة دى بس بيقولوا مسلسل اسمهان كان احلى حاجة لو اتعاد هحاول اشوفه سلاف دى اكيد هتبقى من اهم الممثلات عندنا

كل سنة و انت طيب و ربنا يبلغنا رمضان تانى و تالت ان شاء الله :)

Founoon يقول...

اهم حاجة

هل انا كنت من 35 نفر اللي انت دعيتلهم ولا نسيتني :)

ربنا يبلغك رمضان ويجعل كل ايام السنة عندك رمضان ويديم عليك حالة الصفاء النفسي اللي جاتلك

بس اللي فيه داء ما بيبطلوش وهترجع للسياسة يا دوكي

هو احنا ورانا غير الهم

كل سنة وانت طيب

نسر الشرق يقول...

انا شايف فى كلامك تناقض
بدأت بانك مش عايز تتكلم عن حد ولا عن حاجه دنيويه
وبعدين ختامه مسك
نجيب ساويرس والنظام
حبيبى لازم تعرف ان ربنا خلقنا فى الدنيا مش ممكن ننفصل عنها ولا امرنا بكده
بس نوازن بين الدنيا والاخره مش حرام انك تتمتع بيها بس اهم حاجه
فى الحلال
وكل عام وانت بخير
مستنيك
http://nisr-elsharq.blogspot.com/

dr.lecter يقول...

علي بلاطه

نورت البلوج

dr.lecter يقول...

كراكيب


اخجلتم تواضعنا بجد لعل وعسي تكون عجبتك

انا نفسي مخنوق علشان رمضان بجد حاسس ان روحي اتسحبت معاه ومستني السنه الجايه ان شالله

dr.lecter يقول...

مصعب

ولا يهمك يامان انت تنورني في اي وقت ماتعرفش معزتك عندي اد ايه

dr.lecter يقول...

يسرا

يارب نطلع من الحاله دي بقي علشان نفةق لمصالحنا

التقيل جاي وعاوزين نجهز له

dr.lecter يقول...

بنوته مصريه

معز انسان رائع بجد ونفسي اقابله في الواقع


اسمهان فعلا مسلسل تحفه هتنبهعري به جدا لما تشوفيه باذن الله حاجه كده تحفه

dr.lecter يقول...

فنون


انت بتهرجي؟

مش عاوز اقوةلك انك انت وكل اصحابنا هنا بادعي لهم كل يوم والله بالتوفيق والهدايه في رمضان

السياسه بقي شكلك كده معاكي حق اله يجازي اللي كان السبب

dr.lecter يقول...

نسر الشرق


لو انت خدت بالك قولت لك خارج عن النص كذا وكذا وكذا

وانا فعلا معجب بساويريس ومش هانكر ده لكن ده مالوش علاقه بالنظام المصري ولا الحكومه


انا فعلا بوازن بين الاتنين لكن احيانا بانحاز للاخره وللدين لاني ساات بشوف ان الدنيا ماتستاهلش العياط ده كله مننا وحرقه القلب

مش بارادتي والله مش هانكر اني ساعات بحب الدنيا لكن صدقني مابستريحش الا لما ابعد عنها معرفش ليه

will يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區