الجمعة، 30 مايو، 2008

ANTI- يوتوبيا




االقصه دي من وحي الخيال ومستحيل انها تحصل في الواقع لاننا مجتمع مثالي ورحيم ولله الحمد وعلي الساده اصحاب المشاعر الرهيفه مايقروش القصه دي وهي من تاليفي علشان مش هيقدروا يستحملوها
اللهم بلغت اللهم فاشهد



تنزل بنت محجبه من العشش اللي ساكنه فيها عند منشيه ناصر معاها شنطه بلاستيك البنت بتشتغل خياطه الصبح وتروح علي فرن العيش زيها زي اي حد تاني تقف هناك 3 ساعات علشان تاخد شويه عيش قد المناخير وعيش ناشف واسود يادوبك ياكلها وياكل اخواتها وممكن في الاخر ماتعرفش تجيب اي حاجه ويضيع اليوم

مشكلتها زي الباقيين مش عارفه تدخل تجيب نصيببها من كتر الزحمه والخناق

صاحب الفرن يبص لها بصه خبيثه ويروح لها ويقول انا مستعد ادخلك اول واحده واديك نصببك ونصيب معتبر كمان ومتظبط ومتوصي عليه بس خلينا ندوق حته من الشهد ياقمر وفتحي مخك معايا

تبص له البنت بقرف وتبعد عنه تقولها واحده واقفه جنبها طاوعيه وماتبقيش غبيه حد يفوت فرصه زي دي مش هتخسري حاجه

وماحدش هياخد باله ولا هيحس بحاجه

ابوها عيان بمرض غريب بعد مكان بيشتغل في محطه تنقيه مياه وحالته بتتدهور ومالوش تامين صحي تدخله مستشفي القصر العيني يترمي هناك اسبوعين ماحدش من الدكاتره معبره والممرضين بيخلوه ينام علي الارض علشان في زنقه سرير ومحتاجين مكانه لمريض تاني
يقولوا له انت محتاج تعمل عملبيه وتتعالج علي نفقه الدوله بس لازم قرار وزاري تطلعه وتجيب ورق وكده ولازم ورقك ياخد موافقه ويتمضي عليه

يستني شهر شهرين 3 5 مافيش فايده مافيش حد رد عليه وخلاص الراجل بيودع وبيسلم نمر البنت بتلطم وتايهه

ولاد الحلال دلوها علي نائب الدايره بتاعتهم الحاج حلاوه النزهي اللي حج سبع مرات وعمل عمرتين وبيعمل موايد الرحمن بيروحوا يصحوه منن النوم الساعه 2 الظهر ياعيني الراجل مالحقش ينام خالص بعد قعده امبارح الفللي مع تعميره تمام واصطباحه مووز من الحاج العجلاوي تاجر الفاكهه وشهباندر التجار وخد له قرصين زرق علشان يعرف يبقي بطل مع مراته الجديده ام 24 سنه رغم انه هو اكبر منها ب 25 سنه بس لسه جامد والدهن في العتاقي وربنا يخليلنا شركه فايزر ويكتار من منتجاتها وبعد كده يروح ينام عند ام العيال طبعا علشان ماتستلموش بالزنوبه الوردي ده مهمها كان راجل اصيل وعارف شرع ربنا وبيعرف يعدل بين مراتاته خاصه السنيوره الجديده اللي اتزوجها في اسكندريه وماحدش يعرف عنها حاجه بيروح لها مره كل اسبوع علشان يشوف طلباتها وطلباته بالمره اصله كريم اوي ويحب الشقاوه


البنت الغلبانه ياعيني راحت للحاج في مكتبه وقابلها صعبت عليه وحلف بالطلاق بالتلاته ليكون رايح المجلس وفاضح وزاره الصحه وعامل هليله

قعد يجعر في المجلس وفاشخ حنكه علي الاخر وياسيدي الرئيس وياحضرات النواب والاسطوانه اياها واصلا الريس بتاع الجلسه كان عمال يلعب في مناخيره وهو بيسمع وعمال يبعت بالبلو توث كليب هيفا الجديد اللي بيخلي الدم ينتعش كده ويزقطط

راح وزير الصحه ربنا يخليه لنا قام كده وقاله ان حاله الاخ المريض لسه بدري عليها وانه مش حرجه اوي وممكن يستني شويه وكمان امكانيات وزاره الصحه مش قد كده ( رغم الميزانيه المهوله) ولا تكفي لعلاج الناس دي كلهابالاضافه ان معظم الاساتذه الكبار الجراحين مشغولين حاليا ومش فاضيين يشوفوا حالالت علشان علشان معظهم شغال في دار الفؤاد

مافيش غير حل واحد ؟؟

ايه هو ياباشا؟

انك تطلع بالعيان ده علي اي سفاره عربيه خليجيه وتستجدي عطف اللي هناك يمكن يساعدوكي ويلموا تبرعات علشانه واهو الايد البطاله نجسه بدل ماهو قاعد كده عاله علي المجتمع

بعد الجلسه الوزير بيقعد مع النائب ايه ياعمنا سيبك من ده كله انا رايح الاويك اند بتاعي في بورتو مارينا وعاملين هناك حفله جامده وجايبين بنات مانجه لسه طازه ومعظم المجلس هيبقي هناك ها جاي؟

يلهث الحاج طبعا جاي هي دي فيها كلام


الفتاه لا حول لها ولا قوه تلف بوالدها في كل حته تقابل طبيبا مشهورا سمعته كويسه " بصي يابنتي ابوكي ده عنده كليتين يقدر يعيش بكليه واحده ممكن يبيع التانيه ويجيب منها قرشين كويسين وتقدري تعالجيه في اي مستشفي خاصه او حته بره مصر "

تضطر الفتاه للموافقه بعد اخذ راي ابيها في مستشفي راقي فاخر بالمقطم بعد اخذ الكليه وكتابه الاقرار اياه وابوها لسه مافقش من البنج يدخل عليهم اتنين تيران يشيلوهم وياخدوهم في عربيه ويرموهم علي طريق الدائري من غير مايدوهم تمن الكليه

ينهار جسد الراجل ويصاب بتسمم في الدم ويرجع مره تانيه القصر العيني يدخل العنايه المركزه لكن برده مافيش حد معبره مرمي هناك بين الحياه او الموت

تتماسك الفتاه وتعود الي منزلها في منشيه الناصر في الميكروباص ليلا تهم بدفع الاجره فيقول لها السائق المحشش المسطول ا" ايه ده ياحلوه ؟ الاجره ناقصه 2 جنيه ؟

ترد الفتاه هي غليت من امتي؟ طيب انا مش معايا الا 75 قرش بس

يرد السائق ماليش دعوه البنزين غلي امبارح وانا عاوز حقي بقي وشكلي كده هاخده ناشف منك بطريقتي

ويقوم بهتك عرضها داخل الميكروباص وتستنجد الفتاه بالناس خاصه انه لا يوجد غيرها في تلك الساعه

لكن الناس مشغوله بمتابعه ماتش الاهلي والزمالك وابو تريكه يافنان وارقص ياحضري وحتي اللي كان معدي جنب الميكطروباص قال انا مش عاوز اتاخر علي صلاه العشاء انا مش ناقص عطله وطلع يجري علي الجامع وحتي النسوان اللي شافوا الموقف ده ماعملوش حاجه لانهم مايقدروش يتحلكوا من غير امر رجالاتهم علشان مايتطلقوش ويجيبوا الشبهه لنفسهم

تخرج الفتاه محطمه نفسيا من تلك الحادثه وتعود بلا وعي الي المنزل تسال عن اختها الصغيره ام 8 سنين يردوا انها في الشغل بتمسح وتكنس وتطبخ في الييوت

تسال عن اخوها ابو 10 سنين

يقولوا بيلقط رزقه في الاتوبيسات


تسال عن اخوها ابو 6 سنين يقولوا طردوه من المدرسه علشان مارضيش ياخد درس عند الناظر والمدرسين لان الناظر غاصب علي كل الطلبه ياخدوا دروس ومافيش حد بيدخل الحصص علشان وزاره التربيه والتعليم بتدي مهيات اي كلام للمدرسين ومش مهتمه باحوال التعليم فخلاص بقي خلونا نعيش بالهيصه وسلملي علي البدنجان

بعد وفاه والدها ودفنه في مقلب الزباله الكبير علشان ماقدرتش علي تمن القبر ولا الكفن

يتشتغل شغلانه كده تستمر فيها شهرين

تلاقيها رايحه علي فندق كبير ومشهور موجود علي النيل شايله شنطه بلاستيك تعدي من الامن بدون تفتيش لما يشفوا البادج اللي معاها والتصريح اياه

تروح الاستقبال الموظف يطلع معاها للحمام تدخل تغير لبسها وتظبط شعرها وتحط البرفانات وتقلع الحجاب وتحط الميك اب وتطلع مع الموظف الشاب في الاسانسير خريج كليه شريعه وقانون بتقدير جيد جدا مع مرتبه الشرف اللي قعد 4 سنين من غير شغل لان مؤهله غير مطلوب في البلد ومالوش واسطه محترمه علشان ابوه يادوبك موظف في بنك حكومي

عرف يجيب واسطه كويس تشغله في الفندق اي حاجه بعد مافسخ خطوبته مع جارته اللي بيحبها من صغره بس اهلها غصبوا عليه يسبها علشان ماعندوش شقه ولا امكانيات ماديه ولا يملك شيء زيه زي ال 3 مليون شاب مصري اللي عدوا 35 سنه ومااتزوجوش لغايه دلوقتي ومقضيينها افلام سكس ومعاكسه بنات ماهم هيعملوا ايه ؟ ينتحروا يعني ولا يولوعوا في نفسهم ؟

والبنات نفس الشيء حالها واقف علشان فيه بطاله ومافيش زواج فقاعدين في البيوت مخللين وهيحمضوا جنب امهاتهم بعد ماخلصوا تعليم ومستنيثين العدل وعريس الغفله بس شكلهم هيستنوا كتير اوي

شغال وظيفه حقيره شغال قواد في فندق مالقوش وظيفه تليق بمؤهله ؟ هو اللي كان حافظ القران وواعظ ويدرس فقه وشريعه ايام الجامعه وكان بيؤم المصلين في صلاه الفجر يوصل به الحال للدرجه دي؟.

بقي دي اخرتها واخره التعليم؟ افتكر ده كله وهو بيوصل البنت لغرفه الزبون العربي اللي مستني علي نار وجاي مصر بس علشان شهوه الجنس لانه زي ماسمع من واحد صاحبه

" من دخل مصر ولم يزني كمن دخل جهنم ولم يحترق "


زبون زيه زي اي واحد ينمزل مصر علشان يتفسح ياما ينزل لبنان وهناك الحلاوه مستنيه وعلي التقليه

الشاب واقف بره الغرفه مستني الزبون يخلص وسامع بودانه كل حاجه زيه زي التانيين الكبار الزعماء الجامدين القارحين اللي سابوا الصهاينه يدخلوا علي اوده نوم فلسطين ويفتح غشاء البكاره للوطن اللي كان لسه عذراء وهم واقفين بره سامعينها بتصوت وتعيط لكنهم ضميرهم مبسوط

هم اللي شافوا العراق بيتفلق نصيسن وبدل مايقفوا معاهم وقف مع النص اللي علي مزاجهم

هم اللي شاركوا في تقطيع تورته لبنان من غير مايحسبوا النتايج


الشاب لسه واقف بره ويقبض البقشيش من الزبون فينسي كل حاجه ويرقص فرحا المهم هو قبض الابيج
تخرج الفتاه من الفندق ونسيست تغطي شعرها فتقابل واحده منقبه ومعاها شابين من اياهم يقولوا لها يافاجره حد يخرج كاشف شعره؟ حد مالبسش الحجاب

تبص لهم بفزع ومش عارفه ترد

يروحوا مدحدفينها بالطوب وفاضحينها في الشارع يابنت الكلب يافاجره يامومس ياعاهره

البنت تعيط تلمح اعلان متعلق لداعيه ديني مشهور علي الفضائييات يبكي حزنا والناس مصدقاه ويعيطوا وراه يقعد يعيط لما لحيته تتبل تماما وهو يقول يارب اغفر لي ارحمنا اجمعين


تروح له البنت وتشكي له يقولها من كان منكم بلا خطيئه فليرجمك بحجر

ياخدها معاه البرنامج ويعرض قضيتها ويثير الراي العام وهو اصلا غرضه انه يعمل اعلانات للبرنامج ويحقق اعلي نسبه مشاهده ويعمل دوشه

الناس تقعد تتكلم عن الحدث ده لمده شهر وبعد كده الكل بينسي كل حاجه زي اللي نسيوا العباره وقطار الصعيد واكياس الدم وعماد الكبير

تصاب الفتاه بالايدز وتهرع الي قسم الحالات الخطيره والخط االساخن الخاص يرفض الطبيب تسجيل اسمها وينظر لها بقرف واحتقار مع انه اصلا بيشتغل بالليل طبيب اجهاض غير شرعي وبيعمل عمليات ترقيع للعاهرات

تروح البنت لشيخ تطلب منه انه يدعي لها ويطلب الرحمه والمغفره لها وتشور عليه تعمل ايه

يبصق عليها الشيخ ويطردها من المسجد


يقابلها شباب متحمس منتمي لحزب من اياهم بتوع الشوشره يعرضوا عليها انها تقوم بتفجير نفسها في مترو الانفاق طالما هي كده كده ضايعه ومالهاش امل واهي تبقي موتها بفايده وتبقي شهيده وربنا يغفر لها وكمان تبقي خدمت البلد علشان الحكومه هتنهار بعد كده والشعب ينتفض ويعمل ثوره

تصبح كل يوم فريسه لمضايقات شرطه الاداب اللي مالهمش شغلانه خالص وعاوزين يعملوا قضيه وخلاص مع انها واخده تصريح منهم بالشغل والكل عارف كده بس هم غلسه وعاوزين يبتزوها ويلهفوا الفلوس اللي معاها
تضيق بها الحياه تقفز من فوق كوبري قصر النيل

يبنظر لها الناس باسف

" ياحرام ماتت كافره منتحره "

وينسوا امرها عندما يسمعوا الاغنيه المشهوره

وده مايمنعش احب البلد الارمله المسنه البنت الولد

قبدني تجدني تلاقيني طوالي بالي علي الفلوس والفلوس علي بالي


وهي دي البدايبه لما ماتت الحكايه

الاثنين، 26 مايو، 2008

نوستلجيتي



انا ونوستلجيتي الخاصه بيا





مش عارف ليه بكره الحاضر مابعرفش احبه ولا استناه











يمكن لاني فاشل بطبيعتي وبحاول اعيش واثبت لاكتر فتره ممكنه في الوقت الحاضر من غير مايكون عندي رغبه حقيقه في الاستمرار


يمكن كمان لاني بافتقد اللحظات اللي فاتت الثانيه اللي فاتت الفيمتو ثانيه باشتاق للحظات دي اوي





مثلا النهارده حصل كده موقف قعد 5 دقايق وخلص كان حلو وكان نفسي يطول بس ماطولش





انتهي المشكله بقي اني انا قعدت افكر في الموقف ده ولقيت اني اتبسطت لفتره مؤقته بسببه وتاثيره خلاه لفتره حاجه كده زي حقنه الماكس او قرش الحشيش لو حد جربهم او عقار ال lsd





المهم انا كده علي طول كل مابتحصل حاجه حلوه باروح مخزنها في ملف الزكريات السعيده القصيره عندي واقعد افتكر فيها واسترجعها زي ماهيا مره تانيه كل مالاقي نفسي مكتئب او قرفان





والبس نفس اللبس اللي كان فيهع الموقف ده واسرح شعري بنفس التسريحه واحاول اكرر نفس الاشياء والبيئه اللي كانت محيطه بالموقف ده او اليوم ده مع نفس الناس





كاني باعرض مسرحيه يوميه








كاني باروح اجيب شريط فيديو من الارشيف واقعد اتفرج عليه كل يوم من غير زهق








فكره غريبه مش كده؟





انا بقول كده برده




















علشان كده من بدايه الايام الجايه هاتكلم عن الارشيف بتاعي لعل وعسي يبقي محفوظ ومايضيعش من زاكره الزمن











1- هيبقي فتره الجامعه من سنه 2001 لغايه 2006








2- هيبقي مصر الجديده برده من 2001 لغايه 2008








3- هتبقي ااسكندريه








4- هتبقي سنه الامتياز





5- هتبقي حاجات تانيه حلوه











فكروني بس

الأحد، 25 مايو، 2008

1492

هاتكلم عن موضوع ممكن مايهمكمش كتير...لانه ينتمي للتاريخ واالي احنا لازم نتعلم منه 1492



ممكن كتير مايعرفوش هو عن ايه.. بس هو عن اهم حدثين حصلوا قبل بدايه القرن الخامس عشر هو بدايه اكتشاف عالم جديد عالم بيحكم العالم الان بقبضه من حديد ( قاره امريكا الشماليه) وسقوط عالم اخر

..رائع وعظيم..اثر في اوروبا كلها وكان رمز الحضاره والنور والامل..في عصور مظلمه اشتهرت بالتخلف والجهل..هو اخر ممالك العرب والمسلمين الاندلس الاندلس..التي ظلت 700 عام في اسبانيا..تحت قياده عربيه اسلاميه متنوره اشتهرت بالعلم والثقافه..واخرجت عباقره..مازال الغرب يذكر فضلهم عليها الاندلس التي مهمد لنشائها القائد العربي البربري من شمال افريقيا
طارق بن زيادبمساعده الدوله الامويه.
.. وموسي بن نصير ليكملوا سلسله الفتوح الاسلاميه العظيمه

ولسنوات ترعرع الشعب العربي هناك...وتاثر بالجو الجديد..ولكنه اثر فيمن حوله هو الاخر وشارك في ازاله الظلمه عن شعوب اوروبا التي كانت غارقه في الصراعات بين ملوكها.

.وفساد رجال الدين والكنيسه...وتقهقرت جيوشهم امام الزحف العربي المنير انه الصراع بين النور والظلام...لكننا لم نتعظ بمن قبلنا..وكبر في نفوسنا الاطماع والشهوات وحب الدنيا والصراع علي السلطه والجاه لدرجه قتل بعضنا والفرقه وادي الي الكره والانانيه وتحكم في عقولنا الشيطان واضعنا ارواحنا مقابل تفاهات زائله ولجانا الي العدو ... واتينا بالغريب .

..ليعيننا علي اخينا من دمنا ولحمنا وعرضنا..وتزاوجنا مع الاخر..وانبهرنا بمتعه وفساده ..وغرقنا حتي النخاع..في بحر من الخيانه...والفساد...وانقسمنا الي طوائف وكل ادعي احقيته بالحكم ..ونسنا الكلمه التي توحدنا من اجلها .... والنتيجه انشغلنا عن الهدف الرئيس من وجودنا هناك..واضعنا.. اجمل حضاره وامبراطوريه كان الاسلام انشناها وسقطت المدن كل وراء الاخري قرطبه اشبيليه واخيرا غرناطه واول شيء فعلوه الاسبان ....حولوا مساجدنا الجميله..والتي يشهد لها فن المعمار بالعظمه الي كنائس ولعل التاريخ يعيد نفسه الان مع المنطقه العربيه



..وبنفس التتابع المخيف والسريع

...امس فقدنا القدس ثم بغداد والقائمه تحتوي الكثير ...ولكن ما باليد حيله واسفاه علينا معشر العرب والمسلمون








... نفس التاريخ اللي اتكلمنا عنه قبل كده.


. هو كان تاريخ بدايه اهم حمله استكشاف غيرت مجري اكون بدون مبالغه استكشاف العالم الجديد.

.علي يد كريستوفر كولمبس بتمويل من الملكه اليزابيث ملكه اسبانيا بعد سقوط الاندلس وانهيار العرب...الحقيقه ان كولمبس اكتشف امريكا الشماليه بالصدفه..لانه كان فاكرها جزر الهند الغربيه...


والصدفه وحدها هي اللي قادته الي استكشاف قاره ضخمه..غافيه عن االحضاره..وسكانها هم الهنود الحمر البدائيين عارفين كولمبس عمل ايه هو والجيش الاسباني اللي معاه؟ عملوا مدابح واباده جماعيه لسكان الاصليين لامريكا..البقاء للاقوي هم ياعيني هيعملوا ايه امام البنادق والمدافع اللي بحوزه الاسبان

...واستعملوا الباقييين كعبيد وابتدت تجراه العبيد هناك..وتم نقل قزاره الاوروبيين..وفسادهم..وامراضهم..الي الشعب الضعيف مما ادي الي شبه انقراضه..واقاموا مستعمرت كتيره... وبدا نهب البلد وبعد فتره...هاجر العديد من الانجلو ساكسونيين

...الي امريكا ليؤسسوا امريكا اللي احنا عارفينها دلوقت ولتنتشر اللغه الانجليزيه هناك... ويتم التبشير بالمسيحيه... وتتم انشاء قوانين الحضاره الغربيه في تلك الارض ولان الارض كانت واسعه جدا...وكبيره استمرت الهجرات اليها...وانشاء المزيد من المستعمرات..ومزيد من الدماء..والاستبداد بالهنود ( مش ده بيفكركم بحاجه احنا عارفينها)ولينمحي من علي كتب التاريخ..اسم السكان الاصليين لامريكا وده شيء طبيعي جدا..بالنسبه للاستعمار

..امريكا فضلت خاضعه للحكم الاسباني ثم اصبحت تحت السياده البريطانيه ..التي كانت تستعمر نصف الارض الصين الهند مصر افريقيا مختلف البلدان كانت تسيطر عليها الامبراطوريه البريطانيه..مثلما فعلت الحضاره الرومانيه.. بعد كده..سكان المستعمرات..حبوا انهم يستقلوا عن بريطانيا..واعلنوا حرب الاستقلال وقادها الزعيم جورج واشنطن..اللي وشه علي الدولار الامريكي وفي عام 1774.... يوم 4 يوليو....نالت امريكا استقلالها...واصبحت منفصله تماما عن بريطانيا...وبدات بعدها حملات لاستكمال اباده...الهننود وبداءؤ ثقافه جديده...وحضاره بقوانين جديده واصبح هناك العديد من المذاهب المسيحيه... مثل البروستانت والكاثوليك وازدهرت تجاره العبيد...كانوا بيتاجروزا في الزنوج

...اللي بيجيبوهم من افريقيا...ويخلوهم يعملوا في حقولهم...وكخدم...وكانوا بيغتصبوا الستات منهم ....وبيعاملوهم معامله الحيوانات ومن هنا كانت كلمه التفرقه العنصريه...عاني فيها الزنوج من الظلم والقهر... واضطروا الي اعتناق دين غير دينهم...والابتعاد عن وطنهم الاصلي مرغمين والفترات

دي...مليانه بالفضائح والمجازر اللي عملها الامريكان المتحضرين لكن جاء في يوم زعيم محبوب...اسمه ابراهام لينكولن...الغي تجاره الرقيق... وادي الي انقسام البلد الي نصفين وقيام حرب اهليه شنيعه كانت من اسواء فترات تاريخ امريكا واللي شاف مسلسل الشما والجنوب...وفيلم ذهب مع الريح....والجبل البارد هيعرف انا اقصد ايه... كان فيه عنصريه ضد الاصول الايرلنديه والاسبانيه والصينيه كان فيه

كوارث ..واتبنت امريكا المعاصره..علي دماء تلك الحرب امريكا الحقيقيقه اتولدت في الشوارع ومن وسط الصراعات الدمويه... امريكا الحقيقيه ...عباره عن شويه جزارين وصيع الناس هناك بتخلدهم في التاريخ وتعتبرهم ابطالا امه من السفاحين ...هي دي امريكا لغايه بدايه القرن العشرين

الجمعة، 16 مايو، 2008

رسائل الحب والحرب




HGPرســـــائل الحب و الحـــــــرب


حبيبتي بريق ( في الوطن البعيد)




اشتقت اليك منذ الاسبوع الماضي عندما حضرت للقائي بكامل اناقتك وبعطرك الرقيق وحجابك الانيق
وحمره الخجل تغزو وجهك الصبوح الحالم

اشتقت الي لمسه يدك وهي ترتجف بين يدي واحسست بما يدور في اعماقك وودت وقتها لو ضممتك الي صدري وافرغتي دموعك علي كتفي وبحت بما يعتمل في اعماقك وانا الصدر الحنون لك
واقرب الناس واكثرهم فهما لمشاعرك ولولا اني اخاف الله واخاف عليك لما تراجعت

انك ياغاليه تستحقين ماهو افضل لك وربما لا اكون جدير بك بما فيه الكفايه لانك كالحجر الثمين النادر لا يعرف قيمته الا من يفهم في الكنوز النادره


اني اتلذذ بكلماتك التي تكشف الكثير عن جمالك الروحي الداخلي ومعجب بطموحك واحلامك التي ادعو الله من كل قلبي ان تتحقق باذن الله


تعلمين انك الوحيده التي تخفف من همومي واحباطاتي في وطن لا يرحم ولا يمنح الفرص ولا يغفرالماضي

وطن بغي فيه حكامه وظلموه وقتلوا احلامنا وامالنا وبساطتنا وحولوا مبادئنا ومعتقداتنا الي مفردات بشعه وحقيره ليس فيها من الحقيقه اي ذره

حتي الناس اصبحت قلوبهم قاسيه وعقولهم كذلك واظلمت نفوسهم ولم يترددوا في اتهامي بابشع الافاظ والنعوت دون ان يتحققوا من ذلك حتي كدت ان اصدق مايفولونه عني


لكنك تمسكت بي وقلتي لي بابتسامتك المعهوده " انهم يقولون.......ماذا يقولون؟ دعهم يقولون




لولا المسافات ومشقه السفر اليك وضيق الوقت وكثره المسئوليات لغادرت مدينتي وارتميت علي ارضك وانتظرت ترحيبك بي في مملكتك ووطنك الذي اغرمت به

صرت في صراع بين افكاري ومبادئي الخاصه التي جدها الناس غريبه عنهم كل ذلك لانها لتتتفق مع مايشتهون رغم اني لست ادعو الي الفسق ولا الفاحشه ولا السلطه ولا المال

كل مااطلبه هو العدل الاجتماعي والحق والوسطيه في الاسلام


ثم جاءت انباء الحرب لتزيد الطين بله وينمو بداخلي ذلك الشعور بضروره القيام بالواجب خاصه ان الحرب الان تتعلق بثاني معشوقه من بعدك واكن لها كل مشاعري لا اعرف لذلك سببا


وعجبت انك تتفهمي ذلك ولم تغاري وتعاطفتي معها جيدا رغم اني مغرم بها قبل معرفتك بي


الحرب قادمه لا شك فيها وسواء تدخل القاده او لم يفعلوا لن انتظر اكثر من ذلك واشاهد الغزاه يعبثون ببكاره عذوريتها كل يوم

نعم مازالت عزراء بالنسبه لي وستظل للابد

بداخلي طاقه عنيفه ومكبوته اريد توجيهها لشيء او لشخص اكرهه لكني لا اجد سوي تلك القضيه التي يبدو انها ستكون هدفي في الحياه منذ الان
ستقولين الوطن احوج لي وانفع اقول لك الوطن لا يبغي مني شيئا طالما هو مستفيد ومرتبط باناس اخرين تملكوه رغما عنه

لا تظني اني اتخلي عنه ولكن لا استطيع الحياه فيه اكثر من ذلك

حبيتي لا اريد ان اطيل عليك وقد ضاق بي الجميع من كل صوب ويرغمونني علي الرحيل

وانا حاليا في مرحله انتقاليه لاتخاذ القرار الهام وستسمعين به قريبا

ارجو منك ان اسمع ردك ونجتمع علي خير ان شاالله


حبيبك امل
( من الوطن المحتضر )












حبيبي امل ( في الوطن المحتضر )



قد بلغني خبرك وكلماتك المعسوله التي تجعلني اذوب فيك عشقا واتمسك بك خيرا ووقفت امام رغبه اهلي في تزويجي كما يريدون وقلت لهم سانتظرك طيله العمر حتي لو طال بي الامد

وشاب شعري لانك الشخص الوحيد الذي ارغب في تمضيه بقيه حياتي معه

انك انت من خلب لبي ووجداني

يكفيني ان انظر الي عينيك العسلتين ووجهك الصادق البريء

ولولا اني لا ارغب في معصيه الله لطلبت منك ان تضمني بقوه وتحتضني وتجعلني اسمع صدي قلبك

انك من عرفتني علي حقيقتي واحببت عيوبي وتقبلتها كما هي

كانك وانا شخص واحد نتنفس نفس الهواء ونعيش بروح واحده


ولولا اني اعرف مقدار عشقك لغاليتك وحبك الاول ومدي استعدادك للتضحيه من اجلها لقلت اني اغير منها

نعم اني اغير منها لانك تبكي عندما تتذكرها وينتابك الغضب عندما تسمع الاخبار التي تزداد سوءا يوما بعد يوم

رغم مرور 50 عاما علي اغتصابها لكنها تزداد جمالا في ناظرك

حتي لقد تحيرت وقلت لو لم ابن وطنك فهل كنت تقبل ان تكون ابنا لها؟

هل تحتمل انها اصبحت شتاتا واشلاءا واصبحت بين الاموات الاحياء؟

هل تقبل ان تذهب اليها وتراها قد شاخت وذهب جمالها الخارجي؟

لما ياعزيزي تفكر بها وقد تخلي عنها ابناءها ؟

امامك مستقبل رائع اهم منها واهلك واحبائك وحياتك التي رغم كل شيء افضل بكثير من بقيه الناس؟

واخيرا انا؟

اعلم ان الحرب اشتعلت وحكامنا جالسون منتفخون البطون والكروش يشاهدون اخبارها ولا تستيقظ فيهم النخوه يواصلون غسيل امخاخ الناس وافقادهم هويتهم ودينهم بالاعلام الفضائي ومباريات كره القدم والاغاني والمسلسلات والصحف المزيفه والوعود الكاذبه وتزييف التاريخ كما يشاءوون

اعلم ان لك اصدقاءا من بلاد بعيده انضموا لك وكونوا كتائب مستقله لا تتبع الحكومات وبتمويل خاص لكم

متعددين الجنسيه لكن يربطكم دين واحد وقضيه واحده وحلم واحد

وهو الجهاد


ولكن هل ترغب فعلا في ذلك ام انها مجرد وسيله لتفريغ الكبت بداخلك ؟

من في مثل سنك يقضون وقتهم بالكامل علي النت او المقاهي والشوارع وتسكعون بالسيارات والاحاديث في مواضيع تافهه عقيمه ويظنون انهم سيغيروا العالم بذلك ولكنهم مازالوا تحت سيطره الوهم والبعد عن الواقع

خذ حذرك لاني قد بلغني انك مراقب من اجهزه الامن ويراقبوا جميع اتصالاتك ولولا اننا نكتب لبعض علي عناوين متفرقه لما توصلو الينا

لا تحاول الوصول الي الحدود الان فهي خطر عليك ولا تذهب الا عندما نلتقي للمره الاخيره حتي يظمئن قلبي عليك

في النهايه اعتني نفسك ولا تقطع عنا اخبارك حتي لا ينقطع حبل الموده بيننا

ساظل واظل واظل

في انتظارك








حبيبتك بريق

في الوطن البعيد "(حاليا؟)










EPIC


EPIC


كان ياما كان في سالف العصر والاوان

في غابه استوائيه في افريقيا

كان فيه مستعمره كبيره جدا ودي موضوع حدوتنا



مستعمره نمل




المستعمره دي كانت دايما من اضخم واعظم مستعمرات النمل في عالم الحشرات وموجوده منذ بدء الخليقه

النمل اللي فيها كان عظيم وصاحب انجازات ضخمه وحضاره قويه تفوق فيها علي باقي سلالات الحشرات رغم انه صغير قد السمسمه لكن عملا بالقول الشهير

يوضع سره في اضعف خلقه



بس بعد كده النمل ده من كتر ماهو مغرور ومتكبر وفخور في الرايحه والجايه بظات اخلاقه وانتشر الفساد في النمل كله وانحدر مستواه للاسفل خالص ياحبه عيني

وبقي يهتم بس بالاكل والشرب والتناسل ومابقاش يهتم بانه يعيد امجاد جدوده العظماء من النمل

اصبح النمل جاهل ومتخلف وكسول ومابيفكرش خالص زي مايكون مسطول علي طول

وفي مره من المرات في احدي الغرز اللي بيحشش فيها النمل كان قاعد نمله صغيره مع نمله كبيره في السن

" كركركركر" ده صوت الجوزه والمعسل


النمله 1 : بقولك ايه ياعم الحاج انت عاجبك الوضع اللي احنا فيه ده؟

النمله 2 : لا يابني مايعجبنيش طبعا بس احنا هنعمل ايه؟ اهو عايشين والسلام

شد ياعم خد لك كام نفس

النمله 1: لا انا بتكلم بجد الواحد حاسس انه مالوش لازمه في الدنيا وكل يوم زي اللي قبله واللي بعده مافيش جديد زهقنا خلاص

النمله 2: اه معاك حق يايني احنا محتاجين نتغير ونرجع زي زمان بس قول للزمان ارجع يازمان


النمله 1: ماهو علشان نرجع لازم نخطط كويس وننظم نفسنا ونصحي من النومه دي

صبح صبح ياعم الحاج

النمله 2 : علشان كده لازم حد يجمعنا من اول وجديد وينظمنا صح ويصحي المجد فينا بس للاسف مافيش حد من النمل خالص ينفع للمهمه دي كلهم زي بعض


النمله 1: انا بقي اعرف واحد ممكن يساعدنا بس خايف انكم ماتوافقوش عليه

النمله 2: دلني عليه انا في عرضك

النمله 1: انت عارف مين اللي جه عندنا وقعد فتره وحبيناه وحبنا رغم اننا لا من اهله ولا وهو من توبنا ؟
النمله 2 : مين ياااااااااااد؟


النمله 1: حرامي الحله " نوع من النمل الاسود الكبير "

النمله 2 : حمراء

: النمله 1: ليه بس؟

النمله 2 : انت بتقول ايه؟ لا يمكن ده نوع متوحش ومتقدم عنننا جدا ومش من فصيلتنا خالص وممكن في يوم يركبنا مش هينفع نجيبه عندننا خالص

النمله 1: طب وانت ايه اللي عرفك؟ جربته؟ قريت افكاره؟ تعرف ايه عنه؟ انت عمرك اصلا خرجت بره المستعمره وعارف النمل ده بيفكر ازاي؟

النمله 2: ايوه بس

النمله 1: سيب الحكايه دي عليا انا هاروح اقابله وافهمه وانت عليك تقنع بقيه النمل

النمله 2: ماشي ياعم الفاااااااااااكس اما نشوف اخرتها ايه




في مكان السكن الخاص باحرامي الحله


حرامي الحله : انتم بتقولوا ايه؟ عاوزني اساعدكم واحكمكم ازاي؟ :shock: :shock:

ده انا نوع تاني غيركم وفيه فرق مابين حضارتتي وحضارتكم انا حاجه وانتم حاجه تانيه خالص

النمله 1 : ايوه يابرنس لكن انت الوحيد اللي عندك الخبره الكافيه لتفيدنا وتقدر تخلينا زي باقي الحشرات القويه المتقدمه علميا

حرامي الحله : بس ماعتقدش ان النمل بتاعكم هيوافق لاني هاشترط عليكم شروط معينه علشان نتفق هاااااااا ايه رايك؟

النمله 1 : بييييييييس يامعلم اتكلنا علي الله 8) 8) 8)




بعد 3 سنين من حكم حرامي الحله قدر انه يخرج النمل من قوقعه التخلف والجهل الي قمه التقدم العلمي والفكري والعسكري

عرف ينظمهم كويس من اول وجديد ويمسح حاله الفوضي اللي انتشرت وقدر يخليهم نمل محترم بحق وحقيقي لدرجه ان باقي المستعمرات من النمل والصراصير والعناكب والفراش والدود والخنافس انهدشت من التغير الرهيب ده والكل بقي يعملهم الف حساب خاصه بعد ان اصبح للنمل جيوش جراره مكتسحه وبنت اكتر من مستعمره وعملت غزوات كتيره وبقي رقم واحد في الغابه

وده كله بفضل حرامي الحله




مع الزمن كبر حرامي الحله وكان لسه ماتجوزش بس مقضيها بمزاجه

وفي يوم من الايام كان بيتمشي في السوق كعادته واختلاطه بعامه الشعب من النمل لانه متواضع احيانا وبيحب البساطه بس مش دايما

شاف نمله مزه عجبته ماشيه تهز يمين وشمال راح معاكسها

" ياصفايح الزبده السايحه ايه الحلاوه دي "

ردت النمله " ياما جاب الغراب لامه "

رد حرامي الحله" ليه بس ياجميل ده انا غرضي شريف "

ردت النمله" سم كده "

حرامي الحله " بطل تتقل ياجميل يحسن انا اموت في كده"

النمله" بص يادلعدي اللي عاوزني يروح لبيت ابويا يطلبني ياعينيا"

حرامي الحله" نعم؟ انت تعرفي انت بتكلمي مين يابت ؟ انا الحاكم "
النمله " مايحكمش "



اصر حرامي الحله علي الزواج بهذه النمله المزه وانجب منها ذريه مهجنه مابين فصيلته وفصيلتها نتج عنها نمل قوي ومختلف جدا لا تعرف اصله من فصله


واصبح له ولي العهد واوصي بالحكم من بعده كما اشترط علي النمل منذ 10 سنوات

كان الشرط هو ان يرضخ ويطيع النمل له بدون كلام ويسمحوا بتوريث العرش من بعده لمن يري فيه الكفاءه

وهكذا كانت تلك بدايه الملحمه الحقيقيه للنمل البني


بعد اعوام كتير اوي اوي اوي

من حكم ولاد حرامي الحله العظيم اللي انشا دوله النمل الحديثه
ولاده مكانوش لاسف زيه اهتموا بالفشخره والسلطان وتخزين الحبوب واللهو مع لجواري من النمل المخصوص لبلاط النمل الملكي ( متنقي علي الفرازه) وسمحوا بوجود علاقات دبلوماسيه

مع الحشرات التانيه زي البراغيث والقمل والخنافس وعملوا مشروعات استثماريه وقدروا يسيطروا علي حكام النمل بالهدايا البراقه المزيفه والاكل الكتير اوي اوي اوي


وواحده بواحده بدؤوا يسلموا الرايه للغزو الثقافي من الراغيث والصراصير وفجاه اصبحت دوله النمل البني مدينه بديون كتير متلتله ومش عارفين يتصرفوا لغايه مالصراصير قدرت تدخل المستعمره وتحتلها وتضمها لباقي المستعمرات واصبح النمل تحت الاحتلال والذل بعد ماكان من اعظم الحشرات



وبعد كام سنه النمل بدا يستوعب افكار غريبه عن عاداتعم بفضل لاحتلال




ومره من المرات تحت طوبه مصديه وقف تجمع من النمل الغاضب يستمع لنمله متحمسه شابه

النمله المتحمسه : ياخواني ياحفاد النمل العظيم ايه اللي بيحصل ده؟ ايه اللي انا شايفه ده؟

احدي النملات: ايه ياابله انتي هتغني ولا ايه؟ انجزي وحياتك عبلشان احنا ورانا اكل عيش

النمله المتحمسه: ماهو ده اللي جابنا لورا ياشويه غجر احنا نسينا القضيه والكارثه ومستعمرتنا ماشيه فيها الصراصير ليل ونهار وبيعاملوننا مواطنين من الدرجه التانيه بمنتهي الذل
وبيتحكموا في رزقنا ورزق عيالنا

حتي التعليم بيغيروا في مناهجه والتاريخ عاوزين يغيروه واللغه بقي عاوزينا نتكلم زيهم


احدي النملات: يسقط الاحتلال الاستقلال التام او الموت الزؤااام


النمله: لا ده كمان بيقولوا انهم عاوزين يحرروا النثي من سيطره الذكر ويخلوا الانثي تتجوز اللي هي عايزاه وتعمل اللي هي عايزاه

احدي النملات: ايه المسخره دي فين النخوه يارجاله

احدي النملات: هسسسسسسسس وطوا صوتكم الصراصير لها ودان

نمله اخري: كبسه ياللا نكت الصراصير وصلت

وتم القبض علي النمل الغاضبب وتم ارساله هديه الي مملكه العناكب الحليفه عربون محبه

واستمتع العناكب جدا بهذه الهديه ( يم يم يم )



بعد شهور في صباح باكر اجتمعت جماعه سريه من المتامرين من النمل ونظموا انفسهم وجهزوا خططهم

واستغلوا فرصه انشغال الصراصير بالعيد القومي لهم حيث انهم مانتخين ونايمين ودفيانبن


وتقدم جمع منهم وتسلل الي قصر الصرصار الاعظم وسيطروا عليه ونادوا بصوت عالي

: ياااااااااااااااااااااااااصرصار

خرج الصراصار : نعم يادلعدي عاوزين ايه؟

قائد النمل : لقد خلقنا الله احرارا وكفايه اوي كده عليكم جبنا جاز منكم بقالكم 70 سنه كابسين علينا الرحمه حلوه برده ياعمنا


الصرصار : وانتم اصلا تسوووا ايه من غيرنا؟ انتم نسيتم مين اللي عملكم؟ انتم ولا حاجه شويه اغبياء ومتخلفين

قائد النمل: انت معاك حق بس ادونا الفرصه لنثبت نفسنا ونحكم بنفسنا واحد مننا هتشوفوا هنعمل ايه

الصرصار: عشم ابليس في الجنه اجري يااااااااد

قائد النمل: طيب هتشوف بنفسك



وفجاه انطلقت الاشاره المتفق عليها وانطلقت فرق مدربه من النمل تستولي علي مراكز القياده وتخلصت من الخونه واحاطت بالمراكز الحيويه في المستعمره

وظهر حسن تنظيم وزكاء النمل واستعادت المستعمره حريتها واقيمت الافراح والليالي الملاح

واصبحت تلك الثوره عيد قومي للنمل يحتقلون به كل عام

وبدا عهد جديد من احكم الذاتي للنمل


بعد اعوام من قيام الثوره وعلو شان النمل البني التي اصبحت بمثابه رمز وشعار يفتخر به بقيه المستعمرات النمل باختلاف انواعها والوانها وبقي كل النمل بيبص للمستعمره دي ولزعيم الثوره انه حاجه اسطوريه مش هتتكرر تاني وبقي مثل اعلي للكل

وحاول زعيم النمل انه يعمل مشروعات تنميه ويوحد النمل كله تحت رايه واحده ويعمل وحده نمليه مشتركه مع احدي المستعمرات ويحقق حلمه بتكوين القوميه النمليه واصبح زعيم النمل اسمه يخوف اي مملكه تانيه في عالم الحشرات وحسوا بخطوره زعامته في الغابه وقوتها

وغار منه مملكه القمل والخنافس للنجاح اللي هو وصله خاصه مملكه الخنافس دي بالذات مملكه قذره اصلا قامت علي اغتصاب المستعمرات بحجه انها من حقها من زمان اوي

وكانت دايما بتحاول توقع فتن ومشاكل في اي مستعمره وقدرت انها تعمل حرب مفاجئه علي حين غره اكتسحت فيها معظم المستعمرات واحتلتها من ضمنها مستعمره النمل البني وخدوا جزء منها ومات بعدها الزعيم بحسرته

الزعيم الجديد جه بعد فتره لكن النمل مكانش واثق فيه وكان بيكرهه لانهم شايفينه عمره ماهيعمل زي الزعيم الاول لكنه عمل المفاجاه وقدر يرجع الارض مره تانيه وانتصر في الحرب علي الخنافس

وفي مره من المرات عند بركه مياه كتان فيه نملتين قاعدين يشربوا ميه

نمله 1: يااااااااااااه ياجدع المستعمره اتغيرت كتير اوي من بعد الحرب وبدان عهد جديد حتي بعد وفاه الزعيم التاني رغم انه كان متكبر شويه بس كويس انه عملنا حاجه قبل مايموت الله يرحمه


نمله 2: لا ياعم ده كان يستحق ضرب الشبشب بتاع البني ادمين لانه خرب البلد وعمل هدنه سلام مع الخنافس وباع الوطن للنمل اللي جاي من المستعمرات التانيه قال ايه؟ انفتاح


نمله 1: ياراجل اذكروا محاسن موتاكم انت ناسي انه لما استلم الحكم البلد كانت خربانه وكانت االمعجره انه لحقها علشان ماتضيعش وكمان الهدنه دي في مصلحتنا كلنا لان الدنيا خربانه ياعم خربانه زي مالاغنيه بتقول

نمله 2: انت شكلك يااد من محبي ومناصري الراجل ده واللي استفادوا من عهده انت خاين وعميل

اجري من هنا ياحسن اغزك واحلق لك شنبك واخليك لابس طرحه زي الحريم



بعد ان استلم نائب الزعيم الحكم تعهد بعهد من الرخاء واطمن له النمل في الاول خاصه انه شعب طيب وغلبان وسايب العمليه بزرميط علي الاخر كل شويه واحد يقتل التاني علشان الحكم وياخد مكانه طب علي ايه ياخواننا ده احنا كلنا ولاد نمله واحده؟؟؟؟؟؟؟؟؟؟؟؟

وامام القصر الطيني المبلول الخاص بالزعيم الجديد صاحب البركه والبسمه الحلوه والوقفه المعوقه

كان حاطط حول قصره 1000 نمله من الحرس لانه اتعظ من اللي قبله وقال مش كل مره تسلم الجره والعمر مش بعزقه ياشقيقي اعمل لدنياك كانك تعمل لاخرتك ياسلام عليك يابرنس

وكان فيه اتنين من الحرس واقفين بيدردشوا بدل الملل اللي هم فيه

حارس 1: عارف يااااااااد الزعيم بتاعنا انا متفائل به جدا بقاله 10 سنين حاكمنا والعمليه في اللذيذ

حارس2: اه هو شكله كده كوووول بس الحاللسه ماتغيرش لسه فيه نمل كتير مش لاقي ياكل ومش لاقي سكن ومش لاقي شغل ومش عارف يتجوز خالص والعمليه متكحرته

حارس 1: طيب هو ذنبه ايه؟ النمل اصلا كسول جدا مابيشتغلش ال فتره معينه في السنه هو كان خلفكم ونسيكم جتكم البلا مليتم البلد :twisted:

حارس 2: بالراحه عليا ياحلو انا بقولك علي الواقع وبعدين تقدر تنكر اانه مخلي كل حاجه بالواسطه والمحسوبيه وبياخد هو وولاده اكراميه من كل مشروع جديد
حارس 1: مين قالك الكلام الفارغ ده؟

حارس 2: البلد كلها جايبه في سيرته لغايه ماريحته فاحت

حارس 1: انتم مابيطمرش فيكم النعمه بجد

حارس 2: مين نعمه دي؟ لما يبقي فيه 15 مليار نمله تحت حد الفقر والانحلال شغال فينا وبنشحت في الغابات يبقي لينا حق نتكلم

حارس 1: انت عارف كويس ان الزعيم بيوفي بوعوده بس ادوله فرصه ووقت وارضوا باي شغلانه مؤقته

حارس 2: هو اصلا فيه شغل موجود يفتح بيت محترم ويصرف علي العيال ويدخلهم مدارس

حارس 1: استنوا بس لغايه مالامور تهدا ونبتدي نطبق السياسه الجديده اللي استوردناها من الجيران اسمه ايه؟ مش فاكر

حارس 2: ايه يعني هتبقي ايه مهلبيه ولا طعميه هو كل شويه واحد يقولنا سياسه جديده

حارس 1: افتركتها خلاص " الديمخراكيه " دي بقي فيها حريه راي والتعبير عن اللي انت عايزه وتسمح بانتخابات حره ونزيهه ونمعل احزاب مستقله

حارس 2: عند ام محشي سلملي عليها كويس

وفجاه دخل عليهم زعيم الحرس ومعاه فرقته وقبض عليهم

"انتم متهمين بمحاوله قلب نظام الحكم والاساءه للزعيم الكبير اوي اوي اوي وحاوله افساد الاحتفال بياليوبيل الفضي علي حكمه من 25 قرن و25 الف سنه ضوئيه"



ومرت السنين واستر الحال كما هو عليه ولم تتحقق الديمخراكيه والفوطه بقت مجنونه والاسعار في العالي والمحسوبيه والكوسه والقرع شغالين الله ينور واتلمت مجموعه منافقه حول الزعيم

بتوهمه بحاجات مش حقيقه وبتوقوله ان الشعب بيحبه ويدعي له ليل ونهار

هو وولاده الاتنين " بلاء وسوني "

بس لكل حاجه نهايه والنهايه جت من ال 15 مليار نمله المشردين الجعنين المنسيين ماقدروش يستحملوا اكتر من كده بعهد مالبلد قررت نفيهم بره

فهاجوا وماجوا وعاثوا خرابا في البلاد وقلبوها ظلمه وكرسي في الكلوب وعملوا مجازر خلصوا بها علي نظام الحكم وبقت العمليه فوضي علي الاخر

ومبقاش فيه قوانين بتحكم النمل وقدرت الممالك التانيه من الحشرات الطمعانه في النمل من زمان

انها تسمم افكارهم وقلبتهم طوائف مختلفه بعقائد مختلفه واصبحت المستعمره فريسه لكل من هب ودب

وبقت يتضرب بها المثل والعبر في انهيار الحضاره لباقي الحشرات

لغايه ماجه البني ادمين ومعاهم بيروسول المبيد الحشري وخلصوا عليهم كلهم

لكن يا تري الحشرات التانيه هتتعظ من اللي حصل؟؟؟؟؟؟؟؟؟؟؟؟؟؟؟

the holy trinity

الثالوث المقدس



الوطن العربي يؤمن اشد الايمان بالتابوهات المحرمه والتي توارثها ابا عن جد منذ القدم



هذه التابوهات تتلخص في 3 كلمات من ينطق بها فقد جني علي روحه مراكش


السياسه

الدين

الجنس


ورغم ان العالم كله اصبح يتحدث في تلك المواضيع وتحرر من القيود لكننا مازلنا نخشي فقط ان نفكر فيها ونتفوه بها

رغم اننا ننادي طيله الوقت باننا شعوب متنوره وديمقراطيه ونتمتع بجو من الحريه وحريه الراي والسماح للجميع بمختلف ثقافاتهم بالمناقشه
الا اننا مازلنا نضع القيود رغم كل ذلك

رغم اننا لو تحدثنا في تلك المواضيع لعلنا نستفيد بها ونتبادل الاراء ونحاول الوصول الي حلول لمشاكلنا الناتجه عن الكبت واحساسنا بالقهر لاننا لا نتحدث في تلك المواضيع

فكان حالنا سيصبح شيء اخر غير الان

اصبح ممنوع لنا ان نتحدث في المقاهي

في وسائل المواصلات
في العمل

في البيت

في الحمام حتي

لان ده حرام وده عيب وده خطر وده امن قومي وده اثاره للفتنه وده مش عارف ايه


النتيجه اننا بنتجه لبدائل اخري لمناقشه المواضيع دي او نفرغ كبتنا بوسائل غير مشروعه او الانفجار كبتا وضغطا

كمن يتحول الي ارهابي او يتحول عن دينه او يصبح سفاحا او ينحرف ويشذ عن تقاليد المجتمع او يهاجر من الوطن ويلعنه ويلعن ايامه

وحتي لو اتيحت لنا الحريه فيتم استغلالها ابشع الاستغلال ويصبح مجالا للعبث واثاره الفتنه والدعوه للرذيله ومهاجمه الاديان والتعدي علي المقدسات باسم الحريه

وذلك ايضا بسبب اننا لانملك الخبره الكافيه لمناقشه هذه الموضوعات بشكل عقلاني ومحترم كافي بدون ان يتم اثاره حفيظه اي شخص او اي مجتمع

ولكن للاسف يصبح حالنا اشبه كمن خرج من القمقم دفعه واحده مكبوتا ويريد
ان يفعل كل شيء ويخترق كل الحواجز دون تفكير ودون مراعاه لمشاعر الاخرين وتحفظاتهم ولمعتقداتهم الخاصه



السياسه

" اوعي تتكلم في السياسه ياااااد "

انت اخوان ولا مستقل ؟


مصر محتاجاك يارافت

عامل فيها مناضل نهار ابوك اسود

الواد ده شكله من بتوع البلوجرز وبيكتب في الجرانان ايه

اسرائيل دوله صديقه وحليفه للوطن

تحيا امريكا يحيا ماكودنالدز

فلتسقط الشعوب ولتحيا الحكومات وعاش الاستبداد

عاش السيد الزعيم المعمر اطال الله في عمره



هو ده نوع السياسه المطالب بها اننا نتكلم عنها ونكتب مراجع عنها قالوا الجرايد منمنوعه قلنا ماشي

قالوا الفضائيات مننوعه قلنا ماشي

النت برده ممنوع امال نتكلم في ايه؟ المنتديات المفروض انها تبقي حريه لنا كلنا نتكلم فيها زي ماحنا عاوزين اصبحت محرمه علينا

طيب نعمل ايه بس؟ لازم نفرغ شويه من اللي عندنا لازم يبقي في حوار مع الطرف الاخر ونحاول نوصله مطالبنا وافكارنا واحلامنا

بدون مانجرح شعورهم او نغلط فيهم

احنا كلنا ابناء وطن واحد
ومش هنموت بعض

ولا نولع في بعض لازم نتكلم ونوصل صوتنا مش معقول نقضيها في المنتديات كلام عن الحب والموضه والتفاهات فيه حاجات كتيره لازم نتكلم عنها

من ضمنها السياسه بس المشكله ان اغلبنا معارضين لانظمه الحكم العربيه ومابنعرفش نتناقش باسلوب سوي ودايما هجومي

والطرف الاخر نفس الحكايه مش قادرين نتفاهم بنجعر وصوتنا عالي وخلاص

لازم يبقي فيه برده قواعد وحدود

بوووووووووووووووووووووم






ده تخيلي للنهايه


هتبقي بوووووووووووووم كبيرررررررره اوي


البوم دي مش اي بوم


البوم دي بوم اللي المالحقش نفسه واللي ماسمعش الكلام واللي سد ودانه واللي ركب دماغه


كل بووم وانتم طيبيبن