الخميس، 15 يناير 2009

labyrinth










"مايلي ليس رغبه مني في تجميل الوجه الاخر






ولا البحث في جذور المشكله






ولكن محاوله للتفكير في علامات الاستفهام"

............................







عام 1993 قام المخرج اليهودي الامريكي ستيفن سبيلبرج بتقديم فيلم قائمه شندلر schindler list







الفيلم قصه حقيقيه عن رجل الاعمال الالماني اوسكار شندلر ابان الحرب العالميه الثانيه عندما عرض علي قاده المعسكرات النازيه ان يستغل اليهود السجناء القادمين من بولندا ليعملوا بالسخره في مصنعه وبالفعل يقوم باستعبادهم واستغلالهم بصوره بشعه من اجل المال دون ان يكترث لما يفعله النازيين بهم خاصه مع قرار ترحيلهم الي معتقل اخر





ولكنه يستيقظ ضميره عندما يري نتائج مافعله والمعامله الغير ادميه والمصير الرهيب الذي ينتظر اليهود بعدما شاهد بعينيه المجازر وعمليات الاعدام القاسيه ويتفاوض مع المسئول عن ترحيلهم مقابل مبلغ مالي ويشتري جميع اليهود من النازيين ويقوم بتهريبهم سرا خارج بولندا وبعد انتهاء الحرب العالميه يفرج عنهم ويتم تقديمه للمحاكمه بتهمه انتمائه للنازيين من قبل محكمه العدل الدوليه

في نهايه الفيلم مشهد حيث الالاف من اليهود علي الحدود الروسيه ينتظرون الي ايه جه سيتم ترحيلهم والي اي وطن

فيقوم احد الجنود بالاشاره الي ناحيه الوطن العربي الي ناحيه القدس وفلسطين


عندما تم عرض الفيلم اثار ضجه كبيره في انحاء العالم كله وتعاطف العالم كله مع القصه المؤثره والاخراج المبهر والاداء العالي وحصل الفيلم علي 7 جوائز اوسكار وصنف ضمن افضل 100 فيلم في التاريخ
وتم تكريم سبيلبرج في اسرائيل عن هذا العمل

وحتي الان الفيلم الذي يبلغ مده عرضه 3 ساعات لم ولن يعرض في اي دوله عربيه ولا يتواجد الا علي النت فقط












بعد 12 عام تم تقديم فيلم munich











احداث القصه عام 1972 في المانيا اثناء دوره الالعاب الاوليمبيه
تقوم مجموعه فلسطينيه تدعي ايلول الاسود مجموعه مستقله باختطاف 11 لاعبا اوليمبيا اسرائيليا ويطالبون اسرائيل بالافراج عن المعتقلين الفلسطنيين

تبوء محاولتهم بالفشل ونتيجه لتدخل قوات الامن والجو المشحون بالخوف والتوتر يقتل الرهائن والمختطفين باكملهم علي الهواء مباشره في بث حي يشاهده العالم كله
تقرر رئيسه الوزراء جولدا مائير الانتقام وتصفيه منظمه التحرير الفلسطينيه التي تتواجد في جميع انحاء اوروبا بحجه ردع الارهابيين وحتي لا يتكرر ماحدث مره اخري ولدعم استقرار اسرائيل
تقوم باختيار فريق خاص علي راسه افنر الذي ينتمي لاب وام من مؤسسسي الدوله العبريه والذي شارك بنفسه في حرب 1967

يتم تكليف الفريق باقتناص ثاده منظمه التحرير وعلي راسهم المبر الرئيسي لعمليه ميونيخ علي حسن سليمان

الفيلم يصور الجرائم الوحشيه التي قام بها الفريق بحجه الانتقام وتصفيه الارهابيين والفارق الشاسع بين الانتقام الاعمي وتحقيق العداله كما يدعي قاده الاستخبارات الاسرائيليه
تنسال تيارات الدم في كل مكان ويقتل الابرياء من الفلسطنيين خاصه في المذبحه التي ارتكبت داخل الاراضي اللبنانيه بعدما تسلل فرقه من القوات الخاصه الاسرائيليه لتصفيه احدي مجموعات الفلسطنيين







مع مضي الاعوام لا تتوقف العمليه وكلما يغتال قيادي فلسطيني ياتي غيره ويستمر تيار العنف والدائره المغلقه التي لا تنتهي من الطرفين

كلما يقتل احدهم يسارع الاخر بعمليه جديده انتقاميه لا تتوقف ابدا مع انتشار رائحه الجثث المتعفنه
ومع مضي الوقت يتسائل افنر عن جدوي مايفعله وهل هذا فعلا مايريده الشعب اليهودي ان يقتل فقط لتحقيق الامام والاستقرار
هل العنف هو الحل وهل قطع الحوار مع الاخر هو الطريق للسلام؟

مشهدين للفيلم يعتبروا اهم مشاهده

الاول بين اافنر وعلي الفلسطيني في احد المخابيء وكلاهما لا يعرف الاخر

ينتقد افنر مايقوم به الشعب الفلسطيني من ارهاب وسفك للدماء وعن مطالبهمن الحمقاء بالعوده واسترداد الارض


المشهد الاخير افنر مع رئيسه الخاص في نيويويرك امام برج التجاره العالمي عام 1980

يرفض افنر العوده لاسرائيل التي لم تصبح الحلم الذي راوده وعن رفضه في الاستمرار في تلك العمليات وانه بريء منها ويرغب في تظهير روحه من الجرائم التي ارتكبها
وان تيار العنف لن يسفر الا عن ظهور جيل جديد من الاستشهاديين لن ينسوا الماضي
ويتم التركيز علي برج التجاره العالمي



الفيلم تم اخراجه ايضا بواسطه ستيفن سيبيلبرج بنفسه
واثيرت عاصفه من الجدل والانتقادات المتبادله من الجانب العرب والاسرائيلي يتم سبيلبرج بتشويه صورتهم وقامت اسرائيل بنفسها بمنع عرض الفيلم داخلها

ولكن جمعيه النقاد الامريكيين اعتبرت الفيلم من افضل اعمال سبيلرج الفنيه وتم عرض الفيلم في مصر والدول العربيه رغم حساسيه الموضوع وتباين الاراء
ورشح الفيلم ل 5 جوائز اوسكار لكنه لم يفز باي منها لموقفه السياسي المباشر





في عام 2008 تم عرض الفيلم الاسرائيلي الانيمتشن الوثائقي

الرقص مع البشير

الفيلم عن احد الجنود الذين شاركوا في اجتياح لبنان عام 1982 وقام بارتكاب المجازر مع زملائه في مخيمات الفلسطنيين ومخيمات صابرا وشاتيلا ويحاول ان ينسي الماضي لكنه يطارده في كل مكان علي هيئه اشباح القتلي

الفيلم فاز في مسابقه الكره الذهبيه كافضل فيلم وثائقي وان اعتبره البعض محاوله بتجميل وجه اسرائيل








عام 2005 تم عرض الفيلم العالمي الضخم باب الشمس






للمخرج المصري يسري نصر الله
وعن روايه الاديب اللبناني الياس خوري




القصه عن فلسطين ماقبل 1948 وفلسطين بعد النكبه

الفيلم لا يتحدث عن القضيه الفلسطينيه ولكنه يتحدث عن الانسان الفلسطيني بذاته
عن طموحاته واحلامه وعاداته وتقلليده
وعن الغربه والتغير الرهيب الذي لحق به نتيجه لنفيه بعيدا عن وطنه وارضه
وعن حنينه للعوده


عن جيل ماقبل 1948 والذي حمل رايه المقاومه من اجل الارض والعرض والوطن ومن اجل من تشردوا واغتربوا

وجيل مابعد اجتياح لبنان في الثمانينات الذي انشغل بالقتال ضد اخوانه من الفصائل الفلسطينيه من اجل اسباب تافهه مثل الديانه


شارك في انتاج الفيلم هيئات فرنسيه والمانيه متعدده وعرض في عده مهرجانات عالميه حاز علي احترام جميع الدول واشادت به مجله التايمز واعتبرته من اهم 10 افلام عرضوا في عام 2004
تيلغ مده عرض الفيلم 4 ساعات ونصف علي جزئين

للاسف عندما عرض في مصر لم يستمر الا شهر واحد فقط ولم يعرض حتي الان علي ايه قناه عربيه باستثناء شبكه الشتوايم



عام 2006

تم عرض الفيلم الفلسطيني الجنه الان



الفيلم عن شابين من مخيم جنين يعملان في ورشه ميكانيكا يمران يظروف اتقتصاديه صعبه واجتماعيه

احدهما والده كان من افراد المقاومه لكنه اتهم بالخيانه وتم تصفيته جسديا
يتم اختيار الشابين من قبل منظمه حماس لتنفيذ عمليه استشهاديه في تل ابيب
يفرح الشابين وخاصه انهما كانا بانتظار ذلك منذ زمن
لكن مع بدء التجهيز للعمليه يصيب الذعر احدهما ويقرر الفرار ورفضه لتنفيذ العمليه وعن مدي اقتناعه بجدوي مايفعله وعن الفارق بين الاستشهاد من اجل دخول الجنه ام انه يريد ان يموت هربا من ماضي ابيه ومن ظروفه الصعبه القاسيه

فاز الفيلم بجوائز في مهرجان متعدده وحصل علي جائزه الكره الذهبيه لاول مره لفيلم عربي كافضل فيلم غير ناطق باللغه الانجليزيه
وترشح للاوسكار لكنه لم يفز بها ولكنه فاز بشرف الترشيح



الصراع العربي الصهيوني ليس فقط علي كتب التاريخ وشاشاات الفضائيات







كانت هذه مجرد محاوله لمقارنه السينما بالواقع ولعل من يقرا تلك السطور يفهم مااريده وماحاول التوصل له






يبكي ويضحك

لا حزنا ولا فرحا

كعاشق خط سطرا في الهوي ومحا

قلب تمرس باللذات وهو فتا

كبرعم لمسته الريح فانفتح







هناك 25 تعليقًا:

The Seagull يقول...

مقال ممتاز جدًا .. انت اللي كاتبه يا دكتور؟ :)

واحد من زمن الرسالات يقول...

ده حقيقي يا محمد وايضا فيلم يوم الاستقلال اللي مطلع الراجل اللي ساعد العالم كان يهودي ومطلعينه بصورة العبقري و اللي يسمع حديث شيمون بيريز علي الجزيرة يحس ان عندهم حق في اللي بيعملوه
وعلي فكرة التاريخ والسينما زي بعض التاريخ قدر صنعه الله والسينما احداث عملها الانسان لان التاريخ في شيء مش عجبه فبيحاول يخرج بره دائرة الجبر القدري ويعمل اللي كان يتمني انه يجصل
يعني موضوع المخرج اليهودي هو اكيد في جزء صدق في الفيلم لكن في جزء تزييف حقيقة ما انه هو ربط معانتهم في المانيا النازية بحقهم في الارض المقدسة
موضوع جميل وهادف

مواطن مصري يقول...

انا شفت فلم ميونخ اساسا بحب ستيفين سبيلبرج سواء اسرائيلي اهلاوي بتفرج على افلامة

مينوخ فعلا قصة حقيقية بيورك ازااي بيدخلو وسط حركات المقاومة بس

عموما صناعة السينما الامريكية صناعة اسرائيلية

يعني لما ميل جيبسون عمل فلم عن الام السيد المسيح

الصهاينو وقفو امام ترشيحة ل الاوسكار

Yasmine يقول...
أزال المؤلف هذا التعليق.
Yasmine يقول...

عاجبنى اوى الموضوع بجد
و ان كان بيخلينى اتحسر لانهم مش بس الاقوى فى الواقع لكنهم الاذكى فى الاعلام
قدروا يكسبوا تعاطف العالم كله معاهم و مع قضيتهم من شرقه لغربه لشماله لجنوبه حتى اللى عمره ما قرا كلمة ولا سمع عن بلد اسمها فلسطين لو سألته تعرف ايه عن اليهود هيقول ضحايا الهولوكوست و العنصرية الالمانية زمان و ضحايا الارهاب الفلسطينى حاليا

و احنا لسه بننتج اللمبى و نمنع فيلم زى الرسالة من العرض..حاجة توجع القلب بجد..فعلا متاهة

mUsLiM يقول...

لأ واضح انك متابع للسينما العالميه ))

علشان كده بقيت مشرف

ههههه

والله يا محمد نسأل الله الفرج القريب لأمتنا والنصر المبين لهؤلاء الزمرة التى جاهدت اليهود بكتاب الله وسنة نبيه

والنصر أصبح قريب بإذن الله لأنهم اعتصموا بالله

وما النصر الا من عند الله

والسلام عليكم

dr.lecter يقول...

احمد

انا معاك في ده بس اللي اقصده من الموضوع ان انا كنت باعمل ترتيب وبحاول ادور علي منين ابتدي العنف

لو فكرنا هتلاقي ابتدي بالهولكوست ده خلق يهود معقدين وساديين وعندهم عقده اضطهاد وخوف مرضي وبروده وتحجر قلوبهم وبعد كده ابتدوا بالاستيطان والمجازر اللي حولت الفلسطنيين لمدافعين عن حقوةقهم بشكل خلي العالم يفتكر انهم ارهابيين لالنهم استخدموا العنف والسلاح

وبعد كده اختلف مفهوم الجهاد والنضال عند الاجيال الجديده منهم زي مانا قصدت ولو انت شفت الافلام اللي اتكلمت عنها هتلاقي انها فعلا متواليه حسابيه دقيقه

dr.lecter يقول...

مواطن مصري

انا من اشد المهجبين بسبيلبرج ومش باهاجمه رغم انه عمل فيلم مخصوص عن اليهود لكن بص بقي لما عمل فيلم بييهاجم سياسه اسرائيل في تعاملها مع الفلسطنيين او العنف

شوف اللي حصل له والنقد اللي اتوجه له؟

dr.lecter يقول...

انا حره

لمبي ايه هو اخر حاجه كان اسمها ايه؟

بوشكاش مش كده ؟

سلامات ياسينما

dr.lecter يقول...

مصعب

امال يابني هو احنا ةاخدينها اونطه ولا ايه؟ هههههههههه

يارب يااخي يارب ولو اني مش متفائل باللي هيحصل بعد مالحرب دي تقف

dr.lecter يقول...

sealgull

اه الحمد لله انه عجب حضرتك

Desert cat يقول...

انا شوفت فيلم الرقص مع البشير على فكرة
وعجبنى اعداده المادة جدا
الاعلام رساله مهمة جدا توجه للشعوب
لكن المهم كيفيه توجيهها والاهم اتقان من يقوم بها فى التوجيه
تحياتى

dr.lecter يقول...

قطه الصحراء

طيب اوعي تقولي الكلام ده لحد يحسن يتهموكي بالتواطيء مع اسرائيل وانك بتشجعي الصهاينه ومش عارف ايه

انا لسه واخد دش محترم بسبب اللفيلم ده رغم روعته وماحدش قادر يفرق بين اللي عاوز يقوله الفيلم واللي بيحصل في الواقع الحالي

أنا حر يقول...

سلاح الاعلام والسينما من اهم الاسلحة في العلم واللي بيهتم بيها كل العالم من اجل توضيح افكارة ونشر وجهة نظرة وكمان تحقيق بعض الاهداف
موضوع متميز
تحياتي

dodda يقول...

البوست حلو اوى اوى

بفرح اوى لما الاقى حد بيكتب بفكر مرتب كده

ما شاء الله
ربنا يوفقك

dr.lecter يقول...

انا حر

طبعا والاهم ان السينما وسيله ثقافيه هامه لتلبيغ الرسالات ونشر الافكار في زمننا ده

انت مش متخيل ان ده سلاح بالغ التاثير اد ايه


شرفتني بحضورك بجد

dr.lecter يقول...

دوودا


اخجلتم تواضعنا عنجد

ربنا يبارك فيكي

نورتيني عنجد

Fatma يقول...

ما شوفتش كل الأفلام اللي انت كاتب عنها شوفت كام واحد فيهم بس

بس حسيت اني شوفتهم من الملخص اللي انت كاتبه
بجد يا محمد انت موهوب بشكل مش معقول انا مذهولة حقيقي لازم تنشر اللي بتكتبه دا في جريدةمحترمة بجد لازم تسعى لدا انت موهوب بشكل مش معقول يا محمد حقيقي

فهمت قصدك من المقال من قبل ما اقرأ التعليقات

انا ما بنكرش ان اليهود اتعاملوا زمان في اوروبا بشكل حقير جدا وكانوا مضطهدين بشدة حتى في الروايات العالمية تشكسبير مثلا كان بيصور اليهودي بصورة مقززة
في عنصرية مورست ضدهم بالفعل بس مش مننا احنا وللاسف احنا اللي بندفع التمن

dr.lecter يقول...

فنونتي

الله يخليك مش عاوز اخد في نفسي مقلب

انا حلو كده ولمنا ييجي وقتها هاعملها باذن الله

انا فعلا اقصد تسلسل للاحداث وعواقب اوروبا جت علي دماغنا كلنا

انا مش عاوز اخوض في تفاصيل الموضوع

علشان ماحدش يتهمني بالتعاطف او الحياديه انا ضد اي كيان صهيوني ومع اي وجود انساني

فشكووول يقول...

ازيك يا د ليكتر .. صح كدا
تحياتى
انا طبعا قريت الموضوع بتاعك بتاع المحرقه والراجل اللى كان بيستعبدهم فى المصانع وعمليه ميونيخ .. هى بحور الدم لن تتوقف بين الفلسطينين واليهود الا بحل المضكله الرئيسيه .. مشكلة فلسطين .. وخد بالك مش مشكلة غزه .. هم نجحوا فى تحويل الانظار الى مشكله فرعيه عشان العالم ينسى المشكله الرئيسيه
تعليقك عند وطلبك محاولة ترجمة الموضوع .. انا لا امانع .. بس على قدى فى الانجليزى .. يا دوب بعرف افك الخط .. لكن تحت امرك
تحياتى

Unknown يقول...

تصدق؟؟؟ لايق اوى العنوان على البوست ...البوست دة ميتقراش مرة ولا حتى مرتين دة فعلا لابيرنث لازم تقراه كتييييييييييييير اوى....رائع

dr.lecter يقول...

fashkool

ههههههههه

خلاص انا هاتصرف بس انت دووس بس

نورت ياباشا

dr.lecter يقول...

enjy

لا كفايه مره علشان طوييل اوي وماحدش زهق منه

ميرسي جدا ومبسوط انع عجبكم كلكم

leeno يقول...

لما كانو بيتعاملوا بعنصرية بدهم العالم يبكي عليهم و لما صاروا بكل وحشية يقتلو و يدبحو و يسرقو اوطان الناس برضه هم الضحية

مش كتير تصدقو انهم تعرضو لكل هاد
هدول اذا انقتلتلهم دبانة بتطلع الدبانة معشية نص يهود العالم و مات لموتها النص التاني !!!


ياريتهم فعلا كانو متضطهدين او ا1ا بدي افترض انهم بالزمانات اتعرضوا للاضطهاد ياريتو استمر لانه اول ما اجتهم الفرصة كانت النتيجة اللي عم نشوفوا هلأ!!!!!

dr.lecter يقول...

لينو


بجد مش قادر ارد لان معاكي حق ماحدش كمان يقدر يتبنا احنا كان ممكن نتصرف ازاي زيهم