الأحد، 1 مارس 2009

V A L K Y R I E








I swear by god this sacred oath
That I shall render unconditional obedience to adolf Hitler
Fuhrer of german reich and people
Supreme commander of armed forces
And that I shall at all time be ready as brave soldier
To give my life for this oath



في النصف الاول من الاربعينات من القرن العشرين ابان الحرب العالميه الثانيه

وابان حكم الطاغيه ادولف هتلر وجنونه المسبق بتحويل الكره الارضيه الي اللون الاحمر النازي

وابان كل الجرائم البشعه التي ارتكبها هتلر هو نظامه النازي وتدهور حال المانيا في حكمه وموقف العالم كله منها

ووحشيه نظامه وقسوته وظلمه وجبروته كان يتوجب علي الشرفاء المخلصون للوطن ويعتزون بقوميتهم ان يتحركوا لايقاف تلك المهزله وردع ذلك الحاكم المستبد

ولكن كانت تقف امامهم عقبات عديده منها جهاز الجستابو الاستخبارات الرهيب الذي يرصد كل كبيره وصغيره تجري في ارض الوطن ويجثم علي انفس المواطنين ويتصنت عليهم ويعتقل من يشتبه بهم

كان الكابوس المخيم علي قلوب كل من يفكر في التمرد او عصيان الاوامر

العقبه الثانيه هو الحرس الوطني الذي اقسم علي طاعه قائده وحمايته مهمها تكلف الامر في حاله الطواريء وهوؤلاء عباره عن النخبه من قوات العاصفه المميزه واعدادهم ضخمه مدربين علي خطه سريه في حاله الطواريء تتوجب السيطره علي جميع المراكز الحساسه في البلد حتي لا تخرج الامور عن السيطره

ويتم فرض حظر تجول واعتقال اي شخص يتشبه به فقط

العقبه الثالثه هو الشعب نفسه
هل جميع افراد الشعب مستعدين ان يؤيدوا الانقلاب والتمرد علي الحاكم؟

هل الشعب فعلا يمتلك الشجاعه ليقول لا وكفي؟

هل الشعب قادر علي ان يقف بالمرصاد للظلم والاستبداد؟

هل الشعب الذي اقسم علي طاعه قائده واعتناق النازيه والتضحيه بحياتهم من اجل بلدهم وقائدهم قادرين علي ان يخرجوا عن طاعته؟

والاهم هل المشاركين في التمرد والانقلاب سيستمروا في خطتهم ان ان مجرد زكر اسم ذلك الحاكم وصورته قادره علي اصابتهم بالشلل والخوف والكوابيس؟


ربما كانت الخطه التي وضعها قاده وسياسين معرضين للنظام كادت ان تنجح بعد نجاحهم في اقناع الكثير من الاشخاص ليؤيدوهم في خطتهم واستغلال خطه الطواريء لمصلحتهم

ودس المسئوول الاول عن العمليه الذي تقرب لهتلر واصبح مسئولا عن الحرس الوطني الاحتياطي وزرع حقيبه ملغمه في وكر هتلر وفي حجر الاجتماعات في وسط جميع القاده النازيين مخاطرا بانكشاف امره في ايه لحظه والتتابعات التي لحقت بعد ذلك من نشر الخبر بمقتل هتلر
والسيطره علي جهاز الاعلام والاتصالات لمصلحتهم لتنجح خطتهم

وانضمام شخصيات رفيعه المستوي تعمل سرا من اجل الاطاحه بالنظام مع انها من اشد المقربين للنظام ولحاكمه المستبد

بل والاشد رهبه ان بعضهم كاد ان يتراجع قرب نهايه الخطه وترك المسئوول الرئيسي عن الخطه ليواجه مصيره لوحده لانهم لم يصدقوا ان شخصا مثل هتلر مات في حادث الاغتيال الذي دبر له في وكره المعروف المحصن مع قادته

ولكن بعضا منهم لم يصدق ان شخصا مثل ذلك الزعيم يمكن ان يقتل انه اشبه بالالهه ومن الصعب تخيل ان الموت قادر علي هزيمته
بعضهم من يقضي معظم الوقت في الخطب الرنانه عن النهوض ضد الظلم والبعض الاخر من يخشي الاستمرار في المخطط خوفا علي مصالحه ونفسه ومستقبله

ولان الشخصيه الاساسيه التي ابتكرت الخطه وتحملت المسئوليه الكولونيل شتانفبوروج كان مصمما الي النهايه رغم التضحيات التي قدمها من اجل الوطن ورغم معرفته انه لو انكشف سيتم التخلص منه ومحاكمته عسكريا وقتل واعتقال اسرته

الا انه لم يتراجع

رغم ان الحلم كاد ان يتحقق بنجاح الانقلاب ورغم فشله في النهايه وسيطره النازيين علي الامور مره اخري والمنافقين والخونه الذين يدعون انهم وطنيون وان قلبهم علي الوطن

هتلر الذي اضطهد الاقليات والديانات والاعراق واليهود
والذي كان يحلم بان ياتي ابنا من صلبه ليخلفه العهد من عشيقته

اعدم من اسماهم بالخونه لانهم تمردوا عليه وقالوا لا

هو ونظامه الفاسد الذي اساء لسمعه هؤلاء الاشخاص الابطال الذين خلدوا بعد ذلك في التاريخ كابطال فعليين وقفوا في وجه الظلم في فتره حرجه جدا من تاريخ المانيا


كان ذلك ملخص لفيلم رائع شاهدته منذ شهر لم يفارق ذهني

ملحوظه هذا الفيلم غير عربي حتي لا يختلط الامر علي من يقرا تلك السطور واللبيب بالاشاره يفهم

تحيه الي كل من يقف في وجه الطغاه


والي من يفكر في عمل اي انقلاب ان يتسفيد من هذا الدرس ويتجنب الاخطاء لكي تصبح خطته محكمه


الهم بلغت اللهم فاشهد









خارج النص





ميكانو









ساعات رغم اننا بندعي اننا في زمن مادي وان بنفكر في الشغل والمستقبل وبس







بيجيلنا جوع عاطفي بيخلينا نحاول نعوضه باي طريقه خاصه للي محروم من المشاعر دي او اللي فقد شخص عزيز عليه لظروف قهريه





ساعات كتيره بنتمني نعمه النسيان علشان مانتالمش





علشان نعرف نكمل حيانتا



ساعات نفتكر ان اللي عملناه ده الاصلح لينا كلنا



ساعات نفتكر ان الحياه ممكن تستمر وان المتضي اتردم خلاص



المشكله بقي ان الكلام ده مش دايما صح





فيلم ميكانو رقيق جدا حساس رغم ان فكرته مقتبسه عن فيلم امريكي



لكن اداء الابطال الثلاثه تيم الحسن السوري



ونور اللبنانيه ( حبيبه مراهقتي وحلمي الابدي رغم انها اكبر مني بس ب 5 سنين)



وخالد الصاوي استاذ التمثيل المتفرد



شخص مصاب بحاله نادره جدا تخليه يفقد الذاكره علي فترات متقاربه وينسي كل شيء مر به قبل كده



شخص مالوش حياه بالمعني الاصح بينسي كل لحظه حلوه مره به حياته ماضيه زكرياته حبه كل حاجه



بيحاول يحتفظ بالذكريات باي طريقه





ورغم كده ورغم الحاله التراجيديه دي لكن نهايته كان فيها امل لما اللي بيحبه وقف جنبه وماتخلاش عنه



كميه المشاعر الاخويه بين خالد وتيم ماشفتهاش قبل كده في اي دراما عربيه مشاعر صادقه حيقيقه تخليك تحس بالترابط العائلي وتتمني ان خالد الصاوي يبقي اخوك الكبيير





بالاضافه لنورر الي كل مشهد كانت بتطلع فيها كان هيغمي عليا من رقتها













SLUMDOG MILLIONAIRE




صفعه للسينما المصريه المدعيه ان حجتها للوصول للعالميه هو ان الافلام العالميه مكلفه وضخمه

الدليل فيلم هندي من اخراج بريطاني وانتااج بريطاني ضئييل جدا ومممثلين مغمورين وقصه بسيطه

قدر انه يبقي الحدث الرئيسي لعام 2009 مع كميه الجوايز اللبي حصدها من كل مهرجان في العالم

والايرادات اللي حققها واخبيرا حصوله علي 8 جوايز اوسكار

افضل فيلم وافضل اخراج وافضل اغنميه وافضل موسبقي وافضل صوت

الفيلم اللي قصته عن الهند والناس البسطاء والفقر والعشوائيات نافس اقوي افلام امريكيه في الحفله اللي كلها اناجات ضخمه ومليئه بممثلين من الطراز الاول

فيلم عن طفل فقيرمسلم من احياء مومباي في الهند بيفقد امه في حادث فتنه طائفيه كالمعتاد

بيكافح هو واخوه في العالم القاسي الذي لايرحم ومعهم طفله صغيره يتعلق بها

ولكن القدر يفرق بينهم وكل منهما يسلك طريق نحو مصيره الخاص

الا ان تشاء الظروف ان يلتقوا بعد مرور 10 اعوام خاصه مع اشتراك الصبي في برنامج من سيربح المليون ليكون تذكرته بعيدا عن الفقر

رغم الجو الواقعي ده كله لكن الفيلم بيتكلم عن الامل والطموح والقدر

الاجمل من ده كله الاطفال اللي شاركوا في النص الاول من الفيلم كانوا فعلا من سكان مومباي الحقييقيين

تحيه للهند اللي كسرت عين الامريكان وكسفت السينما المصريه الفاكسه صاحبه مصطلح السينما النظيفه او العائليه

( رغم ان الفيلم ده مافيهوش جنس خالص )




هناك 28 تعليقًا:

احمد سعيد يقول...

والله يا زعيم انا شايف ان هتلر احسن من غيرة كتير , على الاقل كان بيحب بلدة وفاكر انه كدة بيخدمها
( واخدلى بالك )
دا كمان لو صرفنا نظر عن السلبيات اللى الاعلام الغربى واليهود ضخموها بشكل كبير جدا,,
ولو قسنا الامور كدة وحاسبناة كشيطان
يبقى فيه كتييير غيرة هيحتلوا الصدارة فى الشيطنه والابلسه ممن حكموا بلادهم بالصدفه وكبسوا على انفاس الخلق وسرطنوهم وسمموهم وباعوا بلدهم فى وكاله البلح.
طبعا انا مش قصدى على حد معين يعنى
( واخدلى بالك انت )

روابط يقول...

انا كمان استمتعت بقيلم فالكيرى جدا, وان كنت لم اشاهد ميكانو بعد, وساشاهد المليونير النتشرد, بعد ان تزول الضجة المصاحبة له

بما انك عاشق للسينما, فاعتقد اننا اصبحنا اصدقاء

تحياتى

mUsLiM يقول...

يابنى كفاية أفلام عنيك ورمت تلاقيها :)

على العموم الجميل اللى فيك إنك بتستخلص الفكرة الطيبة من الفيلم وبتحاول توصلها وتسعى اليها

وبالنسبه لهتلر والإنقلاب عليه فانسى ياعم الحج

مش لما يبقى فى ناس أصلا بتفكر علشان تنقلب

الناس فى مصر حاليا بتنقلب بس بطريقه تانيه

اللى بينقلب على جنبه اليمين واللى على جنبه الشمال

والتانى بينقلب على بوزه

هو ده اللى موجود حاليا أى إنقلاب من نوع تانى فهو مرفوض وإلا هاينقلب على وش اللى خلفوه ،،

وسيبك بقى من السيره دى :)

أما بالنسبه لفيلمك التانى فانا ماليش دعوه بيه ياعم الحج :))

وبالنسبه للفيلم الهندى فانا زهقان من الهنود هنا بصراحه

تعالى خد منهم شويه :)))

بس غلابه اوى والله الناس دي

نسأل الله السلامه

ودعواتك ياحج :)

السلام عليكم

مواطن مصري يقول...

انا فيلم توم كروز مدخلتهوش

بس ميكانو هنزلو عشان اعرف احللو صح نور مش بحبها باردة

و طبعا فلم الموسم slumdog
مع اني كنت مع الناس المقتنعة ان فلم بنجامين هوا الي هيكون فيلم الموسم


الله يرحم ممثل الجوكر


شفت بقى فلthe punisher war

Zika يقول...

والله تحليلاتك جميله
والصوره اللي فوق دي معديه
تحياتي

Empress appy يقول...

لا مش اوى كده بقى يا دكتور براحه شويه بلاش تسود كده برضه هما ارحم شويه
هو الفرق ان التانى كان واضح ومحدد ودول لا
فيلم ميكانو انا مروحتوش وان شاء الله هروحه

Desert cat يقول...

دائما يا دكتور تحليلك للأحداث يشعرنا باننا نراها انا وشفت ميكانو واكتر ما عجبنى من اداء نور هو اداء تيم حسن لانى تقريبا مش بعدى له ولا عمل من اول ما شوفته فى الملك فاروق
تحياتى

dr.lecter يقول...

سعيد بييه

ياراجل هتلر ده طكان مجنون كان عاوز الارض كلها لون احمر

بس ااكيد له سلبيات وايجابيات ده له فيلم اسيمه downfall الماني

اما اخواننا البعدا الشر بره وبعيد خربوها وقعدوا علي تلها

منهم لله ولاد ال بلاش اشتم

ولا انا اقصد حد هههههههههه

dr.lecter يقول...

حازم سويلم

يااهلا وسهلا محبي السينما مرحب بهعم عهندي دايما نورتني بجد

dr.lecter يقول...

مصعبنا

ماقدرش يمصعب ده بيجري في دمي انا مدن افلااام هههههههه

انا فعلا مابشوفش الا افلام معينه ولازم استشف اللي جواها واركز فيها لاني عارف انها عاوزه تقول حاجه زي الفيلم اللي انا وقباري معجبيين به

dr.lecter يقول...

مواطن

لازم تشوقفه هو لسه نازل علي النت لو مش هتلحقه سينما

اما طبعا المليونير مش محتاج كلام خالص

dr.lecter يقول...

زيكا

صوؤه ايه لا دي غلطه مطبعيه هوتودني في داهيه ولا ايه ههههههههههه

dr.lecter يقول...

appy

لا وحياتك دول انيل بكتيير

التاريخ مش هيرحم النظام ابدا بعد مايزوول

وهتشوفي بنفسك ربنا يدينا طوله الاعمر

dr.lecter يقول...

قطه

ميكانو يستهل كلام كتيير جدا

بس مش عارف اعبر خالص

الفيلم مطلعني من حاله خاصه جدا

Yasmine يقول...

انقلاب مين بس صلى على النبى :)
احنا مش بتوع الكلام ده احنا اخرنا اعتصام ربع ساعة ولا ساعة الا ربع
ما بحبش نوعية الافلام بتاعت valkyrie
دى ..المليونير المتشرد ده من كتر ما سمعت عنه هموت و اشوفه و تحليلك لميكانو عجبنى جدا

بس انا مستنية تحليلك عن بينجامين بوتون لانه عملى حالة انبهار مع انه 3 ساعات و انا ما عنديش صبر اساسا بس الفيلم فعلا رائع و يستاهل يتشاف

dr.lecter يقول...

فله

انصحك تشةفي فالكيري فعلا انا من هواه الافلام التاريخيه لما بتتقدم بصوره جذابه والفيلم مليان اسقاطات بشكل رهييب

المليونير المتشرد اهو متلقح علي النت في كل حته لو عاوزه لينكات قولي بس هو تحفه بجد

بنجامن بوتن شوفته هو حلو وعميق وفلسفي وهاشوفه تاني يوم الجمعه علشان احكم عليه نهائيا لكن ععندي شويه تحفظات عليه لان في نصه حسيت بالملل رغم الجو الساحر بتاعه احنا عامليين عليه تحليلات كتييره اووي في منتدي الافلام العالميه في ايجي هتلاقي اراء متباينه كتييره لو حبيتي

الازهرى يقول...

مجموعة جميلة جدا من المشاهدات
ربما لم استمع الى فيلم فالكيرى ولكننى اعلم قصة الاغتيال القديمة
اما عن ميكانو فقد ذهبت للاستماع اليه بكل الشوق للانى من عشاق خالد الصاوى احد ملوك المسرح كما نسميه وجاء كما توقعت فيلم يحمل الكثير بداخله
اما الفيلم الهندى فقد كانت اخباره مفاجأة بالفعل
وربما لو تفرغت فى وقت لاحق ابحث عنه لسماعه

تحياتى دوما

dr.lecter يقول...

الازهري

طيب الحمد لله انع عجبك هو هيعجب كل الناس انا متاكد من ده

مستني رايك قريب

!!! عارفة ... مش عارف ليه يقول...

ايه يا عم البوست الكومبووووو ده :)

بالنسبة للفيلم الاول

طبعاً الشيء بالشيء يذكر

فكرني بأشعار سيد حجاب اللي بيقول فيها
--------
يا مصري ليه دنياك لخابيط و الغلب محيط
والعنكبوت عشش ع الحيط وسرح ع الغيط
يا مصري قوم هش الوطاويط ... كفاياك تبليط
----------

وفيلم ميكانو
بصراحة كنت متحفظ عليه وكنت متخيل انه بيتكلم عن مثلث الزوجة والزوج والعشيق
أنما كلامك لفت انتباهي انه مختلفة
وإن شاء الله هحاول اشوفه


وفيلم مليونير العشوائيات
مطلعش حد يقول أنه يسئ لسمعة الهند
ويكدر السلم الاجتماعي .. ويثير الإحباط في نفوس الشباب

خالص تحياتي
وليد

mostafa rayan يقول...

احييك على تحليلك لفيلم ميكانو والفيلم الهندي
__________

من مدة و كنت عايز اشوف فيلم باب الشمس فلو تعرف موقع ممكن انزل من عليه الفيلم اكون شاكر ليك جدا

خالص التحية يا لك يا اخي

احمد سعيد يقول...

على فكرة
انت ناقل الصورة اللى فى الاول دى غلط
اصلك مش فاهم
الصورة دى ليها قصه
دى يا سيدى اساسا ان الريس كان مزنوق بعيد عنك وعايز يروح البيت يفك عن نفسه
فخاف يسيب الواد نوفل لوحدة
ياعينى هيتوة ومش هيعرف يروح

فاونكل موافى هو وباقى الشله
قالوله مع الف سلامه انت يا افندينا
روح ولا يهمك
واحنا هناخدة معانا وحنا ماشيين ونوصله لحد باب الزريب....قدى البيت
يوووووووة
قصدى القصر


شايف نظرات الحزن اللى فى عنيه
ياعيييييييينى
خايف
من غير بابا حاسس بالضياع
نفس نظرة عنين طفل تاة من اهله فى مولد السيد البدوى

نفس نظرات عادل امام لما تاة من امينه رزق فى فيلم المولد

هههههههههههههههههههههههههههه

dr.lecter يقول...

ولييد

الله ياعمنا سيد بجد انت قلت اللي فيهعا

ميكانو لا هيعجبك شوفه وقولي خاصه ان مؤلفه دي التجربه الاولي له


باللنسبه للهند فكك يابا من المصريين الفيلم باعتبره حاجه كده ماتتنسيش وبالعكس ده حببني في الهند

dr.lecter يقول...

مصطفي رياان


هاشوفلك اللينك اصل انا شفت الفيلم في السينما ايامها

dr.lecter يقول...

سعيد

يخرب عقلك انا وقعت علي الارض من كتر الضحك ههههههههههه

نوفل برده؟ خليه يسمعك ويوديك في ابو نكله ههههههههه

الشارده يقول...

بما ان انت من هواة الافلام
انصحك تشوف فيلمين هايلين قوىى ولسه ماثرين فيا لغاية دلوقتى رغم بساطتهم

august rush
finding neverland
الفليمين دول مش قادره اوصفهم

اما عن الانقلاب فابقى قابلنى
احنا خلينا فى الافلام احسن

dr.lecter يقول...

ايماان

يااه انت فيين يابنتي عاش مين شافك

شفت التااني تحفه طبعا جوني دييب الاولاني معرفوش بصرااحه بس هدور علييه

الشارده يقول...

لازم تدور عليه لانه هيعجبك ان شاء الله

بس امانه عليك تشوف حل فى المدونه بتاعتك احسن بتهنج عندى

dr.lecter يقول...

مش عارف ايه حكايه المدونه اللي بتهنج دي نفس الموضوع برده مدونتك ومدونه واحده تانيه بيهنجوا عندي