طراطير طراطير
نايمين نايمين
فايقين او مش فايقيين
والله مافرقتش كتيير
زمامير زمامير
مابسمعش لبعض كتيير
سامعين او مش سامعين
كلمه توديهم وكلمه تجيبهم
عايشين كان الحال عاجبهم
طول مافي حاجه ماليه جيبهم
ياتري ده اللي جايبنا لورا
وبلاللين بلالين
منفوخين منفوخين
علي مين عليمين
والله مافرقتش كتيير
طوابير طوابير
واقفين واقفين واقفيين
مستنيين ايه والله مش عارفيين
لما تدايق لازم تزغرط
ولما تنبسط لازم تعيط
وكل اسود بقي شكله ابيض
ياتري ده اللي جايبنا لورا
فاهعمين ولا مش فاهمين
والله مافرقتش كتيير
....................
كان فيه زمان ولد رسام مسكين وكمان غلباان
كان عنده احلي بنت جيران
كانت واصله وغنيه بتغير منها فاطمه وماريا
هي كانت حلوه ويتالف عليه
ميت غنوه والف ديوان
هيعمل ايه العاشق الغلبان
هيقولها ولا هيطلع جباان
كان فيه زمان ولد رسام مسكين وكمان غلباان
كان عنده احلي بنت جيران
هي كانت حلوه ويتالف عليه ميت غنوه والف ديواان
هيعمل ايه العاشق الغلباان
هيقولها ولا هيطلع جباان
فكر يروح لها ان قلبه عشق وحبها
ممكن يهد صخور ويشيل جبال
فكر يروح يوريها
ان رسمه كله كان لها وانه اسيرها وماحبش الا غيرها بيعشق الجمال
وياتري هيكون ايه ردها علي الحاجات دي كلها
ممكن تفضل ممكن تمشي وتستناه
تستناه علي بابه وتجيب اخوها واصحابه وتخرج وتروح السيما معاه
قالت له ماتعرفش اني برسم كماان
واني عيني عليك من زماان يابن الجيرااان
لو مش مصدقني تعالي نروح
اوريك لوحي اللي فوق السطوح
وادينا عرفنا ردها علي الحاجات دي كلها
طلعت خايبه ودايبه وفاتحاله الباب
وبعد ماعرف ردها؟
مش هيرووح يكتب ولا يخطب ولا يكتب الكتااب
شكر خاص لقباري here iam وفله " انا حره " لاني سمعت كلامهم ونزلت الالبوم
كنت محتااج فعلا اسمع الغنوتيين دوول علشاان يفوقوني من اللي انا فييه واكمل حيااتي
اهداء خاص لطارق ومحمد وعمرو
من غيركم انا ممكن اضييع بجد لولا انكم اقرب ناس ليا
اليومين اللي قضيناهم دوول كانوا مهمين جدا لييا
اهداء لكل عشاق فتره المراهقه والطفوله والنضوج
وكل اللي حب وماطالش نصيبه
هناك 21 تعليقًا:
جامد اوى البارتى
مش ناقص غير ناجاتى يفرقع البلالين
ازيك؟
حلو البوست دة
فاكر فلم البحث عن سيد مرزوق؟؟
بيعجبنى فيك أنك بتدى لكل واحد حقه .. أنا أعشق اللى يشكرنى و يسيحلى :D
لإكرنى أشكرك على كل حاجة فى البوست الجاى :D
أغنية طراطير دى بتفكرنى بمجنون بتاعة و سلملى على الخلود و الـ 7000 سنة ..
لما تدايق لازم تزغرط
ولما تنبسط لازم تعيط
الحتة دى جامدة موت .. و الحتة بتاعة الطوابير
اى خدمة :D
الاغنية بتاعت ولد رسام دى جابتلى تخلف خلاص..كل ما اتدايق اسمعها..يعنى بسمعها طول اليوم تقريبا :D
خصوصا الحتة دى
فكر يروح لها ان قلبه عشق وحبها
ممكن يهد صخور ويشيل جبال
فكر يروح يوريها
ان رسمه كله كان لها وانه اسيرها وماحبش الا غيرها بيعشق الجمال
كلامها وهمى و لحنها تحفة بجد
بس ليه اللى حب ولا طالش..ده حتى الاغانى كلها تفاؤل و بتنتهى نهايات افلام ديزنى :)
الشريط فعلا حلو
بحب طراطير اوى مع انها شبه الصفعة المعنوية
البوست لذيذ وفيه شجن
ربنا يخليلك اصحابك
ياسلام علي كلامك يابو حميد انت بتشترك معايا في حنينك للاطلال والماضي
الطقطوقة دي من تاليفك ؟
اللي حب ومطالش
بقيت تتكلم كتير عن الموضوع ده واضح ان التجربة مؤلمة انا عارف انك من الناس اللي لما بيحبوا بيحبوا بجد وانا عارف مين السبب يلا ماعلينا كلنا مرينا بالمرحلة دي
اه قبل مانسي انا هزور واحد صاحبي في الزقازيق خلال الاسبوع وممكن اعدي عليكم لو قدرت مش عارف انت بتبقي موجود امتي
يلا سلام عشان ورايا حاجات عاوز اعملها
في كل حي ولد عترة وصبية حنان
وكلنا جيرة وعشرة وأهل وخلان
أميرة عاقلة في الحجلة العقل يطير..
كانت صغيرة بضفيرة كان هو صغير
ساعة ما تضحك مع أخوها تلاقيه بيغير
ولما ترفع قلتهم تلاقيه عطشان
زمانه ماشي بخطوة يضم
زمانها كبرت وبقت أم
زمان جواب جايلها بيجري على العنوان
الفجر بيلاقي المغرب وبيجي ويروح
والليل يطل على الشارع شباك مفتوح
هنا الرصيف وهنا السلم وهناك يا سطوح
متعلقة كمام النونو بديل الفستان
زمانه ماشي بخطوة يضم
زمانها كبرت وبقت أم
زمان ضناهم في المدرسة كنز الأوطان
نحضن ولادنا ولا نخلى حنيه وذوق
نكبر معاهم ونغنى لقدام ولفوق
يادى العيون اللي بتقرا فى كتاب الشوق
الدنيا خضرا ومش فاضل على بكره زمان
زمانه ماشى بخطوه يضم
زمانها كبرت وبقت أم
زمان جواب جايلها بيجرى على العنوان
فى كل حى ولد عتره وصبيّه حنان
وكلنا جيره وعشره وأهل وخلان
أصل الحكاية حكايتنا ابن الانسان
فؤاد حداد
--------------
تحياتي :)
وليد
حلوة كلمات اغنية ولد رسام دي هبقى اسمعها بقى مع اني ماليش في عسيلي بصراحة
doda
علي رايك ماهي المشكله ان البالين هتفرقع فعلا
مواطن مصري
تخيل انا هاموت واشوف الفيلم ده كاملا
بييجي نادرا اووي وكل مره يفوتني
قباري
ماشي ياعم بلاش بس النفخه الزياده عن اللزوم دي ههههههه
اغنيه مووز بجد انت مش متخيل هي ماثره فيا ازاي
فله
انت عارفه بقي اني بدندن فغيها بقالي اربع ايام حتي وانا في الشغل وقلتها بصوت عالي وانا شغال في بق عياان تخيل المنظر
الاغاني بتضحك علي الناس للاسف لانها كلها احلاام وتطمعك في حاجه مش هتحصل
هي بس تعيشك حلم مزيف لفتره مؤقته وبس
غير كده انسي عالمنا مختلف تماما
انجي
حلوه حته الفصعه المعنويه
الحته دي مايقلهاش غير بتوع دكتور احمد خالد ههههههههههه
ميرسي جدا والوةاحد فعلاا مالوش غير اصحابه
احمد
لا ياعم تاليفي ايه بس انا مبعرفش اكتب اغاني
دي اغنيه لواحد اسمه محمود العسيلي
تعالي ياعم في اي وقت انا موجود عادي مافيش مشاكل تعالي بس وهم موجودين كلهم في اي وقت
وليد
انت ظبطتني بجد
الله عليك يافؤاد ياحداد الراجل ده كان دايما مابيقلش اي كلاام وكلامه كله في الجوون
فاطمه
ولا انا ليا في العسيلي ولا حد من جيله اصلا بس سمعتها بعد مالكل اتكلم عنها هتعجبك رغم انها غريبه شويه
الفلم دة لو بفلوس هشترية بس هو فين
د/ليكتر
انا سعيد جدا انك هتيجى
لكن فى تغيير فى الموعد
هيكون 29/3 والتفاصيل الجديدة عندى
واهلا بك انت وكل من تدعوه
وباذن الله ارجع اتابع بعد العرض
الازهري
ان شالله اكون هناااك وشكرا علي ابلافي بالمعاد
مالها يعنى الطراطير
حفل جميل
زمع تحياتى
ههههه فشكول باشا ولا حاجه زي الفل جدا
إرسال تعليق