السبت، 23 مايو، 2009

V A C A T I O N





الاسبوع اللي فات كان اكتر اسبوع مرهق بالنسبه لي رغم اني كنت المفروض اخده اجازه اريح فيه قبل معمعه امتحانات الماجستير لكن كل يوم كان فيه سفر وشغل ومشاكل بدايه من مشكله اتنين اصحابي فسخوا خطوبتهم وعمتي اللي دخلت العنايه المركزه ومشكله الشغل عندي والالي حصل في الجامعه عندنا والمواعيد اللي حاولت اوفقها بين الشغل والحاجات التانيه ويوم التلتاء الطويل جدا بتاع وفاه حفيد الريس والخنقه من الاستعدادات الامنيه المبالغ فيها والخبر الفقيع بتاع اسقاط الجنسيه والانفجار اللي حصل في مخزن الاسلحه في اساعيليه جنب معسكر واحد صاحبي وحكم بتاع هشام طلعت





حاولت والله افك عن نفسي وكنت مشحطط نفسي في ميت حته شويه في اكتوبر وشويه في مصر الجديده ويوم مارجعت الاربعاء للبيت بعد اسبوع كامل من السفر الزقازيق كنت مستهلك جدا




لقيت طارق بيفكرني اننا هنسافر الخميس والجمعه اسكندريه قلت اشتات انا فعلا لازم اغير جو بسرعه باي طريقه



روحت هووب مجهز الشنطه وحالق دقني لان قبلها وانا في السوبر جيت دخل واحد ظريف لذيذ ظبوط كان بيدور علي اي حد ملتحي وانا كانت دقني منبته حبتين فقلت بلاها المشاكل واهو علشان اهلي يرتاحوا مني شويه بحكايه احلق دقنك





ماعلينا



قلت طبعا لازم ادي تليفون لحبايبي الاول









كلمت احمد ليلتها بعد ماتش الاهلي عدل وقلتله اني جاي وجهزت الشونظه والصبح طلعنا في عربيه عمرو انا وطارق وعمرو صلاح وعمرو عبد السميع وقسشيناها بقي براحتنا بس كله كووم والسمك بتاع قدوره كووم تاني




انا كنت هانفجر خلاص من حلاوه السمك ايوووووووووووووووووه ياجدعان







سمك اسكندريه لا يعلي عليه بجد سمك ابن سمك بجد ولا الجمبري بتاعه اكتشفت اني مابدوقش السمك بجد الا في كل مره بنزل فيها اسكندريه








المهم شحننا الفسفور




وطبعا كفايه انك اول ماتدخل تلاقي ريحه اسكندريه النقيه الرائعه ومنظر البحر اللي يغسل همومك واحزانك











انا قعدتي ادام البحر لوحدها تنسيني الدنيا بجد






نست كل حاجه مشاكلي واحزاني والهموم اللي عندي والحاجات اللي عاوز اقفل عليها من جوايا








تغمض عينيك وتفتح صدرك وتفك القميص وتخلي الهوا يدخل جواك ورزاز الميه تخبط في وشك وتحس بلمسمها علي جلدك






مافيش حته تانيه في الدنيا بلاقي فيها الاحساس ده الا في اسكندريه






بعشقها فعلا بموت فيها لو كانت بنت كنت اتزوجتها لو كانت ارمله كنت داويت احزانها المشكله ان وانت قاعد غصب عنك بتقعد تفكر في الماضي وتقول هل كان ممكن اصلح غلطاتي وتلاقي نفسك حنين جامد اووي للفتره اللي انت مشتاق لها تقعد تقول ياريتني






تقعد تقول هو فيه مستقبل لسه هنا فيه امل ان ممكن اعرف اعمل حاجه؟ ولا خلاص انا احرقت كل مراكبي ورايا






ومابقاش ادامي الا الرحيل؟.






هل فعلا اللي انا عملته ده الصح.؟ وهل اللي اماشي فيه و فعلا اللي ربنا كاتبه لي؟ وهل فعلا اللي انا عاوزه لسه ماجاش وقته ولسه مستنيني؟



نفسي بجد اغمض عيني ماصحاش والاقي كل اللي معذبني اختفي والاقي راحه البال وانام كتيير مش عاوز حاجه من الدنيا دي


انا اليومين دول اه انبسطت فيهم لكن فرحه مؤقته




دايما كده السعاده بتبقي مؤقته عندي قصيره جدا مابلحقش والله اتهني بحاجه









انا اخر مره كنت روحتها كانت في نوفمبر 2008 وحبيت انزلها قبل زحمه الصيف لاني مش ناوي انزلها في الصيف خالص ممكن في رمضان بقي او بعد رمضان










طبعا بلليل كان لازم نختمها بسينما





وانتخانق هندخل فيلم ايه؟



angels and demons?

]دخلته
he is just into you








شفته


عين شمس؟




مش ناقصه بكاء وكئابه هو فيلم حلو طبعا لكن هنعيط لو دخلناه








راح عمرو صلاح افترح ندخل عمر وسلمي؟



عمر وسلمي؟ ده انا رقم واحد من كارعي تامر حسني القزز ادخله فيلم؟ عملنا قرعه فعلا علشان نشوف هندخل فين؟





بس انا تمسكت بقراري





دكان شحاته ياخواننا مافيش كلاام دي هيفاء يابشر ههههههه

وفي الاخر رسيت عليها











تاني يوم قضيناه صياعه برده لغايه مامحمد كلمني وقاللي هشوفهم بعد المغرب




المهم انا سبت العيال اللي كانوا معايا راحوا كارفور وروحت محطه الرمل لمحمد قباري صاحب مدونه her iam




مبرووك ياعم علي الليزك يالعب عيونك













واحمد ماجا صاحب مدونه ناويها http://naweeha.blogspot.com/







الاتنين دول بجد الله يعلم انا بحبهم اد ايه يعني بجد ياريتني كنت من سكان اسكندريه علشان اشوفهم كل يوم بجد قعدتهم لا تعوض ونقاشهم حلو اوي وربنا يعلم اني واحد من اهم الاسباب اللي خلتني انزل واسيب شغلي ومزاكرتي اني كنت عاوز اشوفهم







اتكلمنا في كل حاجه غالبا وعن كل الناس وعن ايجي فيلم اللي ناويين نظبطه ان شالله كده ساعتين ونص قعدتها معاهم كانوا بجد مايتحسوش بمرور الوقت وطبعا محمد خلاني اجرب المشروب الوطني اللي لغايه دلوقتي معرفش هو ايه













عن الدكان وعن المزه












بغض النظر عن اي حاجه تانيه وعن عيوب الفيبلم الفنيه والسقطات



لكن الفيلم مهم جدا ورسالته اهم حاجه انذار مهم لاي مصري احنا في خطر



الشخصيه المصريه بتشيع خلاص وبتنقرض فيها كل حاجه حلوه البراءه والشهامه والطيبه والعفه


احنا بنموت الشخصيه دي كل يوم






اكيد الفيلم عامل مشاكل من حقه لان فيه نقد صريح للنظام والسياسه اللي ماتشيه عليها البلد واستعرض كل حاجه حصلت في اخر 5 سنين ورسم صوره بشعه مستقبليه رهيبه لمصير البلد لو الحال مانصلحش




اغبي مافي الفيلم هو تحيزه لنظام عبد الناصر وانه شايف انه هو المنقذ وهو الحل وده طبعا فقعني جدا بالاضافه لنقده للسادات وشايف انه هو السبب في كل اللي وصلنا له؟. اشته اووي يعني خالد يوسف بيهجص

طبعا فيه حاجات تانيه فنيه لكن عامه الفيلم هيعجب اي حد وهياثر فيه جدا خاصه النص التاني اللي كله تراجيديا



في الاول انا للقيت اغلب الناس رجاله لا مش اغلب ده كلهم رجاله وطبعا داخلين علشان هيفاء اكييد وبصراحه هي وجبت معانا اووي وبغض النظر عن اي وجهه نظر ناحيتها لكنها كانت كويسه جدا في الفيلم خاصه انها اول مره ومش كممثله كمان لكن بعد مالفيلم خلص لقيت الناس كلها بتصقف ومعجبه بالفيلم هو اصلا وفي الاخر فيلم معمول علشان الجمهور








خالد يوسف عملها صح يمكن تكون هي الحسنه الوحيده بالاضافه لطاقم التمثيل ورساله الفيلم والنهايه بتاعته وطبعا ااغاني ومووايل الفيلم اللي كتبها الشاعر جمال بخيت

احمد هيبقي يعمل موضوع عن الفيلم وهيتكلم عنه لانه محتاج كلام كتير علشان كده مش هاحرقه لحد الا لما اغلب الناس تشوفه



شوفوه وابقي قولوا رايكم







المهم روحت الزقازيق علي 5 الفجر علي انغام الاغاني القديمه لاصاله واحنا كلنا مانتخين في الكراسي وطارق طاير علي 160 منه لله وكان ورايا شغل الصبح طبعا حلقتله وكملتها نووم واهو انا مضطر اقوم دلوقتي اخد لي دووش وانزل شغل بلليل واحتمال ماعملش اي بوستات الا لما اخلص امتحاناتي ان شالله





يعني واخد اجازه كده من التدوين علي ماتفرج











وهابقي متابع كده كل شويه مدوناتكم كلها




سلام عليكم







































هناك 49 تعليقًا:

mUsLiM يقول...

ماشيه معاااااااااااااااك يا كبير والله ،،

والله انا مصر وحشانى كلها باسكندرية وغيرها

بس وسط البلد واحشنى اوووووى

مش عارف ليه نفسى انزل وسط البلد يا رجاله والله

بس امشى بس نص ساعه واطلع على كوبرى قصر النيل وارجع تانى الامارات مش مشكله :)

بس انت محكتش على اليوم اللى قضيته مع كبارى وماجا ياعم

ايه ماروحتوش عند اسمه ايه ده بتاع الكبده والحاجات التانيه دى ولا ايه

ههههه

لا عيب عليكو بجد لو مروحتوش عنده

والله كان نفسى اكون موجود معاكو بجد

بس خير ان شاء الله تتعوض

:)

اول اجازة ليا فى مصر ان شاء الله لازم نظبط يوم كده غصب عنكو والكل هاييجى ان شاء الله

السلام عليكم

enjy يقول...

حلوة اسكندريتى حبيبتى طبعا ليك حق تنشكح وتنبسط لما تيجى بلدنا احلى حتة فى الدنيا

بس عموما فى الشتا احلى بكتيييييييييير

انا حرة يقول...

يا بخت الناس اللى عارفة تاخد اجازات و تسافر و تشوف البحر..دا مش حقد نهاااائى ولا حسد لا سمح الله..دا نق رسمى:D
اوعدنا يا رب :)

دكان شحاتة دا انا هموت و اشوفه بس الحقيقة كل ما بسال حد الاقى الرجالة بيقولوا انه تحفة و السبب معروف طبعا و الستات بيقولوا وحش اوى و السبب معروف برضه :D
اصدق مين انا دلوقتى؟!

Here i'm يقول...

يا بنى أنا بشفق على الناس اللى مش ساكنة فى أسكندرية و الله :)

بجد مش متخيل أنتوا ازاى عايشيين فى بلادكوا دى ..

و بعدين يا مصعب مفيش أمان للأكل فى البلد غير الفول و الفلافل و السمك .. و البيه كان أكل سمك من عند قدورة .. فبالتالى لا عبده تشكيلة ولا الجن .. هوا عمك جاد :D


واد يا دوكى انا نسيت أقولك ان القهوة اللى كنا قاعدين عليها أسمها القاهرة :D

و بعدين هوا أحمد كان بيبص على أيه و هوا بيتصور .. يكونش كان فى موزة معدية ولا حاجة و انا و انت كنا فى الطناش :D

على فكرة أنت تخنت قوى يا دكتور و ربربت كده .. القاعدة و الماجستير و الأكل ظبطوك :D .. شوف البوست بتاع الزيارة اللى فاتت و شوف البوست دا و انت تعرف أنك خسيت و خصوصا لما كنت مع فيليب :D

عمرو يقول...

حمد لله على السلامه و كويس أنك قضيت أجازه أنبسطت فيها لأن من وقت للتانى الاٍنسان فعلا بيبقى محتاج يفصل شويه عن وقائع حياته ..
فما بالك أن تكون الاٍجازه دى فى اٍسكندريه الجميله الرائعه اللى بتسحر قلوب من يهواها عن صدق :)
فيه بقى مطعم سمك تانى فى بحرى برضو غير قدوره اٍنما أيه أجمد من قدوره بكتييييير بس للأسف ناسى اٍسمه بس هو مشهور أوى و أشهر حاجه عنده بقى كوباية بهاريز الجمبرى اللى هى عباره عن خلاصة شوى قول مثلا 5 كيلو جمبرى !! يعنى حاسب الفوسفور اللى على حق :)
شوقتنى يا عزيزى أشوف فيلم دكان شحاته بس خايف يكون نسخه مكرره من باقى أفلام خالد يوسف خاصة أن عنده فكره أحاديه و بيقولها فى كل أعماله لكن بأشكال و صيغ مختلفه ..
شكرا أنك أشركتنا فى رحلتك و اللى كان أحسن ما فيها فى رأيى هى مقابلتك لأتنين من كبار المدونين الاٍسكندرانيه لأن التواصل فعلا مطلوب مع المدونين ..
تقبل تحياتى و تقديرى ..

dr.lecter يقول...

مصعبينو


وانت اكتر ياعمنا
انت كان ليك نصيب الاسد من كلامنا

احنا قعدنا علي القهوه واديناها كلام ومسخره كانت ناقصاك والله ياااه

كبده ايه ياعم لا خلاص تبنا والحمد لله

dr.lecter يقول...

انجي

بجد انت محظوظه بيلدك روعه فيب الشتا طبعا لها طعم تااني خالص وبتبقي رايقه وهاديه يااااااااااه

dr.lecter يقول...

فله

الله اكبر عليا وعليهم ليه بس كده احنا ذنبنا ايه اننا عيال صايعه نعرف ناخد اجازه في اي وقت

مش كنت ملهوفه علي الشغل هههه اهو اتهني به بقي


دكان شحالته هيعجبك بس مش هيرتقي للمستوي اللي انت عاوزاه ماتتوقعيش تحفه لكنه كويس عامه

صدقي الرجاله طبعا

شوفي رايي انا واحمد ومستعد ابصملك بالعشره كوومااان ههههههههه

dr.lecter يقول...

قباري

ماتخلنيش اعيط بقي

عرفت اني كنت في نعمه وجنه وطلعت منها عاااااااااااااااا

هههههه عمي جاد لا يعلي عليه وقدوره طبعا بس ياعيني علي جيبي صعبان عليا

فيه برده حاجه اسمها قريه عبد الوهاب كانت حلوه اووي


تصدق اني مخدتش بالي من الاسم بس اشتات اووي


احمد انت عارفه علي طوول مابيرحمش اي نتايه ماشيه ههههههه انت هتصيع يااض ولا ايه؟


مش عارف انا تخنت ازاي يظهر ده من اثار اسكندريه شوفت بقي بلدكم عملت فيا ايه

فيليب صحيح بيسلم عليكم وكان هيموتني لما عرف اني روحت من غيره

dr.lecter يقول...

عمرو


معاك حق في كل كلمه بجد بس انت ياعمنا عامل رحله واجازه اجدع من اللي انا عملتها بستين مره ياله ياعم ماحدش قدك

هو بص الفيلم مكرر اكيد بس فيه صيحه عاليه ضد الظلم مش موجوده في اي فيلم تاني وفيه تحريض علي الثوره لكن طبعا فيه شويه حاجات فاكسه

ان شالله يكون لينا لقاء مع كل مدونين مصر

Maga يقول...

المشكلة فى انا ببص فين المشكلة فى اللى بيصور طبعا

وانتا يا دوك انتا بقة كرهتني فيا بالصور اللى بتنزلهالى دي :D

قولى طيب علشان اعمل حسابي وابعتلك كام صورة كدة تنزلهم بدل الارف اللى مصورها كباري دي :D

ع العموم والله يا دوك انتا نورت اليسك هى طبعا منورة بينا بس اهو لازم نجامل

ويا فلة انا الفيلم عاجبنى اوى بصراحة برغم الاسقاطات البايخة اوى اللى فيه بس فيلم كله غم انصح الناس كلها اللى عايزة تتغم تدخله

ثانيا عجب الرجالة مش علشان هايفااا على فكرة لان هايفة فى الفيلم عكس كتيير ما متخيلة هيفا مش جامدة كتمثيل بس غير متوقعه بالنسبالي انها تظهر كدة بصراحة يعني بالنسبالى كانت مفاجأة وانا على يقييين ان فى حاجة فى الفيلم دا هتلمسك جامد اوى

وشيل يا دوك بقة كلمة التاكيد دي ياعم

dr.lecter يقول...

موجه

هههه طيب نعمل ايه بس مكانش فيه حد غيره يصورنا ده احنا كنا بنشحت ناس ياجدع

ياباشا والله انت منور الصور ده نورك مغطي عليا لدرجه اني مش باين في ولا صوره شوفت بقي


مقبوله ياعم المجامله اكيد منوره بيا هو انا شويه في البلد


اما الفيبلم هو فعلا فيلم غم

ربنا يسامحك ياخالد



عاوزين ندخله ابراهيم الابيض بقي

z!zOoOo يقول...

السلام عليكم

ازيك يا ليكتور يارب تكون بخير

انا مبسوطلك جدا علي الاجازه ديه

مع اني مش بحب اسكندريه اساسا بس كويس انك انبسطت

واديك قضيتها ما بين مقابلات مدونين وقعده علي البحر وسينما الي عارف انها عالمك المفضل ( زيي :) )

كان كولكشن حلو يعني

وانا حاسس انك كنت مفتقد ده كله

ونفسك في اي فرصه زي ديه عشان تنطلق وتعوض الي بقالك فتره مش بتعمله

فرصه بقي يا معلم اديك اخدت اليومين دول عشان ينشطوا عقلك ويجددوا نشاطك

وحلوه الصور الي اتصورتوهم

ربنا يسعدك يا ليكتور

في رعايه الله

z!zOoOo يقول...

يا عم الحج

في كلمه تحت البوكس بتاع التعليقات هي ديه تأكيد الكلمه ادخل علي السيتنج في مدونتك والغي تأكيد الكلمه

الناس كلها قالتلك وانت عامل هندي خالص :)

يا بني بتسهل علي الناس التعليقات

إلا قولي صحيح هو انت من القاهره

وكام سنه بقي ( عشان الفضايح )

تحياتي

فكرة من الزمن ده يقول...

حمد الله على السلامة يا ليكتر
ههههههههه احب اطمنك اني مش الشخص اللي تقصده ولا حتى على صلة بيه علشان رسالتك اللي طلبت انها توصل مش هاتوصل للاسف
لان الشخص المقصود بيه الكلام ده في عيني ياباشا
هو قرا الكلام بنفسه بعد شرح سؤ الفهم اللي حصل وعجبه الكلام جدا وطلب انه يتنشر تاني وده انا قايلاه في بداية البوست
ولان البوست ده قديم وتقدر ترجع للبوستات القديمة هتلاقيه

تحياتي ودمت بخير

Desert cat يقول...

جميلة اوى رحلتك يا دكتور
وحفزتنى ادخل دكان شحاته
تحياتى

صيدلانيه طالعه نازله يقول...

انا كنت مسافره اسكندريه المفروض بكره بس كل المؤشرات بتقول ان السفريه باظت ربنا يسهل و اسافر و انا من مكانى هذا اقولك
يا متهنى يا لكتر ياللى مفيش حاجه عطلتك عن السفر
طبعا ده نق و حسد و حقد كمااااااان
هههههههههههههههه
المهم ذاكر كويس و ربنا معاك

dr.lecter يقول...

z

متكشر ياحبيبي بس اسكندريه ماريا وجميلاه فعلا باعشقها

عن حكايه التاكيد بتاعه الكلمه

انا عملتها خلاص اصلي مكنتش فاهم اصلا انتم بتتكلموا عن ايه

dr.lecter يقول...

فكره

لا هو الغريبه ان كلامك قريبي فعلا من كلامها علشان كده حصل لبس عندي

بس عامه بوستك حلو وكيفني بجد

dr.lecter يقول...

قطه

ابقي قولي لي رايك مستنيه

dr.lecter يقول...

صديله هانم

خمسه وخميسه في عينك يانفيسه انا بطني بتوجعني الحقووووني

لا ان شالله تطلعي

الحقي اطلعيها اليومين دول بجد قبل زحمه الصيف ياما تخليها بعد رمضان

دعواتك بقي

The Seagull يقول...

أجازة ممتعة وشيقة يا دكتور :) إن شاء الله تكون قضيت وقت كويس .. أما عن "دكان شحاتة" فربنا يسهل وأشوفه بس أكيد مش في السينما :D

قباري وماجا منورين بجد ومبروك يا قباري الانضمام لحزب الليزك :D

ابو المفاصل الواصل يقول...

فى بلاد الجهل والتخلف عارض كافة القيادات والرموز
سواء بالحق او بالباطل وهتلاقى نفسك فوق ما تعــــــوز
مبجل ومكرم وقائد شعبى وكل الشعبية هتحــــــــــــــوز
فقمة المرمطة انك تعارض للمعارضة وهذا شغل الاراجوز
وللاسف ده المطلوب بالمظبوط انك تكون تضرب بالجوز
او تأيد للتأييد ناس وش تأ بيد ولم يزيدوا على العبيــــــــد
عبيد سلطة اونطة وعبيد التخلف والجهل القبيح والشديد
وما عليك الا حفظ بعض الكلمات مثل الكمات ترددها ترديد
وتلاقى نفسك منهارة فى زمن الحضارةومقصوف الرقبة والايد
وتكمل الصورة يا قمورة بتحميل غلطك على غيرك وهتلاقى التأييد
من اناس بفكر النسناس لا عقل ولا فهم ولا احساس بالتحديد

Here i'm يقول...

الله الله .. دا الليزك شغال فى البلد و انا مش واخد بالى ولا ايه :D

بس عايز أقولك يا يسرا أنى بالليل شيش بيش خالص .. بشوف البنات كلها حلوة :D

دا طبيعى ولا نصبوا عليا :D

dr.lecter يقول...

يسرا

اه بماانك من محبي الفرجه علي الكومبيتر

بس لو فضيتي مثلا اطلعي انت وفله وفنون وشلتكم وادخلوه مع بعض


عقبالنا يارب نعمل ليزك بس بعد تفكير

dr.lecter يقول...

قباري

اشته باللبن

لا ياعم خلينا بالنظاره احسن قال نشوف كل البنات حلوه

ده علي اساس ايه ان شالله؟


اتنصب عليك ياحلو

The Seagull يقول...

ياااااااه يا قباري انت متعرفش :D ده من زمان جدًا أنا بقالي أربع سنين أهو والحمد لله ميت فل وعشرة :D

بس اطمن انت كدة مية مية ومش نصبوا عليك ولا حاجة :D

يالا يا دكتور اتشجع واعملها بجد ايش حال لو مكنتش عاملاها عندكم يعني :D صدقني والله مافهياش أي حاجة دي ممتعة جدًا :D

Here i'm يقول...

ااااااااااااااااه

طبعا حتقوليلى دى حلوة و جامدة و ممتعة .. ما أنتى أمرأة :D

لا يا دوك .. أوعى تعملها غير لما اخلص التجربة كلها و اقولك قصة كل حاجة حلوة دى :D

يا أخى و انا بقول .. البنات اللى احلوت ولا انا اللى اتعميت .. بس هوا يظهر كده انهم نصبوا عليا


دلوقتى تدخل طنط حرة .. تقولك الليزك دا احدى اعداء المراة لأنها بتحلى المراة فى عين الرجل .. بتفكرنى نادية لطفى فى النظارة السوداء :D

dalia يقول...

من الجميل ان تأخذ أجازة لتستريح من كل شيئ من جو الشغل والمكان وحتى الاشخاص اللى انت بتقابلهم كل يوم والاجمل ان تذهب الى مكان فيه بحر غريب جدا فيه حاجه بتخليك مش مضايق وانت امامه ممكن تقعد هناك بالساعات والتفكير هناك بيبقى ليه طعم تاني حتى الابتسامه بتبقى ليها شكل تاني.

أما بالنسبة للست هيفاء ربنا يعفينا انا قلتها كلمة ومش هارجع فيها انا لا يمكن ادخل الفيلم ده ابدا وكلمتي مش حتنزل الارض :)الحمد لله اني مش بشتغل في القسم الفني بالجريدة والا حالي كان حال.
أول زيارة بس مش الاخيرة ان شاء الله وربنا يوفقك في الامتحانات.

dr.lecter يقول...

يسرا

مش هعملها الا لما اكون محشش وشارب حاجه علشان تجيلي الجراه

مانا عارف المجموعه المصريه دي محترمه

بس الدكتور اللي بروحله هو غالبا اللي هخليه يعملها لي

dr.lecter يقول...

قباري

مانا بقول كده برده

بص ادامك لغايه رمضان

طلعت حلوه واشته

هعملها زيك

مش عاوز اتدبس في واحده وتطلع في الاخر مش حلوه


ياعم احلواووا ايه بس

ده احنا اللي بنحلو

اه طنطك حره منك لها بقي مش عاوز خناقات هنا عندي

ياللا هش

dr.lecter يقول...

داليا

الفيلم مش جامد اووي يعني فاستنيه بقي لما ينزل دي في ديب

اسكندريا ماريا فعلا

ان شالله تنورينا بعد كده دايما باذن الله
دعواتك بقي

The Seagull يقول...

معلش يا قباري هي هتتعبك بس أول شهر وبعد كدة هيبقى كله تمام :D

Founoon يقول...

متفقة معاك في رأيك في فيلم دكان شحاتة

بس بالرغم من كل شيئ الفيلم فعلا حلو
واوي كمان

رحلة حلوة بصراحة يا بختكم :)
اسكندرية جميلة بجد بس تحرم في الصيف

يا لطييييييف

dr.lecter يقول...

فاطكمه

مش هاقول وحش هو كويس لكن مش تحفه

هتلاقي ردي عندك هناك لاسلباب مطوله

اسكندريه

الحقي روحيها حالا خلاص هتتزحم بسرعه

micheal يقول...

كده..أكلة سمك اسكندراني من غيري
:))
أنا لسه مدخلتش فيلم دكان شحاته ع العموم بس أنا ملاحظ من زمان التوجه الناصري الزيادة لخالد يوسف
أجازة سعيدة
تحياتي

سهر يقول...

ده فيلم سخيف وتافه تفاهة
حاجة تخنق
حسيت انه فبركة

فشكووول يقول...

ازيك يا دكتور
طبعا سمك اسكندريه اسكندرانى حلو زى بلده
بس اللى ما عجبنيش انك رحت كارفور
يا ترى صرفت كام هنااااااااك وفلست بعد الزياره بتاعة كارفور ولا لسه كان معاك فلوس
تحياتى

الازهرى يقول...

ياااااه
رحلة طويلة قوى
بجد انا كمان نفسى فى رحلة زيها بعد الامتحانات
لكن للاسف منتظرنى الف حاجة

اما بخصوص خالد يوسف فهو مخرج شاطر لكن للاسف مسجون ومحبوس
مش من الحكومة او خلافة زى ما البعض بيقول
لكن هو مسجون جوه يوسف شاهين ومش قادر يخرج منه


تحياتى دوما

dr.lecter يقول...

micheal

كانت عاوزاك يامعلم السمك كان بالهبل وبيلبط ويلعب

dr.lecter يقول...

سهر

الفيلم فيه اراء مخحتلفه لكن اهمهخا ان كلنا جمعنا موضوع واحد وهو مستقبل مصر والهاويه اللي رايحه لها

نورتني باول زياره

dr.lecter يقول...

فشكوول

لا ياعم هاروح كارفور ليه ماهو مرزوع في القاهره مش هيعمل فرق كبيير اووي

هو بصراحه صرفنا جامد اصل المشكله مكانتش في السمك وبس ده كان كمان في الاكل بتاع تاني يوم كباب وكفته واللذي منه بقي

جوعتني بقي وانا صايم كده عجبك كده

dr.lecter يقول...

ازهري

بالظبط مش عارف يتخلص من عقده استاذه دي مشكله كبيره

يسري نصر الله عرف يتخلص من المعضله دي
لكن خالد لا

جريدة الصباح العربي يقول...

شاركوا معنا في أختيار العمل الأفضل للنشر عبر صفحات جريدة الصباح العربي
http://sabaharabi.blogspot.com/
وذلك عن طريق التصويت في المدّونة على القصة التي أعجبتكم
أو التصويت عبر جروب الجريدة على الفيس بوك
http://www.facebook.com/group.php?gid=78080770039
وذلك لرعاية المواهب العربية الشابة

z!zOoOo يقول...

السلام عليكم

ارجو الرجوع الي اخر موضوع عندي

لرؤيه التحديث في اخر الصفحه للأهميه

وعذرا للإزعاج

!!! عارفة ... مش عارف ليه يقول...

بصراحه بصراحه
شوقتني اووووي لإسكندرية

وفعلا وحشتني

عارف ساعات كنت بقعد افكر واختار واحتار في نفس الوقت

واسأل نفسي سؤال لو تحبي تكون من مواليد مكان تاني تحب تكون من اي مكان

الاقي نفسي بعد تفحيص وتمحيص باختار اسكندرية بمنتهى العشق لها

وعجبتني اووي الجملة دي منك

"بعشقها فعلا بموت فيها لو كانت بنت كنت اتزوجتها لو كانت ارمله كنت داويت احزانها"

بصراحه عالية اوووي

وإن شاء الله ايامك تكون كلها سعيدة زي السعادة اللي كانت هتنط من البوست وانا بقراه :)


وليد

كراكيب يقول...

اييييييييه داااااااااه
طب انا عايزة من ده يا حزومبول انا عايزة من ده
نفسي فعلا فرحلة تغيير جو كدة

المهم يا سيدي اديك خدت ريفريش كدة قبل امتحاناتك
شد حيلك بقى يا بطل

miro el niro kwaniroooo

simple me! يقول...
أزال المؤلف هذا التعليق.
simple me! يقول...

سلامو عليكو من غير ألف و لام

يا جماعة انا كنت قاعدة فى امان الله على النت و بسمع محمد فوزى و افتكرت انى دايما عندى حنين لأى حاجة قديمة.. و بحب أى حاجة قديمة..
فعلى سبيل ملأ الربع ساعة فراغ اللى عندى فتحت جوجل و عملت بحث على (nostalgia) ..
و اذا بي لقيت نفسى فى و سط الحكاية الطويلة العريضة دى عن اجازة Dr. lecter
عاوزة أقول حاجتين
رغم ان ماكانش عندى صبر اكمل قراءة بقيت التعليقات , الا انى حاسة ان انتوا كلكوا ناس عساسيل جدا..دى تانى حاجة
أما الحاجة الأولى و الأهم فهى عن
Dr. Lecter
على الرغم من اننا فى مجتمع شرقى الا انى لازم أقول انى مفتونة بكلامك و طريقتك و تعبيراتك ..حاسة انها جزء منى و كأنى انا اللى كاتبها..زى ما يكون فى بينا مليون نقطة تلاقى..بصراحة شديدة و انا بقرا الكلام ده حسدت كل الناس اللى تعرفك ...
بس
و رغم كل الى انا كتبته ده عارفة انه احتمال 99% محدش يقرا الكلام ده أصلا..
وان احتمال 99.5% انى اصحى بكرة الصبح مش فاكرة اى حاجة من اللى كتبتها..و هكذا تستمر الحياة..
سلام