الأحد، 28 يونيو، 2009

يحكي ان



حواء هي العطف والحنان هي الانوثه والامومه


حواء هي الشر والفساد هي الافعي الحرباء


حواء هي اقدس اسرار الكون وسر استمرار البشريه
حواء هي سبب الالام واللعنات
حواء هي من لانستطيع الحياه بدونها ونتمنني هلاكها
حواء هي دائنا ودوائنا

حواء رفقا بي ياحواء
يحسن اديكي بالجزمه



" الي كل واحده اتغرت في حبها وكل واحده شافت انها اتظلمت من راجلها وكل واحده شايفه ان الرجاله وحشين وغدارين وعاوزين يولعوا بالجاز
ياريت ماتقروش الكلام ده علشان الغلط راكبكم من ساسكم لراسكم "







عن الف ليله ليله



كان ياماكان كائن جميل رقيق وانيق ولطيف الكائن ده اتعمل عنه كتب واساطير

كان عايش مع غول بشعر وكرش وريحه مش لطيفه
الغول ده شهواني مووت وطاغيه وقلبه ناشف وحجر وقاسي وطماع
لكن معاها يبقي زي العيل الصغير
مايقدرش يعيش الا لما يسمع صوتها ويرتاح لحوادتها
هي عندها سر السحر وعارفه نقط ضعفه
يروح يقعد ادامها زي ابنها كده وويقولها احكي لي حدوته
علشان اللي جوايا كتتير قوي انا وحش اووي من جوايا

قالت له بص ياسيدي وتاج راسي
هاحكيلك 3 حواديت بس وحياتي عنك تبطل تبقي مستبد وتحاول تبقي كويس مع رعاياك

تحاول تتعظ من الحواديت دي وتفهم اد ايه احنا تعبانين وغلابه
احنا جنسنا طيب جدا ومظلوم احنا مش عايزين غير كلمه شكر وحبه حنيه واعتراف بمكانتنا
انا عارفه انك مالكش ذنب وان اللي جابرك علي ده ياسيدي الكبارات بتوع البلد
وانك بس طموح وخايف علي مكانتك
بس اسمع مني الحدواديت دي وهتعرف اد ايه حالنا بقي وحش اووي ياسيدي

الغول ماقدرش وقال احكي ياستنا وعلي عيني وراسي



يحكي ان

3 صبايا غلابه مالهمش ضهر
3 صبايا في سن الزهور
3صبايا الناس هتاكلهم لو ماطلعوش انيابهم ووقفوهم لحد حدهم
3 صبايا عمهم طلع واطي ودوون مالقوش غير واحد غلبان زيهم
فقير بس جدع
مقوطع من شجره بس راجل
3 صبايا مايعرفوش دكره قبل كده
3 صبايا بيشوفوا جسمه وكيانه وهو بيشتغل وجدعنته واخلاقه حركت حاجه جواهم
3 صبايا لهم طبيعه اسمها طبيعه انثي
من حقهم يبقي لهم الطبيعه دي ويعبروا عنها
كل واحده منهم شايفه فيه الراجل بتاعها
الراجل اللي تدخل وتنام جوه صدره ويحيطها بعضلاته
يضمها ويديها احنان والحاجات التانيعه
مابيحسوش بانوثتهم الا وهم دايبيبن جواه وعرقه مغطيهم
بس كل واحده مخبيه عن التاني
وهو افتكر نفسه هارون الرشيد وضحك عليهم كلهم
استغل طيبتم وضعفهم وخان الوعد
استغل انهم اختاروه بنفسهم
والنتيجه كانت دم ونار
الرقه انقلبت لدمار
الوحش طلع من الغار
حواء مابقتش واحده حنينه بقت غول مارد جبار
كلت الجدع وقرقشت عظمه وده عقاب من يخدع حواء ويضحك علي قلبها وهين كرامتها
.........................

الحدوته التانيه ياسيد الناس
عن ست الحسن والجمال
استنت الراجل المناسب
فارس الاحلام
جاي علي ظهر حمار ابيض
بس اتاخر اووي
ماجاش لغايه دلوقتي ياسيد الناس
تكونش مافيش مواصفات زي ماهي عاوزاه؟
ولا الرجاله بقوا مختلفين واتغيروا عن زمان
قالوا لها يابنت الحلال اتزوجي الحقي شبابك
مافيش حد بالموااصفات دي
ارحمي نفسك شويه
انت بشر
لكن لا والف لا انا هاستناه لغايه اخر العمر
وفاتها القطر ومابقاش فيه محطات بعد كده

.......................

حدوته تالته
عن بنت بنوت
بنت ناس كويسين
بنت زوات
طلع لها ملك امور صحيح عنده شعرتين بيض
لكن مالوش حل ياخواتي عليه
مكانه وسلطان ومال
اتزوجوا علي سنه الله ورسوله
وكان هو بيتغل رجولته وفحولته الجنسيه ويبجرجرها بارادتها للسرير
يخليها تدوق الجنس لاول مره وتدمنه وماتقدرش تقول لا
يخليها انثي بجد ومتوهجه علي سريرها وفي حضنه

حملت منه وفرحت لكنه طلع ندل وقالها اللي في بطنك م مني
اهانها وكسر قلبها وفضحها وهي ياعيني مكسوره الجناح
وهو طبعا ماحدش يقدر يقرب منه


ادني خلصت ياسيد الناس انت رايك ايه بقي؟
رايي ؟ نهار ابوك اسود ده انا هاطلع البلا كله علي جتتك ياروح امك
انت عارفه كلامك ده هيودينا في داهيه اخرسي خالص اكتمي
خلي الديك يكاكي واياكي تتكلمي في ده تاني

وسكتت شهرزاد عن الكلام المباح


خارج النص

انا اتعرضت لهجوم في معتقداتي واخلاقي من قبل ناس كتيره بسبب الفيلم ده خاصه في موقع ايجي فيلم ومنتدياته وكنت متبني حمله للدفاع عن الفيلم لاني من المؤمنين بان الحريه لا سقف لها وان الفن والادب ماينفعش يكون ملتزم بتقاليد ومعتقدات مجتمع فاكر نفسه عايش في المدينه الفاضله

الفيلم نزل اهو وموجود في كل حته واظن من انطباعات الناس اللي شافته ماقدرتش تفتح بقها بكلمه واحده واللي مافهمش الفيلم لازم يشوفه مره تانيه لان الفيلم مش عن قضايا المراه وحقوقها او العنف ضد المراه

وحيد حامد كتب فيلم فريد من نوعه فيلم عن مصر وعن الكلام المباح وعن اللي يتقال واللي مايتقالش
الفيم فيه خطوط حمراء كتيره ومهمه ومعموله بشكل زكي جدا ماحدش هيعرف يتستنبطها الا لو ركز كويس فيه
الفيلم عن نظام خلي العلاقه بين الراجل والست تبقي زي الزفت
وكلها مشاكل ومصايب
خلي معتقدات الناس تتغير ويتحولوا لجزارين ومجرمين ونصابين وحراميه
خلي اسمي علاقه في الكون وارق كائن ربنا خلقه لاسعاد الرجل يبقي زي الجاريه والعبد ويتاكل حقه ويتبهدل
اه معظم النماذج اللي في الفيلم من الرجاله طالعه واطيه وطالعه منحله
لكن دي افراز طببعي لمجتمع بقي ملعوب في اساسه
العيب مش في الرجاله
العيب في الست اللي لسه فاكره ان الحياه وردي وان الراجل اللي هي بتضحي علشانه بكل حاجه هيقدر يرد لها الجميل
لكن مش هينفع
واظن المثال ده كان واضح في دور مني زكي وزوجها
زوجها اللي بيتحرك باوامر من القيادات العليا وخايف علي مكانته وبيضغط علي زوجته وهي ماتقدرش تقوله لا لانها بتحبه جدا لكنه هو شايف انها اداه ضعيفه واقفه في طريقه

يسري نصر الله مخرج عظيم عالمي اثبت انه مخرج مالوش حل

الفيلم من عبقريته ورسالته الغير مباشره ماحدش هياخد باله منه الا فئه قليله جدا الباقين هيتفرجوا عليه كمجرد فيلم عن حواديت وهينسوا الفيلم بعد كده

اه الفيلم هيعجب الحريم طبعا وهيزعل ارجاله
لكنه في كلا الاحوال فيلم انساني جدا يمكن يعتبر لغايه دلوقتي هو افضل افلام السنه دي من غير مبالغات خالد يوسف ولا دمويه مروان حامد ولا الاخراج الضعيف لاحمد علاء


كلمتين اخرانين

اغنيه عمرو دياب الله علي حبك انت بتفكرني بزكري جميله جدا ارجو صاحبه الذكري تكون بخير وتعرف ان مهما حصل كانت اجمل فتره في عمري يوم ماظهرت في حياتي الهم تكون عرفت تقف علي رجليها وتقدر تكمل من غيري وربنا يوفقها


هناك 44 تعليقًا:

engy يقول...

بجد اشكرك على التوضيح الرائع ده للفيلم ما شاء الله
بس انا حاشوف الفيلم الاول علشان اقدر افهم

أنا حر يقول...

الفيلم واضح انه متميز انا قريت قصته على النت ودلوقتي في اقرب فرصة هشوفه بس ربنا يسهل لاني مش بحب السينما
:)
تحياتي

emoo يقول...

انا لسه مشفتش الفلم بس حبيت كتير وجهة نظرك فيما يخص السينما باختصار
حلو ان الواحد يكون فاهم ان السينما بتعكس احداث حياتنا كل يوم وان طرح المشاكل او الافكار(حتى لو مسكوت عنها) بينبه ناس كتير عن حجات رايحة عن بالهم اما عن غباء او عن قصد..ويبقى متمسك بافكاره الي مقتنع بيها حتى لو العالم شافوا انه خارج عن المألوف
المش حلو ان في مخرجين كتير بيستغلوا النقطة دي عشان يجذبوا مشاهدين اكتر وبيكون الفلم ساذج وبتطلع من الفلم متحسر على وقتك..
مساءك ورد

Hossam يقول...

Hello
الموضوع بجد جميل جدا خلتنى اخد بالى من الفيلم ولازم اتفرج عليه عشان اشوف ايه الموضوع والدنيا ماشية ازاى
مش مهم هيعجب الستات ولا الرجالة المهم بيقول ايه وموضوعة ايه
تحياتى لك
سلام

enjy يقول...

مشفتش الفيلم...انت اتكلمت حلو جدا على فكرة..طريقة الصياغة عجبتنى اوى

Here i'm يقول...

مشوفتش الفيلم لسه ..

بس انا بحب يسرى و مبيعجبنيش وحيد حامد دايما .. بيعجبنى وحيد حامد فى اللقاءات التلفزيونية بس ..

و شكلى مش حعرف أدخله .. مين مجنون فى صحابى يدخل أحكى يا شهرازاد .. :D

صيدلانيه طالعه نازله يقول...

المفروض كنت اروحه الاسبوع اللى فات بس انشاء الله اروحه الخميس واركز فيه و ارجع اعلق تانى

Zika يقول...

سعادة الباشا شوقتني ادخل الفيلم
هادخل الفيلم وارد عليك تاني
عجبتني جمله اوي في البوست
الليهي بتتكلم عن حرية الادب
الادب والشعر والفن عمرهم ما هياخدوا حريتهم في بلد فقير مش لاقي ياكل
هي العمليه عامله زي ايه
البيضه الاول ولا الفرخه ؟
هل الفن والادب هيوصلونا لاننا نغير نفسنا ونبقي بلد محترمه .
ولا نركز الاول في اننا نتعدل وبعدين نعمل سينما ونكتب بحريه؟
ولا الاتنين جايز مالهمش دعوه ببعض ودي بتساعد دي؟
الله اعلم
المهم ان كل دفاعنا عن السينما وعن الادب والفن عموما رايح بلاش انا بقيت اخلي رايي لنفسي
اسف عالرغي يا دكتور بس عادي بقي بيتي ومطرحي :P
سلام يا جميل

!!! عارفة ... مش عارف ليه يقول...

والله مش عارف أقولك ايه

واشح إن القلوب عند بعضها فعلا

لاني جيت امبارح هنا

بس مع الاسف ملحقتش

أقرا البوست واعلق عليه

----------------------

بدون أدنى شك

عندي ثقة كاملة فيما يقدمه يسري نصر الله

وده لانه خرج من عبائة يوسف شاهين وأفتكر أنه أخلص واحد لمدرسته

ومن المؤكد أن الفيلم يحمل أكتر من بعد على مستويات المشاهده لأن ده بيحصل بشكل دائم في أفلامه

وبصراحه أنا منتظر أشوف الفيلم علشان اوافق أو أعارض وجهة نظرك إنما بشكل مبدئي معتقدش أننا هنختلف لان بيسعدني جدا الفيلم اللي يخليني اشغل مخي وانا قاعد


تقديري للمجهود الرائع

وليد

egyboy يقول...

ازيك يا دكتور ...دمت بخير من يوم ما الفيلم نزل أنا بقرأ انه فيلم مش حلو ودعوات لمقاطعة بطلته ودى أول مرة أقرأ نقد بناء للفيلم وموضوعى بس لسه مشفتش الفيلم وفى أقرب فرصه اشوفه وبالنسبة للناس اللى وقفت عنده الناس اللى اتهموك فى الأخلاق والدين كمان ده تسرع منه أكيد مش مقصود لأن دا موضوع تانى خالص ودمت بخير

مصطفى

dr.lecter يقول...

engy

فعلا انا بس مبسط الفيلم من وجهه نظرؤي لكن ماتعمديش علي الكلام اللي انا كاتبه

dr.lecter يقول...

انا حر

ليه كده بس؟ لا لازم تشوفه

dr.lecter يقول...

emoo


بعد البقين دول مش هعرف اقولك غير مساءك فل

dr.lecter يقول...

حسام

هو هيعجب الاتنين بصراحه لما تشوفه هتفهم انا اقصد ايه

dr.lecter يقول...

انجي

الله يخليكي اخجلتم تواضعنا

dr.lecter يقول...

قباري

ياعم اجيلك لغايه عندك وندخله مع بعض بدل ماحدش من اصحابك راضي يدخله

dr.lecter يقول...

صيدلانيه

باذن الله

dr.lecter يقول...

ممدوح

والله مش عارف اقولك ايه

الاتنين لازم يتصلحوا ماينفعش نصلح واحده ونسيب التانيه

للاسف احنا ادامنا الحل لكن مش شايفينه خالص

dr.lecter يقول...

وليد

انت كفايه طلتك عليا ربنا يحفظ يارب ويوفقك بجد

مستنيك

dr.lecter يقول...

مصطفي

ربنا يخليك ومتشكر جدا علي كلامك

انا حرة يقول...

من اهم الافلام اللى اتعملت فى العشر سنين الاخيرة..فكرنى بالضجة اللى عملها سهر الليالى

موضوع ماحدش اتكلم عنه قبل كدا..تمثيل ما حصلش..سيناريو هايل..و حوار فى منتهى الذكاء

عجبتنى اوى فكرة ان منى زكى مش هى اللى الفيلم قايم عليها..نفسي اعرف نصر الله جاب منين الممثلين دول..ال3 بنات كانوا اكتر من هايلين..و عرفت مؤخرا ان واحدة منهم تبقى بنت ناهد فريد شوقى

سوسن بدر الفيلم دا بجد اعادة اكتشاف ليها..كفاية المشهد اللى بينها و بين حسين الامام فى المطعم لما بتقوله انت عايز تتجوزنى و تاخد فلويى و تقعدنى فى البيت و تخلينى اخدمك انت و امك :D

البنت اللى عملت دور مرات محمود حميدة دى انا متوقعة انها هتوصل بسرعة الصاروخ..و محمود حميدة بجد ما حصلش..لايق عليه اوى دور الراجل الندل دا

حسن الرداد ممثل جامد جدا..استفزنى لدرجة انى حاسة نى لو شوفته فى الشارع ممكن احدفه بحاجة..ايه كمية التحكم دى؟!

انا ممكن اتكلم عن الفيلم من هنا للسنة الجاية على فكرة..كفاية رغى لحد كدا بقى :D

انا حرة يقول...

نسيت اقول ان اللى عملوا الضجة دى على الفيلم هتلاقيهم هم اول ناس داخلينه عشان يشوفوا "المناظر" اتعودنا على كدا خلاص..بالظبط زى اللى كانوا بيدخلوا افلام نادية الجندى زمان :D

كل واحد عايز يعمل نفسه راعى الفضيلة و الاخلاق فى المجتمع يطلع يرفع قضية على فيلم ولا ممثل و اكبر مثال على كدا نبيه الوحش

dr.lecter يقول...

فله

اخيرا حد شاف الفيلم

الحمد لله انه عجبك انا عارف انه هيعجب ناس وفيه ناس مش هيعجبها مستني راي فاطمه علشان كانت قالت لي انها هتشوفه قريب

الفيلم رهييب بمعني الكلمه تخيلي من جمالاه دخلته مرتين



اللي ثاروا وهاجوا وماجو الغريب اني مسمعتش حس لهم بعد مالفيلم نزل

كلهم اتخرسوا


سبحانك يارب بجد

micheal يقول...

أنا جاي أسلم عليك وأفضل عدم قراءة البوست لحين مشاهدة الفيلم ..ده إذا نمكنت من رؤيته أصلا
:))
تحياتي

dr.lecter يقول...

مايكي

كفايه طلتك عليا يامولانا

magi يقول...

اديك حرقتلنا الفيلم مبسوط كده
هههههههههه
بس واضح ان الفيلم رائع مع مخرج متميز متمكن من ادواته وسيناريو لكاتب رائع هو وحيد حامد
هحاول اشوفه فى اقرب فرصه

Desert cat يقول...

انا قاعدة اقرء فى الشطر الالاول والاقى فجأة كدا جردل تلج نازل فى عز الحر ده اهو تلطف برضه ان حواء اللى هتتغر هتاخد باللمؤاخذه
الحمد لله على النعمة اللى انا فيها
بالنسبة للفيلم فهو ناجح من قبل ما يتعرض يكفى الشو اللى اتعمل له
اما بقى اغنية عمرو دياب
ان شاء الله المعنية بالكلام ده تكون شيفاه وعارفه كانت هى بالنسبة لك ايه

ربنا يوفقك

فشكووول يقول...

ازيك يا دكتور .. آآآآه يا سنانى

هو ليه دايما الراجل ندل وابن كلب والست هى الضحيه ..ز مع اننا كلنا ضحايا رجل وامرأه

اما الفيلم ما شفتوش

تعليقك عندى انك خايف تقابل الحب الاولانى بعد ما تجيب اولاد ... فهمته بعد ما قرأت الجزء الاخير من البوست .. هو انت برضه من اللى اتكوى بنار الحب
ما علهش واللى مكتوب على الجبين لازم تشوفه العين .. بس ساعتها وانت عندك اولاد وزوجه حتحس ان ربنا عوضك بيهم وحيكون مرتاح قلبك .. بس ما فيش مانع من شوية هرش كدا فى القلب وخلاص
تحياتى

leeno يقول...

انا مستنية الفيلم ينزل عندي

خلتني بجد متشوقة ادخله اكتر و اكتر

طريقة وصفك حلوة جداااااااا و حبقى ارجع ارد تاني لو قدرت و شفت الفيلم قريب

بس انا معاك السينما مش تجسيد للمدينة الفاضلة لانه اصلا مفيش فضيلة

احساس لسه حى يقول...

سبتلك انت كلام الرجالة

واتمنا تروح تعلق عندها برجولة وتبقا راجل لما اشوف تعليقك هحكم

مش الرجال مواقف

جريدة الصباح العربي يقول...

من السبب في القتل ؟!!
سؤال يراودني منذ علمي بمقتل واستشهاد الدكتورة مروة على يد متطرف ألماني.
من السبب في هذا التعصب الأحمق ؟!!
هل هو الغرب المادي الذي عن الروحانيات الدينية وأصبح الانتماء الديني لديهم هو أنتمائهم للمادة وعبادتهم لها ؟
أم السبب يرجع إلينا نحن المسلمين بعد ظهور المتطرفين والذين أقحموا الدين في تفجيراتهم وارهابهم الغاشم ؟!
أم السبب يعود الى رجال الأعمال امسلمين الذين ابتعدوا عن الحوار مع الغرب وتمادا معهم في مادياتهم وأصبحوا جزء من لعبة الغرب , ولم يهتموا بإنشاء قناة توحد صفوف المسلمين وتوضح الوجه الاصح للاسلام بعيداً عن السلفية والتشدد الغبي ؟!!
أم السبب يعود إلى أنظتنا العربية التي أصبحت ضعيفة وهشة وأصبح الانسان العربي ليس له ثمن يقتل في غزة أو العراق أو حتى ألمانيا دون أن يدفع الجاني ثمن جريمته ؟!
لو اجتمعت كل هذه الأسباب فما الحل ؟!! وما هو الطريق الذي يمكن أن نتخذه دون ماهرات لا تقدم ولا تؤخر , و سباب لا يفيدنا بشيء ...
سنفتح باب المناقشة بيننا والحل الذي سنصل اليه ستراعه الجريدة عن طريق حملة سنقوم بها حتى يصل صوتنا الى العالم أجمع ...
شاركونا بأرائكم عبر جروب الجريدة
http://www.facebook.com/group.php?gid=78080770039#/topic.php?uid=78080770039&topic=9342

عمرو يقول...

الكلام كتير حوالين الفيلم ده و يبدو أنه حيعمل أزمه بشكل ما فى القريب ..
نلحق نشوفه بقى قبل ما يتمنع من العرض كما هو متوقع له :)
أشكرك و تقبل تحياتى و تقديرى ..

dr.lecter يقول...

ماجي

والله انا حاولت احكيه بشكل خيالي وفي نفس الوقت ادي فكره عنه بس مهمها حكيت لازم تشوفيه بنفسك

dr.lecter يقول...

حنان

معلش اصلي كنت مبقوق شويه من جنس الحريم فقلت اطلع الكلمتين دوول

اما الفيلم الحمد لله فرض نفسه بقوه وشغال كويس

dr.lecter يقول...

فشكوول

لا مش كل اررجاله كده الراجل ضحيه برده للنظام الحالي زيه زي الست

اما اللي انا قلته غصب عني وخوف من المستقبل مش عاوز اظلم حد معايا

dr.lecter يقول...

ليين

انت فين ياستنا؟

ميرسي اووي علي الكلام الجميل ده

وان شالله الفيلم ينزل عندكم قريب ويعجبك

dr.lecter يقول...

احساس لسه حي

ومين قالك اني متفق معاها علي طول؟

والموضوع اللي مابيعجبنيش مابردش فيه اصلا كفايه انك تبدي صمتك مش تدخل وتقل ادبك بوقاحه علي الناس
ده مش اسلوب اصلا

dr.lecter يقول...

عمرو

لا لا مش هيتمنع علي ضمانتي دي

لو كان فيلم مباشر وبينتقد النظام بشكل مباشر زي افلام خالد يوسف كنت اقولك اه وقتها

مواطن مصري يقول...

الفلم تحفة فنية يسري نصر الله + وحيد حامد أكيد الناتج هيكون تحفة سينمائية

dr.lecter يقول...

مواطن مصري

طبعا يابني امال كنت متوقعين ايه

نورتني بجد

الازهرى يقول...

على فكرة انا كتبت التعليق ده من اربع ايام وبعدها النت فصل فحفظته ونسيت انه مش اتكتب ولما رجعت اشوف ردك افتكرت اعذرنى بقى

******************انا لسه مش شفت الفيلم وبصراحة مش ناوى لان كل الافلام الجديدة اللى بتنادى بالحرية
بتنسى دايما ان فى شعرة بسيييييييييييييطة جدا بين الحرية والتسيب
وللاسف الكل فى غمرة الانفعال ععدى الشعرة دى
من حقى اعرض افكارى كلها
بس من غير ما اجرح غيرى ومن غير اسالب انا شخصيا شايف ان ما لهاش لزوم
تعرف احنا عملنا مشاهد عن الاغتصاب كتيرة على المسرح ووصلنا الفكرة ومن غير اى حد ما ينتقضنا لاننا وظفنا امكانياتنا وقدنا نوصل افكارنا بطريقة جميلة

تحياتى دوما

نوفل يقول...

اول مرة أزور المدونة..و سررت بقراءتك..جميل
دمت

dr.lecter يقول...

الازهري

شوفه بس وبعد كده يبقي ليك الكلام

ياجدعان ماتكحموش علي حاجه ماحدش فيكم شافها وعلي ضمانتي الشخصيه الفيلم ممتاز

dr.lecter يقول...

نوفل

نورتني وان شالله ماتبقاش اخر زياره