الجمعة، 25 يونيو 2010

ناس من مصر




3 مشاهد


المشهدالاول



عشرات من السيارات تدخل الي الاسكندريه محمله بشباب وناشطين سياسيا من شتي انحاءمصر متوجهون الي الاسكندريه ومعهم قيادات ورموز وطنيه مثل الدكتور البرادعي واعضاء الجمعيه الوطنيه للتغيير



وينضم لهم ابناءالاسكندريه الغاضبون الحزني علي فقيدهم شهيدهم ضحيه الداخليه وضحيه النظام




المشهد التاني





استعدادات منذ يوم الخميس في حي الكوربه بمصر الجديده لمهرجان كل عام



المشهد التالت




حزم حقيبتي واحتياجاتي للذهاب مع احد اصدقائي للمشاركه في وقفه الاسكندريه بعد تاكيدي علي صديقي السكندري احمد ماجا اني ساقابله امام مسجد سيدي جابر الشيخ








المشهد الرابع





مئات من الشباب المصري ينسق بينهم البعض لوقفه صامته في جميع محافظات مصر علي كورنيش النيل

تلتبس الظروف وتظهر احداث ادت الي تاجيل سفري للاسكندريه مع عطل اصاب محمولي


وزحام خانق ادي الي تعطلي في الطريق وكثافه امنيه في انحاء القاهره


ولا استطيع التواصل مع العالم الخارجي الا بصعوبه



افقد اعصابي واصاب بالاكتئاب مع سماعي عن الاعداد الضخمه التي شاركت في وقفه سيدي جابر والتي وصلت الي 5 الاف غاضب يقودهم الرموز المعارضه لتشهد الاسكندريه يوما عظيما لم تشهده القاهره في اي نشاط سياسي من قبل

اشعر بالامل اخيرا تحركت الجماهير اخيرا بدات الناس تستفيق من خوف مزيف من نظام فاسد ظالم

ابتهج وانتعش وانزل الي الشارع وكلي امل ان يتعاطف المنظمون مع مهرجان الكوربه مع مايحدث من احداث جسيمه في الوطن وياجلوا الاحتفال


لكن الاحتفالات بدات والفرق الغنائيه صعدت علي المسرح والموسيقي اخذت تدوي والشباب يرقص والجميع سعداء

بالطبع لست ارغب في افساد جو البهجه الذي انتشرفي انحاء الكوربه لكن كنت محبط ان تلك الاالاف من سكان مصر الجديده لا يشاركون ذلك الحدث العظيم الذي اخرج الاف من الشعب المصري ليعلن رفضه للنظام واساليبه وقمعه




اقف قليلا مع الناس احاول ان اندمج معهم لكن بلاجدوي فارحل مع صديقي واقرر متابعه اخبار اليوم العظيم في الاسكندريه مع احترامي لمن احتفلوا في الكوربه لكني كنت اود ان يتم ذلك الاحتفال في يوم اخر



......................................



عن بنتين من مصر



رغم معرفتي ان الفيلم كئيب ومؤلم وقاسي قررت دخوله مع خالد والغريب انني لم اج عليه اقبالا الا من الفتيات فقط ولم اجد اي شاب في السينما باستثنائي انا وخالد واضحكني تعليق فتاه قالت لي
احنا داخلين الفليلم علشان نطلع ناكلكم بعده
مما اثار خوف صديقي ان تصب النساء غضبها علينا انتقاما من مجتمع الرجال
ولكن الفيلم ابعد من ذلك بمراحل
الفيلم عن وطن ضاق باهله ولم يسمح لهم بمعيشه كريمه
عن حكومه فاسده طاغيه اتلفت احلام ملايين الشباب المصري
عن الاطباء المهضوم حقهم والمحلين بهموم واثقال يستحيل علي بشر ان يتحملها
عن الداخليه التي تحمي النظام وراس النظام من اي شخص يسب في ذاتها الالهيه او يقترب من الخطوط الحمراء
عن الفتاه المصريه التي تعاني من العنوسه ومن نظره المجتمع لها ومن تحطم احلامها
عن فشل مشروع الام المصريه التي تكابد الاهوال
عن الشباب المكافح الي تغلق امامه جميع الابواب لكي يسعي الي رزقه
عن استحاله العيش في مكان يدعي مصر
عن شعب مهموم دائما وفرحته قصيره وحزنه ابدي
عن الشباب الذي يغرق ليهاجر بعيدا عن وطن محتضر
عن الشباب الذي كره الوطن واقسم علي عدم العوده له
عن الشباب الذي فسد عقله بمعايير المجتمع الجديده
عن شباب يعذب في المعتقلات
عن شباب ينافق السلطه من اجل مصالحه
عن توجهنا للدين هربا من مشاكلنا الاجتماعيه ورغبه في تضييق الحياه علي الاخرين عملا بمبدا فلاهدم المعبد علي الجميع
عن كبت جنسي حقيقي وعن فقداننا للعواطف وللحب وفشل اي علاقه حب او ارتباط بسبب المجتمع والنظام
عن كابوس رهيب لن نستيقظ منه ابدا
عن بلد سقطت في منحدر ليس فيه رجعه
عن الياس
فيلم بنتين من مصر فيلم رائع لكن لا انصح احد بمشاهدته لانه سيبكي كثيرا مثلما فعلت بسبب هوان حياه الانسان وعدم قيمته للاخرين
اعتبره اقسي فيل مشاهدته في حياتي ولن يشعر به الا من حاول ان يكافح في الوطن وتم لفظه وتم طرده

اخيرا ارجو ان اكون لم اسبب احباطا لاحد

هناك 25 تعليقًا:

adel يقول...

انت احبطتني انا لسبب بسيط
انا بقالي يومين بدور علي حد يروح معايا الفيلم :)

Romaya يقول...

على كلامك دا يبقى كانت المعاجلة صح

عايزه اشوفه بقى

العلم نور يقول...

عايزين الولايات المتحدة الإسلامية تقوم لازم نودود لبعضنا عشان تقوم ..

ودود يا ودود .. وَدوِد .. ودوادا .. وَد (بفتح الواو).. وِد .. (بكسر الواو)

لازم تتودوادو بها (اشتغلوا وسبحوا بها .. صبح وليل .. ليل وصبح .. داخله خارجه .. خارجه داخله) وانشروها.

Magi Mostafa يقول...

:)

الفيلم ده انا مستحيل ادخله الواحد مش ناقص اكتئاب وانا من النوع الى بيعيط ومش ناقصه فضايح فى السينما كمان :)

سواحة يقول...

لكترا بين عالمين
عالم الحزن و الفرح
عالم الاعتراض و عالم الانسياق
عالم القاهرة و الاسكندرية

و فى الاخر فيلم عن علام البنات فى مصر
:-))
حمد الله على السلامة

بص انت محبطنيش
انت ورتلى ان العالم فى مصر عايش
سياسيا و ثقافيا و ترفيهيا
و الاهم الى عايش شبابه
مش عواجيزه

مش ممكن تحرق الفيلم اكثر ؟؟:-)

-_- يقول...

شوف صعب انك تقنع حد بمشكلة هو حاسس بيها و خايف منها

عشان كده صعب انك تقنع الاف غيرك يشاركوا في وقفة مهمة زي دي ..

Desert cat يقول...

لو قريت الجمهورية النهاردة هتعرف مدى الاستماتة فى الكذب والخداه اللى بتقوم بيه الصحف القومية للنفاق وكأن الناس صم بكم عمى لا يفقهون

اما عن فيلم بنتين من مصر فهو تجسيد لواقع مؤلم مش عارفه الرقابة كانت رفضاه ليه ماهو مش معقول التعتيم على الفساد وانهيار احلام الشباب بسبب منظومة فاسدة انا شوفت الفيلم وبامانة تحفة فنية

mUsLiM يقول...

الحقيقة مع ترحيبى بالوقفات الإحتجاجية الداعية لرفع الظلم وإعادة الحياة إلى هذا الشعب المهضوم حقه

إلا أن تعليق قضية التغيير برقبة خالد سعيد هو خطأ جسيم لا يجب أن نغفل عنه

أولاً: قصة خالد سعيد هذه مشكوك فيها ولاشك

وربط ظلم الداخلية بهذه القضية هو طريقة فاشلة لبيان الحق

إذ أنه وفى الغالب الأعم بعد صدور تقرير الطب الشرعي الثاني أن الروابة المنتشرة فى الإنترنت بها بعض المبالغات

على كل حال نسأل الله أن ييسر الحال لبلادنا الطيبة وأن يكتب لها الخير حيث كان

السلام عليكم

Tears يقول...

تغطيتك لاحداث الاسكندرية شيقة

يارب يكون الشعب بدأ يفوق بجد و مش مجرد حماس وقتى و ينتهى زى كل مرة

شوقتنى لمشاهدة الفيلم



تحياتي

!!! عارفة ... مش عارف ليه يقول...

هبدأ من النهاية بالنسبة لفيلم بنتين من مصر لسه مشوفتوش بصراحة وإن كنت تخيلت حالتك وانت بتتفرج عليه حول الفيلم المبكى .. ولا اخفي عليك قولا ان الفيلم الذي أبكاني طويلا هو "عرق البلح" لرضوان الكاشف

على أي حال هستنى لما اشوف بنتين من مصر .. وإن كنت متأكد من جودة العمل

لأن محمد أمين بيقدم سينما مختلفة

-----------

الجزء الأول من البوست متمم للجزء التاني منه

فالواقع الذي ذكرته بين غضب وإحتجاج واعتصام في وجه فساد يعيش أزهي عصوره

يقابله على الجانب الآخر احتفالات ومتاهه بلا نهاية في مشهد الكربة

ووجودك فيه وعدم اندماجك معاه فكرني بمشهد في فيلم ثرثرة فوق النيل

ولقيتك متقمص شخصية "أنيس" وهو بيقول


الفلااااحة ماتت ولازم نسلم نفسناااا

dalia يقول...

كان عندنا مراسل ومصور صحفي من الشروق ذهب الى الاسكندرية وكانوا راجعين مبسوطين من الحراك اللى في الشارع الاسكندري، 6 آلاف متظاهر ليس رقم قليل
أما بخصوص الفيلم حاحاول أروحه علشان الواحد بقالوا كده كام يوم لم يبكي فرصة لانطلاق مارد الالم والدموعالحبيس داخلي

فكرة من الزمن ده يقول...

لا مافيش احباط خالص
هو فين الاحباط ده
انا لازم اشوف الفيلم ده
لاني بقالي فترة من كتر الحزن نفسي اعيط بس مش عارفة الدموع خلصت
بالمناسبة زي احتفال مصر الجديدة اللي استفزني
استفزتني كمان مسيرةللاطفال في اسكندرية خلف الصامتين والغريب انهم محدش فيهم قال سبب زي التاني للخروج بالمسيرة دي
تحياتي

dr.lecter يقول...

دوله

هتلاقي اكيد هتلاقي حد غاوي مكد زيي

dr.lecter يقول...

روميه
مناليش دعوه لو شفتيه وحصل لك حاجه

dr.lecter يقول...

ام الخلود
باذن الله

dr.lecter يقول...

ماجي

يبقي متدخلهوش فعلا لانه هيخليكي تعيطي بجد

dr.lecter يقول...

واندا

انا دايما كده مشتت علي طول مش ليا ارض اقعد عليها

مينفعش احرق الفيلم لما ترجعي مصر ان شالله ابقي شوفيه او لو نزل علي النت

dr.lecter يقول...

شارم

لو فضلنا خايفين يبقي هنموت خايفين وكلنا هنبقي زي خالد سعيد

dr.lecter يقول...

قطه

شوفتي انت بقه المظاهره اللي عملوها ادام الجريده
العيال عاجبيني بجد انهم بيتحركوا بسرعه

الفيلم رائع الرقابه رفضته لانه فيلم سياسي

dr.lecter يقول...

مصعبينو

عارف هيطلعوه ايه؟
مدمن وشاذ وبتاع نسوان ومجنون ومجرم وارهابي وبهائي وشيعي
توقع ده كله في الاخر

dr.lecter يقول...

تييرز

ماظنش ان المره دي هتعدي علي خير بالنسبه لهم

dr.lecter يقول...

وليد

انا متاكد ان الفيلم هيعجبك

بالنسبه لليوم اللجمعه
انت بتقول فيها انا فعلا كنت كده بجد انا مابقيتش فاهم نفسي اصلا

dr.lecter يقول...

داليا

الشروق كانت موجوده والحمد لله لان الشروق عمرها مبتااغخر عن احداث هامه زي دي وعلشان كده انا من عشاق الجرنان ده بجد

ادخلي الفيلم بس متلومنيش لو عيطتي

dr.lecter يقول...

ماتفكرنيش انا اتشليت لما عرفت الخبر المنيل ده

بس عارفه رغم كل التفاهه في الكوربه

لكن فيه عيال رسموا بالاسبراي علي الارض في الكوربه
كلنا خالد سعيد

Kontiki يقول...

مش كل البنات ميس هافيشام :):) وبرضة مش معارضة ان الفيلم يتكلم عن القرف اللى احنا فية .
اما احداث الجمعه فى الاسكندرية لم اشارك للاسف ولكن عندى حماس للمشاركة 9 يوليو
عشان تبقى ثورة يوليو 2010