الخميس، 17 يونيو 2010

P I X A R


بعيدا عن الجو الملبد بالغيوم في الفتره الماضيه بما فيها من احداث شتي علي الصعيد المحلي المصري والصعيد الشخصي الخاص بي ومانتج عنه اكتئاب واختناق والبحث عن وسيله للهروب من كل تلك الاحباطات والازمات والمشاكل من انتحار وتعذيب وقتل ومظاهرات وحصار وفساد

اردت ان اعود طفلا مره اخري واعيش بلا هموم واتوقف عن التفكير فيما يحدث من حولي
فاذا بالفرصه تجيء كل عام في موعدي السنوي مع ابداع شركه بيسكار التي تخرج لنا عملا فنيا رائعا مثلما اعتدنا
بيكسار لسنا في حاجه للتعريف عنها لانها فعلا اصبحت المخرج الوحيد الذي يتتجه اليه صوب جميع عشاق السينما في العالم لمتابعه ماستقدمه كل عام بافلامها العائليه العميقه الذكيه الرائعه الممتعه التي تجذب الكبار والصغار

لذلك لم اتواني عندما علمت ان الجزء الثالث من سلسله قصه لعبه نزل في مصر والمفاجاه انه بنظام ثلاثي الابعاد بتكنولوجيا نقيه مثلما حدث مع افاتار واليس في بلاد العجائب

تلك السلسله التي اثارت اعجاب عشاق افلام الرسوم المتحركه وحققت ايرادات خياليه وخاصه ان البطل الاساسي لها هو توم هانكس في شخصيه وودي راعي البقر اللعبه المفضله للطفل اندي

الجزء الاخير بمثابه حفله وداع لسلسله رائعه استمرت 15 عاما تحمل عده افكار عن ضروره استمراريه الحياه وعدم التوقف عند الماضي والذكريات وعن مبدا مصلحه الجميع ونبذ الانانيه


اتذكر وجه موظف الصاله وهو يبتسم ويتاكد اني اريد دخول الفيلم؟ كان ليس من حقي مشاهده افلام الانيمتشن لاني بالغ وكبير وبلا بلا بلا بلا الي اخر تلك الهراءات نفس ماحدث معي العام الماضي والذي سبقه وكل عام عندما يندهش الناس ان شابا مثلي يستمتع بدخول السينما لمشاهده افلام الكرتون


انا بداخلي طفل لم ينضج بعد يرغب في العوده لمشاهده زكريات طفولته
اهرب من واقع الكبار الي عالم الصغار والي الخيال الممتع لانقي نفسي من مخلفات الكبار


فعلا بمجرد بدء الفيلم القصير الذي سبق بدايه الفيلم الرئيسيه وجدت نفسي سعيدا واصفق في جذل مثل الاطفال

وجميع من حولي كانوا امهات واطفال ولحسن الحظ لم تكن القاعه مزدحمه

الصوره المبهره التي خرج بها الفيلم والتقنيه المجسمه لتجربه الثري دي وثراء السيناريو الذي ظهر مضمونه في النصف الثاني من الفيلم وخاصه في المشاهد الاخيره واداء الشخصيات الكارتونيه كل ذلك سبب لي راحه وسكينه وهدوء اعصاب وخدر انساب في جسدي

اعشق بيكسار واعشق مايفعلونه في روحي واعشق عالم الاطفال الخيالي الثري
تذكرت كل ذلك وانا خارج من القاعه لاواجه عالم الكبار المعقد المليء بالمشاكل
هي تجربه تستحق ان تشاهدها بالنظاره المجسمه لمتابعه فيلم انا علي يقين انه سينال رضا الجميع

thanks pixar





هناك 23 تعليقًا:

adel يقول...

انا هنزله بكرة الصبح لاني متكسر جدا و مقدرتش ادخل حفلة 12 النهاردة
سابقتني
بتغيظني :@:@:@

انا افضل افلام بحبها هي الانيماشين اساسا
طظ في اي حد
المهم تستمتع

مي يقول...

وحشنى النقد الفنى بتاعك ايوة كده فينك شكل الفيلم ده جبار فعلا
نا بحب الافلام دى برضه كتير بلاقى فيها تخاطب للعقل افضل وكمان زيك هرررررررررروب لذيذ

فاتيما يقول...

ليه يا دكتور كدا
و لا يهمك و لو الصالة على آخرها

لمعلوماتك بقى
القعدة وسط العيال معدى بالبهجة و الفرح



انا مجنونة فرجة على مسرح عرايس
و دى افخر فسحة ممكن حد يفسحهالى
لا تتخيل المتعة الحاصلة
بالقعدة وسط العيال
و التواصل مع الممثل اللى على خشبة المسرح لما بينزل يكلم الأطفال ف الصالة و يحكى مع العروسة كأنها بشر و حالة كدا ممتعة لأقصى حد

الواحد بيرجع معاها طفل
برىء
مبيفكرش ف حاجة


شوقتنا كلنا نشوف الفيلم

كان نفسى يوسف يكون موجود
كنت هدخلهوله اكيد
و اتفرج على حسه و نهيص
و ننفخ بالونات و نطيرها ف الأستراحة
ناكل ف مصاصات و نروق ع الآخر

الحمدلله انك انبسطت
و شيلت شوية من جبال الهم


تحياتى

العلم نور يقول...

جميل أن نفكر في العودة للطفولة .. وبرائتها وما كان لها من ذكريات جميلة ..



أرجوا المساهمة في دعم الحملة لو تكرمتم

(حملة الجسد الواحد)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

صورة الشعار .. في مدونتي أعقل مجنونة في الوجود .. ويكتبون فوقها ..

(حملة الجـسد الواحـد)

رابط المدونة

http://dndanh111.blogspot.com/2010/06/blog-post_14.html

جعله الله في ميزان حسناتكم .. آمين

mUsLiM يقول...

أتمنى يكون نزل فى السينما عندى هنا وان شاء الله اشوفه بكره

وبالنسبة للموضوع فالحقيقة انا بختلف معاك فى موضوع الثر دي

مش عارف ليه مرتحتش ابدا فى الثري دى يمكن لانى لما شفت فيلم ثري دي اول مرة كنت مرهق وعشان كده ضدعت وادايقت جدا من النضارة

او يمكن انا بصدع وحدى منها

مش عارف

بس مرتحتش فى الثري دي ابدا

تانى حاجه الحقيقة انا بقى مش بحب ادخل السينما ويكون معايا اطفال رخمين

هههههههههه

بيرخموا عليا يا عم الحج

اخر مرة ساعة اليس عيل رخم عليا جدا بعياطه وغلاسته

وواحد تانى قاعد يلعبلى فى الجلابيه كل شويه

وتالت قاعد باصصلى ومستغرب

الله المستعان :)

دعواتك يا دكتور

كلامك جميل ونقي لدرجة ان تخلي اللى يقراه يدوب جواه

السلام عليكم

AHMED SAMIR يقول...

فعلا
كتير بيكون الواحد مننا محتاج يخرج من احزانه و احباطاته
احييك على البوست

فكرة من الزمن ده يقول...

فيلم اللعبةبداية بالجزء الاول من اجمل الافلام اللي بعشق مشاهدتها لليوم
سعيدة لطلوعك من مود القرف ولو لفترة عقبالنا
وما اجمل عالم الصغار
ياريتنا نقدر نسجن نفسنا فيه على طول
تحياتي

adel يقول...

يخربيت كده ياجدع يخربيت كده
يخربيت كده
انا ضحكت بغباء و السينما كلها اصلا اطفال و كوميديا اكتر من الفيلم

بس منكرش
عيطيت برضه و السبب اكيد هتفهمه
لما لعب اندي في اخر الفيلم يالهوي يالهوي

هحاول اكتب عنه
بس تقريبا صعب

dr.lecter يقول...

دوله

مستنيك يامعلم

dr.lecter يقول...

مي

ياباشا مانا كتبت عن عسل اسود بس مقدرتش اكتب نقد عنه علشان كان هاممني الحاله النفسيه اللي طلعت بها منه وتاثيره عليا

مستنيكي تدخليه

dr.lecter يقول...

فاتيما

تصدقي بالله انا فعلا كنت مبسوط؟

العيال كانوا عمالين يرقصوا حواليا فعلا في الاستراحه
في الاول كنت قرفان بس انمجت معاهم بجد

ان شالله تدخليه مع ابنك وتحكي لي عنه

dr.lecter يقول...

ام الخلود
ان شالله هنعملها كلنا

dr.lecter يقول...

مصعبينو

لا الثري دي ده مزاج

امال انا اعغمل ايه ده انا لابس نظاره اصلا وبحط عليها النظاره التانيه يعني شايل جبل فوق مناخيري

هيعجبك الفيلم
بس الثري دي هو المستقبل خلاص كل الافلام الجايه ثري دي انسي

dr.lecter يقول...

احمد

فعلا الواحد محتاج ده جدا

dr.lecter يقول...

فكره

انت هتقولي لي

ان شالله مافيش نكد بس دي طبيعه الحياه

dr.lecter يقول...

دوله

ايه رايك؟ عارفك عامل زيي نفس المشهد يااربي

انا بكره عالم الكبار بجد انا عايز ارجع زي اندي ايه اللي خلانا كبار بس

الفيلم مؤثر جدا انا هعيط بجد يخرب بيت ابوهم بيعملوا افلام بتملس الواحد

boshra mohamed يقول...

انا كنت محتار استنى النسخة المدبجلة اللى حببتنى فى الجزئين اللى فاتوا ولا اروح اتفرج على النسخة الاصلية واستمتع بالثرى دى .. بس اعتقد كده من كلامك انى مش حاقدر اصبر

صحيح .. هى الحفلة الصباحية فى جالكسى لسه ب 15 ولا غلوها الحرامية ؟!!

dr.lecter يقول...

fghfg

dr.lecter يقول...

بشري

انا دخلته في سيتي ستارز حفله 1 الصبح كانت ب 20 جنيه منغير النظاره اكيد جالاكسي زيها

Kontiki يقول...

got my own relief by Shrek happy ever after :) but will sure check out pixar

زهرة يقول...

كلنا جوانا اطفال واحساس انك تنسى شوية انك عمو وطنط وتبقى شبههك زمان حلو اوى

بحب افلام الانيميشن جدا .. لحد ما تقريبا حسيت انى عندى عقدة الطفولة :)

dr.lecter يقول...

konikty

go for it

dr.lecter يقول...

مي

كلنا كده حاجه غريبه بنموت فيها