الأحد، 14 نوفمبر، 2010

باحبكم




عارف يامحمد انا اعرفك من 10 سنين ومش عايز اقولك ان حياتي قبل 10 سنين مختلفه تماما عن بعدها

عارفه ياروضه اعرفك من 5 سنين ومن وقتها عمري ماشفت الضحكه بتفارقك ولا ابتسامتك ولا طيبه قلبك

عارف يامحمد انا مابحبش اصرح بمشاعري بس ربنا يعلم انا بحبك اد ايه ومش عايز اقولك انبسطت اد ايه في الفرح امبارح

عارفه ياروضه انت وقفتي جنبي زمان في مواقف كده كنت بحكي لك عنها وكنت جدعه جدا بصراحه وحبيتي تخدميني بنيه طيبه متطلعش غير من اخت جميله زيك وصديقه رائعه

عارف يامحمد انا وانت وطارق وعمرو كنا عاملين زي الشكل الهندسي متساوي الاضلاع
دلوقتي بقي فيه ضلع ناقص اللي هو انت

لكن رغم كده انا فرحان لك لان ربنا لم شملك بالضلع الناقص عندك اللي هو روضه

اللي باسطني اكتر ان بجد يامحمد احلي فرح حضرته علشان انت انتيمي وعلشان كلنا كل اصحابنا كانوا موجودين

12 نوفمبر ده مش هيتنسي خالص


هناك 6 تعليقات:

elmasryeffendi يقول...

مبروك عليهم و عقبالك لو لسه مش متجوز

!!! عارفة ... مش عارف ليه يقول...

الف مبروك :)

وربنا يديم المعروف بينكم دايماً بإذن الله

وكل سنة وأنت طيب :)

Tarkieb يقول...

مبروك و عقبالك وكل سنة وأنت طيب

زهرة يقول...

مبروك لصحابك .. وربنا يفرحكوا دايماً

كل سنة وانت طيب و بخير ويارب عيد سعيد عليك وعلينا :)

sal يقول...

ربنا يسعدهم ويسعدك
وكل عام والجميع بخير

فشكووول يقول...

ولا فيه اى حاجه

الدوله المصريه بجلالة قدرها وبتاريخها العريق الضارب فى اعماق التاريخ وبأأجهزتها الداخليه والخارجيه .. حصلت على صفر فى الموندبال
الدوله القطريه .... بارك الله فيهم... حصلت على حق تنظيم بطولة كاس العالم 2022.... ولا تعليق الف مبروك لقطر