الجمعة، 11 فبراير 2011

راح نحرروكي


قالوا لي امبارح كفايه لغايه كده
قالوا لي انتم خدتم كل حاجه

قالوا لي متحلموش باكتر من كده

قالوا لي البلد هتضيع وانتم السبب

قالوا لي انت كده بتبوظ الثوره انت واللي معاك

قلت لهم انا صامد حتي النهايه انا واللي معايا انا والي متاثرناش بكلام مبارك وسليمان وبتوع الاستقرار

اغلب الناس انفضت من حوالينا لكني كنت واثق في قله من الاصدقاء هتؤيدنا وتقف معانا

قلت لهم الناس الي في التحرير مش هيتحركوا وهيصمدوا
قلت لهم هانزل الجمعه قصر العروبه نحاصره ونوصل رسالتنا للنظام
كنا قليلين في الاول وجالنا امدادت
جالنا ناس رجاله من التحرير والعباسيه وعين شمس
مصر الجديده كلها وقفت ادام القصر تطالب بخلع النظام
الجيش معملناش حاجه ولا الحرس الجمهوري

رغم ان ناس قالوا هتبقي مجزره دمويه قلنا لهم احنا واثقين في الجيش

انا وخالد واحمد ثبتنا في اماكننا وكنا علي اتصال مع رفاقنا في التحرير

وانهالت عليا الاتصالات تهنئني من اهلي من والدي من اصدقائي من حبيبتي الي وثقت فيا وقفت جنبي حتي النهايه والي انا فخور بها جدا
من اصدقائنا الفلسطنيين بيهنئونا من مصعب في الامارات بيهنئنا
من
الكل بيصرخ في سعاده
شوارع القاهره ساهره حتي النشوه ورافضه انها تفوق من الفرحه

الحمد لله ده كله محصلش لولا ال 305 شهيد والي اعتقلوا واللي اتضربوا والي اختاروا كلمه الحق
ظهر الحق وزهق الباطل ان الباطل كان زهوقا

اهداء الي
حركه كفايه الجمعيه المصريه لتغيير
الدكتور البرادعي
حمله خالد سعيد
شهدائنا الاقباط
رجاله السويس واسكندريه

رجال الجيش المصري الي رفضوا اطلاق النار علينا

الي كل من نزل في الثوره وكل من صلي وكل من دعا وكل من ايدنا وكل من لم يغادر الميدان سواء في التحرير او قصر العروبه

الي دكتور حسام البدراوي الراجل المحترم الي ترك الحزب الوطني
الي الرجاله الي احرقت مقر الحزب الوطني واللي كل مبشوفه دلوقتي بشعر بالرضا لانه كان مكان موبوء



حكموكي ماحكموكي
برده المصري مصري
والمملوك مملوكي

لو ربطكونا ايدينا بكره
راح نحروكي



هناك 7 تعليقات:

sal يقول...

الله اكبر
الحمد لله
الف الف مبروك

موناليزا يقول...

الحمدلله
تحيا مصر:)

شمس النهار يقول...

الف الف الف مبروووووووووك

الازهرى يقول...

ألف مبروك لكل المصريين

الثورة قام بيها الكل

وبإذن الله الكل يشارك فى البناءبعد الثورة ودا أصعب

اللي فرط يكرط!! يقول...

مبروك الكم والنا ..
وان شاء الله دايماً مصر حرة.

Elmasryeffendi يقول...

لو بطلنا نحلم نموت، شفت لما حلمنا و سابونا نحلم و حققنا حلمنا بايدينا و بارواحنا و ايماننا بوطننا، كله اتحقق و المزيد هايتحقق برغم ما يسوقوه من خلافات بيننا فى الاختيار او اننا لسه ما اتفطمناش ديمقراطية و سياسة ، كل ده هايخرج من مكنون الشخصية المصرية الحرة التى استعادت حريتها و ان شاء الله هانختار صح و هانبقى افضل و احسن ، المهم دلوقتى انا كل ما اروح التحرير اسال اصدقائنا اللى فى الاذاعة او الكنترول او الامن على خطواتنا اللى جاية و هل فى حد بيجمع اسماء الناس و اكتتبوا فى الثورة و بيانها و كله بيقول ان ده مش وقته لازم نجمع نفسنا عشان ما نتفرقش تانى و ندخل فى خلافات و حتى لو نتج عن الثورة 5 او 6 احزاب لكن كلها متفقة فى هدف واحد و هو مصر الحرة المتطورة و بالتالى لازم ناخد خطوات ايجابية من دلوقتى عشان نجمع افكارنا، لو فى اقتراحات كلمنى او حتى ممكن نتقابل لو انت ما رجعتش اسكندرية

وائل اسليم يقول...

ألف مبارك لكل المصريين والعرب والمسلمين

مدونة نشيدي
http://nashedi.blogspot.com
مدونة الخير طريقنا
http://esleem.blogspot.com