الثلاثاء، 10 أبريل، 2012

يانتجمع في الميدان يانتلم في اللومان










خلاص مابقاش قدامنا يالشاطر ياعمر سليمان يافي افضل الظروف عمرو موسي

طبعا اتمني ان ابو الفتوح يوصل لكن واضح انه صعب ومستحيل

تختار الاخوان وبعد كده نبقي قدامنا دوله ثيوقراطيه دينيه طاغيه زي ايران
ولا نختار سليمان ونرجع نظام مبارك ونضيع دم الشهدا علي الفاضي ونتلم في المعتقل ونقرا الفاتحه علي الثوره؟

الاخوان مقدور عليهم لكن سليمان لا والف لا

لازم ننزل لازم ننضم لحزب البرادعي اللي هيظهر للنور الاسبوع الجاي لازم نتوحد ونرجع زي زمان
لازم ننزل الميدان ونرفض سليمان لازم نكمل الثوره

انسي كل اللي فات اللي جاي ده حماده بالجنزبيل

معادنا يوم عشرين ابريل يوم الجمعه يانعيش عيشه فل يانموت احنا الكل

فل عليكم


هناك 4 تعليقات:

بـت خـيـخـة وأي كـلام يقول...

ليه صعب ان ابو الفتوح يوصل ؟

وليه نستنى لحد يوم عشرين ابريل
ليه مننزلش الجمعة الجاية علطول ؟

dr.lecter يقول...

علشان مستنيين مؤتمر حزب الثوره هيقول ايه

Tarkieb يقول...

معقولة المجلس العسكري ح يسلم السلطة لواحد يحطه بعد كدة مع المخلوع؟ طبعا اشك..هما جربو الاخوان وااستفادو منهم كتير وإكتشفو انه صعب يلعبو بهم اكتر من كدة لانهم عايزين كل حاجة...وعشان كدة الرئيس اللي جاي لازم يكون تحت حكم العسكر يا موسى يا سليمان واي حد بيتخيل حاجة غير كدة يبقى بيحلم...الشعب اذا كان بيكره عمر سليمان فا في ناس كتير بتكره الاخوان اكتر دلوقتي...انا لن اتخيل ان الاقباط ح يوثقو تاني في اي حد اسلامي حتى لو كان ابو الفتوح...عوامل كتيره في مصلحة سليمان....ذهق الناس...احباط الناس من الاسلاميين ..المجلس العسكري مش ح يسيب الحكم ويفتح على نفسه فاتوحه...لا ح تروح الليمان ولا حاجة ولا حتقوم ثورة تاني ولا حاجة ,,وحترضى باللي حيجي عشان الظروف اختلفت وكل اللي ع الساحة كل واحد بيحب نفسه اكتر من غيره

fady borno يقول...

يسلموا
يشرفنى زيارتك لمدونتى مدونة عرب ماى
www.arabmy.com