الثلاثاء، 2 يوليو، 2013

rise


 الصوره من اشاره روكسي عند ملتقي المسيرات القادمه الي الاتحاديه الساعه خامسه عصر
 
 
...
 
ربما يكون اليوم اهم يوم في تاريخنا الثوري  حيث بعد ان تورطنا في التحالف مع الفلول وانصار النظام السابق حتي نزيح الاخوان وبعد ان تاجج الموقف ببيان السيسي في المهله التي منحها الي مرزي فنحن وحركه تمرد امهلنا مرزي مهله حتي الخامسه عصرا والا سنحاصر قصره في القبه وسيكون هناك تصعيدا بالتوزاي مع ماسيفعله انصار مرزي والاسلاميين في حشودهم التي بدات البارحه ويعلم الله الي مالذي ستفضي اليه والتي تتجمع في رابعه العدويه


 
اعتقد اننا سنكون الغالبون بمشيئه الله واتمني ان لا تنفجر حمامات الدم غدا لكني اشعر برائحته قريبه جدا

لم استمتع بالمليونيات الشبيهه بالكرنفال لان اغلب من نزل كان من حزب الكنبه او من كانوا ينتقدوناا ابان الثوره الاولي

لكن في النهايه هم شعب مصر وهم من يقرر وهم من ساند حركه تمرد
 
ولن اخفي قلقي من ظهور الحقير سامي عنان في الصوره واعتقادي انه هو المدبر لكل ذلك مثلما كان اللواء القطان في باب الخروج كما تخيل عز الدين شكري
 
ولن اخفي ضيقي من هتافات انزل ياسيسي  واالهتافات المحببه لانصار العسكر
 
لن نسمح بعوده العسكر حتي بعد رحيل مرزي وان اتفق اغلبيه الشعب علي عودته فلتكن علي جثتي اولا فانا قضيت حياتي كلها اكره انقلاب يوليو واسعي الي ازاحته ولن انسي معاركنا معهم في العامين الفائتين
 
فلتكن تلك وصيتي الي من سيقرا تلك الكلمات وسجل لي اني لم انزل لازيح الاخوان واستبدلهم بمن هم اسوا منهم
 
 
يسقط كل من خان يسقط كل عسكر واخوان
 


 

هناك تعليقان (2):

killer 300 يقول...

صباح الخير عزيزي المعتقل السياسي في السجن الحربي او يمكن تبقي المعدوم السياسي علي عروسة الأعدام الحربي
هكتبلك هنا نفس الكلام الي كتبته لنواره نجم علي مقالتها علي انها عارفه ان الثوره " الجديده " كده كده هتتركب و طبعا هي من باب الديموقراطيه لم تنشر تعليقي .
عزيزي الدكتور الثائر القرفان من مرسي و الأخوان " ذي تقريبا " حضرتك استخدمت كمخلب قط لعودة العسكر و الثوره المضاده
ياتري ما جاش ببالك تربط بين استقالة سامي عنان و المهله ال 48 ساعه
ما فكرتش ان ممكن بعد ما شفيق و طنطاوي اتحرقوا يتذق سامي عنان و يبقي مرشح الفلول الجديد
هاهاهاهاهاها يعني ألف ألف مبروك لمسيحي و بنات و مصابي و قتلي الثوره
الرئيس الجديد الي انتم هتجلسوه علي العرش هو احد المسئولين عن هرس المسيحيين بمسبيرو و تعرية ست البنات و كشوف العذريه و ضرب اهالي الشهداء و المصابين بأول يوم برمضان
انتم مش شايفين اي حل ديموقراطي و ادوتهم الحجه لتخطي الديموقراطيه و الصندوق
انتم هتكونوا اول من يعلق علي المشانق العسكريه بعد كده
عارف ليه
لأن الأخوان و التيار الأسلامي عندهم عقيدة البقاء
و حتي لو خسرو كل ما اكتسبوه من الثوره و رجعوا لوضع ما قبل الثوره فهم كانوا وقتها عايشين و منتشرين بين الناس و هيرجعوا يعيشو و ينتشروا تاني
اما انتم
فهتاخدوا كل التهم الي وجهت ضد جبهة الأنقاذ عند اول اعتراض علي المجلس العسكري الجديد .
تعرف يا دكتور من اول البيان و انا بقول ايه لنفسي و للي اعرفهم
" معلش كانت ثوره حلوه و باظت "
عندكم حل من 3
1) الرضاء بالديموقراطيه و الأنسحاب من الميادين و دعوة الناس للأنسحاب و انكم تكونوا اتلافات منكم تتحرك في مفاوضات مع الرئاسه لأخراج الرئيس بشكل ديموقراطي للحفاظ علي الدستور و لمنع عودة العسكر للحكم
2) استباق العسكر و اقتحام القصر و اعلان مجلس رئاسي من داخله و وقتها هتواجهوا مدافع العسكر و الفلول و الأخوان و الأسلاميين
3) تحضير نفسكم لحكم عسكري و العوده لأيام الدوله القمعيه الي لازم هترجع لأن مش معني القضاء علي مرسي هو القضاء علي مؤيديه المنتشرين و الي ان لم يكن لهم الغلبه في انتخابات رئاسيه فأكيد هيكون ليهم تأثير مضاعف في انتخابات البرلمان
دي الحلول الي انا فكرت فيها و انا لا أذيد عنك اي شئ
مجرد " مصري " أخر يفكر بطريقه تختلف عنك

فاتيما يقول...

انتا أختصرت كل الكلام
وقولت حاجة يا ليكتر
المشهد تبدل صحيح
بس مفيش ألعن من الاخوان
نشيلهم اولا
وبعدين نصطفل مع الباقيين
دا قدر ولازم نكمل مشوارنا معاه للآخر
ياما نشوفلنا بلد تانية
وان شاء الله احنا الباقيين
وفيما يخص النزول والتظاهرات الكرنفالية
انتا رضو بتقول نفس كلامى واحساسى
احنا كتلة واحدة
ولازم نتعامل مع الواقع دا
والا مش هنتحرك خطوة
معرفش بكرة ايه
لكن يقينى بالله اننا هنفوق شوية
هنطلع من حفرة الاخوان
والتيار المتأسلم ان شاء الله
ولما نوصل لسطح الارض
هنبتدى نتعامل بقى
مع كسورنا ومع التضاريس الجديدة
وان شاء الله ... البلد منصورة
وربنا غالب أمره


ويارب تكون الغلبة لينا بسرعة
انا شايفة الغلبة لينا ع المدى الطويل
لكن ع المدى القصير
مقدرش أقول امتى وبسرعة وازاى
الحل ف الناس
وربنا ينور بصيرة كل الناس ف لحظة الخطر دى

خلى بالك من نفسك
وكالعادة
انتا عارف الجملة الخالدة بتاعتى

أنا
فخورة
بيك
جدااااااااااااا
لأخر مدى


ربنا يحرسك ويحفظك من كل شر
يارب