صمت ........الخرفان

ناس سالتني قبل كده عن حبي للشخصيتين الاساسيتين دول

دكتور

هاننيبال ليكتر

و شخصيه بيتر باركر او سبايدرمان

هاتكلم عن هاننيبال ليكتر

سنه 1991 في حفله تورزيع جوايز الاوسكار شفت لقطه لانتوني هوبكنز لقطه وحيده جدا وكان عمري وقتها 7 سنين

القطه دي لما كان في السجن بيكلم العغميله كلاريس وهو بيحلل نفسيتها وهي بتحكي له عن عقدتها وطفولتها

الللقطه دي كانت الحافز اني اقعد ادور علي الفيلم بعدها 10 سنين في كل حته في مصر ومالقيتوش خالص لغايه مالقيته بالصدفه سنه 2000 وشوفت الفيلم وعرفت بعدها اني كان معايا حق

شخصيه دكتور هاننيبال ليكتر هي بالظبط اللي انا كان نفسي ابقي زيها

او بالمعني الاصح اللي انا خايف اكون زيها

شخصيه مخيفه جدا عبقريه

الشخصيه اللي احنا لو قابلناها هنتجنبها ونبعد عنها ونجري منها رغم اننا معجبين بها ونتظاهر اننا بنشمئز منها ببساطه علشان هي بتقولنا احنا ايه علي حقيقتنا

احنا بنخاف نبص لمرايتنا للاسف بنخاف نبص لاعماقنا ولمحتوانا النفسي

دايما ندعي اانا ملايكه واننا مظلومين وجار علينا الزمن واننا حظنا قليل في الدنيا

طيب يااخي ماتبص لنفسك شويه بعدسه مكبره يمكن تكون ظالم الناس التانيه

انا اعرف ناس تقعد تشتكي وتتهتم وتظلم وتعيط وتقول هاتوا لي حقي مع ان في الحقيقه ان اللي له حق واللي فعلا مظلوم مابيشتكيش ولا بيعيط وبيكتم جواه

وبيحاول تجاوز المحنه اللي مر بها من غير مايطلب من الدنيا حاجه وفي نفس الوقت بيحاول يغطيها باي حاجه او يثبت نفسه في مجال معين علشان يقول انا اهو اتغلبت علي محنتي رغم انه ماتغلبش عليها هو بس غطاها بالتراب

وحتي لو نجح في المجال التاني اللي هيمشي فيه فده هيبقي نجاح ظاهري فقط ادام الناس علشان تصقف له وتقول له شاطر

لكن بينه وبين نفسه

هو لسه بيعاني من محنته الخاصه

ودي باختصار كانت شخصيه كلاريس المصابه بصمت دفين تجاه عقده طفولته

الشخصيه دي كانت محط اهتمام الطبيب العبقري المجنون هاننيبال ليكتر لانه شافها حاله مثيره للاهتمام رغم انها كانت جايه تستجوبه في السجن بخصوص شخصيه تانيه مختله عقليه ترتكب جرائم مروعه

دكتور ليكتر ساعدها انها تفتح باب الماضي بتاعها وعلاقتها الخاصه بوالدها وعن فشلها في تجاوز الصدمه اللي حصلت لها لما والدها توفي

عن علاقتها بالحملان اللي فشلت انها تنقذهم وهي طفله من الذبح وعن المزرعه اللي اتربت فيها

عن رغبتها انها تصبح عميله مباحث فيدراليه ورغبتها في نجاح المهمه الموكله لها بانقاذ الضحيه المخطوفه ووقف سلسله الجرائم الوحشيه

ورغم قوه شخصيتها ورباطه جاشها الا انها ماقدرتش تواجه دكتور ليكتر وتوقفه عند حده لانه كشفها من جواها

وفي نفس الوقت هي اتعلقت به نوعا ما ولا يمكن تكون فيه علاقه بينها وبينه لان ده مستحيل

مستحيل انها تتعلق بمختل عقلي وسفاح زيه

لاسباب تتعلق بنظره المجتمع لهما وانها هيصبحوا بيعملوا شيء محرم وخارج عن القوانين رغم انهم ماعملوش اي حاجه الا هي مجرد مشاعر اتولدت بمحض الصدفه في موقف معين

لكنها تجاهلت ده وانكرت نفسها

دكتور هاننيبال ليكتر

شخص وحيد مر بظروف قاسيه جدا اتعلم ان الدنيا ماينفعش تكون فيها حمل وديع مستسلم وانك تقبل سيطره الاخرين عليك وتقبل ظلمهم وغبائهم وتخلفهم

ماينفعش انك بالمعني الاصح تاخد فيها

علشان كده قرر انه هو اللي ياخد اللي عازه منهم باي طريقه

صحيح هو بياخدها بشكل وحشي عنيف

وصحيح هو بيضطر ياكل اللي مابيوافقش عليه

صحيح هو بيضطر يعذب ضحاياه لكنه بيختار فعلا الناس اللي يستاهلوا ده

مش بيعذب ولا يقتلهم وخلاص علي الفاضي

هوبرده عنده بعد نظر

هو بيقول رايه بصراحه في الناس في اي مكان وبيكتب مقالات عنيفه رغم انها فاسيه لكنها بتعجب المجتمع المخملي المرهف اللي عنده رغبه انه يتلذذ بالماسوشيه اللي في كلماته

علشان كده هو عارف كويس انه مهمها كان الهجوم عليه فيه منهم معجبين بافكاره

منهم الشاذ جنسيا اللي نفسه يكون علي طبق يلتهمه دكتور ليكتر

منهم من عندها رغبات جنسيه صارخه و خياليه تري نفسها تمارسه كما يريد دكتور ليكتر

منهم من يرغب ان يتم جلده ووضع السيخ المحمي في اماكن حساسه لكي يشعر بالالم والمتعه

منهم من يحب منظر الدماء وهي تسيل منه ويسمع صرخات الاخرين ويفرح بده

منهم من يحب ان يري نفسه يهان وتبعثر كرامته ويصبح عبره للناس

منهم من يحب ان يتم البصق عليه وتجاهله

ومنهم من يرغب في السقوط بالجانب المظلم باي طريقه

دكتور ليكتر زو اذن موسيقيه راقيه ومثقف جدا وملم بجميع نواحي الحياه

له مكتبه يسيل لها لعاب اي شخص ملم بالادب

ذو زوق رفيع في ملابسه ولبق في الحديث ومن الطراز الكلاسيكي

بيحلم بالانطلاق والتحرر من قواعد الزمن والمكان

مابيحبش يكون في مكان مغلق لفتره طويله

عاشق للاوبرا الايطاليه

الشخصيه التالته في الفيلم هي شخصيه السفاح المختل عقليا

شخصيه الرجل اللي كان بيتعالج عند دكتور ليكتر من انه يتمني ان يصبح امراه

لكن جميع اطباء الجراحه رفضوا ده وطردوه من المستشفي لانه طالبهم بعمل مشين اخلاقيا

فقرر انه يعلن الحرب علي جنس النساء بانه يخطفهم ويسلخ جلدهم ويصنع منه بذله جلديه يرتديها لعله يصبح امراه باي طريقه

علشان كده كان بيختار نوعيه معينه من النساء ذو البشره الحساسه واالناعمه

كان بعلن للعالم كله انه هيعمل اللي هو عاوزه بس بطريقته وعلي العالم انه يتحمل بقي العواقب الي خلقت منه هذا الوحش المرعب

ده كله نتيجه للحريه الجنسيه والافكار اللي اطلقت في فتره الستينات بدافع التحرر

هو بالظبط عامل زي يرقه الفراشه اللي بتجي لها فتره بيتم التحور النهائي لها والتحرر لتصبح منطلقه وذو شكل جديد وربما الشكل النهائي لها واللي اصلا كان المفروض يكون لها منذ بدايه خلقها

ربما ده فتح بعدكده باب المتحولين جنسيا وخاصه هنا في مصر كان فيه اكتر من قضيه عن موضوع التحول الجنسي

هو ناقم علي المجتمع اللي حرمه من تحقيق حلمه فقرر معاقبته بطريقته العنيفه وقتل كميه الضحايا الابرياء من النساء

طبعا الفيلم عنيف جدا وبه مشاهد دمويه لا تصلح لاقل من 21 سنه بالاضافه للمحتوي الجنسي الخاص بالحوار

والاداء التمثيلي العالي سواء من جودي فوستر او انتوني هوبكنز

واخرج جونثان ديمي

ده كله خلا الفيلم ياخد 5 اوسكار افضل فيلم وافضل تمثيل وافضل اخراج وسيناريو واصبح ايقونه سينمائيه عاليه الجوده خالده رغم مرور 20 عاما علي صنعها