الجمعة، 12 ديسمبر، 2008

عن ..............?













الطبيب المصري



الشاب الضنن اللي طالع من ثانوي بيدخل كليه الطب كليه القمه كليه المجد كليه المستقبل ( طبعا ده كان زمان )
بيطلع عين امه في 6 سنين دراسه مميته كريهه بارده وسنه امتياز يطلع ياما بنظاره كعب كوبايه كبيره ومايعرفش حاجه الا الطب والشغل والدراسات العليا

ياما طالع حالف ميت يمين يعوض كل سنه من اللي شافهم في بهدله العيانين الغلابه واستنزاف اموالهم ويبقي مكاينه جشعه عاوزه فلوس وبس

ياما يبقي نبيه يحضر دراسات عليا او يمله بورد ويهج من البلد دي


النوع الاول ده بيتمرمط جدا وبيبقي مستقبله معروف فاتح عياده كاتب عليها اخصائي اطفال ولا نساء ولا باطنه وماحدش داري به اصلا وهيعيش ويموت مجهول



النوع التاني اللي بيفتح عياده وربنا فاتحها عليه ومابيرحمش شغال 24 ساعه وهمه ازاي يفضي جيب العيان وياحبذا بقي لو كان نايب ولا جراح في مستشفي كبيره قمه الاستغلال والجشع واستدراج المريض لعيادته الخاصه او المستشفي الخاصه الاخري اللي بيشتغل فيها بعد الظهر


النوع التالت مابيرجعش مصر الا في الاجازات او لو مؤتمر هو مدعو له وبس وبيقطع صلته تماما بمصر



ليه ده كله؟



علشان وزاره الصحه ووزاره التعليم العالي ساهموا بشكل كبيير في خلق الانواع التلاته
وهي مسح انسانيتهم وعواطفهم وخلق قالب اسمه انا دكتور علشان الفلوس مش دكتور علشان العلم ولا علشان الانسانيه والبدنجان الابيض ( مابحبيش علي فكرهالبدنجان اصلا )
الواحد من دول بيبقي متخرج عاوز شقه ويدور علي عروسه وطبعا واكيد مش هيبص لواحده زمليته مايعرؤفش عنها حاجه الا لو كان شاب فاقد ايام الكليه ومقضيها كافيتريات وعارف كل البنات
ويدخل اي بيت يقولك انا الدكتور

متوقع اي واحده هيغمي عليها لما تعرف انه دكتور وتقع في دباديب اللي خلفوه وكلام بقي من عينه عريس لقطه ويبقي الناس كلها باصه عليه في الرايحه والجايه والجيران مجهزين بناتهم للعرض ادام سيدنا الدكتور





طبعا مش كل خريجي كليه الطب بالشكل ده فيهم ناس محترمه بس قله قليله للاسف

لو طبعا واحد حالته حكيانه وبيكح تراب هيشتغل في وزاره الصحه بالمرتب الهزيل والحوفز ويستحمل البيروقراطيه والروتين الخنيق ويتدمر تماما ويموت طموحه
ويبقي عبد لرؤسائه وللسيد الوزير

ولو هو لسه فيه رمق ممكن يدور علي عقد اعاره بره ان شالله حتي في مستوصف ويستحمل الغربه والبهدله والذل
ولو غلط يروحوا جالدينه 1000 جلده زي ماحصل في بلد لااسف كنت بحبها





غلطه مين؟




غلطته انه راح بهدل نفسه علشان لقمه العيش ويعيش عيشه كريمه كانسان بدل عيشه الفار القحط في مصر؟

لا طبعا غلطه مجتمعه وحكومته اللي مابتهمتش بحال الاطباء

متوقعين ايه من اطباء مش بياخدوا تدريب كويس ولا تعليم مناسب ولا ظروف ماديه مريحه وظروف اجتماعيه مناسبه انهم يعملوا للبلد؟

بصراحه بحسد اللي بيصبر علي الوضع ده وباعتبره اسطوره

ده بالاضافه للمستوي السيء للوحدات والمستشفيات في الاقاليم البعيده في الاماكن الصحراويه او المنعزله
والفساد الاداري وعدم وجود رقابه مناسبه والمهازل والمسخره اللي بتحصل

ولو حاولت تعمل شكوي او تتصرف تصرف مناسب هتللاقي الكل وقف ضدك ويتهموك بالتقصير والاهمال ( خدوك بالصوت )

الطبيب بيبقي عاوز يشتغل في مكان يساعده انه يشتغل بضمير وذمه ويبقي عنده امكانيات كويسه تخليه مقبل علي العمل ويساعد فعلا الناس الغلابه مش بتوع مستشفي دار الفؤاد
ولا السلام الدولي


قالك طب ؟




طب من بقك
























عن
....................

........

انا وعلي البدري






الفتره دي بيتعرض ليالي الحلميه ودي المره ال عاشره اشوفها بقالي 20 سنه كل مالمحها اقعد ادامها علي طول


علي البدري شايفه شبهي رغم ان الكل بيقوللي لا ماافيش شبه خالص انت مختلف تماما عن الشخصيه دي

اقولهم انا حاسس ان اسامه انور عكاشه لما كتب الشخصيه دي كتبها علشاني مخصوص وده طبعا في المشمش

علي البدري اتولد مع ثوره يوليو ه

علي البدري جرب اليتم بعد وفاه امه واتربي بعيد عن والده بس اتربي في حضن الحاره المصريه الاصيله اللي فيها عبق مصر الحقيقي والللي برع في وصفه العظيم اسامه انور عكاشه

علي البدري كان متفائل وله حلم وطموح وشهم وطيب وحنون
علي البدري حب رفيقه صباه زهره

علي وزهره كانوا بيمثلوا حلم مصر في الستينات حلم الشباب الواعد الزاهر المتفائل الطموح

علي كان مؤمن بايدلوجيات وقناعات ومؤمن بماديء الثوره والعداله الاجتماعيه

علي دافع عن الثوره وحب جمال عبد الناصر وكان شايفه اب





علي اتكسر قلبه وروحه بالنكسه
شاف كل اللي حلم به بينهار



علي دخل السجن بسبب انه بينتمي للنظام القديم وبسبب انه قال كلمه حق

علي ضاع مستقبله وانعزل وتقوقع علي نفسه
واتغيرت نظرته للحياه
وترك احلام البراءه والعفه ورا ظهره
وترك طموحه العلمي والعاطفي وداس علي قلبه بعد مازهره اتخلت عنه

علي قرر انه يواكب العصر ويمشي مع الموجه

علي بدا عهد مظلم قاسي واصبح راسمالي جشع



علي انضم للحزب الوطني لضمان السلطه

علي غالبا هو واحد من 4 شخصيات معروفه حاليا في الحزب الحاكم ومن كبار رجال الاعمال والرموز الاقتصاديه ( ماحدش يقولي مين علشان انا باخمن وبس )

علي داس علي الكل لتحقيق مجد خاص به لوحده وللنتقام من الثوره اللي ضيعت احلامه

علي تايه مايعرفش هو عاوز ايه وبيعمل كده ليه

علي عاوز يرجع للحلميه ولحضن ماما انيسه ولزهره


بس خلاص مابقاش ينفع


بعد ده كله وكم الاختلاف اللي بيني وبين علي

بس مازلت مصر ان علي بيشبهني

فيه حاجات شايفها بتربطني به

ايه هيا؟

الله اعلم







عن اخر الرجال المحترمين




السنه اللي فاتت كان ليا الشرف اني احضر ندوه للمفكر الكبير فهمي الهويدي

ها كنت اسمع عنه لكن عمري ماقريت له

فهمي الهويدي في حوالي 8 صحف ومجلات عربيه وكان له عمود يومي في جريده الاهرام وهو من نوعيه الرجال اللي له وزنه وقلمه اهم حاجه عنده

كان مابيخافش من النظام رغم انه بيكتب في جريده تابعه له

الاهرام حاول يعمل رقابه عليه اكتر من مره طوال الفتره الطويله الي تقارب 30 سنه كتابه لكنه لم يرضخ لهم

وفي الاخر لما زهق منهم اعتذر نهائيا عن الكتابه في الاهرام وهو اصلا مش محتاج لهم في حاجه

امين الهويدي ودكتور علاء الاسواني هما الوحيدين اللي بقرا لهم في الجرانان الفاكس الدستور الاسبوعي غير كده ماكنتش قريت لحد تاني





عن دكتور محمد سليم العوا






انت بتحارب في الظلمه ومعاك قليلين لكن هتوصل في الاخر

تحياتي لجمعيه مصر للثقافه والحوار وللقائمين عليها


















عن اسكندريه



في الشتا انت عذراء خجوله فاتنه رقيقه



باحبك في الشتا باحضنك واضمك جوايا



في الشتا انت رايقه هاديه بسيطه



معلش تقلت عليكي اليومين اللي قبل العيد بس اعذريني كنت محتاجلك اوي ومحتاج لبحرك


صحيح رجعت عندي برد ونمت اول يومين بتوع العيد في البيت



بس برده انت علي قلبي زي السكر



بحبك اوي وبحب السمك والجمبري بتوعك




هناك 11 تعليقًا:

Founoon يقول...

انا سمعت سمع خير يا محمد ان مرتب خريج الطب في الامتياز 120 جنيه وكارتونة بيض !
هل دا صحيح ؟ بغض النظر عن ال 120 جنيه اللي مش هيكفوه مواصلات اساسا
يعني ايه كرتونة بيض ؟!

الطالب اللي عايز يدخل طب لازم يعملوله مقابله شخصية ويخضع لاختبارات نفسية قبل ما يتقبل
الطب مش مهنة في نظري الطب رسالة ومحتاجة انسان مش واحد بيدور على القرش والمنصب والبرستيج الاجتماعي
دول هييجوا بردو بس مايكونوش هما الهدف

على البدري ...شبهك فعلا يا محمد اوي
اوي بجد !

ممكن اعرف انت بتستحمل تقرا لعلاء الاسواني ازاي ؟ الراجل دا بيعصبني حقيقي !

اسكندرية ...ساحرة

كل سنة وانت طيب يا دوكي

dr.lecter يقول...

ههههههه والله اللي اعرفه انه كانوا 200ا
( معقوله يكزنوا خسوا ) وانا في امتياز ماخدتش مرتب علشان قالوا انا خريج جامعه خاصه فمش محتاج المرتب ده طيب قلت لهم كرتونه البيض؟
قالوا لي لما تفقس ان شالله

دلوقتي بعد شغلي في الحكومه عرفت انها كانت اكبر غلطه وهاعوضها ان شالله كمان 3 اشهر ولا لازمني الميري

الطب بره باختصار متعه للخواجات بيعملوا ده مش علشان فلوس ولا مركز علشان هم بيسمتعوا بانهم بينقذوا ارواح ناس ويساعدوهم علي الشفاء وده بيحقق لهم جزء صغير من رغبه داخليه بالشعور بالرضا


هنا لازم يتفشخر بانه الدكتور اابو كشف ب 200 جنيه
واللي عايزني يجيلي انا مبروحش لحد وان خلص الفول انا مش مسئول



علي البدري اخيرا حد اعترف انه شبهي

الله يكرمك بجد
يارتني اوصل زيه ده انا هاعمل عمايلههههههه


علاء الاسواني بختلف معاهفي حاجات كتيره منها انه اصلا علماني لكن له حس انساني رغم كل شيء وجواه وجع وصادق مابيدعيش انه ملاك ولا هو عاوز ايه

علاء مش محتاج قرشين علشان الكتابه وخبرته بره مصر وتعامله مع الاوربيين والامريكان اثناء دراسته هناك علمه حاجات كتيره احنا للاسف لسه بننكرها او نرفضها هتا


اسكندريا ماريا علي راي قباري

كل سنه وانت طيبه

mUsLiM يقول...

ليا أخ صاحبى دكتور وتكليفه فى قنا عذاب النــار !!!

بيقولى بتدخلى الواحده تقولى اكشف عليا يا دكتور وخد البيضات دول

وقالى عادى هناك ممكن أكشف على العيان مقابل بيض ولبن :)

قلتله طيب والتمر الهندى ..؟

قاللى لا لسه موصلش هناك

قلتله لازم تحتج على كده ياعم الحج

وعلى كل حال برده الواد ربنا بيرزقه وبيعمل مرتب كويس فى آخــر الشهـر

الحقيقه ان الدكاتره بيتعبوا جامد فى الدراسه

وبعد كده 90 فى الميه لازم هايدخل جيش

بس ثق يا محمد ان ربنا مش بيضيع جهد حد أبدا

وعلشان كده أغلب الدكاتره ربنا بيكرمهم ولو بعد حين :)

أما عن أمين الهويدى

فانا معرفوش

أعرف فهمى الهويدى , ينفع معاك ؟ :)

وبالنسبه لتيار الأستاذ فهمى هويدى والأستاذ العوا ومحمد عمار والمستشار طارق البشرى وغيرهم

فهم فضلاء من رجالات المسلمين , ولكن هم مخدوعون بكثير من الأمــور ,,

وهم يتفاوتون فى العلم والفضل فيما بينهم , وأفضلهم عندى الدكتور محمد عمارة

والأيام ستثبت قريبا غلط كثير من المفاهيم والتصورات التى يتبناها هؤلاء الرجال ،،

وقد عاد عنها البعض كالشيخ القرضاوى الذى كان قائدا روحيا لهــم

أما عن الأسوانى فهو فعلا عند حس ، بس مش انسانى ،،

متهيقلى عنده حسن نسوانى

ههههههههههه

يلا ربنا يهدى ويبارك

كل سنه وانت طيب يا محمد

واحشنى يا عم الحــج :)

السلام عليكم

dr.lecter يقول...

ايوه يامصعب اكيد كل اللي بتقوله ده حقيقي مانا ياما سمعت وشفت


اما عن فهمي الهويدي هو فعلا ده اللي اقصده به وهاصحح الغلطه دي غلطه مطبعيه ههههه

انت واحشني اكتر والله يابني ربنا يسهل ونعرف نتقابل قريب

نورت يامعلم

Desert cat يقول...

الواحد بيتعب وبيطلع عينه ومرتبه 200 جنيه
ده انا كمان سمعت ان مش هيكون فى تكليف تانى
هل الكلام ده صحيح

انا حرة يقول...

تصدق ان انا كانت امنية حياتى اطلع دكتورة..و كنت مختارة المخ و الاعصاب تحديدا..و كان فاضلى اطبع الروشتات :Dعشان ما كنتش متخيلة نفسي فى مكان تانى ولا كنت مختارة كليات تانية
و بعدين فرقت معايا على اقل من واحد فى المية فدخلت الكلية الوكسة اللى اتخرجت منها دى
يمكن عشان كده عندى فوبيا من الدكاترة و كل حاجة متعلقة بيهم لحد دلوقتى :D

بس انا لسه مقتنعة انى كنت هبقى دكتورة شاطرة اوى لانى كنت فعلا بحب المجال ده لا عندى واسطة ولا بابا هيورثنى العيادة:D
بس بعد ما شفت اللى بيحصل لصحابى و خصوصا السنة دى عرفت ان دعوات ماما كانت على حق:D
دول بيقولولى ان العيانين بيبقوا محتاجين عمليات مستعجلة فى القصر العينى و بيسيبوهم مرميين قال عشان الطلبة تمتحن عليهم

و بعدين اللى شفته فى السلام الدولى و النيل بدراوى و مصر الدولى خلانى مش قادرة اتصور ايه اللى ممكن يكون بيحصل فى مستشفيات الحكومة
و اكتشفت انى لو كنت اتمرنت و شفت الوحشية دى كان اكيد جالى اكتئاب حاد و كنت قعدت فى بيتنا

عمرى ما شفت ليالى الحلمية..التيترات بتاعته بتفكرنى بحاجات قديمة مش عايزة افتكرها :)

علاء الاسوانى مبدع فى اختيار مواضيعه و شيكاغو انا بشوفها اقوى من يعقوبيان كمان..لكن سلوبه منفر و معصب و مستفز بقرا كتبه و انا بفوت نص الصفحات عشان اعرف اكملها للاخر

اسكندرية انا عرفتها السنة اللى فاتت لما رحت فى الشتا..اختلاف تام عن وقت ما كنت بروحها فى الصيف..دلوقتى ادمنت الجو بتاعها و كوبرى ستانلى و شكل الشوارع يوم الجمعة فى الشتا ساعة الصلاة..كانى عمرى ما كنت اعرفها..اسكندرية فى الشتا اختراع بجد

dr.lecter يقول...

قطه الصحراء

اه فعلا السنه دي اخر سنه لتكليف الاطباء بعد كده ربنا معاهم

dr.lecter يقول...

فله

ربنا بيحبك فعلا علشان ماطلعتيش دكتوره

بصي المستقبل في البلد دي لمهندسين الاتصالات وبتوع البورصه وبتوع اداره الاعمال غير كده نفضي


انا الحمد لله مش غرقان في نفس المعمه زي بتوع طب بشري بس بيجيلي اكتئاب منهم ولا بقي لما تقرري تعملي ماستر زي حالاتي بيطلع تيت التيت بجد

ليالي الحلميه خساره انك ماشوفتهاش دي ملحمه مصريه اتعلق بها وجدان المصريين لاكتر من 25 سنه

وانا اولهم



اسكندريه


انا ابتدي عشقي لها بجد من يناير 2003 في الشتا من ساعتها لازم انزلها مرتين في الشتا كل سنه

ان شاالله المره الجايه هتبقي بعد 25 فبراير لما اروق كده علشان بجد انا ماقدرش علي بعادها مش القرف اللي بشوفه في الصيف

beeky يقول...

250 جنيه و محدش يتريق

نفسي ابقى من ابلنوع التالت مع انه مصر متهونش عليا نفسي مسيبهاش
بس الله يخرب بته اللي كان السبب
اللي خلى الدكتور بقبض كده

و ضيف على كل ده ياا محمد لما بنتطلب للجيش بياخدونا 3 سنين يعني تطلع من الجيش قربت على الثلاثين .. عايزين مننا ايه تاني .. انا ادخل الجيش ليه انا مكاني في المستشفى مش في الكتيبه
واللهي غباء و تقولش خلاص هنحارب يعني

dr.lecter يقول...

يامصطفي الكلام ده من غير الحوافز ياحبيبي وحاجه اسمها تقييم

اما الجيش ربنا يوفقك وتاخد اعفاء زيي او تاجيل لان فعلا الجيش مضيعه للوقت


خليك ياعم من النوع التالت مايهونش عليك غالي ياحبيبي هم اللي اضطرونا نعمل كده خلاص براحتهم هم اللي خسرانين

انا عن نفسي اقرب فرصه بعد الماجستير هسافر بجد مش هاستني

will يقول...

情趣用品,情趣,A片,AIO,AV,AV女優,A漫,免費A片,AIO交友愛情館,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,情色論壇,色情影片,微風成人,嘟嘟成人網,成人,18成人,成人影城,成人圖片區,成人圖片,成人貼圖,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,視訊聊天室,視訊聊天

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,情趣商品,A片,AIO交友愛情館,AIOAV女優,AV,A漫,免費A片,本土自拍,自拍,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,色情影片,情色網,色情網站,微風成人區,微風成人,嘟嘟成人網,成人,18成人,成人影城,成人圖片區,成人圖片,成人貼圖,成人文章,成人小說,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,中部人聊天室,080苗栗人聊天室,苗栗人聊天室,免費視訊聊天,免費視訊,視訊聊天室,視訊聊天

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,AIO交友愛情館,一葉情貼圖片區,情色論壇,色情影片,色情網站,微風成人區,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,A片,AV女優,AV,A漫,免費A片,自拍,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,080苗栗人聊天室

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,做愛,寄情築園小遊戲,色情遊戲,AIO交友愛情館,AIO,色情影片,情色網,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,成人電影,麗的色遊戲,自拍,A片,AV女優,AV,A漫,視訊交友網,視訊,視訊交友,免費視訊聊天室,免費視訊,視訊聊天,視訊聊天室,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園