الأحد، 21 ديسمبر، 2008

خووووووود ........ دي











في وسط مشكله النت والخنقه اللي انا فيها والوقت اللي عمال يجري بسرعه

بابص ل2008 واشوف اخبارها ايه مع المصريين

البوست ده هيبقي متشائم لكن اللي جاي ان شالله هيبقي مختلف









2008 يا 2008 مش عارف اقولك ايه ولا اقول للمصريين


سنه حلوه؟ ممكن سنه منيله بقطران؟ جايز


ابتديها بايه؟

ب الشغب اللي حصل في 6 ابريل وحمله الاعتقالات الكبيره اللي عملتها الحكومه

والاضراب اللي نشرته واحده بنت علي الفيس بوك خلي البلد كلها تتقلب وتتضامن مع الفكره


عن نفسي انا شاركت في الاضراب وغصب عن الحكومه ماروحتش شغلي يومها وقعدت في البيت كحل سلمي وقلت طز في كل حاجه



ولا ابتديها بمسخره تسريب اسئله الثانويه العامه ؟


ولا خليها باضطهاد النظام المستبد بالصحافه الحره والمستقله اللي عاملاله وش في دماغه


ولا بكارثه الدويقه والاهمال الجسيم اللي حصل والابرياء اللي راحوا نتيجه الاهمال؟

ولا بالمسخره بتاعه حريق مجلس الشوري اللي قعدوا 8 ساعات يطفوا فيه

ويطفوه بايه ؟ بميه؟

واللي اتبعه بحريق المسرح القومي ؟

بصراحه كان رمضان السنه دي زي اللوز كان غم علي معظم المصريين للاسف


واللي بدعها اكتر الارتفاع الرهيب في اسعار الحديد والسعار الديكي الوزي البطي الكناري في جري الناس ورا الحديد علشان يبنوا وجشع التجار وعلي راسهم المحتكر الرئيسي احمد بيه عز عظم الله اجره

وعلشان ياحبه عيني يحسن صورته مول برنامج ب 30 شقه للشباب في رمضان تحت اسم محمودسعد علشان ربنا يتقبل منه

ومنا امين يارب العالمين



................








ابناء مصر المخلصين





السنه دي مصر فقدت اشخاص نفخر انهم مصريين وانهم يحملون الدماء المصريه


علي راسهم


دكتور عبد الوهاب المسيري المفكر الكبيير والمعارض للنظام المصري واحد مؤسسيي حركه كفايه واحد مؤسيي حزب الوسط

مش محتاج اتكلم عنه ولا عن موسوعته الرائعه عن تاريخ الصهوينيه



دكتور يونان لبيب رزق

المؤرخ الكبير وابو التاريخ في مصر




الاستاذ مجدي مهنا الصحفي الكبيير والمحاور الرائع

الاستاذ رجاء النقاش


المخرج الكبيير يوسف شاهين احد عباقره االسينما المصريه رغم اختلاف الكثيريين حوله وحول اخر افلامه اللي هاجم فيه السلطه




..................






السنه دي مصر للاسف كلها انشغلت بقضيتين تافهتين

شايف ان مالهمش لازمه خالص ومجرد شغل للراي العام عن هموم البلد الحقيقيه


قضيه الاخ هشام طلعت مصطفي احد الرؤووس الكبييره بالحزب الوطني ورمز اقتصادي هام

وقضيه مقتل ابنه المطربه ليلي غفران والجدل الي اثير حولها


طيب واحنا مالنا؟


فيه حاجات اهم بكتيير من الهبل ده انا مالي واحد مجنون بالمطربات راح دابحها وبيقول انا بريء



هو غالبا المصريين بقي فيهم داء انهم يتشفوا في الشخصيات المعروفه لاسباب عديده اهمها الهم والحاله الاقتصاديه المنيله بنيله علشان كده بيحبوا يطلعوا فضايح واشاعات لا اساس لها من الصحه


اللي شدني اكتر هو المحاكمه مش القضيه

التواجد الامني الغير مسبوق حول المحكمه وقرار بحظر النشر والكلام عن التور جوه لجنه السياساات ده كله خلي الفار يلعب بس مش في عبي

في حته تانيه





........................






مش عارف ليه دايما يوم الاحد مابحبهوش


بس السنه دي كان يوم اسود بصراحه لما مات يوسف شاهين وفي نفس الوقت طلع الاخ الفاضل القاتل السفاح

ممدوح اسماعيل براءه


مش عارف هو بيعرف ينام ازاي من ال 1032 شبح بتوع المصريين اللي غرقوا؟



...........





الله يرحم كل اللي ماتوا وهو واقفين في طابور العيش علشان يجيبوا رغيف ولا اتنين لعيالهم

ده بقي اللي يتقال عليهم بجد ماتوا علشان لقمه العيش


منكم لله ياللي بهدلتم الناس علشان العيش





..............





عمالين نقول عاوزين نعمل تغيير ونحن البلد

ابتدينا بحمله التدخين والادمان بتاعه عمرو خالد والحمد لله الي حد مانجحت

وكنا هنبتدي في حمله التعليم والفقر

بس وقفوا لنا فيها بحجج واهيه مش مقتنع بها خالص







من اسبوعين جرنان صوت الامه نشر مثال لعبد الحليم قنديل بيقول ليه مانعملش زي تايلاند

ونعزل مبارك؟

ليه مش كل القوي الوطنيه والاحزاب والمفكرين يعملوا طلب بعزل مبارك زي اي بلد ديمقراطيه؟



طبعا مبارك هيرد عليهم ويقول لهم



عند امه يا ادهم




....................





عجبني ان البنات بدوا يتشجعوا ويرفعوا قضايا تحرش علشان المهزله دي تخلص بقي بعد معيارها ىفلت

لكن في نفس الوقت لازم دراسه نفسيه واسعه واحصاء شامل علشان نعرف السبب الحقيقي الكامن اللي بيحرك النزوه المريضه دي جوه الذكور

هل هي مرتبطه بالفقر؟
بالكبت؟

بالفراغ؟

بالكره ناحيه الانثي؟



مع ملاحظه ان الجو العدائي بين الزكور والاناث زاد جدا السنه دي في كل مكان





مصر كلها فرحت لما خدنا كاس الامم الافريقيه

واتغمت لما الاهلي خسر من اسبوع


يافرحه ماتمت



.................





غالبا بقينا معتمدين جدا علي النت وحياتنا متوقفه عليه


باتكلم عن الازمه الي حصلت في اول السنه دي لما خلاه مقطوع 10 ايام البلد اتشلت بجد وربنا سترها






الناس فرحت لما بوش اتضرب بالجزمه

طيب ماتبقوا جدعان واعملوها في واحد تاني عارفينه كلنا

؟



القرضاوي قال كلمته

ياريته مقالها بوظ ودمر الجو السلمي اللي بنحاول نعمله مع الشيعه




فرحان في الداخليه بصراحه

خاصه احداث العريش الاخيره

انا حاسس ان العادلي كان هيعملها علي نفسه



بس فقعونا برده بحكايه قانون المرور

نكته بجد والله

بس يالاا ماحنا كل يوم عايشين في نكته





لسه ومازلت وهاقول


مصر علي شفا حرب اهليه طائفيه

اللي حصل الشهرين اللي فاتوا واللي لسه بيحصل لازم يكون له حد


اللي شاف المشهد الاخير من حسن ومرقص هيعرف انا خايف اد ايه







...........................









حلو اوي المؤتمر الاخراني بتاع مصر بترجع بينا


طيب ورينا بقي ازاي


والنبي لو حد شايف فيه تحسن بيحصل من 28 سنه

يبقي يشاور لي بس



ايها الغالي يابن الغالي في قلوب المصريين كلها


فكك بقي من اللي انت فيه




................



مصر كلها بقت تقول

a7a


بقي شعار خلاص رسمي بفضل الاخ دبور

البنات تقول ايه سفت اايه

وتالاطفال بيقولوا 2 ايه سفن ايه



انا بقول عدد لا متناهي من الايه سفن ايه



.......................



بكره الداخليه بكرهها رغم ان فيها ناس حلوه كتييره



بكره وزاره الصحه بكرهها


بكره وزاره التعليم العالي

بكره وزاره المواصلات


اتخنقت بجد







بيقولوا عليا عملت ايه لمصر


مابحبش اقول بصراحه

انا بعمل وخلاص

صحيح مش زي ناس تانيه

بس بعمل اللي اقدر عليه





..................





جربت اقدم خدماتي للقوات المسلحه مرتين

مره في الاكاديميه في شهر 3

والمره التانيه في شهر 5 لما الجيش طلبني


وفي المرتين اترفضت ولله الحمد

هم الخسرانين بجد كنت هاعمل انقلاب عسكري واغير البلد


.................





عجبني اوي كام اغنيه السنه دي علقت مع دماغ الناس رغم انها سوقيه وشعبي


اغنيه قولي لي يامرايتي ايه اخره حكايتي

واغنيه العبد والشيطان


واغنيه طول عمري في المواجع

مش عارف امتي راجع



بارشحهم للميوزك اوارد بجد

شغالين في كل حته في مصر


لدرجه ان الخواجات بيرقصوا عليها




................





محمد حمدي العضو القديم بتاع ايجي فيلم والمدون المعروف فاز السنه دي في مسابقه نظمتها موقع العشرينات كافضل مدون وتسلم الجايزه من الاستاذ احمد المسلمي

مبروك يابني رغم انها متاخره اوي بس بجد مدونتك رائعه



.....................



سؤال ممكن استغل نصيبي في مصر وابيع الصك الخاص بتاعي لاي حد يدفع اكتر بما ان العمليه بقت سايبه؟



احلي حاجه الشباب بيعرف يصرف نفسه وخاصه البنات


بما ان مافيش زواج وبقي صعب علشان الشقق

فبيقضوها صحوبيه وخروجات احسن ممما فيش

بس بحدود طبعا


والاجمل ان مافيش حد معترض

ولا انا



..................





عمال افكر في اكتب ايه تاني اكتب ايه تاني يااد؟


مش عارف بس غالبا كده البوست بقي دمه تقيل وكله حاجات نكد ورخمه


انا عن نفسي مش عاوز اكمله بس اهو اكتب وخلاص بدل ماطق من جنابي

البوست الجاي ان شالله هاختم به به السنه






ملحوظه الصوره اللي فوق

مش لحد معين هي بس لاي حد عكنن عليا وعلي ال 75 مليون مصري

في 2008


ويمكن ل 2008 نفسها


ربنا مايعيدها علينا تاني



هناك 28 تعليقًا:

Founoon يقول...

بوست خرافي

انت جبرتي المدونين كدا يا محمد :)

حقيقي استمتعت بكم المآسي اللي عدت على بلدنا السنةدي

سبب استمتاعي اني حسيت ان السنةماكانتش سودا عليا لوحدي

بردو اللمة حلوة يا جدع :)

Here i'm يقول...

سؤال بيطرح نفسه ...

على مستوى الخسائر 2007 ولا 2008 ؟؟

وهل تتوقع أن 2009 تكون أحلى ؟

مع التعليل

Desert cat يقول...

يا صباح الاحباط يا دكتور
انت مش خليت حاجه فى السنة ما شاء الله مش نسيت حاجه الغريب ان كل سنة بنقول يمكن السنة اللى جاية تتعدل بقى ونبقى زى اى بلد محترمة
الا تيجى السنة تلو السنة ونلاقى نفسنا نعود الى الخلف بسرعه الصاروخ
كل سنة وانت طيب
وان شاء الله يكون عام جديد سعيد

dr.lecter يقول...

فنون

مش اوي كده انا بس للاسف الاحداث دي لازقه في دماغي مش عارف اطلعها

بصراحه السنه دي حسيت ان الشعب هينفجر ويقول حرااام كفايه خلااص جبنا جاز

مش عارف الحق غلينا ولا علي الناس التانيين


يمكن احنا نستاهل ده كله ونستاهل اللي بيجري لنا واننا اللي شاركنا في تدمير البلد دي

الله اعلم


وعلي رايك اللمه حلوه برده كلنا في الهوا سوا

وزي مابيقولوا يانعيش عيشه فل يانموت احنا الكل

dr.lecter يقول...

كوبري

بص 2007 كان فيها خساير
لكن السنه دي كانت اوفر اوي اوي اوي

فضايح وجرايم وكوارث وغم رهيب
محمد والله العظيم لو وقفت في محطه المترو مش هتلاقي حد مبتسم الكل مكشر مهموم حتي العيال الصغيره تخيل؟

االسنه دي كان فيها حاجات حلوه بس قليله جدا والوحش كتيير جدا


انا مستني امل في 2009 وان شالله ربنا مش هيخيب ظني

متسالنيش انا مستني ايه بس مستني ان بكره يكون احلي بجد

dr.lecter يقول...

قطه الصحراء


والله انا ماكنتش ناوي اغمكم خالص بس مش قادر عرق الكئابه فيا نقح عليا هههههه

بصي لو ماتمسكناش بالامل نروح نموت احسن
الي مخليني عايش في الجو المقرف ده والظروف دي هو ان احتمال يبقي فيه بقعه ضوء كويسه في وسط بحر الظلمات ده

اللي اهم من ده كله هو احنا لو نفوسنا اتغيرت من جوه للافضل يبقي فيه امل للتغيير وحياه افضل

أنا حر يقول...

بوست حلو قوي وطووووووووووووويل قوي بطول احداث السنة وده ميزة مش عيب على فكرة لانك فكرتنا بالسنة كلها رغم اننا حاولنا كتير ننسى
:(
مدونة رائعة
تقبل مروري
تحياتي

mUsLiM يقول...

رغم توجسى خيفه من اسم الموضوع وصورته لكن هو موضوع جميـل

وان كان نتاج هذا الموضوع أن حصاد العام مر للغايه

لكن انا مصر أن نتاج هذه السنه على المستوى الضخصى وغير الشخضى كان إيجابى للغايه

ولأن الموضوع ده بيركز على المستوى غير الشخصى فانا هاتكلم هنا بس

صحيح فى مصر حصل كوارث عديده وده شئ لا يفارق أعوام مصر المجيده أما الجديد فهو الوعى السياسى الذى يزداد كل يوم بدليل فكر الاضراب والعمل الجماعى اللى أصبح نوعا ما معروف فى العقلية السياسيه المصريه

على المستوى الجهادى فهناك صحوة جهادية ولله الحمد فى كل بقاع العالم الاسلامى ، والجهاد لم يمت بالعراق وإنما هو حى فى ضمير كل عراقى حر

على المستوى الاقتصادى فقد أصاب الله الغرب بحصار اقتصادى سيلاقوا منه الويل والثبور انتقاما لحصار غزة الصمـود

وختمت السنه بالذل والعار للطاغية السفاك بوش فكان خير ختــام

وعلى كل حــال نسأل الله الخير للاسلام والمسلمين

أى خدمه ياعم لكتر :)

السلام عليكم

dr.lecter يقول...

انا حر

مش عارف اعمل ايه مابعرفش اكتب باختصار للاسف تلاقيني بسرح في الكتابه وبعدين زي مانت شايف كم مهول من الاحداث لا يمكن حد يغفل عنها


نورت حضرتك المدونه

dr.lecter يقول...

مصعب

لا ياعم متخافش لسه ماوصلتش للدرجه دي من القباحه بس خايف اعملها قريب ههههه

ان ان شالله ناوي اعمل بوست تاني بس شخصي او نعمله كلنا في مدونه لما


انا مارضيتش اتكلم عن الاحداث العالميه رغم اهميتها لاني شفت ان اللي حصل السنه دي في مصر كان ثري جدا بمراحل عن اي حته تانيه في العالم

ونورت ياعمنا

الازهرى يقول...

عزيزى الدكتور ليكتر

السنة مرت بخيرها وشرها

لكن السنة الجاية دى مستقبل
فهل نستنى يحد يرسموا على مزاجهولا نرسمه احنا ؟


تحياتى وتمنياتى بدوام التواصل

dr.lecter يقول...

الازهري

لا طبعا مش هنستني ولا هنسمح لحد انه يتحكم في مستقبلنا ولا مصرينا

احنا بنحاول ودي اقل حاجه نقدر نعملها

نورت حضرتك

انا حرة يقول...

لا كانت سنة زى الفل الحمد لله :D
افتكرت كام حادثة كمان..
حادثة مرسى مطروح بتاعت الصيف
و حادثة ترعة الابراهيمية الاخيرة
ناس بتموت لسبب واحد..الاهمال
و يا ريت حد بيتعظ ولا بيقرر يغير..ولا الهوا يعنى

و حادثة الدكتورة اللى قتلها البواب اللى كانت بتذاكرله
و اللى كانت من اكتر الحوادث اللى جابتلى رعب السنة دى

بالاضافة لحادثتين جامعة الدول بتوع العيدين اللى بقوا مواسم للتحرش و السفالة
و كوارث اللى بيبيعوا كلاويهم عشان ملاليم
و الطفل اللى مات على ايد مدرسه

و اللى هاجروا و غرقوا و مفتينا العظيم حكم عليهم بانهم مش شهداء
و كارثة بكين 2008
و اخيرا حادثة السنة بالنسبالى
الست و امها اللى اتخطفوا من الميكروباص قدام 11 واحد و مش هقول 11 راجل
و الست اغتصبت قدام امها و بنتها عشان ال11 واحد كانوا اجبن من انهم يدافعوا عنهم
المشكلة عندى مش فى الاغتصاب ولا العنف ضد الستات عموما لان ده بقى العادى خلاص
على قد ما هى فى السلبية الرهييييبة اللى بقت عند ناس كتير..و سلمولى على الشهامة المصرية!!

بيتهيألى اكتر سنة الناس جابت فيها اخرهم
فى احساس عام من عدم الامان مش بس للستات من اللى بيجرالهم فى الشوارع
الناس كلها بقت خايفة و وشوهم بقت تكئب اساسا

يا رب 2009 تبقى احسن لانه بصراحة مفيش اسوأ من كده

dr.lecter يقول...

انا ازاي نسيت حكايه اللي غرقوا دول


منك لله ياشيخه فكرتيني ليه بس ده انا حتي عامل بوست متفائل


حكايه الاغتصاب دي اول مره اسمع عنها والحمد لله كده مش هاخرج امي ولا اختي بعد كمده لوحدهم



كل سنه وانت طيبه

محمد فوزى يقول...

كل سنه هتيجي بحلوها ومرها المهم احنا نعرف نتعامل ازاي معاها , ازاي ننجح في اختباراتها , ممكن تبقى الدنيا سوده من حواليا بس انا عشان عامل اللي عليا ماشي في بقعة ضوء
ده مش انا يعني انا قصدي اللي !!

عموما 2008 لم تكن الأفضل
وان شاء الله 2009 احسن

تحياتي

dr.lecter يقول...

محمد فوزي نورت حضرتك

الازهرى يقول...

كل سنة وانت طيب
ودايما فى خير وسلام

انتهت 2008 وبدأت 2009 فهل سنسمح لها بالنصرام عنا دون ان ندون بفرشتنا ما نريده ان يكون شكلها اخر العام

تحياتى دوما

احساس لسه حى يقول...

عزيزى

قبل ما نتكلم على مواقف غيرنا

نشوف احنا بنعمل ايه وساكتين على ايه

مدونة قطة الصحراء

فى عز ضرب حماس وغزه

والشهداء اللى بتبكى عليهم

بتقول

يبقى حماس والاخوان والجهاد إلى اسفل السافلين

ربنا ينتقم من الحمساوية ومن الاخوان ومن الجهاد

طبعا مفيش اسرائيل ولا امريكا

انا بعتبرها سافله وخايبه وبقول

ربنا ينتقم منها بدم الشهداء

حضرتك بتخش عندها وشايفها ايه

وبلاش نتكلم عن حكامنا وضعفهم

لانكم اضعف من حكامكم بسكتكم وترحبكم بالقذره دى

مستنى رائيك

وموقفك الواضح والحاسم

التدويين راى وموقف

مش صحبة ولمه وتبادل زيارات

بالذات فى موضوع خطير كده
وبلاش تقولى ده راى
دى عمالة وخيانة وقذراة وزبالة

وشوفوا ده فى مصراوى
شاهد عيان: حماس لم تقتل الضابط المصري

http://www.masrawy.com/News/Egypt/Politics/2009/january/1/rafah.aspx

وده لينك الموضوع

http://mshmuwafk.blogspot.com/


انا شوفت تعليقك عندها

بس فيه ناس نحاورها

وناس نعارضها

وناس نهاجمها

وناس سافله لازم نشتمها
سلام

dr.lecter يقول...

احساس حي


عزيزي انا زي مابتفق مع قطه الصحراء بختلف معاها كتيير

هي متعصبه ضد التيتارات الاسلااميه السياسيه ولها وجهه نظرها ولازم احترمها

انا كنت مؤيد لحماس من 3 سنين ومن اشد المناصرين لها لاني كنت اتمني نجاح التجربه الاسلاميه في اي بلد عربي علشان نثبت للكل ان ممكن ننجح فعلا بغض النظر عن اللي بيششكوا في ده


لكن يوم بعد يوم بدات صرالعات وتصفيه حسابات وسفك دماء مابينم حماس وفتح علي السلطه

وده طمع الصهاينه فيهم اكتر واكتر وانشغلوا بمشاكلهم وماعملوش اي حساب للي عمالين يتفرجوا ويصقفوا بره


ودلوقتي اللي حصل ده كله ليه؟

علشان حماس ؟

اسرائيل عاوزه تصفي حماس لانها بتشكل خطر لها؟

يبقي حماس تمشي حقنا للدماء وتبتعد عن السياسه وتكتفي بدورها كحركه مقاومه اسلاميه فقط من وجهه نظري

مابطلبش منها انها توقف عن المقاومه

لكن تبتعد عن الحكم لان دههيسبب مذابح اكتر واكتر

وده كله حصل بسبب العناد ونشفان الدماغ وبس


انا عارف ان كلامي مش منطقي ومش مقبول

لكن رغم احترامي لدماء الشهداء والخراب اللي حصل


ارجو ان حماس تختفي عن الساحه مؤقتا



بالنسبه لحكايه اللمه والصحوبيهانا مش كده

انا بحب ادخل علشان اقرا البوستات ومعرفتي بها معرفه زماله وبس كمدونه باحرص علي متابعتها


ومش بارد في كل المواضييع لاني مابدخلش اصلا كل يوم وهي بتكتب كل يوم بوست ومابالحقش اتابعااللي فاتني


ومعلش مافيش داعي انك تهينها ولا تشتمها علي الاقل بلاش عندي هنا لانها في الاول والاخر ممكن تكون مصيببه وممكن تكون مخطئه


بالنسبه لتعليقي اظن انه كالن واضح

وقلت اللي عندي

ويمكن انت لاحظت اني الوحيد اللي ماكتبش عن اخداث غزه لاني شايف ان الكلام مش هيجيب فايده والناس كلها مختلفه الشيء الوحيد المتفقين عليه هم الشهداء اللي ماتوا


انا اكتفغيت باني تابعت كل المدونات اللي عن الموضوع وزي ماقلتلك احترمت وجهات نظر الجميع لكن رايي زي مانا قلتهعولك في الاول وبحتفظ به لنفسي

نورت حضرتك المدونه ومرحب لك باي استفسارات

احساس لسه حى يقول...

عزيزى

dr.lecter

موضوع انى اواجه قطه براى بعمله على طول بس ممنوع تعليقاتى تنزل عندها علشان بتوجعها

انا بسالك موقفك انت ايه

مش معقول نتكلم على الحكام ونطالبهم بموقف ايجابى

ومدونيين بيروحوا يعلقوا عند واحده تخصص هجوم على حماس وفلسطين

ليه مش بناخد مواقف حاسمه

ولا فالحيين بس فى الكلام

ومستخسرين الصحبه وتبادل الزيارات

انت رائيك ايه بوضوع مع اللى يقول تسقط حماس فى وقت زى ده وميجبش سيرة اسرائيل

رائيك بوضوح

انا راى قولته

رائيك انت ايه

وموضوع ان حماس تختفى وتبعد ده شئ يخص الفلسطنيين اةلا ومش معقةل نحدد ليهم اى طريق يسلكوه لتحرير ارضهم

واكيد اللى تكره اسرائيل نقف وراه

اما كلامى عن الصحبه واللمه

علشان مينفعش نبقى بوشين

وش يبكى على حماس وشهداءها

ووش يهاجمهم

واظن مش معقول تلاقى حد بيهاجم المقاومه والشهداء وميجبش سيرة الاحتلال والسفاحيين بكلمة

وتقولى عادى بتختلف وتتفق

ليه متخدش موقف واضح

ولا مش بيفرق عندك راى المدون واتجاهه حتى لو كان اتجاه مع الصهاينه وبدافع عنهم

وانت تتمنى حماس تختفى

وده شئ يخصك بينك وبين نفسك

بس لما تنادى بسقوط حماس

وتستغل مدونتك فى كده

فى وقت زى ده بالذات يبقى

مع جانب المحتل اللى عاوزهم يختفوا

وده انا سميته قذارة انت تسميه ايه

كلمة اخيرة

ممكن تخش لمدونة تشتم دينك وتتواصل معاها بدل المرة عشرة

اكيد هتاخد موقف منها

اللى يهاجم مقاوم وشهيد عندى زى النائب اللى عمل فليم عن الرسول
قذر وزبالة

امال امتى تاخد موقف من مدون لما يقول تسقط ايه اكتر من حماس وشهدائها


تحياتى



سلام

dr.lecter يقول...

موضوع انى اواجه قطه براى بعمله على طول بس ممنوع تعليقاتى تنزل عندها علشان بتوجعها

انا بسالك موقفك انت ايه

مش معقول نتكلم على الحكام ونطالبهم بموقف ايجابى

ومدونيين بيروحوا يعلقوا عند واحده تخصص هجوم على حماس وفلسطين

ليه مش بناخد مواقف حاسمه

ولا فالحيين بس فى الكلام

ومستخسرين الصحبه وتبادل الزيارات

انت رائيك ايه بوضوع مع اللى يقول تسقط حماس فى وقت زى ده وميجبش سيرة اسرائيل

رائيك بوضوح

انا راى قولته

رائيك انت ايه

وموضوع ان حماس تختفى وتبعد ده شئ يخص الفلسطنيين اةلا ومش معقةل نحدد ليهم اى طريق يسلكوه لتحرير ارضهم

واكيد اللى تكره اسرائيل نقف وراه

اما كلامى عن الصحبه واللمه

علشان مينفعش نبقى بوشين

وش يبكى على حماس وشهداءها

ووش يهاجمهم

واظن مش معقول تلاقى حد بيهاجم المقاومه والشهداء وميجبش سيرة الاحتلال والسفاحيين بكلمة

وتقولى عادى بتختلف وتتفق

ليه متخدش موقف واضح

ولا مش بيفرق عندك راى المدون واتجاهه حتى لو كان اتجاه مع الصهاينه وبدافع عنهم

وانت تتمنى حماس تختفى

وده شئ يخصك بينك وبين نفسك

بس لما تنادى بسقوط حماس

وتستغل مدونتك فى كده

فى وقت زى ده بالذات يبقى

مع جانب المحتل اللى عاوزهم يختفوا

وده انا سميته قذارة انت تسميه ايه

كلمة اخيرة

ممكن تخش لمدونة تشتم دينك وتتواصل معاها بدل المرة عشرة

اكيد هتاخد موقف منها

اللى يهاجم مقاوم وشهيد عندى زى النائب اللى عمل فليم عن الرسول
قذر وزبالة

امال امتى تاخد موقف من مدون لما يقول تسقط ايه اكتر من حماس وشهدائها


تحياتى



بالنسبه رايي عن سقوط حماس

مالوش لازمه لاني لا انا ولا انت ولا اي حد له الحق انه يطالب بده

الشعب الفلسطيني بس هو اللي يقول كده


رايي مش هيجيب لورا ولا لدام

لو الشعب عاوز حماس يبقي يتحمل اللي بيحصل

لكن لو الشعب مش عاوزهم يبقي لازم حماس تمشي


بالنسبه لحكايه انها ماجابتش سيبره عن اسرائيل انا شايفها عادي

هي موجهه كل غضبها ناحيه حماس وزي ماقلتلك هي متعصبه ضد الاخوان وضد حماس

انا قلتلك ده ومش باجاملها ولا حاجه وقلتلها ده قبل كده هي حره

هي ماشتمتش الاسلام ولا اهانت الدين علشان تقول الكلام ده كله

واظن زي مانت حر انك تشتمها وتقول عليها ده هي حره برده انها تعمل اللي هي عاوزاه طالما انت اديت لنفسك الحق انك تحكم عليها بالشكل ده


ماظنش ان اتجاهها مع الصهاينه وحتي لو اتجاهها معاه هتعمل ايه

؟ اخرك هتهاجمهها وتعمل حمله لمقاطعه مدونتها ده اساسا لو هي فعلا كده وانا اصلا مستبعد ده اساسا




بالنسبه لحكايه وشين


لا فيه فرق

حماس حركه سياسيه وتيار

لكن اللي ماتوا دول هم ضحايا عناد حماس حتي لو كانوا من اهل حماس ومن الناس بتوعها

الناس اللي ماتت ماتت وذنبها في رقبه قاده حماس الللي اتسببوا في تدهور الوضع بالشكل ده

شباب حماس اللي ماتوا ماتوا علشان قادتهم وصلوا غزه للوضع ده


فيه فرق بين البشر اللي بنعيط عليهم وفرق بين موقفي تجاه سياسه حماس


اما بالنسبه للصحبه تاني مره قلت لك علاقتي بها بسيطه وياريت تراجع كلامي لاانك يظهر انك مابتاخدش بالك من الكلام ومش مركز معايا


هدي نفسك بس وصدقني كلها يومين والناس كلها هتنسي غزه واللي حصل

احنا بس موجوعين ومتالمين لكن كعاده المصريين هينسوا كل حاجه

ده احنا نسينا اهلنا وناسنا اللي ماتوا بسبب النظام المصري

سمكه واحده يقول...

عايزه اقلك بوست وهمي بجد تحفه
اهو هو ده الكلام بس بجد لازم يكون عندنا امل كبير هنعمل ايه ياريت مش زي منتا بتقول يومين وننسي لا بجد لازم نفوق انا زيك بكره كل الوزارات والتعليم وكله بس لازم بجد نغير من نفسنا وان شاء الله ان كان في العمر بقيه اجي واشوفك اخر سنه 2009 بتكتب عن حجات احنا بنفسنا حققناها وتبقي صوره مختلفه ل2009 والناس متقلش بقي الكلمه الشهيره اللي بقت عاديه وكل الطبقات بتقولها ربنا يسترها معاه عم دبور بقي الشعار المصري المميز ذو الطابع والمذاق الخاص
تحياتي وبجد كلامك جميل وبوست روعه
وشكرا علي الزياره الجميله دي

واحد من زمن الرسالات يقول...

اخيرا اكتشفت مدونتك بس بجد جميلة
انا كنت موجود يوم الاربعاء في المظاهرة
ان شاء الله اتابع مدونتك

enjy يقول...

انت قلت اللى فيها.......الله ينور

dr.lecter يقول...

سمكه واحده

يسمع من بقك ربنا انا متفائل رغم الكوارث اللي عمالع ترف علينا

مش بيقولوا كل ليل وله اخر؟

dr.lecter يقول...

زمنالرسالات

بمشهندس احمد

ايه ياعم انت كنت فيين ده كله

انا معرفتش اروح المظاهره لاني خلصت متاخر للاسف والطريق كان واقف والاخ حبيب العادلي كان عامل بعبع للناس يومها

تتعوض المره الجايه

dr.lecter يقول...

انجي

نورت حضرتك وان شالله ضيفه دايما عندنا

will يقول...

p情趣用品,情趣,A片,AIO,AV,AV女優,A漫,免費A片,AIO交友愛情館,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,情色論壇,色情影片,微風成人,嘟嘟成人網,成人,18成人,成人影城,成人圖片區,成人圖片,成人貼圖,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,視訊聊天室,視訊聊天

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,情趣商品,A片,AIO交友愛情館,AIOAV女優,AV,A漫,免費A片,本土自拍,自拍,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,色情影片,情色網,色情網站,微風成人區,微風成人,嘟嘟成人網,成人,18成人,成人影城,成人圖片區,成人圖片,成人貼圖,成人文章,成人小說,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,中部人聊天室,080苗栗人聊天室,苗栗人聊天室,免費視訊聊天,免費視訊,視訊聊天室,視訊聊天

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,AIO交友愛情館,一葉情貼圖片區,情色論壇,色情影片,色情網站,微風成人區,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,A片,AV女優,AV,A漫,免費A片,自拍,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,080苗栗人聊天室

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,做愛,寄情築園小遊戲,色情遊戲,AIO交友愛情館,AIO,色情影片,情色網,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,成人電影,麗的色遊戲,自拍,A片,AV女優,AV,A漫,視訊交友網,視訊,視訊交友,免費視訊聊天室,免費視訊,視訊聊天,視訊聊天室,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園