الخميس، 5 فبراير 2009

baaaaaaaaaaaack










عدنا بعد تعسيله مؤقته ولااستكمال باقي امتحاناتي اللي هتقعد شهر اضافي وللكفاح مره اخري في العيشه الفل بتاعتنا والعوده للعمل في صفوف وزاره الصحه بعد فتره من الاستجمام في المانيا مع الرفيق توم كروز ومحاولتنا لعمل انقلاب ضد الطاغيه هتلر عن طريق عمليه فالكيري





واخذ راحه من القتال في غرب اوروبا مع قوات الحلفاء في تدمير النازيين في لعبه call of duty


الجامده مووت


وبعد ان تخرج محمد صاحبي من كليه ظباط احتياط والتحق بالخدمه في احد المواقع الامنيه الخطيره المريبه واصبح الواحد علشان يكلمه لازم يتعمل له سين وجيم وياخد معاد ويتم التقصي عن فضله واصله قال يعني الوااد بقي ابو فله السكري
( ماحدش قدك ياواااد بقيت من بتوع السلطه ههههههههه)

وبعد ان تم تاجيل سفري للاسكندريه



نبتدي البوست المجيد











ان تذهب لمعرض الكتاب




حد عاقل يروح المعرض يوم مامصر كلها تاخد اجازه من الدراسه والاهالي يروحوا من منطلق مافيش حته نفسح فيها العيال فتاعالوا نوديهم المعرض
يوم الجمعه 30 يناير




ولا اتنين مخطووبين عاوزين يقعدوا يحبوا لي في بعض هناك ولا واحد رايح يقابل الجو بتاعه او واحده رايحه تجيب شويه جرايد قديمه من سور الازبكيه علشان تفرش عليها الاكل

ولا اللي رايحين رحله ويتفرجوا وبس
( مع ان الفرجه مش حرام بس لما تبقي رايح وعمال تضحك علي شكل الكتب ولا بتتريق علي العناوين او المؤلفين يبقي ياريت تقعد في بيتكم احسن ياعم المثقف)

بس السنه دي كانت اوفر فعلا

رحت مع احمد ابن عمتي وعلشان نعرف نركن العربيه طلع ترابيتتنا بجد وطلع تيتتنا وستنا وابونا وامنا وكل ال ال ال ال بالي بالك ياعم البيه

زحمه رهيبه

بقيت حاسس اني مااشي في سوق العبور ولا شارع رمسسيس
ايه البشر دول كلهم
معقوله بقينا مثقفين للدرجه دي؟
معرض الكتاب هو فرصه للمه وتضييع كام ساعه وتشوف مصر بكل انواعهم
طبعا معظم الناس عارفه انا بتكلم عن ايه وياما راحوا المعرض وجربوا زيي كده





بس المره دي اخنقت فعلا اكتر من اي سنه تانيه بالاضافه ان لغايه يوم 1 فبراير مكانش فيه اي كتب تستحق انك تجيبها للاسف باستنناء بعض الكتب ومعظمها قديم كمان











ويمكن وانا باكتب السطور دي يكون كتاب دكتور جلال امين نزل بتاع مصر في عهد مبارك اللي هاجيبه بكل تاكيد

بالاضافه لاعجابي ببعض دور العرض المميزه مثل دار عرض الجامعه الامريكيه المليانه كتب قيمه فعلا ومترجمه للادباء والمفكرين المصريين والعرب

ودار عرض مكتبه الشروق المنظمه جدا والدقيقه

ودار عرض ميريت والدار المصريه اللبنانيه وبعض القله القليله








وللاسف بعد مكان سور الازبكيه المكان المفضل لي لاقتناء الكتب القديمه النادره اصبح مكان فوضوي جدا وغير محتمل والناس هناك بتتعامل مع الكتب كانها لحمه والكتب بتتهان فعلا اهانه لدرجه ان كان فيه روايه لفيكتور هوجو مرميه علي الارض والناس عماله تدوس عليها كانها فار وعمالين يدوروا علي علم الابراج وكيف تقتنين غريسا ياسيدتي والباقي بيدور علي كتب سلاح التلميذ القديمه او مجلات اجنبيه فيه صور مايوهات او كتب طبيخ

حاجه زي الفل اوي

ياخسارتك ياسور الازبكيه كنت كنزي الفريد











طبعا دخت جدا يومها وماجبتش حاجه من هناك الا كتاب قديم لعلاء الاسواني وكتاب دوله الفيس بوك الجديد






روحت علي عمتي وانا مكتئب شويه لاني كنت بدور علي كتابين كده والوقت مااسعفنيش اني الاقيهم ولازم يوم كامل علشان ده بس اللي خفف من معاناتي حبتين اني طلعت بعدها علي مكتبه ديوان وجبت حبه حلوين كده اقعد لي 3 اشهر اقرا فيهم عما اقرر انزل قبل نهايه المعرض ولا لا؟ واجرب حظي تاني؟















يوم الاربعاء 4 فبراير 2009

خلصت محاضرتي علي 12 كده لقيت نفسي زهقان مش عاوز اروح
قلت ادخل سينما واروق نفسي مع الاخ جيم كاري
علي الساعه 2 كده قباري كلمني قاللي انا في المعرض
قلتله ساعه وابقي عندك
وطلع تيتي علشان اطلع من مكرم عبيد لغايه ارض المعارض علشان سواق التاكس النبيه راح مخرم علي مصر الجديده معرفش لييه وزنق نفسه زنقه مايعلم بها الا ربنا في وقت الذروه

المهم اتقابلنا ادام دار الشروق ولفينا المعرض وورمنا بجد بس كله كووم وحفله التوقيع بتاعه دكتور جلال امين ودكتور احمد خالد توفيق دي كوم تانني في دار ميريت
بجد كنت هاطير من الفرحه علشان شفت الاتنين دوول


وبعد ماجبنا اللي احنا عاوزينه طلعنا علي رمسيس واحنا مش شايفين ادامنا من كتر التعب وكل واحد كت علي الساعه 9 كده بس كان يووم جامد بصراحه عوض لي يوم الجمعه اللي فات















ان تكون عاشقا لديستوفيكسي














حدوتتي معاه من سنه كام؟
امممممممم بيتهيالي 2001
او يمكن دي دايه حدوتتي مع الادب الروسي عامه
معرفش هل انا كنت مرتب قبلها اني اتوغل في الادب الروسي ولا جت بظروفها كده مره واحده ولا ايه الحوار؟
ماتفهمش السبب





بس اللي فاكره ان اول حاجه قريتها للروس كانت ددكتور زيفاجو ومن وقتها وقعت زي العاشق في اجواء روسيا في القرن التاسه عشر ومنتصف القرن العشرين

الروس عامه واقعيين جدا يمكن اكتر من الانجليز والمصريين في الادب بتاعهم
تحس كده بانهم اختبروا الحياه اكتر من اي شعب تااني

وخاصه عندما نروح لاخينا
فيدودور ديستوفيسكي
بدايتي معاه كانت الجريمه والعقاب

اللي باختصار اعظم روايه قريتها في حياتي واللي بتعتبر تحفه الادب العالمي
ديستوفيسكي مش هاعرف اتكلم عنه لانه محتاج كتب عديده لكن باختصار ماحدش عرف يوصف النفس البشريه بكل عقدها وتوجهاتها وفطرتها ودوافعها ومعتقداتها زي ماعمل الاخ ديستوفيكسي









ده اللي تقدر تقول عليه قرب وشاف كويس زي مالامريكان بيقولوا
ديستوفيكسي ادبه عذب جدا وقاسي وانساني لاقصي ماتتخيل
بيغوص في البشر ويحللهم ادامك ويخلي شخصيات رواياته اقرب لك في حياتك ويمكن تلاقي نفسك فعلا قريب جدا من واحد من الشخصيات دي بشكل مخيف

من وقتها وجالي سعاار ديكي واتهبلت وبقيت اجري ورا اي عنوان له
الا ان قريت بالصدفه كلام لدكتور سيجموند فرويد المحلل النفسي الشهير المجنون بيقول ان اعظم روايه في التاريخ هي الاخوه كارامازوف
الكلام ده كان في 2003
من 2003 لغايه يناير 2008 كنت بدور في كل حته عن الروايه دي وخاصه اللي بتطلع من دار نشر رادوغا الروسيه واللي بمتاز بترجمتها الرائعه والطبعه الفاخره
مافيش حته في مصر ماسبتهاش الا وقلبت الدنيت عليها لدرجه اني فكرت اراسل العنوان في روسيا واطلب انهم يبعتوا لي النسخه رغم انها قديمه جدا
وللاسف مالقيتهاش برده واضطريت بعد استسلامي اني اتواضع واجيب نسخه تانيه صدرت عن دار نشر لبنانيه علي جزئين كانت حلوه بس مااظنش انها هتبقي في جمال النسخه الاصليه اللي عدد صفحاتها 1200 صفحه

يمكن بعد ماجبت الروايه دي لقيت نفسي بقول كده مبقاش ليا حافز بعد كده اني انزل المعرض بس طلعت غلطان












كان برده النهارده حفله توقيع ل3 مدونات شباب في دار الشروق ل 3 بنات ويظهر كده والله اعلم ان البنات قادماااااااااااااااااااااااااااااااااااااااااات
مكتسحين في كل حته الله اكبر يعني خمسه وخميسه في عينك يانفيسه






دوله الفيس بوك

مجموعه من الشباب المدونين المعروفين زي الزميله قطه الصحراء اصدروا عملا يستحق القاراءه واللي باعتبره رحله في دهاليز جروبات الفيس بوك العربيه والمصريه ونظره علي افكار هوؤلاء الشباب اللي بيياسسوا الجروبات واللي بتعبر عن احلامهم وافكارهم وعن شباب اليومين دول وعن الجروبات الهامه فعلا والتافهه فعلا فعلا فعلا














ساديزم

المدون محمد الغزالي اصدر مجموعه قصصييه بتحمل اسم ساديزم قريت اول واحده فيهم جالي حول في دماغي بس حبيتها في الاخر
لسه هاكملها















روايه عزازيل

اكتر روايه عملت ضجه السنه اللي فاتت وثيقه تاريخيه مترجمه من راهب عن الصراع بين الطوائف المسيحيه والمهازل اللي ارتكبها رجال الدين والكنيسه في القرون الاولي بعد انتشار المسيحيه بشكل روائي رهيب عن احداث حقيقيه
















فيرتيجو

صدرت السنه اللي فاتت عن دار نشر ميريت
في يناير 2008
طلع منها 3 طبعات لغايه دلوقتي
اللي هيقراها هيصعق من جراتها السياسيه وتنبؤها لاحداث فعلا حصلت في نهايه 2008
بالاضافه للرموز الجريئه للشخصيات العامه

زي شخصيه هشام فتحي وعمرو حامد وخالد عسكر والباشا الكبير وولاده
ده كله في سياق مثير وممتع يمكن المؤلف احمد مراد حاول يقلد علاء الاسواني في عماره يعقوبيان وفعلا تحس ان فيهم شبه باستثناء ان فيرتيجو مافيهاش محتوي جنسي زي ماحصل في يعقوبيان

الروايه بترصد كل المتغيرات في مصر في القرن الواحد والعشرين في المجتمع والاخلاق
يمكن اكتر جزء جابلي غيظ وكنت هاولع في الروايه الخاص بموقف البطل لما استوقفه 3 ظباط شرطه مع حبيبته واحرجوهم بشكل سخيف








والجزء الخاص بقبضه النظام الخانقه علي حريه الصحافه








مصر والمصريين في عهد مبارك
عن دار ميريت
دكتور جلال امين

كتاب هام جدا وخطيير ماقريتش منه الا 30 صفحه بس لكن فعلا وثيقه هامه

مقارنه بين احوال المصريين في عهد ناصر والسادات ومبارك
وطبعا مافيش داعي للتخمين مين هو الانيل؟
من غير قله ادب ابراهيم عيسي ولا تجاوزات مجرد سرد لحقائق تؤكد ان حالنا ماتصلحش فعلا في عهد مبارك






ولا انا غلطااان؟؟؟؟؟؟؟؟؟؟؟؟؟؟؟




هناك 47 تعليقًا:

Fatma يقول...

ههههههههههههههههههه

خليني احكيلك عن رحلتي لمعرض الكتاب يوم الخميس اللي فات

عملت لسته طويلة ورحت المعرض ماجبتش غير كتاب واحد من اللستة والباقي مالاقتوش !

بس جبت كتب تانية اعتقد انها ظريفة قريت منها لحد دلوقتي 2 مش بطالين

زحمة مريعةوناس عجيبة كان عندي احساس ان انا فرجة المعرض للاسف

اظرف لقطة اني كنت بدور على كتاب جابرييل جارسيا ماركيز اسمه ( مذكرات عاهراتي الحزانى ) طبعا لك ان تتخيل رد فعل اي حد سألته على اسم الكتاب !
كأني بسأل على فيلم اباحي مش رواية عالمية !
ومالاقتوش في الاخر الحمد لله

بالنسبة لسور الازبكيةكنا بنتعاكس كأننا في حارة بلبل مش في معرض كتاب خالص
وللاسف بالرغم من كم الكتب الرهيب الا اني ماعرفتش اشتري حاجة من سور الازبكية بسبب الناس !

انا اول مرةاروح معرض الكتاب ..بالرغم من كل السلبيات الا انها كانت تجربة جديدة عليا استمتعت بيها

هو انت قريت عزازيل ؟ اصل انا جبتها بس لسه ماقريتهاش ومش عارفه مالي مش متحمسة ليها خالص عايزة حد يشجعني

احلى كتابين جبتهم angels and damons
بتاع دان براون
وكتاب the wisdom of forgiveness

بتاع الديلاي لاما

كلما تقرا كتاب بقى ابقى حطلنا الملخص :)

Here i'm يقول...

هع هع هع ..

انا بقى أشتريت مجموعة كتب ..

كتاب ماذا حدث للمصريين .. جلال أمين

يوتوبيا .. أحمد خالد توفيق للمرة التانية :D

How to Sell Anything to Anybody .. Joe Girard .. نسخة عربية ..


Cost-accounting .. English for accounting .. discover English

قعدنا ندور ساعة على رواية مصر دى مش أمى دى مرات أبويا بتاعة أسامة غريب ..
قعدنا ساعة فى مكان واحد بس فى سور الأزبكية :D

ولا كله كوم و AUC دى كانت كوووووووم .. :D
بس كان يوم جامد يا دوكى و الله

El - Shandwely يقول...
أزال المؤلف هذا التعليق.
El - Shandwely يقول...

مصر مش امى دى مرات ابويا كنت هتلاقيها فى مكتبة مدبولى يا كبارى .. فى اول المعرض :)

لو حسيت انه هيفيد .. هاجى تانى واتكلم عنا الكتب اللى جبتها .. واللى كنت عاز اجيبه

وابوس ايدك شيل تاكيد الكلمة اللى يشل ده

واحد من زمن الرسالات يقول...

السنة دي انا ماشترتش ولا كتاب لان المعرض افلس خلاص
كل اللي جبته لوحات فنية بس بجد جميلة
اجمل حاجة ان كيس الليون اللي بتلاته جنيه عليه كيس هدية
رواية الجريمة والعقاب اللي اتعملت فيلم سونيا والمجنون هي فعلا اشهر رواية لدستيوفسكي انا عندي جميع اعماله بس علي الكمبيوتر بي دي اف لو عاوزها ممكن ابعتها لك

Fatma يقول...

كوبري

انا جبت مصر دي مش امي دي مراة ابويا هقراه وابقى اقولك ولو اني مش حاسة بالابداع فيه بصراحة

الرابطة وبناء الأمة يقول...

السلام عليكم ورحمة الله وبركاته
نتقدم بدعوي لك أخي ( أختي ) المدون بمناقشة
محاكمة عادلة
مبارك بين التأييد والرفض
ملف يناقش ويحلل ويضع الحلول
رائيك يهمنا جدا
مع خالص تحياتنا الكتيبة السياسية

leeno يقول...

برغم الورايات اللي بتكتبوها عن المعرض الا انكم خلتوني ابقى عايزة اروح

للاسف معرض الكتاب هنا هزيل

و انا بجد اول مرة اعرف يا دكتور انك بتحب القراءة كدة

زماااااااااان كنت من مدمنين ديستوفسكي

لكن دلوقتي لا

Yasmine يقول...

كان نفسي اروح اوى على فكرة..مش كنتوا خدتونى معاكم :D
انا عمرى ما رحت معرض الكتاب و البركة فى الديوان و دلوقتى الشروق و فيرجن فى سيتى ستارز
و بعد اللى فاطمة قالتهولى عن اللى حصلها هناك تراجعت عن الفكرة تماما..كفاية اللى بنشوفه فى الشوارع مش ناقصة كمان اتبهدل فى اخر الدنيا

و بعدين يا بنتى مش اتفقنا ما تقوليش اسم الكتاب ده قدام حد؟:D

مصر مش امى ده فى فيرجن سيتى ستارز على فكرة من زمان
بس الكتاب اللى لازم يتقرى بجد ربع جرام..انا عمالة اعمله دعاية كان عمرو يوسف ده جوز اختى مثلا..بس حقيقي قصة واقعية جدا عن الادمان و المدمنين

و حاليا انا بقرا اولاد حارتنا و مبهورة بالفكرة و الرموز مع انى لسه ما كملتش 50 صفحة..يا خوفى لا حد ييجى يكفرنى هنا :D

اللى قرا عزازيل دى بقى يبقى يقولى ايه نظامها..انا قريت مقالات حمدى رزق عنها لو كانت حلوة قولولى عشان ابقى اجيبها

Yasmine يقول...

نسيت اقول انى مش بكره فى حياتى قد جلال امين لاسباب خاصة بيا و لما شفت صورته اتعصبت جدا ده مش كاتب ده بالكتير ينفع يردح مع خالتى فرنسا فى الافراح و المناسبات

الازهرى يقول...

انا بقى اشتريت كتب كتيييييييير جدا من المعرض السنة دى
يعنى مممسوعة قصة الحضارة للمرة التانية بعد الاستيلاء على الموجودة عندى وكمان كملت موسوعة تاريخ العالم لتوينبى الى جانب عشرات الكتب الاخرى

لكن بجد المعرض فى تنظيمه انا باعتبره الاسواء منذ سنوان عديده

تحياتى دوما

mUsLiM يقول...

هههههههههههههههههههههههههه

ههههههههههههههههههههههه

تعجبنى يا محمد وانت بتتصور ومبتسم

واحشنى يابنى والله

ههههههههههههههه

والله لو كنت فى مصر كنت جيتلكم

الحمد لله على كل حال

لا وقبارى

اللى بيميل علشان يتصور

ههههههههههههههههههههههههههه

ههههههههههههههههه

مش عارف بضك ليه بصراحه

بس والله هو واحشنى من زمان

هو اه انا نفسى أحدفه بزلطه

لكن معلش واحشنى برده

بتميل ليه يلا وانت بتتصور

ههههههه

هو يابنى اللى يميل علشان يتصور معاك

هو يطول اصلا يتصور مع كبارى باشا كبارى كبير أعيان كبرات اسكندريه

يلا ياعم ظبطك

ويارب تكون انبسطم

السلام عليكم

dr.lecter يقول...

فنون

ههههههه طيب الحمد لله ان مكانش فيه رقابه علي الكتب يحسن ياخدوكي بتهمه نشر الفجور الروايه دي مشهوره جدا كانت موجوده في جناج الجامعه الامريكيه اول قاعه وانت داخله من المعرض



سور الازبكيه كنز فريد بجد بس عاوز يوم كامل من صباحيه ربنا علشان تعرفي تجيبي اللي انت عايزاه بس عاوز شويه تنظيم بجد

روايه ملائكه وشياطين روايه تحفه بجد وهميه قعدت فيها 3 ايام بس ظبطتني بجد السنه اللي فاتت جبتها ب 20 جنيه بس مع انها بتتباع في اي مكتبه ب 50 علي مااظن

dr.lecter يقول...

كباري

اه يابني والله كان يووم مووز بجد رغم اننا لفينا الكره الارضيه علشان مصر مش امي ولا اللي حصل في الجامعه الامريكيه مع نسخه القران الامريكيه مسخره بجد انا حسيت اننا هنعمل ازمه دبلوماسيه بسبب النسخه دي

لازم نكررها ياواااد بجد

dr.lecter يقول...

مصطفي

دورنا عليها والله قالنا خلصت كان يظهر فيه هجوم رهيب عليها

عرضت عليه والله نجيبها من سيتي ستارز متلقحه هناك بس هو كسل وقال هاجيبها من الكس وخلاص

dr.lecter يقول...

واحد من زمن الرسالات

ياعم احمد مش قولتلك لو نازي تنزل تاني ابقي كلمني؟

والله كنت عاوز اقابلك وننزل نتفسح مع بعض

لا ياعم مابحبش اقرا حاجه علي الكمبيوتر بحبها هارد كوبي ورق يعني علشان انا مش ناقص نظري يروح اكتر من كده

dr.lecter يقول...

بناء الامه

حاضر بس ياريت بس مايطلعش مقلب من وزاره الداخليه واروح في ابو حديد هاطل عليكم كده واشوف

dr.lecter يقول...

لينو

يستتهل والله انك تروحي اهو تجربه علي راي فنون بس لازم يكون معاكي حد علشان ماتتوهيش بجد

انا فعلا دوده قرايه تاني هوايه ليا بعد السينما بجد وخاصه اخونا ديستوفيكسي رقم واحد بالنسبه لي

dr.lecter يقول...

فله

هههه انا فعلا نص الكتب جايبها من ديوان في مصر الجديده بس برده المعرض فيه حاجات حلوه بجد ممكن متلاقيهاش في فيرجن ولا دار الشروق خصوصا الادب الروسي

ربع جرام جبتها من ديوان الاسبوع اللي فات بس هاقراها بعد ماخلص امتحانات علشان دي عاوزه اسبوع كامل لوحدها دي اتسببت في قطع شنطتي للاسف من تقلها هي والحاجات التانيه

جلال امين بانصحك تعيدي النظر فيه هو مؤرخ مهم جدا اسالي كوبري عن الكتاب اللي جابه انا قريت نصه علي القهوه كتاب فعلا يستاهل

انا شايفه حيادي وبيعرف يمشي علي الخطوط الحممراء والكتاب الجديد ده توقعي الضجه اللي هتحصل بسببه علي ضمانتي


عزازيل لسه ماقريتهاش جبتها برده من فيرجن بس هي تقيله لانها كلها وقائع تاريخهيه حقيقيه عاوزه كده قعده لوحدها

dr.lecter يقول...

الازهري

موسوعه الحضاره كل سنه اقول هاجيبها من سور الازبكيه بس مشكلتها انها 12 جزء علي مااتذكر فدي حكايه لوحدها

الكل كلمني عن اهميتها وخاصه الجزء الخاص بمصر

نورت ياباشا

dr.lecter يقول...

مصعب
ده احمد خاالد ساله انت اسمك ايه قاله عليه قاله ده انت بقي من الكس

شوفت ياخويا الوااد طلع مشهور اوي بس عامل لنا متواضع هههههههه

ليك وحشه يابو مصعب ولنا لقاء قريب باذن الله خد بالك من نفسك

Unknown يقول...

انا دماغى لفت على فكرة....انا بنبسط لما الاقى حد مثقف كدة وفاهم..الله ينور عليك بجد

مواطن مصري يقول...

انا داخل اقلك يا بختك عشان شفت استاذنا احمد خالد توفيق مسئلتوش عن فلم رفعت اسماعيل ولا لاء انا سمعت انهم هيعملو حلقات منسية فلم؟؟

dr.lecter يقول...

انجي

الله يخليك ده من زوقك بجد

dr.lecter يقول...

مواطن مصري

سالته ياعمنا قال هنعملها مسلسل حلقات منفصله كده وده الافضل من وجهه نظره بس ايه راجل متواضع جدا وزووق ياربي انا مش مصدق اني قابلته اخيرا عقبالك كده

أنا حر يقول...

معرض الكتاب بقى معرض لكل شيء الا الكتاب
تحياتي

غير معرف يقول...

السلام عليكم دكتورنا الغالى

على فكرة قبل لما اكتب الكومنت كنت هامشى لانى بجد باتخنق من البتاع اللى تحت ده ايوه الحروف التأكيدية دى
بس طبعا لانى غلس وغتيت ده اولا كمان ده انا مش باكومنت عند أى حد

فطبعا لازم اتنازل واكومنت غصب عنى ولو جيت تانى ولقيت البتاعة دى موجودة هاكومنت برده هاعمل ايه دكاترة السنان بقى وانا عارفهم

المهم يا باشا اليوم شكله كان جامد جداا والحمد لله انك قابلت حبة الناس اللى زى الفل دول ...يا بختك يا سيدى

المهم بقى انت حضرتك خريج عندنا واللا ايه ؟؟كمات حضرتك بتتمتحن ماستر واللا ايه؟؟معلش فضول بقى هنعمل ايه!!

تشرفت بمعرفتك وبزيارتك لى والله يا دكتوور وتشرفت جداااااا بمدونتك العالية ودمت بكل خير ويلا سلام

dr.lecter يقول...

انا حر

اتفق معاك بشده

dr.lecter يقول...

جمعاووي

اه ياعم انا بحضر ماستر اندو عندكم في القصر العيني وطالع تراباتتيتي ربنا يتتممها علي خيير

لا انا متخرج من جامعه تانيه بس شاء القدر اروح عندكم

لنا زيارات متعدده باذن الله

Desert cat يقول...

انا رحته السنة اللى فاتت يوم ثلاثاء ويوم جمعه
الحقيقة الجمعه اللى رحته فيها ده ندمت فيه اخر ندم ولحد النهارده وبكره ولاخر يوم فى حياتى هفضل اندم عليه ... لأنه كان يوم سيئ جدا للغاية من حيث الزحمة ومن حيث كل اللى حكيت عنه بالإضافة لحاجات تانية لا مجال لذكرها الان ... انما يوم الثلاثاء اللى رحته فيه كان يوم رائع يعنى لا وجه للمقارنة اولاً كان صحبتى وقتها صديقتى الانتيخ نهى ودى لوحدها الخروج معاها متعه ما بعده متعه .. كمان من الزحمة كانت لا تذكر .. فى 2009 رحته يوم توقيع الفيسبوك وللاسف مش لحقت الف فيه كتير لاى وصلت متاخر اصلا وبعدها كان عندى تايم فى السراج مول فكان لازم اهرب بسرعه ..
بشكرك جدا على اقتنائك كتاب دولة الفيسبوك وحقيقى كنا هنتشرف اكتر بحضرتك لو كنت شرفت يوم التوقيع لكن يلا تتعوض فى مناسبة تانية مقدرين ظروفك يا فندم

مودتى واحترامى

Desert cat يقول...

عجبنى اوى رد احمد ( انا حر ) فعلا معبر للغايه

Here i'm يقول...

أنت عارف يا مصعب من تواضع لله رفعه .. و بعدين أحمدتوفيق من تلاميذى :D

فنون .. مصر مش أمى دى أنا بموت فيها اساسا .. الغلاف معبر بدرجة رهيبة :D .. أنا برضه مستغرب أن أسامة ممكن يكتب حاجة حلوة .. اقريها و قوليلى ..

لاكتر .. كان يوم موز موز موز فعلا .. فكرنى بعد كده أجيلك و انا نايم كويس علشان مسبكشى فى القهوة :D


فلة .. قوليلى عقدتك من جلال أمين يمكن أغير رأيى .. و إن كنت واثق انها أسباب شخصية بحتة ..

م/ الحسيني لزومي يقول...

اقرأ نص اتفاقية منع تهريب السلاح لغزة
وادعوا الله ان يثبت مصر في عدم التوقيع عليها

مواطن مصري يقول...

هممم بس انا كنت افضل على انها تكون فلم و يتعمل الجاثوم اول فلم رعب مصري في سينما مصرية


بس كدة عبد العزيز مخيون هيعمل دور رفعت


اصل مفيش غير عبد العزيز مخيون و هاني سلامة و هشام سليم

dr.lecter يقول...

قطه الصحراء


الله يخليك يافندم والله انا كنت متحمس جدا علشان اروح لكن اللي حصل بقي الكتاب الجاي باذن الله ولو هتتعمل حفله تانيه للتوقيع ابقي ادونا خبر

dr.lecter يقول...

كوبري


فاكر لما قعدنا ندور علي صوره الرقاصه علشان نلاقي الكتاب ههههههه

اه ياخويا ابقي اعملها كده المره الجايه اعمل حسابك فيه اكل غصب عنك

dr.lecter يقول...

م الحسيني

قريناها يافندم للاسف وعرفنا اللي فيها

dr.lecter يقول...

مواطن مصري

والله مش عارف مين الممثل بس هو ترشيحتك مناسبه فعلا بس يبتدوا الاول الانتاج

رابطة هويتي اسلامية يقول...

الحجاب حقيقة ثابتة أم مجال للتفكير

من باب تناول جميع الأراء وفتح باب النقاش كان لابد أن نتبني في رابطتنا هذا النقاش الذي سوف يجعل من النقاش مرجع للجميع للوصول إلي الحقيقة التي يعرفها البعض وتخفي علي البعض ويحاول البعض تجنبها.
ومن هنا تبنت الرابطة أن تكون هي حجة علي من يدور بينهم النقاش علي صفحاتها.
نفجر الجديد دائما حوارنا اليوم
الحجاب حقيقة ثابتة أم مجال للتفكير
وفيها ننقاش بعض المدونات التي أعلنتها صراحة رفضها للحجاب وحوارنا اليوم موجه إلي مدونة " مذكرات ثائرة ".
ندعوكم للمشاركة في هذا الحوار المفيد
تقبلوا دعوتنا ننتظركم لنستفاد منكم
رابطة هويتي إسلامية

!!! عارفة ... مش عارف ليه يقول...

يا عم جزاك الله كل خير

أنت طلع عينك في المعرض

واحنا روحنا اهو واحنا قاعدين في مطارحنا ـ حلوة مطارحنا دي ـ بس البركة في الحجار جايه من عنده والفضل لازم ننسبه لأصحابه

وبعد الجولة المكانية في المعرض أخدتنا

لجولة زمانيه في تاريخ الادب الروسي


شكراً جزيلاً على الرحلة اللطيفة دي
حسيت كأني بشوف

الدنيا على جناح يمامة :)

تحياتي
وليد

الرابطة وبناء الأمة يقول...

السلام عليكم ورحمة الله وبركاته
دعوة
أخي يا من رفضت سياسة مبارك عليك أن تكمل معنا الطريق حتي لا تكون دعواك دعوة إفتراء دون إثبات
دعوي مرفوعة ضد مبارك بنص ".........................."
أول جلسة
نتمني منك أخي المدون الحضور للجلسة
مع تحياتنا لك بالتوفيق
الكتيبة السياسية

احمد سعيد يقول...

الله ينور عليك بجد
انت قولت اللى كان على لسانى
بصرحه من اول مرة روحت فيها المعرض سنه2001 ونا بشد فى شعرى من الناس اللى بتروح تجيب كتب الابراج ولا طبق اليوم ولا اسرار البكلويز الجنسى ليله الدخله
واللى رايح يفرش وياكل
واللى رايحه تفسح العيال
واللى رايح يشترى لعب وشباشب

واللى يغيظ اكتر ان الاعداد دى بتزيد كل سنه عن اللى قبلها

بجد معرض الكتاب فى الناااااازل
وكل سنه اسوأمن اللى قبلها

انا السنه اللى فاتت مرحتش للاسف
يمكن علشان كدة لما رحت السنادى كانت الصدمه مضاعفه
يعنى لانى ماخدتش التطور الطبيعى للحاجه الساقعه

مدونتك رائعه وبجد احييك عليها

احمد سعيد يقول...

here im
.........
مصر دى مش امى
موجودة فى فيرجن سيتى ستارز
لسه جايبها من حوالى شهرين
بس للاسف
على قد ما ضحكتنى
جابتلى اكتئاب لحد الان

الجواز و سنينه يقول...

انا مش بروح معرض الكتاب مع الاسف
مش لانى مش بحب القرايه انا ماكونتش اعرف انام إلا لما اقرى حاجه
بس ده ايام الفضى
يمكن ترجع تانى الايام و ساعتها هاروح
عجبتنى اوى المدونه بتاعتك و ان شاء الله مش اخر زياره

dr.lecter يقول...

عارفه مش عارف لييه


ههههههه مش للدرجه دي ده بس بعض من اللي انا شفته

ان شالله السنه الجايه تكون هناك وتشوف اللي انا شفته

dr.lecter يقول...

احمد سعييد

اه والله انا قرفت بجد مش معقول الحال يبفضل كده كل سنه

انا حسيت ان رايح مدينه ملاهي مش معرض ثقافي

نورتني بجد وميرسي علي تعليقك

dr.lecter يقول...

الزواج وسنينه


الله يخليك ده من زوقك وان شالله ترجعي تقري تانني مهما كان ضيق الوقت