كان المفروض فيه بوستين انزلهم مع بعض واحد منهم انا فعلا نزلته يوم الاربعاء وتراجعت ورحت ماسحه لاسباب عديده منها انه هيبقي صادم جدا ويمكن ناس كتيره تفتكر انه عن شخص معين لكنه اصلا تجميع لناس اعرفهم
لغيت البوست وقررت انزله بعد البوست اللي بين ايدين اللي هيقرا ده
علي الاقل كان ساعد ولو مؤقتا علي تطهير نفسي من كم الاكتئاب والغيوم المبلده جوه احشائي وكم الشر اللي كان عمال يترعرع جوايا
امبارح كان يوم راائع رغم اننا كل سنه بنكرره وكل سنه بنعمله
البوست ده عن الناس اللي كنت معاهم من 5 سنين لكن بعدت عنهم واتنازلت عن دوري في ازاحه الظلمه عن العالم وبحاول ارجع لهم تااني كل حين وحين
البوست ده عن الناس اللي قاومت واللي لسه شغاله علشان تحول العالم لمكان جميل
استاذ محمود ياسر الاب الروحي لجمعيه رساله فرع الزقازيق
تكريم حفظه القران الكريم
فريق علي الناصيه
يابختهم بجد يابخت اللي يعيش زيهم
هناك 29 تعليقًا:
انا مبسوطة انك رجعت لرسالة تاني
بغض النظر هي رسالة او غيرها بس فكرة العمل الخيري او العمل التطوعي صدقني بيساعد الانسان نفسه
يعني المفروض ان اللي بيعمل عمل تطوعي بيكونهدفه مساعدةالاخرين انما في الواقع هو بيساعد نفسه
يمكن بيتطهر زي ما انت قولت في البوست
يمكن بيحس انه ليه لازمة وعنده هدف عايش عشانه بدل ما يحس انه انسان بلا قيمه وجوده زي عدمه
يمكن بيخلي البني آدميشوف اوجاع الآخرين ويحس ان اوجاعه على كترها وقد ايه مؤلمة ولا حاجة جنب اوجاع الناس
قصره
انا مبسوطة انك رجعتلهم وما تقطعش تاني عشان نفسك قبل حاجة تانية
تصدق انى ما بقاش فى حاجة بتبسطنى فى الدنيا قد شوية الوقت اللى بقضيه معاهم كل اسبوع..بحس انى طايرة من على الارض بجد
و مع ان اللى بعمله دا ولا حاجة لكن فعلا بحس انى بتغسل من جوايا
و زى ما فاطمة قالت انه مش بس الفكرة فى العمل التطوعى نفسه و فايدته للايتام او غيرهم لكن الاهم فايدته للى بيعمله و احساسه انه بنى ادم له لازمة فى الدنيا و قد ايه فى ناس حاجات تافهة بتبسطها لدرجة غير عادية و احنا باللى عندنا دا كله و مش راضيين
ربنا يجعله فى ميزان حسناتكم يا رب
جميله جمعية رساله :)
والحقيقه اللى ظاهره للعيان ان العمل التطوعى عموما فى مصر أصبح ركنا ركينا فى الوطن
والجمعيات الخيرية كترت ما شاء الله وبتكتر ولا تزال
ومشفتش جمعية خيرية فشلت بل بالعكس اى جمعية خيرية بتفتح بتكبر وتكبر وتزيد فروعها وتزيد أعداد المتطوعين جدا مع مرور الوقت
والحقيقه الواضحه برده ان أغلب المسئولين عن العمل التطوعى عموما فى مصر من الشباب
وفى نظرى ده مؤشر على حاجتين اولها حاجه ايجابيه والتانيه سلبيه
مؤشر ان لسه فيه امل ولسه الشباب بخير ولسه فى ناس بتحب مصر بس كل ده محتاج ترشيد واستغلال للنشاط والهمة وفق الأصول والضوابط الشرعية
ومؤشر سلبى عن دور الدوله اللى بيتناقص مع مرور الوقت واللى بدأ يملا العمل التطوعى الفراغ اللى تركته الدوله خاصة مع توجهاتها الرأسماليه ونحو السوق الحره وخصخصة كل شئ واى شئ بعد بدل كانت بتسعى نحو حياة اشتراكية فى ايام عبد الناصر وبقيت كذلك فى كثير من المجالات ايام السادات
لكن على المستوى الفردى كل ما سبق ليس له قيمة المهم هو الثواب من عند الله تعالى
والإخلاص لوجه الله فى هذا العمل
على كل حال
ربنا يكرمك ياحبيبى وييسرلك أمورك ويبارك فيك ويجزيك خير امين
ونسألكم الدعاء
السلام عليكم :)
عارف انا ممكن أقولك حاجة غريبة :D
انا مبرحش يوم اليتيم خالص :) بقالى سنتين حصلى موقف كده و قررت انى مرحش يوم اليتيم و انى اروح تانى جمعة فى ابريل المهم بعد اول جمعة :)
على فكرة .. فى دراسة فى امريكا أثبتت ان العمل التطوعى بيفيد صاحب العمل زيه زى الفقير و اليتيم لانه بيساعده على أفراز ماده فى المخ بتؤدى إلى أطمئنان قلب المتطوع و هدوء باله و راحة ضميره ..
بارك الله فيك و جزاك خير الجزاء فالأيتام هم فعلا أحق البشر بالرعايه و المحبه ..
أحب أسجل اٍعجابى الشديد بجمعية رساله لما تقدمه من خدمات اٍنسانيه جليله مش بس للأيتام و لكن لكل محتاج و أنا أعلم هذا جيدا ..
تحياتى لك على هذا البوست الجميل :)
فهمت من كلامك انك تقصد العمل التطوعى, وهو قيمة جميلة نفتقد فهمها فى مصر, وكم نحن بحاجة الى ان نعلمها للكبير قبل الصغير
تحياتى
أرفع القبعة لاي عمل خيري إيجابي هدفه رسمه الابتسامة علي وجوه الأطفال
تحياتي
ربنا يسعدهم يارب :)
انا كنت متطوعة فى رسالة فرع اسكندرية بس عشان الغيوم الملبدة جوة روحى وعشان الشر اللى عمال يترعرع جوايا مشيت من سنتين...ومرجعتش تانى
ناس حلوين اوى على فكرة
انت كمان حلو اوى عشان شاركتهم
يا بختك والله يا دكتور بالعمل التطوعي ده :) واضح إنك قضيت يوم كويس .. يارب دايمـًا إن شـاء الله :)
خد يابنى هنا
ايه الصور بتاع على الناصية دى انا مأختش بالى منها امرة اللى فاتت
اومال تحفيظ قران كريم وبتاع
يعنى مش عيب يعنى بالله عليك
ههههههههههههه
فرقة موسيقية وبنات فيها قاعده بتغنى وفيها تكريم لحفظة القران الكريم ،،
ولا انتو ساعه لقلبك وساعه لربك
ههه
يلا ربنا ييسرلنا الحال ويكرمنا امين :))
السلام عليكم
فنونه
المشكله انا مافيش وقت اروح هناك واشتغل معاهم الا نادرا علشان كده كنت متدايق جدا من نفسي لاني قصرت كتيير
اللي انت قلوتيه صح ميه في الميه
فله
عامه الاطفال اللعب معاهم حلو بيصحي فيكي كده جزء غريب مالوش دعوه بموضوع الامومه لكنه بيرجعك لاحلي ايام الطفوله
بالاضافه انك بتحسي ان العيال دي مسئولين منك وانك لازم تسعديهم باي شكل ولا انت مش هتستريحي
مصعبينو
هي فعلا جمعيه رائعه بس رغم كم الانجازات اللي بتعماها لكن منهم لله بقي اللي بيحطوا العراقيل سواء تخوف بعض الناس من المشاركه معانا زي مانكون حزب يعني او العراقيل بتاعه الحكومه
قباري
انا اخر مره روحت كانت في 2007 ورجعت تاني للاحتفال السنه دي يمكن ماروحتش لاسباب معينه علشان القائمين علي الحفله لكن سبحان الله رغم اني مكنتش ناوي اروح بس جت كده وهم اتبسطوا اني رجعت تاني معاهم لان بقالي اكتر من 5 شهور مابروحش الجمعيه اصلا
عمرو
ياباشا انت نورتني بجد حضرتك
حازم
طبعا العمل التطوعي مهم جدا وخاصه لما يتم بتنظيم وعلي منهج معين وخطه ويبقي بشكل جماعي كبيير
مايكل
وانا ارفع معاك كمان يامعلم
ايمان
امين يارب العالمين
نورتيني يايمي
انجي
ياريت ترجعي لهم هتلاقي نفسك استريحتي كتير ان شالله مره واحده في الاسبوع مش باقولك كل يوم
اخجلتم تواضعنا بجد
يسرا
يسمع منك ربنا
مصعب
ياعم الحاج حد قالك ان الجمعيه دينيه اصلا؟ هي جمعيه خيريه مش فيها تيار اسلامي ولا حاجه مش زي صناع الحياه بتاعه عمرو خالد
هم جابوا الفرقه علشان يغنوا للاطفال مش اكتر وكانوا بيغنوا اغاني مش عن الحب ولا العشق ولا الهجص ده كمان
والبنات الصغيره دي كانوا بيعملوا استعراضات مالهاش دعوه بتكريم حفظه القران الكريم
صبح صبح ياعمنا
جميل جدا ان نسعى لعمل الخير ورسم البسمة على وجوه محرومة منها
تحياتى دوما
انا عجبتنى الصور اوىىىى
و عجبنى اوى البوست
و كويس انك تخلصت من الغيوم و ان اليوم ده فرق معاك
تحياتى
الازهري
معاك حق مافيش اجمل من كده
زواج وسنينه
الحمد لله علي كل شيء وميرسي علي كلامك
Oh MY god
عن جد الموضوع كتييييير رائع و انشالله هدور على مقر جمعية رسالة ببلدى واوعدك انى هنضم اليها
بجد الصور كتيييييييير حلوة ورائعة مرسى عل الحالة الجميلة دى
تقبل مرورى
سلام
حسام
ثانكس يامان وتنور في اي وقت
طب عليا الطلاق يا جدع كنت سايب تعليق
تبيت طالقه اللي انا لسه ماتجوزتهاش دي
كنت سايب تعليق
:D
اطلع بالتعليق بتاعي بلاش الحركات دي
:D:D:D
إرسال تعليق