الاثنين، 20 أبريل، 2009

A Z A Z E L



“ هانتم اولاء ياكلاب قد انحدر بكم الحال حتي صرتم تاكلون الكلاب لقد انذرتكم الف مره لكنكم في كل مره تنشون بالخمر والحشيش وتنامون غضبتي عليكم كغضبه انبياء العهد القديم علي قومهم فمنهم من راح يهلل ويغني عندما حاصر البابليون مدينته لقد شعر ان اعتباره قد تم استراداده اخيرا حتي لو اني العنكم يابلهاء "
ولكنكم لا تكترثون وتبحثون عن المراه التاليه والزجاجه الاخري
ومايخيفني انكم لا تهتمون ولا تشعرون
"


دكتور احمد خالد توفيق
مقطع من روايه يوتبيا
2008


عن عزازيله

الحق يقال ان هذا البشري صاحب تلك المدونه اكثر اهل الارض خرقا وحمقا
وضعفا
ماباله يشغل نفسه بتلك الترهات وتلك التسائلات
وتراه يتغير مزاجه وانحيازه كل حين وحين بين ظلمه نفسه وطهارتها
تراه يشك في نفسه وفي اختياره وفي قدره ؟
هل هو علي صواب ؟ هل قدر له ان يكون ماسيكون ان قدر له ماتركه بيديه ودفنه في الماضي؟

الحق يقال اني ضقت ذرعا بهذا البشري وكرهته كما لم اكره من مخلوقات الله

لو كنت اعلم ان سلاله ادم ستصبح بهذا الشكل لما عارضت الله من البدايه وكتمت حسدي وحنقي

ماباله يشغل نفسه بكم الخطايا التي ارتكبها والاهوال التي شهدها ويعذب نفسه مثل القديسين الاوائل وكانه احدهم عندما يخطيء كل مره؟
ثم يلقي اللوم عليا ويلعنني ويلعن ضعفه

ولكنه يفوق ويتذكر اني ماقتربت منه ابدا وان نفسه الاماره بالسوء هي العصيه منذ الازل؟

مابال البشر يخافون مني ومن سلالتي
انا لا افعل شيئا لهم سوي ان ازيح التراب عن بذره الشر والسوء الكامنه في اعماقهم منذ الخليقه
ثم اترك الباقي لنفسهم الاماره بالسوء
هي التي تنمو وتترعرع متلهففه علي ارتكاب الاثام وعصيان الرب
ثم يهرعوا الي الله يبكون بحرقه يشكون من افعالي؟
انا يااولاد حواء؟
انا من اغويتكم؟ ثكلتكم امهاتكم جميعا
هل انا من اغواكي وسلمتي نفسك وجسدك لشخص تعشقينه لمجرد انك واثقه فيه وفيه اخلاقه وتدينه والتزاماته ثم فوجئت بالعكس وبان ماعرفتيه طول سنون طويله كان سرابا؟
هل انا من اغواك يارجل الدين والتقوي ومحبوب الفضائيات والكتب بان تفعل مثلما فعلت ؟
بل هي نفسك القذره منذ البدايه ولكنك تخفيها بثوب العفه والتواضع واللحيه والجلباب؟

هل انا من اغواك ايها الاب الرزين بان تنكر مافعلته مع هذا الطفل وماجرمته في حقه وفي حق نفسك؟
هل هان عليك ثوب نيافتك وصوره العذراء والمسيح المزينين لغرفتك؟


اتتحدثون عن تدين البشر؟ اتثق ايها البشري بقومك ومعارفك واصدقائك؟
اتضحك علي روحك وتدفن راسك في الرمال مثل النعام؟
اتدخل عليك تلك الترهات من مظاهر تدين في رمضان والصوم الكبير للاقباط وتجمع المسلمين في صلاه الجمعه والنصاري يوم الاحد
انكم تثيرون تقززي وكم اتسائل كيف يستطيع الله ان يعفو عنكم كل مره بعد القذارات التي ترتكبونها؟
ايعفو عنكم ولا يعفو عني؟
انا من كنت اقرب مخلوقاته اليه وكنت المفضل بالنسبه له وفي مرتبه اولي وكنت بمثابه الابن لو سمح لي ان اكون مثل هذا
ولكنه فضلكم علي
فضل ذلك الادمي عالما ان سياتي من بعده فسقه ومجرمون وضالون
ترككم تعيثون في الارض فسادا ويصبر عليكم كل ذلك
ومنكم من يتبجح ويقول ربنا كبيير

ربنا كبيير؟.
ماذا تعلم عن الله يانتيجه نطفه رجل اشتهي امراته؟
ماذا تعلم عن الله يااقل من ذره من ذرات عرشه المهيب؟
انا من حاربت الانبياء والمرسلين طيله عمري تلك القرون البائته وغلبوني بطهرهم وتقواهم وعفه نفسهم وكدت ان استسلم لهم
تاتي انت تتحدث عن الله؟
ماادراك ياشبيه القرود انك تعرف الله اكثر مني؟
اتعرف علاقتي به؟
اتعرف كم احبه وكم اتمني العوده الي كنفه؟
اتعرف كم اتلذذ برؤيتكم تتيهون في دنياكم؟
وتقولون انها دنيا الشيطان؟
هههههههه

ايها البشري الاحمق انك تفوقت علي في دهائك ومكرك حتي اكاد ان اخر لك راكعا معترفا باستاذيتك
ولكني لن افعلها لاني لا اركع الا للخالق وحده

وقد اقسمت بعزته لان اغوينهم اجمعين واصحبهم الي الجحيم
هههههههههههههه

…………….


عني انا

ارجمني يارب ارحمني من اللي انا فيه
طفي النار اللي جوايا
طفي الغضب الوالع فيا
طفي الحقد والغل والظلمه اللي واكلاني
ارحم البني ادمين مني ومن سوء نفسي
ارحمهم من اللي انا ناوي اعمله فيهم وانت عارف كويس انا هاعمل ايه
طفي وساوس الدم والجنون والمجون اللي جوايا
ساعدني اغلب عزازيل واغلب نفسي
لا يارب نفسي كويسه
وبحاول اخليها كويسه
لكن عبدك لوسيفر مش عاتقني وبيحاول يصحي فيا روح الجنون وروح الظلمه
يارب انا ضعيف جدا وباعاني يارب انا مش قادر اتحمل ده كله لوحدي
انا تعباان جدا جدا فوق مايتخيل اي بشر
انا تعبان لدرجه اني يئست اني ارتاح
يارب خد روحي وخلصني من اللي انا مقبل عليه
مش قادر اتحمل البشر بسخافتهم بنفاقهم بظلمهم بانانيتهم بماديتهم
مش عاوز ابقي مجرد واحد اتولد علشان اكبر واهلي يعلموني واتوظف واتزوج واتناسل واربي عيالي واموت؟
مش عاوز اعيش عيشه البهايم دي؟

انت عارف كويس انك مديني مهمه صعبه جدا وانا مقدر ده وراضي به من الاول بس حاسس اني مش هاعرف اكمل وهافشل في تحقيقها
يارب انا بدات اشك اصلا اني اللي ينفع يعمل المهمه دي واني بانزلق يوم ورا يوم للهوه المظمه ومش بعيد ابقي التجسد المستقبلي للمسيخ الدجال
يارب انا حاسس اني باغوي الناس
انا حاسس اني خطر علي كل اللي اعرفهم وان كتير جدا هيتاذوا بسببي؟
يارب هو لازم علشان المخطط ينجح يتاذي اللي انا باهتم بهم؟
لازم يبقي فيه تضحيه؟
انا مش قادر اضحي بحد فيهم مش هاقدر استحمل
..............

عزازيله
ههههههههه
اري الظلمه تجتاح نفسه
ياللهول لم اري مثلها من قبل
انه علي وشك الانفجار ولعمري لن يكون انفجارا عاديا
اشفق علي هؤلاء الحمقي الذين جعلوه يصل الي ماوصل
هو الذي لم يرد من الدنيا شيئا غير راحه البال والسلام فقط
لكنهم ضغطوا عليه
كل يوم يضغطون عليه
يستمرون في حماقاتهم وسعيهم كالبهائم
بل ان البهائم افضل منهم
يشبعون شهواتهم فقط لمجرد انهم ابتغوا ذلك
كل منهم يفضل نفسه اولا ويطلب حاجته بلهفه كالخنازير
بل ان الخنازير افضل منهم في نظري
هههههه
هؤلاء الخنازير ابصق عليهم والعق مؤخراتهم واستمني عليهم بشهوه ضاحكا للسماء
رافعا منخاري للملائكه
انجدوا رعايا الله الحقوهم لو تسني لكم الوقت
هاهم كالكلاب يعيشون عيشه الكلاب ويموتوا ميته الكلاب
يرضون بالفقر والظلم ويتشكون بين بعضهم فقط ويخافون ان يقولوا كلمه حق في وجه سلطان جائر

يتلهفون علي المراه والبنون والسياره والمنزل كان هذا هو النعيم؟
نعيم ماذا ياقرده ياتافهين؟
فلتكن مشيئه الله ولتحل عليكم لعناته طالما بالغتم في فجركم وطغيانكم مافاق فجر ال لوط وهود وصالح

وانت ايها البشري رفقا بنفسك قليلا؟
حقا قد ضاع منك ماتبتغيه ولكن لا شان بي بما حدث
قد اضاعه ترددك وخوفك الدائم واحكام عقلك علي قلبك
لو انك فقط انصتت لقلبك؟
لكن لا فائده للبكاء علي اللبن المسكوب

……………….

عني

فيها ايه لو كنت عملت اللي انا عايزه والناس سابتني اعمل اللي انا عايزه

فيها ايه لما انا مابحبش حاجه من الدنيا ومابجريش وراها ولا باسعي لها؟
ليه غصبتوني اجري ورا حاجات مش هتسبب لي الا الالم والمعاناه
ليه ارضي ابتسم واتحمل اهانات ناس انا مابطيقهاش واشتغل معاهم واعمل لهم اللي هم عاوزينه وماستناش مننهم كلمه شكر ولا عرفان بالجميل
ليه ارضي اني اتحمل عيشه في مجتمع زي المجتمع ده كله تناقضات وكله بؤس؟
علشان ايه ده كله؟
علشان مين؟
ليه انا من صغري حاسس اني مختلف تماما عن اي حد تاني
لا بحب الكوره ولا بحب الافراح ولا بحب الفلوس ولا الشغل ولا الدراسه ولا العربيات ولا المناسبات ولا الزحمه ولا المجاملات
ليه ماطلعتش حشاش وخامورجي؟
ليه ماطلعتش بتاع نسوان ومقضييها؟
ليه مطلعتش مدمن افلام بورنو وعاده سريه؟
ليه مطلعلتش مرتشي ومنافق وفاسد ومتملق وانتهازي؟
ليه ماطلعتش قاسي القلب وجارح واقول الي جوايا في وش الناس وماخافش من اللي انا اقوله ؟
ليه ماطلعتش قديس ولا رجل دين ولا متعبد ومتفرغ لعبادتك انت لوحدك تارك الدنيا بما فيها؟

ليه مابفرغش غضبي عليكم وانط في كرش اللي يغيظني واطلع ميتين اهله وافشخ وبقه نصين واسب له ميت مله واشخر له كمان؟

ليه باضطر بس ابص بعينيا واقفل علي النار اللي جوايا واروح اطلعها في اقرب الناس ليا واحبهم؟ وهم ذنبهم ايه؟
ليه انا مفياش ورع الصحابه الاوائل وادب السلف الصالح وروعه نبينا محمد؟
ليه مش قادر اعدل بين ديني ودنياي وليه كاره دنياي بكل اللي فيها ؟

مش دول بشر
ليه انا مش قادر اتحمل البني ادمين زي سيدنا عيسي اللي بقي شهيد البشريه كلها ؟
ليه مافياش ورع وعلم سيدنا علي؟ وقوه سيدنا عمر؟
ليه مافياش رحمه سيدنا عمر بن عبد العزيز ولا شجاعه اسامه بن زيد؟
ليه ماطلعناش زي اللي سبقونا ؟

ليه الاصوات اللي بتطاردني دي كل يووم مش مخلياني عارف انام؟
ليه مبعرفش انام فعلا؟
قولي لي يارب وابعد عزايزيل عني علشان بدات اشك ان مافيش عزايزيل ولا يحزنون

…………………….

عزازيله

ربي اني اسقط ارضا من كثره الضحك
امتخلف ام معتوه هذا البشري؟
اني اشفق علي قراء تلك الممدونه من كلماته الطفوليه الجرداء من اي معني
انه فااااااااااااااااااااااااااشل نعم ليس عنده ثقه انه يمتلك قدرات تجعله في مرتبه العظماء لكنه يهدرها ويسيء استخدامها
بدات اشك في اختيارك له ياللهي لتلك المهمه سامحني علي قولي
لكن اتثق به لهذه الدرجه؟
سيضعف وساقف في طريقه كما تعلم
وياليت ذلك يقتصر علي فقط لكن نفسه المريضه ستتكفل اما بدماره او نصره
الايام بيننا

اتراه ينتقل من الشك الي اليقين؟
اتراه يصل الي السلام النفسي الذي يحلم به؟
سنري

……………………

عزازيل مواجها انا
انا مواجها عزازيل
اكشر فيكشر
ابتسم فيبتسم
اشاور له بصباعي اشاره قبيحه يعمل زيي

بيننا المراه
عزازيل يضحك وانا اضحك
عزايزيل يشير الي المراه
فلا اراه ولكني اري نفسي تضحك
"لكل امريء شيطانه حتي انا لكن الله اعانني عليه فاسلم "
رواه البخاري

…………………………………..

خارج النص
" بقين محبوسن في حنكي "


بعد انتهائي من روايه تحفه دكتور يوسف زيدان وانبهاري بالجو التاريخي الغير عادي وكم المشاعر القلقه داخل الراهب هيبا وخوفه من فقدانه لايمانه بدينه ومبادئه وطلبه للسكينه
وصراعه مع المتطرفين المتصعبين المسيحيين وصراعه مع رغبات نفسه ومع الشيطان في فتره زمنيه محتقنه تعتبر اسوا العصور التي شهدها فجر المسيحيه خاصه تلك الاحداث المؤسفه التي وقعت بمصر
ورغم علمي ان كل مازكر مجرد ترجمه لكتابات ذلك الراهب القديم وليس خيالا من نسج المترجم
لكني اشفق علي اصدقائي الاقباط خاصه من يعتنقون فكره ان المسيح هو الرب وليس ببشرا عاديا وليست العذراء ام الاله
لكني ااعزيهم بان يقرؤوا الروايه ليست من منظور خبيث يرغب في هدم عقائدهم
واذكرهم بروايه دافنشي كود التي تناولت نفس الموضوع لكن بجراه مختلفه
وازكرهم بروايه اولاد حارتنا التي اتهم فيها العبقري نجيب محفوظ بالكفر والهرطقه لانه جسد الانبياء وجسد الله في صوره بشر خطائون

لكني لا امانع ابدا في قراءه تلك الاعمال لعلمي ان كاتبيها لا يقصدون زرع الوساوس او اهانه الاديان

بل ينظروا الي مضمونها الهام وماتبغي ايصاله


انا لا اسمح ابدا اني اقرا حاجه تشكك في معتقد او تسيء لمشاعر حد

اما عن الكلام عن ان الروايه بتتكلم عن فتره مظلمه من تالايخ الاقباط

طيب ماحنا عندنا فترات انيل من كده بكتيير

ابسطها الفتنه الكبري وصديقي ماجا عامل موضوع رائع عنها وفيه مواضيع تانيه اخري بتشهد للاسف احداث مؤسفه قام بها المسلمين وابسطها برده ماقام به الحجاج ابو يوسف الثقفي وغيره ومن جاءوا بعده من يحملوا لواء لا اله الا الله وهم ابعد مايكونوا عن هذا ويتملكهم الغضب والتعصب الاعمي

اي فرد بيحاول يارخ التاريخ بمصداقيه عاليه اكيد هيتهاجم من ناس معينه
انا بمقراش التاريخ من مصدر واحد ابدا ولو لقيت المصادر بتختلف عن بعض اعرف علي طوول ان ولا واحد فيهم هيقولك الحقيقه
والوقائع اللي زكرت في الروايه حقيقه طبعا ومش معني كده ان الاقباط يزعلوا بالعكس هم مالهمش اي ذنب الذنب ذنب رجال الدين اللي استغلوا الدين لتصفيه خلافات وكشف حساب بالظبط زي ماحصل ايام الحملات الصليبيه الاولي تحت رعايه الفاتيكان

وبالظبط زي ماحصل مع الاخوه بتووع 11 سبتمبر اللي قتلوا مدنيين ابراياء لمجرد انهم يقولوا الله اكبر
كفايانا بقي مكابره وتخلف باسم الدين سواء مسلمين او اقباط
خلونا نبص لمشاكلنا الحقيقه خلونا مانقعدش نمسك علي الواحده علشان نطهر نفسنا من غل وحقد جوانا
الروايه ماببتكلمش عن الديانه المسيحيه الروايه بتخاطب اي دين وبتخاطب العقل والقلب
بتخاطب شكوك اي شخص يري ان دينه بيتلوث بفعل اولي الامر وبيتم ارتكاب المهازل والافتكاسات علشان هم شايفين انهم صح وان العامه مابيفهموش حاجه
الروايه بتتكلم عن الصراع بين شهوات الدنيا المتغلغله جوه نفس اي شخص بيضعف ادام نفسه
واحد تايه ومش عارف هل كتب عليه انه يكون في خدمه الله ورعاياه وانه يهب نفسه للبشر ولا بشري عادي عاوز يعيش الدنيبا زي اي حد تااني

الروايه من اجمل ماقريت السنه دي بجد يمكن ماقريتش روايه رائعه زي دي من ايام روايه وكاله عطيه للمبدع خيري شلبي

الللبي عاوز يشوف المواجهه اللي تمت مع دكتور يوسف اللينك تحت اهو

http://www.youtube.com/watch?v=Awl7j7rnF6A&feature=PlayList&p=FE3044E35AD6B1A3&index=0&playnext=1
كلمه اخيره
جتنا البلا في عتهنا

هناك 70 تعليقًا:

لو بطـلـنا نـحـب نـمـووووت يقول...

السلام عليكم
سعيد جدا لانها اول زيارة وكذلك اول تعليق
بصراحة الرواية رائعة ومفيدة
لكن اكيد كل شخص بياخد الكلام حسب رويته الشخصية
وحسب حياته هو وتعاملاته
مبدئيا الاسئلة الموجودة جميلة
والرواية نفسها جميلة
تقبلى تحياتى

Here i'm يقول...

عارف .. أنا على طول أقول مينفعش يكون ليا جار فى العمارة اللى جانبى عايز يهد الحى كله علشان انا مسلم و هوا مسيحى ..

مبحبش الجانب اللى الكل شايف من التانى انه خبيث و بيكره .. حرص ولا تخون .. احنا فى حى واحد .. حى مصــر .. اللى حيحاول يهد فحتتهد عليه قبل اى حد ..

مصر بلد تركيبته رهيبة .. أمسك أى عملة ورقية مصرية من الجنيه للـ 200 جنيه .. وش عليه مصر الفرعونية و وش عليه مصر الأسلامية .. لو بلد تانى و الله ما يجتمعوا ..

ربنا يحفظها لينا

ســـــاره يقول...

بتفق كباري في اللي قاله ..

مصر فيها المسلم وفيها المسيحي..دول جيران دول..وده متجوز من دي.. وهو بيدرس مع التاني .. في انسجام بين الإثنين رائع وإللي ينزل مصر عمره مايفرّق بين المسلم والمسيحي ..الإثنين ملامحهم بتقول(مصري)..

وهكذا في اغلب دول العالم.. المواطنين مختلفين في الديانات والطوائف ولبنان والعراق اكبر مثال ..ومع ذلك كانوا عايشين في خير ونعمة ولولا السياسة وتدخل قوى خارجية ماكانش حصلهم اللي حصل!

التخوين بحد ذاته داء وبلاء على اي بلد ..بدايته خراب ونهايته دمار ..
ان شاء الله ربنا هيحفظ البلد دي طول مافي ناس واعية في تفكيرها وعارفه تفرّق بين مسلم ومسيحي مختلفين في الدين ومسلم ومسيحي منتميين لنفس الوطن..

......................

رجاء ..

ياريت يامحمد تحاول تختصر من طول المواضيع اللي بتكتبهاعشان تبقى اسهل في القراية والإستيعاب :)

الازهرى يقول...

اما عن رواية يوتوبيا فهى من الروائع فعلا
اما عن عزازيل فقد اهديت لى ولكن كان مصيرها مؤسفا الى التخزين المؤقت نظرا لظروف الانشغال التى امر بها منذ وقت طويل


وبخصوص الفتن فهى من الملفات التى فتحتحت بعد نزول ادم الى الارض بقيل ولم تغلق حتى الان لانها تتجدد باشكال مختلفة ولاسباب كثيرة

*************************
ارجمني يارب ارحمني من اللي انا فيه

ارحمنى يا رب

Maga يقول...

طول عمرنا مكناش نسمع عن الهلال والصليب غير من الافلام والمسلسلات طول عمرنا منعرفش يعنى ايه كلنا اخوان ووطنية طول عمرنا منعرفش بعض على اساس دينة
للاسف اعلامنابمساعدة مرتزقة هو اللى وصلنا للفرقة
طول عمري معايا فى الفصل مسيحيين واقرب صاحب ليا كان مسيحى وكنت فى بيته وهو فى بيتى قاعدين اكلين شاربين نايمين غاشيين :D مع بعض معرفناش الحجات دي زي ماقولتلك الا من الاعلام
سخنتنى انى اقرا الرواية دي مع انى مش من هواة قراية روايات
وشيل البتاع بتاع التاكيد دا ياعم مالهاش لازمة

dr.lecter يقول...

لو بطلنا نحلم

اكيد طبعا متفق معاك بلا شك ده يرجع لنظره كل واحد الخاصه به هو لوحده مش حد تااني

نورتني وان شالله تعدد الزيارات

dr.lecter يقول...

كوبري

مانا عاوز اعرف ليه الكره المتبادل مابين الطرفين

ليه ه كله واخرتها ايه بس؟

dr.lecter يقول...

ساره

بالظبط مافيش فرق بين الاتنين خالص

الا في اوقات الصلاه كل واحد يروح مكانه

المشكله انا لما بيبقي جوايا حاجات عاوز اكتبها مبعرفش اختصر فالكلام بينزل مني زي المطر معلش بس هحاول اختصر علي اد ماقدر بجد

dr.lecter يقول...

الازهري

اقراها بجد الروايه تحفه مش علشان الاحداث لكن صياغه وطكريقه كتابتها رائعه والوصف اللي بيوصف به نفسه مبهر

dr.lecter يقول...

ماجا

مش عارف والله ايه حكايه التاكيد دي كل مره حد يثوللي عليها مبعرفش اتجنبها للاسف


قاعدين اكلين شاربين غاشين ماشاء الله ايه التعاون ده يااخي ربنا يبارك فيكم عمار يامصر

ههههههههه

نورتني يااحمد بيه بجد

محمد فوزي يقول...

ايه يا سيد فيه ايه ؟
ده انا لسه امبارح بقول أول حاجه هقراها جايه هي رواية عزازيل أقوم ادخل عندك الاقيك كاتب عنها ؟

لا طبعا مش هقرا غير لما اقرا الروايه الأول عشان متتحرقش

بس مبدأيا يعني كلامك صح !
لأ مش على طريقة سعيد صالح لما قال طالما قال دراع مرسي يبقى بيتكلم صح
هههههه
انت مش بتتكلم عن العته اللي بيصيب الناس لما تتعرض للنوع ده من الفن ؟
اصل انا لمحت كلمة العته

يالا هقرا وارجع يا دكتور

تحياتي

مواطن مصري يقول...

تعرف ان اكتر شخصية بحبها في ما وراء الطبيعة

هي دكتور لوسفير بحس انها قريبة

مواطن مصري يقول...

يوتبيا رائعة احمد خالد توفيق بس قريبة ل ارض الظلام

فكرة من الزمن ده يقول...

البوست ده شكله حلو وفيه كلام
وعايز يتقري بتمعنن وتفحصص
راجعة تاني ان لم يحدث في الامور امور
تحياتي مؤقتا

ياريت تلغي تحقيق الحروف ده لانه مزعج شوية

انا حرة يقول...

تعددت الاشكال و الوساوس واحدة
فى ناس بدل ما تتغلب على النقط السودة اللى جواها بقت بتستسهل ادعاء تدين وهمى صحابه نفسهم هم اول الناس اللى مش مقتنعين بيه..دا مش تعصب ولا تدين من الاساس دا اسمه قصر ديل

مبهر اوى الموضوع جدا يا محمد انا مش عارفة ارد عليه من كتر مانا حاسة ان كلامى هيبقى سطحى اوى..شوقتنى اوى اقرا الرواية على فكرة

Desert cat يقول...

انا قريت الرواية كاملة يا دكتور
حقيقى لو تنزلها فى المدونة عندك على حلقات يبقى بجد حاجه جميلة

تحياتى ليك

على باب الله يقول...

الرواية جميلة جداً جداً

و يا ريت تكون فرصة علشان المصريين يتعرفوا أكثر على المنطقة المجهولة من تاريخهم و هي ( العصر القبطي ) و تبدأ المدارس في تدريسه بشكل مقنع .

micheal يقول...

أنا عمال أسمع الرواية دي كتير بس مش عارف بصراحة إيه الموضوع بس من واقع خبرات سابقة الناس دايما بتتصدر في الهايفة
محتاج أكون قاري الرواية عشان أقول رأيي فيها
:)

dr.lecter يقول...

محمد فوزي

انا كاتب الجزء الاخير بس عنها كنقد خاص لكن البوست مش عن الروايه البوست عن اللي اتاثرت به من الروايه وعن شيطان النفس اللي موجود عند كل واحد مننا برؤيه خاصه بيا انا

ياريت تقوللي رايك فيها ايه بعد ماتخلصها ان شالله

dr.lecter يقول...

مواطن مصري

اتفق مك في يوتبيا لانها تحفه

dr.lecter يقول...

فكره من الزمن ده

مستني رايك وبعتذر عن الغلطات الكتيره

dr.lecter يقول...

فله

معاكي حق وياستي مش مهم تعليقك كفايه انكط نورتيني هنا وماتعوقيش الغياب بعد كده وارجعي بلييز اكتبي تااني بجد بلاش الانقطاع ده

dr.lecter يقول...

حنان

ياريت بجد بس مش هعرف لانها ضخمه جدا كفايه اني نوهت عنها والناس بقي تاخد بالها مني وبعتذر لاني معرفتش اجي يوم 18 ابريل

dr.lecter يقول...

علي باب الله

ياريت بجد انت مش متخيل انا كان عندي جهل تام بالفتره دي اد ايه وعاوز اعرف تفاصيل اكتر عنها

dr.lecter يقول...

مايكل

اقراها انا واثق انها عتعجبك رغم كل حاجه ورغم حساسيتها وابقي قولي

enjy يقول...

يا سلاااااااااااااااام جتنا البلا فى عتهنا فعلا......جبت من الاخر

فشكووول يقول...

ازيك يا دكتور
الله يبارك فيك
احنا محتاجين دائما التذكره
وذكر فان الذكرى تنفع المؤمنين
واعوذ بالله من الشيطان الرجيم
تحياتى

مصطفى ريان يقول...

بص انا ماقرأتش الرواية
لكنى ضد التفسير الديني للادب فكل مجاله
وطبعا مش موافق انك تنزل الروايةعلى المدونة
مش بس علشان هي كبيرةوحقوق الملكية الفكرية
ولكن يبقي سحر الروايسةفسي كونها كتاب مقروء تحضنه بيديك وتقربه منك
لونشرتها على النت مش بس هتعرض نفسك لمشاكل انت في غنى عنها ولكن ستفقد الرواية سحرها
تحياتي لك ايما

Zika يقول...

الكلام ده كبير
كبير فعلا يعني
عموما هارتب دماغي وارجعلك

dr.lecter يقول...

انجي

للاسف فعلا معاكي حق

dr.lecter يقول...

استاذ فشكوول

ربنا يخليك يارب

dr.lecter يقول...

مصطفي

لا انا مبفكرش اصلا خالص الفكره دي لا يمكن


انا كل اللي اقصده بس اني الفت االانتباه لها وكمان اصلا البوست مش عن الروايه البوست خاص بيا انا بشويه خواطر شيطانيه

dr.lecter يقول...

زيكا


اقراه براحتك كده ورد عليا بس بلاش تغيب عن مدونتك وكمل فيها ياريت

صيدلانيه طالعه نازله يقول...

اول ما قريت البوست عرفت انك لسه مخلص عزازيل دلوقتى عدل
بصراحه الروايه من الاخر تحفه و مالهاش حل و فعلا بالنسبه لى احلى حاجه قريتها السنه دى كلها و تستاهل اكتر من البوكر بكتييييييييييير و يوسف زيدان راجل محترم قوى حتى و هوا بيتشتم من مهاجميه محتفظ بوقاره و ادبه

Founoon يقول...

يعني كالعادة اعماق رهيبة في كلامك

عزازيل ويوتوبيا قاعدين جنب بعض عندي جنب السرير
عزازيل بقالها 6 شهور ويوتوبيا بقالها سنة

عارفه انهم ممتعين اوي بس عارف لما تبقى متأكد انك هتقرا حاجة تخطفك فبتأجلها كل شوية لما تبقى دماغك رايقة وعمر دماغك ما بتروق :)

انا هقراهم فعلا شجعتني اوي

فكره من الزمن ده ربنا ينتقم منك يقول...

http://norsad.blogspot.com/

لو سمحتى ياريت تدخل المدونه بتاعتى

حسبى الله ونعم الوكيل فيكى يا فكره من الزمن دا ربنا ينتقم منك

يمهل والا يهمل

فشكووول يقول...

ازيك يا دكتور ليكتر
تحياتى
اشكرك على التعيق وانت دايما منور فشكول
كل سنه وحضرتك طيب

dr.lecter يقول...

صثيدلانيه

طبعا روعغه وعاوز اقراها كمان مره

انا اصلا مستغرب الهيصه اللي حصلت دي وده كله جه غفي مصلحه الروايه واشتهرت اكتر

dr.lecter يقول...

فنون

احخيرا حد خد باله انت وقله من اللي انا اقصده

فعلا البوست عني انا مش عن الروايه علشان كان فيه عاصفه مشتعله جوايا اصلا وقت ماكتبته

بالنسبه للوقت خدي وقتك لازم تقريها وانت مزاجك عالي ورايقه كده انا عارف كويس الموضوع ده

dr.lecter يقول...

فكره من الزمن ده

انا معرفش حاه عن الموضوع ده وياريت يكون تصفيه الخلافات بعيد عني

dr.lecter يقول...

فشكوول


وانت طيب ياباشا

دي اقل حاجه بجد اقولها لحضرتك

kochia يقول...

الحقيقة انا مقراتهاش الرواية دي
بس كدة عندي فضول شديد اني اقارها
ان شاء الله

كتابتك مختلفة

تحياتي

فكرة من الزمن ده يقول...

مابال البشر يخافون مني ومن سلالتي
انا لا افعل شيئا لهم سوي ان ازيح التراب عن بذره الشر والسوء الكامنه في اعماقهم منذ الخليقه
ثم اترك الباقي لنفسهم الاماره بالسوء

صح صح صح
انا معاك في كلام كتير جدا جدا
لكن اختلف معاك في ان من حق اي شخص بادعاء الحرية في انه يجسد الله في صورة بشر
الحرية عمرها ما كانت مطلقة

وفعلا كل انسان شيطان نفسه
وسيد نفسه ايضا لو احب والطريق معروف

اشكرك على رايك المحايد والعقلاني في بوست الفارس
وايضا في بوست سعيدة وزعلانة
كل الاحترام لشخص يكتب بعقله
تحياتي

dr.lecter يقول...

kochia


جربيها كده مش هتخسري حاجه وشكرا علي زبارتك

dr.lecter يقول...

فكره


هو بصي انا مش عتاوز ادخل في النقطه دي بس انا مجسدتش الله ولا حاجه انا بتكلمن من وجهتين نظر واحده خاصه بالشيطان اللي احنا متخيلينه والاخري خاصه بخواطر خاصه بيا انا وبعض الوساوس يمكن فيها تسائلات كتيره بس المهم ان مضمونها وصل لكم


اما ردي هناك انا ماقلتش غير اللي حسيته فعلا واللي لقيت انه ينفع يتقال وزي مالت لك قبل كده


عامه انتي اخجلتي تواضعي بجد وكلامك ده كتير جدا وميرسي مره تانيه

The Seagull يقول...

فعــلاً جتنـا البلا في عتهنـا :) .. بوست مميز يا دكتور شوقتني لقراءة الرواية على فكرة :D

Tarkieb يقول...

مع احترامي ليك يا دكترة قصة عزازيل مملة وعاملة زي موضوع تعبير ومستخدم فيها بحث علمي ولكن الوقت هو اللي ساعدها عشان في ناس في مصر عمالة تهلل لها وعمرهم ما حيقروها أصلا ولكن فرحانين انها بتتكلم عن المسيحين ويقولك حرية الرأي ولو حد هوب ناحيتهم واتكلم ان اي حاجة في الدين الاسلامي بيهيجوا ..مع اني مش مسيحي لكن لا احبذ تلك القصص بين العوام والبسطاء اللي بيقرو بقلوبهم مش بدماغهم انا اكاد اجزم ان القصة مشهورة اكتر من صاحبها الاكاديمي البحت... وعمره ما حد قرى له حاجة قبل كدة

3ali يقول...

ana lesa ma7'alastesh el rewaya sara7a - heya fe3lan momela 7abeteen - bas really great topic man
your blog is awesome in general
keep it up ;)

dr.lecter يقول...

تراكيب

انا متفق معاك في بعض الاشياء

الكاتب نفسه اندهش من الهعجوم والضجه رغم انه له روايه قبلها وهي ظزل الافعي اخطر واجرا من دي بكتيير جدا

بالنسبه لحكايه الهجوم علي الديانه للاسف ده صحيح معظم اللي قروها مبسوطين علشان كده لكن مافيش حد اصلا خد باله من الهدف الاساسي للروايه

واللي انا وضحته في البوست البعيد تماما عن نوع الديانه اللي اي حد بيعتنقها مننا

الروايه اعمق من كده ومش ممله بالعكس انا استمتعت باللغه الشعريه الجميله وطريقه الوصف والبلاغه اللي استخدمها فيها

عامه اقرا له ظل الافعي لو ماعجبتكش ده واكيد طبعا انا هحترم وجهه نظرك لكن انا عمري مكان هدفي اني اشكك في معتقد لاي حد

dr.lecter يقول...

ali

thanks man...ur commented satisfy my ego to far extent

dr.lecter يقول...

يسرا

هاتيها ماتنستنيش وقولي لي رايك

hamada يقول...

جروب جريدة الصباح العربي أول جريدة عربية تهتم بكل ما يخص المدونات والمدونين
http://www.facebook.com/group.php?gid=78080770039

!!! عارفة ... مش عارف ليه يقول...

خالص تقديري للجهد المبذول
في الموضوع ده

والذي يدل على قراءة جيدة ومتأنية لعزازيل

وتقدير خاص لنشر الوعي في إستغلال مدونتك كوسيط لنشر المعرفة

أسمح لي أرفع القبعة شخصك
القريب إلى نفسي

تحياتي
وليد

dr.lecter يقول...

hamada

انا انضميت خلاص

dr.lecter يقول...

وليد

بجد ردك ده كتيير اووي عليا ربنا يخليك يارب وياريت الناس فعلا تستفيد من اللي انا بحاول اوصله

ملكة بحجابى يقول...

انا عايشة فى منطقه عبارة عن كنايس اكتر من المساجد
ودير راهبات اجراسه بتملا الدنيا الصبح وشارعنا نصه او اكتر مسيحين وعايشين بحب جدا والحمدلله وماحسناش بفرق وواصلين لاننا بنتعزم عند بعض وبنعيش احزان وافراح بعض
بجد الموضوع مهم
بس دلوقتى فيه وئام كامل فى مصر
الحزازيات مش موجودة

دومت مبدعا
وتقبل مرورى
ملكة بحجابى

حازم سويلم يقول...

د/ ليكتر

قدر الأنسان يا صديقى ان يطرح الأسئلة ثم يحاول ان يجيب عنها. وأعتقد اننا نشبه بعضنا فى هذا الصدد

كما يبدو انك تتمتع بنفس لوامه, لا تتوقف عن لومك وتأنيبك على ما فات, وهى رغم اهميتها الا انها احيانا ما تكون عائق امام صاحبها كونها تسجنه فى الماضى

أبدأ بالجزء الصعب يا صديقى. سامح نفسك وأغفر للأخرين, وتوقف عن لوم الظروف. فأنت سيد مصيرك

تحياتى

hamada يقول...

جروب جريدة الصباح العربي بيت المدونين العرب
http://www.facebook.com/topic.php?topic=9339&uid=63301279594#/group.php?gid=78080770039

dr.lecter يقول...

ملكه بحجابي

لا فيه مشاكل للاسف بس ماحدش بيقولها في العلن فيه عاصفه مستخبيه تحت محتاجحه بس حد يطلعها للعلن

نورتيني

dr.lecter يقول...

حازم

جدا والله انت بجد قولت كل اللي انا عايز اقوله ربنا يجازيك خير
انت ماتتخيليش اد ايه الصراع اللي جوه نفسي ونفسي بجد ربنا يهديني بقي

سيبها علي الله

الحمقاء المضلله innominate x يقول...

i Did like the post with all the questions u had

محمد فوزي يقول...

ساعات يا ليكتر يا صديقي بتبقى طريقة الشيطان في الإغواء هي سجنك في فكرة إنك سيء وفاشل ومقصر ومخطيء على الدوام وخطر على نفسك وعلى اللي حواليك وطبعاً مبيكونش هدفه إنك لما تعرف ده تحسن من نفسك بالعكس بيكون الهدف إنك تفضل تايه وحانق ومقيد ومهدود وبالتالي لا تقوى على فعل أي شيء , ربما لو أقتنعت بوجهة نظري لتغير تخيلك للحوار( الرائع على كل حال ) بينك وبين عزازيلك بعض الشيء,

يعني في النهايه كله تلبيس في تلبيس على رأي الروايه اللي قريتها زي ما قولت لك وعجبتني جدا جدا وفعلا مش شايف أي سبب لغضب بعض الإخوه المسيحيين منها

هي بالضبط زي ما انت قولت حديث النفس الذي لا ينقطع ورحلة الشك واليقين التي تبدأ وتنتهي كل يوم , والشك في شيء لا يعني بالضروره بطلان الشيء أو ضعفه وإنما قد يعني ضعف الفهم أو التطبيق لهذا الشيء ولا قيمه للإيمان حقيقة إلا إذا كان في ما فيه شك!

أعتقد أن الغضب منها لكون كاتبها مسلم ولكني مقتنع بوجهة نظره القائله بأن التاريخ ليس ملكاً لأحد وطالما أنه لم يزور في أحداثه فمن حقه أن يتناوله حتى لو كان تناوله يحمل شيئاً من وجهة نظره فكلنا ينطبع على ما يكتب حتى لو كان تأريخاً

نصيحتي الأخيره لك أن تتحرر قليلا من القيود ومن الرغبه في المثاليه فبظني أنها سبب كل ما تعانيه من متاعب

تمنياتي لك بكل الخير

leeno يقول...

ممكن تبقى تقسم البوستات لانك بجد بتوهني

و انا اصلا ببقى عايزة اقرا كل حرق بس ببقى خاطفة الوقت للمدونات خطف

شحعتني جداااااا اقراهم و قريبا حدور عليهم و يحصل ان شاء الله

dr.lecter يقول...

الحمقاء المضلله innominate x

thanks for ur lovely words and its honor for me to visit me again

dr.lecter يقول...

محمد

انت غالبا قولت معظم اللي كنت ناوي اقوله

المشكله بقي فيا اني مش عارف ابطل ده مش قادر نفسي اوصل لحاله تصالح مع نفسي وارضي بنفسي لكني شايف اني ادامي كتيير علشان اقتنع بنفسي

dr.lecter يقول...

لين

والله انا غصب عني انا بارقع الكلام مره واحده من غير مانظم ولا يحزنون انا بكتب ده لنفسي والله وساعات اقول مش مهم حد يقراه المهم اني طلعته من جوايا وخلاص

z!zOoOo يقول...

السلام عليكم

ليكتر ازيك يارب تكون بخير

انا جيت اسئل عليك وقريت حاجه بسيطه من البوست

انا عارف إن الروايه هوجمت عشان فيها حقايق تاريخيه نفس الي حصل مع الفيلم الوثائقي الاناجيل المفقوده


كمان انا اصلا من فتره كبيره وانا عايز اقرا عزازيل ويوتوبيا فمش عايز احرقهم لكن حتي لو فات وقت كبير في اقرب فرصه هقري الكتاب فيها هاجي اعلق

بس مش عارف صراعاتك وعزازيلك هتكون اختلفت او تلاشت ولا لا

شيل تأكيد الكلمه انت بتعمل تصويت عشان تشيلها ولا لا ولا ايه

دمت بكل ود

في رعايه الله

dr.lecter يقول...

z

كتر خيرك بجد انك سالت عني

صراعي مع عزازيلي لسه مستمر بس هدي شويه عن اليومين اللي فاتوا
لكنه هيخليه موجود طبعا وانما اللي بايدي اتحكم فيه واغلبه في النهايه

ده شيء يجع لقوهع ارادتي انا


مش عاوز اقولك اد ايه انا مبسوط بزيارتك دي

z!zOoOo يقول...

صباح الخير

وانا مبسوط اكتر بإنبساطك بزيارتي
وفي المقابل بستنا زيارتك

وبجد اختيارك لموسيقي ياني روعه بجد لأني من عشاقه

ربنا يديم الود والمحبه بيننا

في رعايه الله

dr.lecter يقول...

باذن الله