الثلاثاء، 16 يونيو 2009

U P






" the adventure awaits u "

تحفه بيكسار الجديده الممتعه والعميقه للغايه كالعاده والتي تتمثل فيه افلام تجذب جميع الاعمار ونقع في عشقها

فيلم العام بجداره عن الفرص المؤجله والوفاء بالوعد والحب الابدي

فيلم سيجعلك تبكي من قلبك وتضحك من شده عذوبته ورقته

لعشاق السينما الجميله انصحهم بمشاهده الفيلم في اقرب فرصه

فيلم للمصابين بالكتئاب والاحباط والحنين للماضي وكره الحاضر

الفيلم متوافر فقط في سيتي ستارز وجالاكسي


هناك 50 تعليقًا:

The Seagull يقول...

شوقتني بجد أشوفه يا دكتور :D

إن شاء الله هحاول أدخله الأسبوع الجاي .. كدة أو كدة انا نازلة سيتي ستارز عشان شوبة حاجات كدة :D

زمان الوصل يقول...

أتمنّى يفضل موجود لحد الويك إند اللىّ جاى :)

Fatma يقول...

انا مش ملاحقة ع السينما
اروح ايه ولا ايه

لسه الفرح واحكي يا شهرزاد وفيلم حلمي وكان نفسي اشوف عمر وسلمى عشان انا بتلذذ بتعذيب الذات وما يضرش بدل فاقد يالهويييييييييي

هحاول احطه في الخطةالخمسية :)

الشارده يقول...

عششقى الاول والاخير افلام الكارتون
بلاقى فيها كل حاجه
الحكمه
المتعه
الاحترام
مستنيه انزله علشان عمره ما هينزل عندنا سينما

مواطن مصري يقول...

فلم حلو اوي اتفرجت علية احنا فاقدين حب المغامرة و خايفين نجرب تحياتي

mUsLiM يقول...

جميل اوى يا دكتور

انا بحب أفلام الانيميشن اوى

الحاجه الوحيده اللى بفرغ فيها طاقتى السينمائية بعيد عنك

هههههههه

انا دخلت من قريب كان فيلم أنيماشن اسمه aliens الناس فضلت تتكلم عليه وتقول وتعيد

دخلت وشفته فى سينما فى دبي مول هنا الحقيقه كان جميل ورائع بس مكانش بالمستوى اللى انا تخيلته

لكن هانشوف ده علشان خاطرك يا دكتورنا

ولا اقلك

ما تيجى تدخله معايا :))

سلا فى انتظارك يا معلم

السلام عليكم

mUsLiM يقول...

اه نسيت اقلك ان سينما جالاكسى دى معشوقتى السينمائية

ههههههههه

بجد اللى يحب يدخل الفيلم ده يدخله فى جالاكسى

وحشانى اوى والله :)

السلام عليكم

ســـــاره يقول...

الفيلم حلو اوووووي
تحفه وابداع فني رائع
الفكرة بحد ذاتها تجنن
فعلا يامصعب لازم تتفرج عليـــه :)

Empress appy يقول...

اروح على ضمانتك انا شوفت الاعلانات بتاعت وكانوا بيتكلموا عنه فى برنامج اروح ولا ادفعك تمن التذكره

عمرو يقول...

بيعجبنى أوى أوى من هنا لبكره ذوقك الرفيع الراقى ..
ألف شكر لأنك بتلفت الأنظار لهذه الروائع اللى قد تفوت على الكثيرين ..
تقبل تحياتى و تقديرى ..

dr.lecter يقول...

SAEAGULL

هيعجبك جدا ماتضيعيش الفرصه ادخليه

dr.lecter يقول...

زمان الوصل

ان شالله هيخليه موجود ادامه اسبوعين كمان

dr.lecter يقول...

فاطمه

نفس موضوعي

انا كنت ناوي ادخل الفرح بس كان عندي مشوار جنب سيتي ستارز وطبعا هو مش موجود هناك فقلت اديها انميتشن بقي

بس هحاول ادخله اليومين الجايين مع ان عندي امتحانات

شهرزاد داخله الاسبوع الجاي ان شالله مع صديق ليا هندخله بالليل في نايل سيتي


ادخلي اب هيعجبك اووي خصوصا مضمونه

dr.lecter يقول...

ايمان

بالظبط يايمان الفيلم مليان اووي عملي موود جامد في دماغي يااااااه

للاسف هو مش نازل عندكم استني عليه كده 4 شهور يكون نزل نسخه دي في دي

dr.lecter يقول...

مواطن مصري

بالظبط انت قلت اللي فيها
ده مضمون الفيلم اننا خايفين نجرب حاجات جديده وعمالين ناجلها

dr.lecter يقول...

مصعبينو

اه عارفه بس ماشفتهوش ومش عاوز اشوفه بصراحه علشان اصلا الفيلم شكله مبتذل شويه وفيه مبالغه في السيناريو

اكيد هتلاقي اب عندك ادخله علي ضمانتي

dr.lecter يقول...

جالاكسي دي عمري مادخلتها اسمع ان لها طعم تاني خالص غير اي سينما تانيه في مصر مع انها قريبه مني في القصر العيني يادوبك 10 دقايق او اقل بالعربيه

بافكر اجربها في مره ان شالله

لما ترجع نبقي دخلها مع بعض

dr.lecter يقول...

ساره

كويس انه عجبك ياللاا عاوزين نعمله دعايه حلوه

dr.lecter يقول...

appy

علي ضمانتي ياباشا ولو ماعجبكيش ادفعلك تمن التذكره كمان شفتي بقي احنا مش متاخرين عنكم في حاجه

dr.lecter يقول...

استاذ عمرو

والله يافندم انت بتخجلني بكلامك الحلو ده ربنا يخليكياررب ومعلش طولت في الغيبه المره دي علشان الظروف بس

شكرا مره تانيه

Romaya يقول...

نفسي احب افلام الكارتون والانيمي زيكوا كدا :D

اخر فيلم شوفته كان الاسد الملك :D
:D

اخواتي اللي اكبر مني بيعشوقها
وانا لو قعدت اتفرج على 5 دقايق بس على فيلم منهم بحس بملل رهيب

رغم ان الافلام دي معمولها شغل وميزانية فظيعه وبتجيب ايرادات ضخمة في السينمات
وبيبقى محتواها قصة وفكره بتوصل للناس عن اي فيلم عادي

Unknown يقول...

اكيد هشوفه باذن الله

ReEm يقول...

انا من ساعة ماشوفت اعلانه في برامج

الافلام وانا هموت و اشوفه عاجبني موت

و لسه امبارح بقول لاختي الصغيرةالفيلم

ده اول ما الاقيه لازم اشوفه بجد يا

خسارة مافيش عندنا سينما

Vera يقول...

جيد جدا بما انو للمكتئبين والمحبطين يبدو انه مناسب تماما..ٍسأحضره ان شاء الله
على كل حال سأوافيك برأيي قريبا :)
مساءك ورد

Yasmine يقول...

الفيلم دا هو و CAROLINE فى الخطة الخمسية عندى..كويس انه فى جالاكسي دى قريبة منى جدا
و بمناسبة الافلام فانا من موقعى هذا بحذركم يا اولاد من بوبوس دا لا فيلم ولا كوميدى ولا يمت للسينما بصلة..خسارة ال25 جنيه اللى هتدفعوها هاتوا بيها وجبة كنتاكى افيد :D

Here i'm يقول...

مع دوشة الدنيا .. و كله بيجرى و انا بجرى .. مبقتش بتابع خالص الكارتون او الرسوم المتحركة ..

و كنت و مازلت بستغرب الواد ماجا .. عنده كله أفلام الرسوم المتحركة و الكارتون .. مرة يقولى شوفت بومبة و تيمون .. مرة يقولى شوفت كونج فو بتاع الباندا .. و مرة يقولى شوفت فيندج نيمو ..

بس انا بفرح لما بشوف حد لسه بيتفرج على كارتون و رسوم متحركة .. بحس ان الدنيا لسه بخير :D

بس حقيقى هيا مش نشاطى خالص :D

micheal يقول...

طالما كرتون يبقي قشطة وحنزله من النت
:)
تحياتي

dr.lecter يقول...

romaya

الاسد الملك؟

صباح الفل ده ايه ده؟.

لا انت لازمه تتابعي التطور اللي حصل في عالم الكارتون نصيحه بجد مافيش احلي من فيلم كارتون

dr.lecter يقول...

انجي

باذن الله

dr.lecter يقول...

ريم

لا لااسف هو نازل في 26 سينما بس وزاحده في المنيل والتانيه في مصر الجديده

dr.lecter يقول...

ايمو

ان شالله يطلعك من الاكتئاب

مستني رايك

dr.lecter يقول...

فله

كارولين بيتهيالي شالوه مش متاكد

بس الحقي بس بسرعه

بوبوس من قبل مايتصور وانا رافض ادخله اصلا علشان الزفت يوسف معاطي بكرهه والحمد لله ظني كان في محله محدش دخل الفيلم الا وشتم في الفيلم وقال عليه اسوا افلام امام لغايه دلوقتي

25 جنيه ايه ياحاجه التذكره بقت بتلتين 25 ده الصبح

dr.lecter يقول...

قباري


ههههه والله موجه ده بيفهم وجامد مووت

افلام الكارتون دي يابنتي احلي من الافلام العادجيه بتلتين مره

ههههه انت بتتريق علينا يااض مسيرك تبقي زينا وتتفرج عليها معانا

dr.lecter يقول...

مايكل

اشته استني لما ينزل دي في دي بس الافضل انك تشوفه في السينما علشان لها طعم تاني

صوت من مصر يقول...

اظن ان ده اعلان للفيلم

Unknown يقول...

هاحاول اشوف الأيام الجاية انا اعشق هذه النوعية من الأفلام

اشكرك على اختياراتك

dr.lecter يقول...

صوت من مصر

لا مش اعلان انا قلت مختصر الفيلم ببساطه شديده عاوزني اكتب عن الفيلم مش هيكفيني البوست علشان اوصفلك اتقان بيسكار انها تعمل فيلم عظيم زي ده ولا شغل المؤثرات الخاصه المختلط بصور واقعيه تخليك مكش عارف تعرف ده حقيقي ولا جرافيكس

dr.lecter يقول...

egyboy

فينك من زمان

ليك وحشه والله رجع ياعم اكتب تاني

Desert cat يقول...

ميرسى يا دكتور
على هذا التشويق
للاسف وقتى الايام دى ضيق جدا ولما بنزل بيكون اخرى وسط البلد اخلص مشواير متتالية وارجع تانى
ربنا يسهل واقتنص جزء ولو يسير من الوقت واتجه لستى ستارز

ديالا يقول...

بجد شوقتنا نشوفه بس للاسف انا مش هشوفه

وده ليه بقي اني بعيده جدا عن السينمات دي

عايزالها سفر بعني

مش مشكله بقي ابقي احكيه لينا يادكتور

محمد فوزي يقول...

والله يا ليكتر لو عرفت إن في آخر زياره ليا لأحد السينمات هنا في مول من المولات كانوا لسه بيعرضوا مبروك رمضان أبو العلمين كنت هتعرف إني إن شاء الله هشوف الفيلم ده على يناير 2010 كده , ولو إني انا مش ميال قوي للأنيماشن لكن أوعدك اول ما ييجي في 2010 اشوفه D:

Zika يقول...

علي ضمانتك ده يا دكتور ؟ :)

dr.lecter يقول...

قطه

ربنا يكون في عونك بس رفههي عن نفسك شويه وادخليه هيعجبك بجد

dr.lecter يقول...

ديالا


وايه يعني؟ مانا برده مش من القاهره وبانزل مخصوص علشان الافلام او لما بابقي متوتاجد علي حسب ظروف الشغل هناك

لو انت عايزه تشوفيه بجد هتنزلي له مخصوص

dr.lecter يقول...

محمد فوزي

هههههههههههه ياحوستي

لا ماتبقاش متفائل كده يعني
ده لما هييجي 2010 هيبقي نزل دي في دي

dr.lecter يقول...

زيكا

ادخله ياراجل ولو ماعجبكش ابقي تعالي خد التذكره مني

!!! عارفة ... مش عارف ليه يقول...

شكراً للتنوية :)

وإن شاء الله اشوفه قريب

تحياتي
وليد

Ahmed EL Masry يقول...

الناس بتشوفه مجرد فيلم كارتون اخر موجه للاطفال.. بس كعادة بيكسار زى ماقولت يا ليكتر.. بيعملوا أفلام ذات قصة ومضمون وبعد عميق جدا.. up واخد rate .. 8.8\10
مش من فراغ.. لانه من أعمق القصص الإنسانية الى إتفرجت عليها بجد واثر فيا كتير.. زى كتير من افلام الانيميشن الى هي مازالت عشقى الاول والاخير.. انا برد في بوست قديم بس لكل الى متفرجش على الفيلم الرائع دا.. لازم بجد تتفرجوا عليه.. لانه راقى لابعد الحدود.

dr.lecter يقول...

وليد باذن الله

dr.lecter يقول...

احمد بيه المصري عندنا

متفق مليون مفي الميه في كل اللي انت قلته بجد الفيلم جميل لاقصي درجه وراقي وحساس فعلا