الأربعاء، 16 سبتمبر، 2009

26 عاما من العزله






“Some people were born to set by a river
Some were stroke by a lime
Some have ears for music
Some are artists
Some swim
Some know shakespear
Some are mothers
And some people dance”





From the curious case of binjamin button







MusicPlaylist
Music Playlist at MixPod.com









ادوارد نورتون يتبقي له 25 ساعه قبيل مغادرته للحياه التي خبرها والتي اعتادها مع حبيبته واصدقائه وووالده وعمله ومدينته ليذهب الي حياه اخري قاسيه مجهوله المصير صعبه الي حد لا يحتمل بسبب خطا ارتكبه واعتاد علي ارتكابه رغم انه شخص صالح لكن لا جدوي من البكاء علي اللبن المسكوب فيقرر قضاء اخر 25 ساعه في الاستمتاع بكل مايربطه بالدنيا





كان هذا ملخص فيلم رائع شاهدته منذ 3 اسابيع جعلني اقرر فعل شيء مشابه مثله
ان احاول التعويض عن جميع اخطائي وان اتعلم من جديد





ربما عانيت كثيرا وربما ماعانيته ليس بمقدار ذره مما يعانيه الاخرون من ظروف اسوا مني وكما يقول المثل الرائج من يري بلوي الاخرين تهون عليه بلوته
انا لست معاقا ذهنيا ولا فقدت طرفا من اطرافي في حادث ولا شردت من مسكني علي يد الحكومه ولم اتعرض للتعذيب علي يد مباحث امن الدوله ولم اعاني من سلب حقي في التعبير عن الحريه مثل البعض ولم اصب بالسرطان ولم انبذ من الناس اذن فلما اكون بائسا اترحم علي الزمن الجميل؟
ربما كنت سلبيا ومتهاونا في بعض الاشياء التي لا تهمني في شيء عكس باقي البشر الراكضون وراء الدنيويات لكني راضي وقانع عن كل تجربه مررت بها بحلوها او مرها
راضي عن كل فتره الم ولحظه سعاده ولو قصيره لانها جعلت مني انسان صابرا يععلم ان ماينتظره افضل بكثير مما يراه الان
ربما كنت اكثر اخوتي سعاده في الحظ وتعاسه في الان ذاته ولكن الثمن كان غاليا من حرق اعصابي واحتمال سخافات البشر
نعم سخافاتهم وتفاهاتهم وجشعهم الذي سيدفعني لمغادره الوطن للابد باذن الله فلن احتمل ان ابقي في وطن مقيد بعقليات باليه عفاعليها الزمن ومكبوت جنسيا وسياسيا ودينيا





لو بقيت في هذا الوطن لحظه اخري وفقد صبري ساتحول الي متطرف يسفك دماء الناس علي اختلاف ميولهم او ساتحول الي شخص مثلهم يرضي بالعيش في مرتبه اقل من الحيوانات متخيلا انه بالسياره التي يركبها والعمل الذي يجني من وراءه الملاليم والزوجه التي يضاجعها والاطفال المجهولين المستقبل في وطن كئيبب متخيلا بكل ذلك انه انسان سعيد وانه يحيا ولكنه يموت كل يوم تلو الاخر





نعم فانا مليء بالشر ولا انكر ذلك واتخيل اليوم الذي يظهر فيه الوجه المظلم من القمر حينها ستكون القيامه قد حانت
صحيح اني خبرت تجربه فاشله بالحب وتعلمت منها الكثير واصبح عندي امل اكبر اني ساقابل الشخص المناسب قريبا ربما اكون قابلته البارحه او قابلته ولم اعلم انه مقدر لي قبيل كتابتي لتلك الكلمات ويكون فعلا هو من كنت ابحث عنه طيله عمري وان كنت اخطات الاختيار من قبل فساحرص علي ان لا اكررها وسانظر للامور بمنظور عملي مجرد من المشاعر كيلا احبط مره اخري






صحيح اني وعيي ازداد واصبحت اكثر نضوجا كما امل لكني كنت احلم بان اكون اكثر فاعليه وتاثيرا في حياه البشر واحاول ان اغير ولو مقدار قليل من المنحني الذي ينزلقون تجاهه ولكن يكفي اني ولو علي نطاق ضيق في 9 اعوام ماضيه تركت بصمه ثابته تحمل مني الكثير ستذكر الاخرين بي بعد رحيلي
صحيح اني خسرت اشياء كثيره وضيعت فرصا اكثر لكن لحكمه يعلمها الله كان ذلك في مصلحتي وفوجئت بعد فتره اني كنت مخطئا عندما اعتقدت ان الله يعاقبني










صحيح اني مازلت اعتقد انني وبيتر باركر نتشابه في صفات كثيره واننا مقترنين بشكل خاص رغم انه شخصيه خياليه سينمائيه كوميكسيه لكننا فعلا متشابهين ربما في التحول الدراماتيكي الذي طاله في الفتره الاخيره مثلما طالني وجملته الشهيره




With great power comes great responsblities







صحيح انني كنت علي علاقه قويه مع صديقه عزيزه ساندتني وساندتها طيله ال 4 اعوام الماضيه ونشات بيننا علاقه جميله اشبه بعلاقه
ميج ريان وتوم هانكس في فيلم لقد استلمت رساله وللاسف اصبحت علاقتنا متوتره الان ويبدو انها في طريقها للزوال بسببي انا كالعاده










صحيح اني عرفت مالذي خلقت من اجله ومايتوجب علي فعله لاكمال تلك المهمه لكني بحاجه لحافز قوي لكي تبدا
صحيح انني لم اشهد بعد قيام حلمي السياسي الوسطي واري بلدي نموذج اسلامي معاصر متحضر متنور مثقف قوي الحضور وطاغي الوجود مثلما كنت اتمني لكن يكفي ان احلم بذلك النموذج بعيدا عما فعله انقلاب 1952 وتوابعه ومادمره نظام مبارك وحزبه وتسبب في خلق النواه الاولي لثوره المظلومين والعشوائييين والجوعي والفقراء والمجرمين كما تنبا احمد خالد توفيق في روايته وكما تنبا يوسف شاهين وخالد يوسف في افلامهم









صحيح اني لم احقق حلمي بحفظ القران الكريم والتوغل في الفقه والشريعه كما كنت احلم ولكني ساحاول




صحيح اني كنت اتمني ان افعل الاتي في اخر يوم لي قبل مغادرتي للوطن لو قدر لي ذلك كما ارجو





لو قدر لي ان استمتع بيوم كامل سابدها من بعد صلاه الفجر
ساذهب الي بلده ابي اقرا الفاتحه لعمي وعمتي وجدتي واجلس قليلا في دار العائله
ثم اعود الي المنزل وانطلق انا واصدقائي عمرو وطارق ومحمد
نصل الي الاهرمات نركب الخيل في الصباح الباكر نصرخ في جنون ونتخيل انفسنا جنودا قادمين مع صلاح الدين من الشام
سنصعد الي قمه جبل المقطم نتناول قد ح من الشاي ونتامل مصر من الاسفل
سانطلق الي الاسكندريه اقابل اصدقائي باكرا واجلس علي مقهي في ستانلي وفلافل في محطه الرمل
سالقي بنفسي من اعلي قلعه قايتباي مضحيا بملابسي لاصطدم بالامواج واغوص مبتلعا ماء البحر المالح ثم اطفو وذراعاي ممتده الي خلفي تاركا نفسي للمد
ساتصل بفيليب وحسن واقاابلهم علي مقهي ندخن النرجيله المطعمه برائحه التفاح ونذهب الي جامعتنا وهي خاليه من الطلاب ونركض داخل اروقه المعامل والعيادات
سانزل الحسين واتناول الفطائر المحشوه باللحم هناك واتوه في مسجد الحاكم بامر الله ومسجد المعز وباب زويله وحارات الجماليه
ساتوجه الي التحرير واشتبك في مظاهره وافرغ طاقه العنف المكبوته واتحمل عصا الجنود المساكين المامورين لاصل الي كبيرهم واقذف عليه بصقه مع توصيه ان يسلمها الي كبير كبيرهم
ساهرب منهم في مترو الانفاق واذهب الي دار الاوبرا احضر حفله لتلك العازفه الروسيه الجميله المجهوله الاسم
ساتناول حلوي السينابون بالكراميل والمكسرات حتي اصايب بنوبه سكر ونشوه تجعلني اطير من الاستمتاع بمذاقها
ساتصل باكثر من شخص اعتذر لهم واطلب مسامحتهم
ساذهب الي ملهي ليلي راقص ارقص علي انغام التكنو والهاوس
نعم انا ساكون الرجل العنكبوت ساكون خارقا ماحقا جريئا متحررا ساكون ماحاول ان استخرجه من اعماق نفسي طيله 26 عاما
نعم ساكون جامحا وجريئا ساخرج عن وقاري واكون عربيدا
سادخل حفله العاشره مساء لفيلم جديد مع من ساختاره سواء اصدقائي او اولاد عمتي
سنركض بالسياره قرب المطار ثم نعود الي المدينه مره اخري لان طائرتي لن تقلع الا في التاسعه صباحا
سانزل للتمشيه في قرب نفق الثوره وقصر العروبه اتامل حراس الفرعون واقفز امام قصره متمنيا ان يكون متيقظاا ويراني
ساقف امام النيل اراقب العشاق الجدد والعشاق القدامي ولن ازعجهم فيكفي انهم يعيشون لحظات سعاده قليله ويقتنصون سعاده حرم منها الاخرون
ساقف وحيدا مع مشغل الموسيقا الرقميه وسماعته في اذني استمع الي موسيقا جون ويليامز او رحيق فيروز ودفء دايدو
اعود بالزمن الي اليوم الذي ولدت فيه من جديد
11 سبتمبر 2001
اتجاهل مايقال عن انه اسوا يوم في القرن الواحد والعشرين وعن توابعه ونتائجه فكل هذا لا يعنيني من الامر شيئا
مايعنيني اني ادين له بالكثير وهو يتفهم ذلك جيدا ويعلم انننا مترابطان بشكل ما كانما قدر في هذا اليوم ان يولد انسان مع مقتل الاخرين ويتغير عالمين
عالمي وعالم الاخرين
ساترك روايتي التي تخوفت من نشرها وترددت واهديها الي صديقتي العزيزه التي اسات لها كثيرا وتحملتني وتنازلت عن اشياء كثيره مقابل الحوز علي رضاي واني لشاكر لها وادين لها بالكثير ولتلك الفتره التي عرفتها فيها واني لاسف علي ماحدث مؤخرا وهز عرش الصداقه
ساذهب الي منزلي مره اخري اقبل ابي علي وجنته واقول له مالم اقدر علي الافصاح به من قبل واتفهم مافعله من اجلي واداري دمعته
ساحتضن امي جيدا واجعلها تعبث باصابعها في خصيلات شعري واشرب من يدها كوب الليمون المثلج الحلو الطعم مثلما اعتادت ان تصنعه من اجلي
سابعث برسا ئل وداع الي كل اصدقائي علي الشبكه المعلوماتيه شاكرا لهم واسفا لهم
سانام نصف ساعه اخيره علي فراشي قبيل الرحيلوياتي طارق ليلتقط حقائبي وادخل المطار وساجعله يرحل علي البوابه وانام داخل الطائره








خارج السياق















دكتور احمد خالد منزل كتاب جميل جدا مقالات سياسيه واجتماعيه وارائه الصريحه في كل حاجه وخاصه سلسله المقالات الموجوده جوه الكتاب بعنوان مخلوقات كانت رجالا خلتني علي وشك ان عينيا تدمع من كتر رصده للحاله اللي وصل عليها المصريين والمجتمع من تدهور وتنازلات اخلاقيه وكم القهر السياسي والاجتماعي والقيود المتخلفه اللي احنا عملناها بادينا للاسف
الكتاب بيحمل رونق كتاب بالال فضل الاخير السكان الاصليين في مصر وكتاب مصر دي مش امي






عن لمه رمضان مع الصحاب والعيله






عزومات وخروجات ومقابلات مع ناس وناس جديده اتعرف عليهم وافك من الحاله اللي كنت فيها ساعدتني بجزء بسيط اني استمتع برمضان





اجمل حاجه ان العيله عندنا اتلمت اكتر من مره ومن زمان ماعملناش كده خلتني فرحان جدا السنه دي وحسيت ان عمتي كانت معانا في كل لمه نتجمع فيها بعد ماكان كل واحد بيتحجج بالمشاغل اللي وراه وهموم الدنيا



الفطار مع الصحاب برده حلو بره البيت واللمه وبعد صلاه التراويح لها طعم تاني بجد حاسس ان في رمضان كل حاجه بيبقي لها طعم مختلف يمكن ده بسبب روحانيه الشهر الكريم














عن بيان حزب الوسط







اغلب الناس سمعت عن الحركه الواطيه اللي عملتها لجنه الاحزاب بقياده فتحي سرور وصفوةت الشريف وحبيب العادلي لما رفضوا حزب الوسط للمره االرابعه باسباب واهيه عن بيان حزب الوسط

وبما انني عضو قديم فيه فبادعو اي مصري شريف انه ينضم لنا وهذا اضعف الايمان لنعلن كلمتنا في البيان اللي هيصدر للنظام المصري










عن الحسين









كنت محتاج انزله السنه دي لاني بحب هناك الجو بصراحه بعيد عن زحمه القاهره وخنقتها وسبحان الله الما نزلت انا وطارق واحمد ماحسيناش باي زحمه كان المكان رايق جدا صحيح كان نفسي ادخل جامع الحاكم بامر الله اللي باعتبره تحفه معماريه واخد لي كام صوره اختفظ بيهم بس باذن الله هاعملها في وقت تاني لاني كنت نزلت متاخر






عن ليله القدر


اللي بادعو ربنا انها تكون النهارده علشان احضرها مع عشرات المصلين في الخلاء ندعو ونرجو ان ربنا يحسن ختامنا ويغفر لنا كلنا ويتقبل توبتنا

واخيرا

شكرا لكل من سال عليا وواساني وكل من وقف جنبي وكل من اثر في حياتي بالسلب والايجاب

شكرا لاصحابي بتوع الزقازيق كلهم واصحابي بتوع القاهره والاسكندريه وسوهاج

لمصعب وقباري وماجا ويسرا بالذات وفنون وفله وايمان وساره وكللاالمدونين الرائعين اللي اتعرفت علي افكارهم وكتاباتهم

شكرا لفاطمه ولمحمد واحمد وخالد وطارق واحمد ولاد عماتي

شكرا لزمايلي في الدراسه والشغل والماجستير

شكرا لاصدقائئ الخياليين
شكرا لجاربيل جارسيا ماركيز وفيودور ديستوفيسكي واسكار وايلد وبهاء طاهر وخيري شلبي واحمد خالد ونجيب محفوظ وعلاء الاسواني ويوسف زيدان ومارك توين وجورج اوريل
شكرا لستيفن سبيلبرج وسكورسيزي وشريف عرفه والطيب ووحيد حامد واسامه انور عكاشه وريدلي سكوت ويسري نصر الله وداوود عبد السيد وصلاح ابو سيف وحاتم علي

شكرا الي هبه انا عارف انك سافرتي من 5 سنين واتزوجتي وزمانك خلفتي بس رغم ده كله انت كنت سبب رئيسي في اني مانزلقش لظلمات نفسي رغم انك ماقصدتيش ده ولا هتعرفي ابدا تاثيرك عليا كان عامل ازاي بس دلوقتي عرفت حكمه ربنا باني كنت باعتبرك الملاك المنقذ لي حتي لو مكنتيش ليا
شكرا

هناك 40 تعليقًا:

الازهرى يقول...

أحب أسجل أول حمد الله على السلامه

وبعدها أروح أنام لأن لسه راجع من الشغل ولبدأت الموضوع لكن لقيته كبير ودسم
وارجع له بعدها بدماغ صافى

تحياتى دوما

samamasr يقول...

عيد ميلاد سعيد لحضرتك

ربنا يوفق حضرتك,ويوفقكم جميعا بإذن الله

ربنا يريح بالكم

الازهرى يقول...

يااااااااااه
يومك طوييييل جدا
لكن واضح ان وراه شجن كتير
مش عارف ليه ؟
لكن انا شخصيا لما باطلع الوش الوحش من جوايا بيبقى معناه ان السلاح الاخير خرج ووشخصيا انا اكتر واحد بيخاف منى وقتها لانى باكون غير عقلانى بالمره

لم أسمع الفيلم ولكن قرأت رواية ماركيز
لحظات التحول فى حياتنا كثيرة وكثيرا ما نعتبر العديد منها نقطة ميلاد لنا
ولكن كل نقطه تأتى معها بلحظات قوة جديدة ومسئوليات أكبر فى حياتنا

ربما ندين بالفضل للكثيرين ولكن إن لم يكن من بينهم إرادتنا وإيماننا الداخلى فقد خسرنا الكثير والكثير جدا

تحياتى وعيد سعيد لك وللجميع

mUsLiM يقول...

كل سنه وانت طيب يا محمد :)

وعيد سعيد عليك يا حبيبى

وعقبال كده السنه الجايه ما تكون مع عروستك ياعم :))

انت تستاهل كل خير والله يا محمد

السلام عليكم

micheal يقول...

أولا..حمد الله ع السلامة
فكرة الفيلم عجبتني جدا ويبقى الأهم التطبيق
صلح الفونت البايظ في فقرات كتير من البوست يا باشا عشان أقدر أتابعه
:)
عيد سعيد وكل سنة وأنت طيب
تحياتي

أبــــو ضـــيــاء يقول...

كل سنه وانت طيب

وبعدين في جملة اتقالت في ونيس واحفاده لما ولاده حبوا يهاجروا لنفس اسبابك , قالهم لما الناس النضيفة تسافر من هيفضل للبلد

ياريت تراجع فكرك

انا حرة يقول...

اخييييييييرا
حمد الله على السلامة اولا..ولا شكر على واجب ثانيا :)

انا جيت بس اقولك حمد الله على السلامة الاول و هاجى اقرا بالتفصيل تانى و ارد عشان نازلة دلوقتى..عالم المدونات نور والله يا دكتور :)

انا حرة يقول...

انا جيت تانى :D

انا فاكرة انى كتبت موضوع عن اخر يوم ليا فى الدنيا..بس لما قريت كلامك حسيت بمدى الانانية اللى كنت فيها..اصل اليوم كان كله حاجات عنى و ليا لوحدى..شكلى هروح اشيله دلوقتى :D

بالنسبة لحزب الوسط فاللى فهمته انه اترفض لسببين..او بمعنى اصح تلكيكتين..الاولانية نشر اسماء المؤسسين و الاعضاء بخط غير مقروء فى الجرايد و دا مخالف لقانون الاحزاب و التانى لان الحزب فى نظامه الاساسى مش بيقدم جديد للحياة السياسية فى مصر..و ان فى مادة بتقول ان اى حزب جديد لازم يقدم جديد للحياة السياسية يا اما يترفض :S
ما فهمتش بقى هل دا اللى حصل ولا لا..بس بما انك من اعضاء الحزب فيا ريت تشرحلى عشان انا كنت مهتمة بالموضوع دا اوى فى وقته..و بعدين لو السبب التانى دا صحيح مع ان جملة "لا يقدم جديدا" دى مطاطة جدا و مش واضحة..بس هو الحزب الوطنى كان قدم ايه جديد من 28 سنة؟

بالنسبة للحسي فعلى قد ما حبيت المكان دا على قد ما بيجيلى هلع من كمية الناس اللى موجودة فيه..انا ما رحتش غير مرتين و ما اعتقدش انى هكررها تانى..بس بجد الزحمة هنا فوق الوصف مش عارفة ازاى يبقى عندنا مكان بالجمال دا و يتساب مهمل بالشكل دا!

عمرو يقول...

الحمد لله على السلامه بعد غيبه طويله نوعا ما ..
أيه ده كله يا دكتور ؟؟!!
ده كل جزئيه فى البوست ده يستحق أن يكون بوست لوحده قائم بذاته ..
أصدقك القول أنى أستمتعت بأسلوبك الراقى اللى أخدنى لمناطق بعيده فى النفس أستطعت أنت أن تصل اٍليها بشاعريه رائعه ..
كلماتك تدعو للتأمل العميق بصراحه و ربما تثير فى النفس الخوف و الشفقه كمبدأ كلاسيكى من مبادىء الحياه ..

dr.lecter يقول...

الازهري

الله يسلمك وشكرا علي سؤالك

الروايه طبعا رائعه انا اقتبست منها العنوان بس مش اكتر وانصحك تشوف الفيلم

موضوع الشجن ده ملتصق بيا وده مش معناه اني دايما حزين بس هو طبعي كده للاسف

dr.lecter يقول...

ايمان

وانت طيبه يايمان وشكرا علي سؤالك

dr.lecter يقول...

مصعب

يسمع من بقك ربنا ياخويا بس الاقيها بس لو عندك واحده ابقي قوللي ماشي

dr.lecter يقول...

مايكي

الله يسلمك

طبعا التطبيق لازم

الفونت صلحته اكتر من مره مافيش فايده بس كنت علي جهاز واحد صاحبي لقيت الفونت معدول

هو في ايه ؟

dr.lecter يقول...

ابو ضياء

الهجره ماجلها لغايه ماخلص الماجستير وبعدين لو البلد حالها ماتصلحش والنظام ماتغيرش مش هاقدر اعيش في بلد يحكمها جمال مبارك للاسف مش هاقدر

dr.lecter يقول...

فله

اهو انا جيت اهو بس ربنا يسهل وابقي فاضي ادخل تاني

بالنسبه لحزب الوسط الاسباب اللي انت قلتيها هي فعلا اللي قالتها لينا لجنه الاحزاب وطبعا ده هجص وخرف

بصي علي برنامج الحزب عندنا وشوفي اذا كان يناسبك بما انك مواطنه مصريه اصيله ولا فيه مشاكل

السبب الرئيسي اللي رافضينه هو انا الحزب بتاعنا قايم علي مرجعيه اسلاميه

وطبعا ده مرفوض عند النظام الظريف لانهم مش متقلبين احزاب دينيه
مع ان حزبنا مشابه جدا لحزب اردوغان في تركيا ومش مقتصر علي مسلمين
معانا مسيحيين كمان وحزبنا معتدل مش متطرف زي الاخوان ولا الاحزاب المسيحيه اللي عاوزه تطلع

انا صعبان عليا ابو العلا ماضي هو ودكتور محمد العوا نفسهم طوييل وقرروا يفتحوا الحرب علي النظام لان خلاص كده جابوا جاز


الحسين السنه دي كان رايق جدا ماتتخيليش ازاي الجو هناك تحفه بجد انا نازل تاني قريب لاني مابشبعش من الجو هناك

dr.lecter يقول...

اه نسيت اقولك عن اخر يوم

وفيها ايه لما يبقي عنك لوحدك ؟ اصلك خلاص هتسيبي الدنيا فالباقيين هتعملوا بهم ايه
انا مشكلتي اني متعلق بالباقيين ولازم اشاركهم اليوم ده

والنبي ابقي انشري البوست بتاعك ده عاوز اقراه بجد

dr.lecter يقول...

عمرو

الله يسلمك ياباشا معلش انت عارف الظروف بجد ورمضان كمان جه علي طول

الله يخليك بجد انا حبيت اعمله بوست طويل علان اعوض اللي فات وعلشان معرفش هاقدر اكتب بعد كده ولا لا ومش ضامن حاجه للاسف
بالاضافه ان كان جوايا كتيير جدا كان لازم اطلعه

ميرسي بجد علي كلامك اخجلتم تواضعنا بجد

dr/shiko يقول...

dr/lecter احب ان اشكرك اولا علي زيارتك الكريمة لمدونتنا المتواضعة الرحالة ويارب تكون عجبتك وتكرر الزيارة عشان نتشرف بيك ... انا حسيت من كلامك بنبرة حزن واسي عالي قوي علي حالنا وحال البلد ولكن احب اقلك زي ماقالك ابوضياء لما الناس النضيفة تهاجر مين هيفضل في البلد .. الزبالة بس مع اسفي علي اللفظ.. ارجو انك تراجع افكارك بخصوص الهجرة عشان البلد دي محتاجة ولادها اللي بيحبوها زيك كده بالظبط مش اللي بيستغلوها .. عشان هم دول الامل في انقاذها من التخلف اللي احنا فيه .. احنا لازم نصبر في بلدنا ونحاول نصلحها مرة واتنين وعشرة وحتي لو احنا ما استفدناش من الاصلاح يمكن ييجي ولادنا واحفادنا من بعدينا يستفيدوا ويدعولنا عشان اللي احنا عملناه عشان خاطرهم... انت بجد حد كويس خالص .. ياريت تراجع افكارك.. وربنا يقدملك اللي فيه الخير

انا حرة يقول...

الموضوع اتنشر من زمان و اللى كان كان..انا لحد دلوقتى مش عارفة ازاى كتبت الكلام دا اصلا :D

http://banoutamasreya.blogspot.com/2008/09/blog-post_21.html

dr.lecter يقول...

dr shiko

انا مبسوط انك نورتني انا معرفش انك وابو ضياء مشتركين في نفس المدونه

بالنسبه لردك ماهو انا لو خلتني هنا في البلد احتمال اتحول لزباله

الامل الامل الامل انا بدات اشك ان فيه امل او بقعه ضوء اصلا


مدوننتكم متمميزه جدا ومش مجامله بجد

dr.lecter يقول...

فله

انا رديت عندك

الجواز و سنينه يقول...

ايه يابنى الجمال ده
طيب اعلق على ايه لا ايه
كلامك كله جميل
و الله من قلبى
مش لاقيه كلام اقولهولك
بس انت انسان نقى اوى و واضح
مش من بتوع اللف و الدوران
جواك فارس جميل نبيل
ربنا يحميك

dr.lecter يقول...

الزواج وسنينه

الله يخليك ده من زوقك بس بس انا مش نقي اوي للاسف ملوث شويه زي اي بني ادم تاني

Tarkieb يقول...

معرفتش اقرى بقيت الكلام الفونت كبر مرة واحدة وسايح على بعضه...ياريت تصغره حبة والنبي عشان نعرف نقرى الباقي

فشكووول يقول...

السلام عليكم دكتور

انت اتكلمت عن حاجات كتيره لدرجة انى فى نهايةالبوست نسيت المواضيع الكتيره اللى فيه

لكن القاهره والناس كانت قناة بتذيع مسلسلات تجيب تخلف عقلى

وجمال مبارك ما تتعبش نفسك لو حلفته بالرغيف السخن حيعمل اللى ابوه عمله

وعمرو خالد آهو احسن الوحشين

وحاجات كتيره ... سيبك انت

تحياتى

dr.lecter يقول...

تراكيب

لا ياعم انا مظبط الفونت ادخل تاني ولاقراه كويس

dr.lecter يقول...

عم فشكول

انا فعلا اتكلمت عن حاجات كتيره بالهابولي بس اعمل ايه كان جوايا كتيير اووي

نورتني يابيه

زهرة يقول...

اول زيارة ليا هنا بس مدونه تستحق التقدير

مدونه جميله يا دكتور

بس لو تسمح لى اسألك عن حاجة هو اضافه مدونه لمسابق مجله ميكانو محتاج تفعيل من المجله؟؟؟ لانه المدة طولت والمدونه منزلتش فعلا ومش عارفه اجيب الكود ..أنا بس كنت عايز افهم السبب

وربنا يجازيك خير

زهرة يقول...

انا قيمته لانه يستاهل التقدير

واسمح لى بالمتابعه الدائمه

مصطفى ريان يقول...

واضح ان ك مخنوق من حاجات كتير قوي بص مش هقولك لازم تقعد الشباب المتعلم هو اللي يحارب الظلم ووو... لأنى زيك عايز اشوف مكان تانى احقق فى حلمى بصوره احسن ومايكونش فيه كميه الاحباط اللي هنا لكن ماينفعش يبقى اي سفر لمجرد الهروب لازم تعرف انت رايح فين وهتعمل ايه تكون ماشي على نور .. واضح كمان انك سريع التأثر بمن حولك لا ماينفعش لازم تهدى وتحاول تقلل من تأثير الاخرين عليك
ربنا ييسر لك الخير

dr.lecter يقول...

زهره

شكرا علي كلامك

اه لازم المجله تفعل الاشتراك بتاعك عن طرق الكود بس كده كده المسابقه معادها فات خلاص للاسف

وشكرا علي تقييمك للمدونه

dr.lecter يقول...

مصطفي

مساله السفر دي انا حاطط نقط مبدئيه لو اتحققت يبقي خلاص حطيت رجليا علي المشوار اللي هاخليني عليه لغايه اخر العمر اما عن تاثري فده صحيح فعلا

انا سهل التاثر بحاجات معينه وبناس معينه للاسف

زهرة يقول...

ربنا يكرمك فى اى قرار هتاخدة وساعات كتير بنتخنق وساعات كتير بنكون حتى مش عايزين نكلم حد ولا نشكى ودة اصعب اننا منتكلمش بس بتعدى والوقت بيجرى والله بننسى ....

الدنيا مش مستاهله

بس احنا هنفضل دايماً مش عارفيين كدة

dr.lecter يقول...

الدنيا ماتستهلش اي حاجه بصراحه احنا المتعلقين بها وماسكين بها بادينا وسنانا للاسف

leeno يقول...

مش عارفة اكمل الموضوع من الخط لانه متشابك و اتحولت كفاية صراحة هههههههههه


بس شاددني اوووووي و نفسي اقراه للآخر

dr.lecter يقول...

لين

معلش اصلي كنت باكتب بسرعه والكلام كتير جدا حاولي تاخديه فقره فقره لوحده كده علشان هم مواضيع كتيره

فكرة من الزمن ده يقول...

اولا يافوناتك يا ليكتر
مش عارفة اقرا قريت الفيلم وانت ليه تكون بائس وانت مش معاق ولا عندك سرطان ولا مشرد بعد كده عينك ما تشوف الا النور
الكلام شبه الكنافة والبوست الجديد مش فيه تعليقات ايه الحكاية
تحياتي

dr.lecter يقول...

هو ايه حكايه الكلام المشبك ده؟ انا مش شايف حاجه خالص اشمعني عندي مش شايف؟

البوست الجديد مكنتش عاوز تعليفات فيه علشان هو خاص شويه بيا بس اهم حاجه حاولوت تدوروا علي الفيلم

غير معرف يقول...

الخط الخرة دا والمدونة البيضان دي

تحياتي
غير معرف

dr.lecter يقول...

ده يابيه جايبينه من عندك قال يعني هنجيب حاجه من بره هو انا اقدر اعمل حاجه الا لما جنابك تسمح لي

وكله من زوقك ياحبيبي والمدونه اتفقعت واتخصت لما شمت ريحه حضرتك من حضرتك