بالطبع لن اخفي فرحتي بما حدث فانا كنت من المتمسكين بالامل باننا سنحرز الهدف الثاني رغم تشائم الجميع وقتها ولن اخفي اني فرحت بفرحه الجمهور ونزلت الي الشوارع لاحتفل معهم واشاركهم في سعادتهم
لكن مايدهشني اننا في كل مره نربح فيها هو المبالغه في الفرحه كاننا حررنا القدس او اسقطنا نظام مبارك او استرددنا حقوقنا المسلوبه وتم حل جميع مشاكلنا
مايدهشني هو رغم جميع مشاكلنا وبلائنا وهمومنا ننساها في وقت الفرحه وتجد الجميع يتالف في اخوه ومحبه وفرحه ويتوحدوا في صف واحد ليرفعوا اصواتهم بكلمه مصر الي عنان السماء بقوه مما يذكرني بفرحه نصر 73
حقا نحن شعب مسكين وطيب يبحث عن الفرحه والسعاده ويحاول ان يقتنصها باي طريقه حتي لو كانت بضعه دقائق قصيره لعلها تجعله يصمد امام مشقه الحياه في وطن حزين ومهموم منذ 30 عاما
هناك 8 تعليقات:
.....
اقرا عن نفسى المعنى فى اخر تدوينة عندى
تحياتى
فعلا ترجمتم اللى جوايا بجد ياااه كاننا بنتعلق على اى قشاية فرح اى قشاية انتصار حسيت برغم الالم والفقر والمذلة برضه لسه بنضحك ونهيص حتى لو عشان جبنا هدف وحشنا تكون ايدينا فى ايد بعض وحشنا نقول بنحبك يامصر وحشنا الفوز فى اى حاجة
ههههههه عارف لما شفت منظر الاستاد قولت يااااااااااااه لو كلنا نقف كده ادام اللى قهرنا ولسه هيقهر فينا كنا زمانا احسن بلد واحسن شعب
حتى ياربى فرحتنا بالمبارة لم تكتمل لان طبعا الحزب الوطنى كانوا موجودين وكفاية كده
مساء الخير
اعتقد ان الشباب اللي خرج يفرح بالشكل الهستيري ده
شباب عنده كبت مش لاقي حاجه يفرح لها او بيها مش شايف اي انجاز في حياته يفرحه مش شايف اي قدوه يقتدي بها جدتي قالت لي ان زمان كان عيب الرجل يرقص شوف افلام زمان وافلام دلوقتي تستغرب فعلا
ربنا يحمي مصر
تحياتي
لاتعليق!!!!!
شعب صبور يصبر على الظلم لحد ما الظالم يزهق من كتر ظلمه ليهم
شعب طيب
بينسى بسرعه
اقل وابسط حاجه تفرحه
ماتلاقيش منه اتنين
ربنا يرزقنا بفرحه بجد تكون زى فرحه 73
السلام عليكم دكتور
احنا شعب اغلب من الغلب .. بيصدق نفسه فى شوية كوره .. بيفرح بافراط ويحزن بافراط بالرغم من كل الهم اللى احنا فيه .
درسى بيوجعنى
إرسال تعليق