الخميس، 18 فبراير 2010

FULLY ..... LOADED


فجاه يبدا التتر بسرعه كبيره وثقيله


قائمه طويله ويجب انهائها



حفل زفاف صديق لي ………… لقاء مع رفاق الماضي الجميل …………يوم مضغوط في العمل……..تحقيق في الشئون القانونيه…….حفل خطبه صديقي عمرو عبد العظيم…………لمه في شقه اسامه مع طير انت …………..الانتهاء من كتاب اللاهوت العربي ليوسف زيدان



مشاهده فيلم لاصاب بالحيره عن رجل تتعدد النساء في حياته وهو لا يعرف ماذا يريد بالظبط nine ……………..حلاقه ذقني وتحسين مظهري………..الغاء جميع مواعيد العمل بمعجزه والتنفيض له



جدل حول فيلم داوود عبد السيد الاخير وروؤيتي الخاصه له الفلسفيه التي اختلف فيها اغلب اصدقائي وعن مقالي الاخير


محاوله الانتهاء من كتاب احمد خالد توفيق والنوم يغالبني ………سحب مايسلزمني من المال من اجل الهروب الكبير
الاعتذار عن الذهاب الي المطار يوم الجمعه لاستقبال محمد البرادعي مع كوكبه من مثقفي مصر ومفكرينها ومحبي التغيير وبعض المدونين
الهروب من احتفالات الفالنتين الخرقاء وربما من عدم تذكير نفسي اني مضطرب عاطفيا رغم تواجد العديد في حياتي ولكني ارفض الاقتراب
فضيحه كليه الطب في الزقازيق التي تحدث عنها فهمي الهويدي في صحيفه الشروق والتي تورط فيها رئيس الجامعه وبضعه الاساتذه
تجهيز حقيبتي المكتظه كاننني ساهاجر ولن اعود مره اخري
توديع امي التي لم توافق علي هروبي المؤقت ……….ترك جميع وسائل الاتصالات الاكترونيه معلقه ورائي حتي لا اكون متوافرا
اهنيء عبد العاطي علي عيد ميلاده


عزومه اولاد عماتي عندنا في البيت وتمضيه يوم طويل معهم…………حسنا الحقيبه اغلقتها واخذت مستلزماتي
لا اخبر احد علي وجهتي لكني اجد ان البعض علم وينتظر عودتي



التنفيض ثم التنفيض ثم التنفيض انا بحاجه للهروب والابتعاد عن اي شيء ينغص معيشتي




...........



طريق طويل لكنه ممتع لان جمال الرحله في الطريق والصحبه
اثار السيول واضحه للعيان داله علي غضب الطبيعه عندما تفور وتبرز عضلاتها للبشر



احب سيناء افتقدها منذ عشره اعوام لانها تذكرني ببدايه فتره مهمه في حياتي



التقي مجددا مع شله الدبوره والشباب الجميله وامضي معهم وقتا رائعا


عمرو عبد السميع وعمرو صلاح كانا رفيقان رائعان بالاضافه للاصدقاء الجدد الذين تعرفت عليهم هناك
سافاري وتسلق الجبل متعتي الازليه ومشاهده شروق الشمس في الصحراء والشعور بالتوحد مع الطبيعه ……… التواجد في مكان يجمع جنسيات مختلفه من العالم كله ومحاوله التواصل معهم …………الشعور بسلام داخلي وصفاء عقلي رغم الاجهاد البدني





.............




انا سعيد رغم كل شيء ولا ارغب في العوده……بضعه اتصالات تضايقني ولكني لا اعكر مزاجي


اشعر بخفه وزني التي هي في الاصل ستون كيلو جراما فقط لكني فعلا اشعر بانعدام الجاذبيه وطاقه ايجابيه مشحونه
جسدي يصرخ وعضلاتي تم انتهاكها والاعتداء عليها لكني ارغب في المواصله والنوم يكاد ان يسب لي سبه بذيئه بان اعود الي الفراش والي الاحلام



انهي الهلوسه التي اكتبها علي صوت داليدا وهي تغني


" ادينا بندردش ورانا ايه ورانا ايه نحب نتعرف نحب نتشرف "



لا ارغب في الكتابه لن اكتب مره اخري مللت من الكتابه ولن اعود اليها اعتذر رغم اني كنت ارغب في الكتابه عن فيلم ناين الاخير لروب مارشال لانه يخصني جدا لكني اعتذر وساكتفي فقط بمتابعه التدوينات وساتغيب كثيرا


كتاباتي لا تهم احدا الا نفسي فقط لانها تخرج مابداخلي ورجعت فقط لاوضح تلك النقط ولاشارك بها كل من سال علي في فتره غيابي شاكرا لهم واسفا علي تلك الغيبه في المدونه








هناك 16 تعليقًا:

Maga يقول...

انتا قافل موبايلك ليه يا عمنا !!

!!! عارفة ... مش عارف ليه يقول...

مبدأياً حمد لله على سلامتك

وشكراً جزيلاً لإهتمامك

وخد وقتك عادي براحتك

بس لازم ترجع بإذن الله

لأن دي مش مدونتك لوحدك

كلنا شركا هنا


وليد

غير معرف يقول...

معلهش يا دكتور

هو إللي مع حضرتك في الصورة

في النص

اسمه دكتور هاني؟!! في قسم فيزياء؟؟ في المنصورة؟؟


معلهش للسؤال

غير معرف يقول...

مش مركزة في الموضوع


هو حمل كبير

بالتوفيق

غير معرف يقول...

ثواني
حضرتك بتقول في الآخر

لا ترغب في الكتابة

بص

هي حياة الواقع أفضل

خليك في حياتك,وحياة الواقع شوية

بعيد عن الكاتبة والأحلام

وإن شاء الله

ربنا هيوفقك:)

واكتب,الحاجات,الجديدة,بإذن الله,وهتبقى كويسة إن شاء الله

سواحة يقول...

مش حتقدر :-)))))))))))
حترجع و حتكتب
لما الكلام يخبط فى دماغك
و صدها ينزل فى المدونة غصب عنك :-))


المهم انت مين فيهم و لا انت مش فى الصورة اشاشا ؟؟(انت الى لابس sport؟؟

هربت على فين فى سيناء
لما ترجع كلمنا عنها
شرم؟؟

بص مش عارفة اقراء كلامك على رسائل البحر كل ما ادوس يفتحلى الفيس بوك بتاعى وانا مليش مزاج اظهر لبتوع الفيس بوك

حطه هنا لينا احنا و لو مش عايزنا نرد اقفل التعليقات

مطولش فى الاجازة و بعدين السنان مين حيخلعها ؟؟؟

Romaya يقول...

مش عارفه يا دكتور هتصدقني لو قولتلك اني نفسي انا كمان ابعد وانعزل عن كل اللي حواليا حتى نفسي !

عايزة اخد راحة من كل حاااااجه حتى لو مفيش في دماغي اي حاجه !

المهم اني اقدر خلال فترة البعد دي استعيد حاجات جوايا تاهت في دوشة ودورة الحياة السخيفه اللي كل يوم بتتكرر

عمومآ ربنا يريح بالك

ومتغيبش كتير عن اصحابك اللي بيعزوك

Zika يقول...

my dream is to fly .. over the rainbow ... so high

مي يقول...

خدها كأنها فترة راحة لكن انك تبعتد كتير ده صعب صدقنى وزى ما انت بتقول انها كتابتك بتكون راحة ليك وكلنا زيك بتيجى علينا فترات مش قادرين نعلق ممكن نتصفح بس المدونات والاخرى بتكون حالة ملل رهيبة مش قادرين نشوف قلم وورقة صعب انك تمتنع عن الكتابة عن الكتابة والتدوين والاصدقاء لانه بقى جزء مننا
دى فترة بس ياصديقى وهتعدى ان شاء الله وتروح وترجع بالسلامة
وبرضه مستنين تكلمنا عن الفيلم ونظريتك الفلسفية له
ومتتاخرش بقى لاحسن مش بتفرج عالفيلم الا بعد ما بسمع نقدك
تحياتى يامبدع

فكرة من الزمن ده يقول...

لكتر
ازيك يارب تكون بخير
وتبقى بيننا قريب
ولو على الاجازة خد وقتك واعمل مايريح اعصابك
وستجد اخوتك بانتظارك
تحياتي

Unknown يقول...

يعنى مش هاجى هنا تانى؟؟؟؟

الجواز و سنينه يقول...

بص يا دكتور
انت لسه صغير اوى على كل المشاكل اللى انت حاسس بيها
فكره انك تتوقف عن الكتابه
انا مش معاك فيها
ليه
علشان هيه تخصك ومحدش هايحسها غيرك
و كفايه انها تنفس عنك
و يمكن حد يقولك حاجه انت مش واخد بالك منها

z!zOoOo يقول...

ازيك يا محمد

انا مبسوط بالحاله الي انت فيها

طير وحلق علي قدر استطاعتك

وكلما تستطيع

تحياتي

Magi Mostafa يقول...

حلوه حاله الفضفضه دى اوى واجمل حاجه انك تنعزل عن الدنيا كلها بس بالنسبه للكتابه كان غيرك اشطر هترجع تانى تكتب
الكتابه ادمان ومش هتتخلص منها بالساهل
:)

Magi Mostafa يقول...
أزال المؤلف هذا التعليق.
micheal يقول...

بص مش حعلق في كل ده غير على نوت الفيس بوك
بجد هايلة خصوصا أني شفت الفيلم تقريبا وخرجت بأغلب الانطباعات اللي أنت كاتبها وعموما فيلم زي ده كل واحد حيشوفه بزاوية برضه
تحياتي