الأربعاء، 30 ديسمبر، 2009

A D I E U

تحديث
بسبب السفر لفتره وتضامنا مع محنه وائل عباس انا متوقف عن التدوين لفتره
...........................


ايام وسنين بتفوت عمري يجري مني ......... وتعيش احلام وتموت وانت جوه مني"




اراقبها بينما هي تداعبني برذاذ الماء في وجهي وانا مستند علي سور الكورنيش اتمني ان احضنها واندمج معها واخطف قبله منها فاذوب بها وتذوب في ونبدا مضاجعه روحيه وليست جنسيه تجعلني اشعر بالنشوه عندما تتسلل الي داخل جسدي واشعر بها وبنسيمها فاقبض عليها واسجنها بداخلي متخيلا عيناها وشفتيها الرقيقتين وصورتها دائما عذراء عروس اجمل ماتقع عليه عيناك عندما تاتي لزيارتها ولا تغادرك في اي مكان بينما فيليب يضحك وهو يشاهعدني في تلك الحاله


" بتحب اسكندريه للدرجه دي"



طبعا ماعندكش فكره هي كانت واحشاني اد ايه علشان بتبقي رقيقه وخجوله وهي في الشتاء



اتنزه معه علي كوبري ستانلي بينما الامطار تغرقنا والهواء يعصف بنا فنهرع الي كوستا نتناول موكا ساخنه وتنتابني حنين مفاجيء لشخص كنت اعتاد ان اجلس معه دائما في ذلك المقهي ولكني اشعر بكره مفاجيء ناحيته وغتاظ منه

والوم نفسي لما طرات عليا تلك الذكريات واتقزز منها واسخر منها ومن شفتيها التي طالما اردت ان اعضها باسناني وبشرتها الناعمه التي وددت ان المسها واحس بانفاسها ثم اصفعها في عنف واقهقه في غرور وساديه


اودع فيليب عند الميدان وانا اراقب تلك الفتاه التي تشبه واحده اعرفها معجب بها لكني لا اجرؤ علي البوح بمشاعري ناحيتها خائفا من افقدها كصديقه وخاصه انها خائفه من التورط في قصه غير مضمونه نتائجها معي وبالمثل اشاركها

خوفها فانا شخص فاشل عاطفيا وانسحب كلما اقتربت من شخص انجذبت له بعد توافق روحي بيننا ثم اخاف من المسئوليه ومن المستقبل واتركهه لاراجع نفسي هل فعلا اكن لها مشاعر حقيقه ولكني احترم رغبتها وادع الباقي لتصاريف القدر



اتجول داخل متحف المخطوطات القديمه بالمكتبه وتلهث انفاسي عند رؤيتي للرسائل الاصليه التي بعث بها النبي محمدعليه السلام الي ملوك العالم واشعر كاني اتواجد في لحظه تاريخيه هامه

ذقني طويله وشعري كذلك ولكني لا اهتم بهم حتي عندما افسد الهواء تسريحتي وتناثرت بضعه خصلات علي جانبي وجهي

ارمق الافق واتخيل ماوراءه فلولا الخيال لقضينا حياتنا بؤساء


اراجع نفسي وانا في طريق العوده الي البيت واعيد حساباتي وهل فعلا انا شخص سعيد ام تعيس ام شخص مل من الحياه واصبح يتقبلها بحلوها ومرها


هل انا منافق ام عديم الشخصيه ام جبان ام شخص فريد من نوعه؟


اجد اني شخص يحاول ان يقتنص السعاده بكل الطرق من براثن الحياه كيلا يندم علي مفاته شخص يقنع نفسه ان الاسوا قد فات وان الافضل في الطريق وان بعد العسر يسر


اؤمن بالامل وبالغد الافضل رغم الظروف االمحيطه بي ورغم ظروف البلد المظلمه وان فرجه النور تتسع في اخدود الظلام





عام طويل ومجهد مرح وحزين لطيف وكئيب تنوع مابين الخساره والفقدان والتقدم والنجاح جمع بين همومي الشخصيه وهموم الوطن الذي تناوبت عليه المصائب كالعاده والاحداث الهامه والمنحنيات الخطيره السياسيه والمحليه والتي تعتبر

بدايه الولاده لاهم عام مقبل في تاريخ مصر السياسي خاصه بعدما وضحت معالم التوريث وبدات المعارضه في سن انيابها لخوض معركه مصيريه ستحدد مصير 83 مليون مصري الا لو استثنينا ال 10 مليون التابعون للحزب الوطني وللنظام



اشعر برائحه السوس الذي ينخر في عظام النظام الحاكم واشعر بانه يتهاوي ويسقط علي مراحل بطيئه اقول ذلك لمن حولي فيسخروا مني لكني اشعر بذلك بقوه ان هي الا بضعه اشهر وسنري بدايه النهايه


الخوف يكمن ماذا اعددنا لبعد رحيل النظام؟ هل نحن مستعدين للاصلاح والتغيير؟

الحق يقال ان حالنا اصبح مثل التي وصفنا بها فيلم واحد صفر لكامله ابو زكري .شعب مهموم محبط يعاني من مشاكل دينيه واجتماعيه واقتصاديه ونفسيه يغلفه هيمنه نظام فاسد عجوز يتوحد باكمله صف واحد في لحظه قصيره من الفرحه

عند حدث رياضي مثل كره القدم التي تحمل اسم مصر ويفرح ويرقص محاولا ان يتناسي همومه ولو للحظات يبتعد بها عن ارض الواقع ويصبح مغيبا تماما عما يحدث في الخفاء ومايتدبر له القدر من خوازيق مستقبليه



ولعل الفيلم كان يتنبا بما حدث هذا العام وبما حدث في 2006 عندما كنا نرقص ونفرح بينما المصريين يغرقون في البحر الاحمر ولعل مقاله طارق الشناوي الاخيره في صوت الامه تبعث علي النفس الحزن


ارغب ان نتغير ونرفض فكره السعي وراء احتيجاتنا الماديه والشخصيه مستنفذين نصف عمرنا في وهم صناعي اسمه لقمه العيش كبهائم في حظيره يملكها رجال السلطه والمال متخليين عن حقوقنا الانسانيه في حياه كريمه



لكن رغم كل ذلك اري بشائر مستقبليه ان الحال سيبنقلب لصالحنا وبسبب ذلك فاني متفائل علي عكس الجميع




" ان الطغاه كانوا دائما سبب الغزاه "


فلنتذكر داائما تلك المقوله وليتذكرها اولي الامر في وطننا الهالك بلا محاله






عام تنوع مابين احداث مؤسفه كفقداني لعمتي ولنهايه علاقه خاطئه انتهت بالفشل واصابه حسن بوباء الانفلونزا الخنازيري والذي لم يتماثل للشفاء بعد وفسخ خطوبه عمرو وفشل فيليب في خطبته وانعزال بعض الاصدقاء المدونين الذين عشت معهم في مدوناتهم لعامين لكن في نفس الوقت كان مليء باحداث سعيده كزواج اختي وزواج اغلب اصدقائي ابراهيم وماجد وبسمه وخطوبه عبد العاطي وروضه وانجاب محمد ابن عمتي لطفله الاول ومقابلتي مع محمد راضي بعد عامين من معرفته




وقيامي بمجموعه من الرحلات والسفريات المتنوعه لعده اماكن وايام قضيتها تعتبر افضل ايام العام خاصه تلك التي تحدثت عنها باختصار في المدونه واصدقاء جدد واحداث هامه


لم اتزوج ولم اسافر بعد مهاجرا ولم احقق ذاتي كما تمنيت ولم انشر روايتي التي اعمل عليها منذ 3 اعوام ولكني راضي عن نفسي واراني قد تحسنت عن العام الكئيب 2008 لست حزينا بل متفائلا وسعيدا




الموت راحه بالطبع لكني ابغيه وانا راضي عن حياتي وحاليا انا ذلك الشخص فقد انجزت اغلب ماتمنيته والمفترض اني سعيد لكنها سعاده مؤقته كالعاده فيستحسن ان تاتي النهايه بسرعه حتي لا تنفذ رائحتها





لست خائفا ولست نادما علي ايه لحظه مرت بي بل قد استغليت كل ثانيه مرت علي لانها قد تصبح تغيير شامل لمجري الحياه





نعم انا افاتارا قرينا لا انتمي لهذا العالم الموشك علي الهلاك اعيش بروحي بعيدا عنكم وعن مشاكلكم اعيش حيثما انتمي لجنتي التي في عقلي ومنامي اراها فقط وامرح في اراضيها عندما انفصل بوعيي عنكم
كفانا بكاء ولوم وجلد للذات ولنعد انفسنا للرحيل للابد الي جنتنا الموعوده


انهي قراءه روايه وقوف متكرر علي انغام موسيقي ال budha bar وتدمع عيناي عند وصولي الي اخر فصل تكريم الانسان واتذكر ان غدا ليس ببعيدا وقد يدركني في ايه لحظه



انهي العام بتلك الخواطر التي انا مقتنع انها تعبر عني بصدق شاكرا الله علي مابتلاني سواء خيرا او شرا



انهي اخر تدوينه لي باغنيه didoالرائعه







هناك 58 تعليقًا:

micheal يقول...

ختام رائع بأغنية رائعة
:)
يا باشا سيناريو التوريث بدات تضح معالمه منذ سنوات...مش فارقة المهم أنه حيتم بأي شكل
:)
عجبني أوي تشبيهاتك للإسكندرية رغم اني مش اسكندراني
تحياتي وتنمياتي بعام سعيد

م/ الحسيني لزومي يقول...

عام سعيد وكل عام انتم بخير
نحن مقبلون علي لحظات حرجه في تاريخ مصرنا
انتخابات مجلس الشعب 2010
انتخابات الرئاسه 2011
هل اعددت نفسك لتقول كلمتك
هل سجلت نفسك في الجداول الانتخابيه
اذا كنت قد سجلت نفسك ادعو غيرك
الحمله الشعبيه للقيد بالجداول الانتخابيه
باقي من الزمن30 يوم

مي يقول...

اولا كل سنة وانت طسب و2010 تكون سعيدة عليك يارب

الاغنية حلوة جداااااااااا
بحب اسلوبك وطريقة سردك وايجازك لاحداث تركت فينا اثر
تشبيهك لاسكندرية روووووووووووعة
وانا اقول اسكندرية منورة ليه !!!!!
(:

mUsLiM يقول...

أطلق روحك يا صديقى

أطلقها ودعها تمر فى قيثارة هذا الكون حينما تتلاعب به أصابع الهوى

أطلقها يا أخى تسير حالمة بين الأزهار والجداول تداعب الفراش الحزين وترسم الأحلام بين أيادى السكون

أطلقها حالمة مرفرفة بجناح الغروب فى مساء الحياة الجميل

أطلقها لكى تشعر بالروح المعذبة فى جانب الكون الآخر

ترنو إليك وتنظر إلى كلماتك حالمة غارقة فى بحار من الشجون والآلام بين أمواج الكآبة والهموم

أطلقها ففى الجانب الآخر روح غريبة تعيش على أمل العودة

تعيش على أمل الحياة

تعيش وترجو أن تراك

زقزوق يقول...

عندى سؤال لو سمحت يا دكتور
وانا اسف عشان ملوش علاقة بالموضوع او المدونة
هو ممكن الاسنان بصيبها تسوس وشكلها الخارجى مش باين عليه انه متسوس
ممكن تكون مسوسة من جوة ومن برا بيضا ومفهاش حاجة يعنى؟

Wanda يقول...

كل سنة و انت طيب يا دكتور لكترا
مش حتقولى يعنى ايه لكترا ده ؟؟
:-)))

بص انا مليش فى حب الاسكندرية بس فى الاسكندرنية :-)) نفسهم
المهم
طلعت دكتور سنان
يعنى الزيارة متنفعش تبقى بلوشى و منغير الم
الحق اهرب
بس لو لفيت فى الكون ابقى عدى عليا فى كوكب بلوتو :-)) نضايفك ببلاش

dalia يقول...

ليكترا

شعورك تجاه الاسكندرية يوضح ان لديك انتماء تجاه البلد بما يمكن أن نسمية حب الى درجة الجنون ويعكس عاطفة كبيرة لديك كالشلال فقط كن على ثقة انه شلال خير وليس شر
انت بجد حيرتني معاك مش عارفه اضعك في قالب معين في سخط كبير وعاطفة كبيرة واحساس بالتفاؤل المشوب الاكتئاب والتفكير في الهجرة، انت محتاج تدور عن ذاتك لتحديدها بالضبط لان ده حيساعدك كثير في الخطوات الجاية في حياتك
ومع كل انا استمتعت بعواصفك الداخلية لانها بتمس حاجات كلنا بنعيشها وده بيخليني اتابعك لانك لا تتكلم من ارض المريخ
سلام

شمس النهار يقول...

عارف انا بحب اسكندريه في الشتاء جدا
يعشقها في الشتاء

بتكون جميله
لكن لما بمشي فيها دلوقتي بحاول اغمض عيني علشان مااشوفش غابة الاسمنت اللي زرعوها علي الكورنيش


الاغنيه مادام فيها شمس يبقي خلاص تمام كده

كل سنه وانت طيب
وان شاء الله السنه الجايه محقق احلامك


سلام

احمد سعيد يقول...

ليه تصنيفاتك كدة

الحياة من دة ودة

خليط من الفشل والنجاح

الحزن والتعاسه

بس اللى بتختلف النسب

من شخص لاخر

اعتقد ان اتعس البشر مينكرش انه مرت بيه ولو لحظه واحدة من السعادة فى حياته

____________

معاك حق
ان شخصيا طول عمرى بعشق اسكندريه فى الشتا
والقعاد على البحر
لوحدك
من العصر الى ماشاء الله
بتفقد الاحساس بالزمن
لغايه ما تحس ان الامواج غرقت هدومك كلها وتقوم من كتر البرد
:)

يابتاع بودابار ياجامد انت

Zika يقول...

تقريبا من افضل تدويناتك من وجهة نظري المتواضعه يعني

dr.lecter يقول...

مايكي

انا اسكندريه دي عشيقتي وروحي

لا السينايرو بان اكتر اليومين دول خلاص

المعهركه هتبتدي يامعلم

dr.lecter يقول...

م الحسيني

روحت سجلت نفسي علشان البطالقه اتطمن مش هاسيي ولاد الكلب دول

dr.lecter يقول...

مي

مش تقولي ياشيخه انك من هناك كنت تعزميني علي سمك وجامبري اخص عليكي بجد

الله يخليك ده بنورك ياستنا

dr.lecter يقول...

مصعب

بحاول يامصعب بحاول بس صدقني مابقيتش زي زمان

dr.lecter يقول...

زقزوق

ايوه واغب السنان كده علي فكره ومره واحده الوجع يجيلك فجاه

dr.lecter يقول...

واندا

مانا قلاتلك قبل كده ليكتر ده دكتور نفسي زكي ومجنون

الكترا دي الهه او اسطوره يونانيه مش فتاكر

حرام عليكي ياحاجه اسكندريه تتحب من اول نفس ههههههههه

هنشوف هتضايفينا ازاي

dr.lecter يقول...

داليا

انا مش عارف فعلا انا بحب بلدنا ولا لا

هل انا ساخط عليها ولا ايه بالظبط

انا متناقض في مشاعري جدا ومش مظبوط وده عمل لي مشاكل كتيره علشان كده بحاول اعمل اتزان علشان اخد استقرار عاطفي

dr.lecter يقول...

زيكا

الله يخليك بجد

dr.lecter يقول...

شمس النهار

تروحي وترجعي بالسلامه

dr.lecter يقول...

احمد سعيد

لازم حياتنا تكون مزيج ماين الفرح والسعاده

ماينفعش حياتنتا تبقي كلها مثاليه

بس انا راضي وقنوع وبعيش حياتي علي راي الخرق التافه تامر حسني

اسكندريه ماينفعش تتوصف مهمها اتكلمت عنها

z!zOoOo يقول...

فعلا التدوينه ديه اجمل ما فيها إنها

شامله علي ارشيف السنه

وتأريخ فتره من حياتك

كل سنه وانت طيب يا محمد

وإتفائل خير

ربنا يرحمنا من الظلم

من ظلم أنفسنا أولا

وظلم الحكومه والاخرين

تحياتي

Founoon يقول...

i like ! :)

leeno يقول...

يااااااااااااه على كلامك على اسكندرية

الراااائعة

بحبها جدااااااااااااااااااااا


و سنة سعيدة ان شاء الله

ان اكمان متفائلة

ربنا يسهل بس و ما يبقاش التفاؤل دة اسوخ على دماغتنا

!!! عارفة ... مش عارف ليه يقول...

كل سنة وانت طيب

تتعدل إن شاء الله

الجواز و سنينه يقول...

ايه الافكار العميقه المتعمقه دى
فيه كتير افكار قلتها وقفت عندها
عجبنى وصفك لاسكندريه لانى من عشاقها
هيه غير كل البلاد
عجبتنى كمان الاغنيه
عجبنى انك واقف مع نفسك طول الوقت
بتحلل و تخطط و ده حلو طبعا
ربنا سيعدك و ان شاء الله تحقق كل اللى بتتمناه و يديك الانسانه اللى تسعدك و تسعدها
لان السعاده المتبادله بتفرق كتير

dr.lecter يقول...

زيزو

فينك يامان مابشوفكش خالص علي الفيس؟

dr.lecter يقول...

founon

iam glad that u like it my dearset friend

dr.lecter يقول...

لينو

يااه عاش مين شافك ياحاجه

والله يالين ماقتش تفرق كه حلو والحمد لله ورضا اهم حاجه انك تسمو بروحك فوق اي حاجه وتطنشي وتتعايشي وتحبي الحياه بحلوها ومرها

dr.lecter يقول...

وليد

وانت طيب يامعلم ليك وحشه والله

dr.lecter يقول...

الزواج

ههههه حلوه الافكار العميقه المتعمقه دي لا جديده وجامده اسمحيلي اقتبسها منك

اسكندريه دي بتاعتي محدش يشاركني فيها فاهمين حبيبتي الازليه

موضوع السعاده ده مهم جدا لو متبادل زي مانت قولتي فعلا ويااارب وان شالله قريب بس ربنا يقرب البعيد

سمكه واحده يقول...

البوست من اوله لاخره تحفه بجد
من اول وصفك لاسكندريه وحببتنا فيها اكتر واكتر واسلوبك الرئع في تخيلها

لحد معتقداتك وكلامك وختمها بالاغنيه
زوقك راقي وحلو جدا
بوست ممتع
وكل سنه وانت بخير
وان شاء الله تحقق السنه دي كل اللي نفسك تحققه
تحياتي

سمكه واحده يقول...

بس انت اللي مقتبس كلمه اسكندريه دي بتاعتي من بوسيت عندي بقي لالالا كده ازعل
(وش مطلع لسانه)
اسكندريه فعلا بتاعه اللي يحبها بصدق
اجمل بلد
بجد بنوته شقيه وحلوه

dr.lecter يقول...

سممكه

هههههههه ياستي ولا يمك اسكندريه بتاعتنا كلنا بس برده بتاعتي ( وش بيطلع لسانه وزوره وسنانه)

نورتيني يافندم وكل سنه وانت طيبه

ميرام يقول...

قرأت الادراج جيدا
لكن لن يسعني التعليق للكتابة بذات الجودة
(:
عندي امتحان بكرة
والكلام متشعببب (:
بس حبيت أنقل
تحيتي ..

mostafa rayan يقول...

ان شاءالله تكون سنه جميله وسعيده عليك وتحقق فيها كل احلامك
بس اناعايز اقولك شيئ انا بحس من كلامك انك خايف من الحب خايف من خوض التجربه جمد قلبك وماتخافش سيب احساسك ياخدك وبلاش تقيده بلاش تخلى القلق يمنعك
تحياتى لك يا خى ويارب تكون بخيلا وفي احسن حال

dr.lecter يقول...

ميرام

نورتيني وان شالله تتكرر

dr.lecter يقول...

مصطفي

والله مش بايدي لازم افكر ميت مره قبل اي حاجه ماينفعش ادحخل كده لتني اتلطيت قبل كده في علاقه سيئه وفاشله اثرت فيا جدا ومش عاوز اكررها تاني

سايبها للزمن والله ياصاحبي

ونورتني

adel يقول...

عمل الاكونت ياعمونا علي ايجي
dido_remo
وعملت موضوع سريع كده عن افضل افلام 2009
LOL
:):)

Sharm يقول...

ولو كلنا قلنا لا
النتيجة هتطلع نعم

dr.lecter يقول...

عادل

شفتك يامعلم هتنورنا هناك

dr.lecter يقول...

شارم

لا ان شالله هتطلع زي ماحنا عاوزين

جايدا العزيزي يقول...

بدايه رائعه


وختام اروع


انك حساس منحك الله الموهبه


فعزفت بقلمك اروع الالحان


اتمنى ان تقوم بزيارتى


ربما تصير متابعا لمدونتى


هههههههههه


مش غرور والله


دى ثقه


هههههههههه


دمت بحفظ الرحمن


تحياتى

Zika يقول...

يا ريس
بقالي ساعه عايز اسجل في ايجي فيلم مش عارف
اولا الايميل القديم
mamdou7abdel7amid@hotmail.com
بيقولي تم تعطيله او حاجه كده وكلم المدير
عملت اكاونت جديد بايميل الياهو
mamdou7zika@yahoo.com
بس اكتشفت ان الياهوو كان مقفول عملت للايميل ريكوفر
فطبعا رساله التاكيد راحت عليا جيت ابعت تاني
قام قاللي زي الاول
:D:D
الاكاونت عموما اسمه
mamdou7zika
اتصرف بقا :P:D

dr.lecter يقول...

جايدا

ان شالله يحصل واسف علي الرد متاخر

dr.lecter يقول...

زيكا

بص هو في مشاكل في تسجيبل الجداد اليومين دول لازم تبعت للاداره رساله خاصه وانا مش بايدي حاجه لاني مجرد مشرف بس هابعت لهم رساله وابلغهم وربنا يسهل ويردوا عليا

مي يقول...

على فكرة حبيت اسال عليك مش لقيالك مكان الاقيك فيــــــــــــــــــه

والجمبرى والسمك عليا اوعدك بس كده انت تؤمر

م/ الحسيني لزومي يقول...

انا شاكر ايجابيتك في الحصول علي البطاقه الانتخابيه.
انا بخصوص اسكندريه انا بحبها جدا ومش عارف ليه..يمكن يكون حب فطري

dr.lecter يقول...

مي معلش انا مشغول والله ومبدخلش كتيير

dr.lecter يقول...

الحسيني

الحمد لله ان الحمله نجحت وبشكرك انت شخصيا لانك اول واحد نبهني لها

adel يقول...

بص يابرنس الجيل :)
ايميلي adel_salib_f@yahoo.com
ولو عندك فيس بوك هتلاقي الاكونت علي المدونة

ابعتلي علي اي حد فيهم
عشان يوم اللقاء ااقولك تفاصيل اليوم من اوله لاننا اكيد مش هنروح من 4 علي حفلة التوقيع
هنروح من بدري او كل واحد مع نفسه و نتجمع نقعد شوية سووو

في ناس بس اللي غالبا تعرفهم انا و زيكا و باقي الناس هاقولهم اول ما اظبط الميعاد

Hossam يقول...

حبيب قلبى بجد وحشتنى جدا
الموضوع جميل اوى عجبنى جدا بجد وعلى فكرة مسمينى حسام كوستا من كتر منا بعشق كوستا خصوصا اللى على استانلى
عجبتنى اوى تصويرك للاحداث ومكنش اعرف ان فى متحف فى الرسايل الاصلية للنبى محمد صلى الله علية وسلم
وحشتنى جدا
تحياتى

enjy يقول...

على فكرة مصرح لك تنزل بوستات دى مدونتك يعنى عادى متتكسفش

فينك

!!! عارفة ... مش عارف ليه يقول...

فينك يا دوووك ؟

مختفي عن الأنظار ليه ؟

أوعى تكون دخلت مرحلة البيات الشتوي

وكنت بتتريق عليا وتقولي بتغيب وكلام جامد من ده

يا ريت نشوف بوستاتك منورة قريب

مستني أشوفك قريب إن شاء الله

على الشاشة دي :)

z!zOoOo يقول...

الظاهر كده والله اعلم

شكلي هعضك

D:

إيه يا عم فينك

مش ظاهر ليه

يارب يكون غياب خير

مستنين رجوعك

وابقي طمني عليك يا ليكتور

تحياتي

dr.lecter يقول...

حسام نورتني

dr.lecter يقول...

انجي

ظروف والله سامحوني

dr.lecter يقول...

وليد

علشانك انت مخصوص دخلت ارد

dr.lecter يقول...

زيزو

معلش هاغيب حبه وحبه