الخميس، 1 يوليو 2010

اين يرقد حزلئوم؟


dude...u rocks

الو: ايوه يامحمد انت داخل مكي الساعه كام؟

محمد امين: هندخله ميد نايت هتيجي؟

انا : انا عندي شغل دلوقتي بس هاكلمك كمان ساعه مين اللي جاي؟

محمد : شوقي وياسر وناس تانيه

بعد المكالمه ب4 ساعات كنت مستقلا المترو الي وسط البلد متوجها الي سينما رينسانس لاقابل محمد امين وبعض الاصدقاء وافاجيء ان الاديب الشاب احمد العايدي كان من ضمن الشله
وسعدت بمقابلته لاني من المغرمين بكتاباته
ثم لاحقني صديقي طارق ودخلنا جميعا السينما لان فيلم مكي ننتظره كل عام كانه حدث عالمي
اقل مااستطيع قوله اني كدت ان القي حتفي بسبب ان قلبي لم يتحمل كم الضحك المهول والخرافي الصادق النابع من قلب تعود علي الصدمات والملل والكئابه والاحباط فكانه وجد مخزون بلا نهايه مجاني من الضحك مع احمد مكي

لن احرق الفيلم لكن من يحب سينما البارودي الساخره المعتمده علي السخريه من الافلام الشهيره في سياق درامي مميز
سيعجبه الفيلم بالتاكيد
بعد الفيلم ذهبت مع طارق الي قهوه التكعيبه في الثالثه بعد منتصف الليل لملاقاه بعض الاصدقاء الشباب الذين يعملون بالوسط الفني بينهم ممثل شاب صغير له دور صغير في مسلسل الجماعه الذي سيعرض برمضان ان شاء المولي

بعد الفجر بساعه وبعد حديث ممتع وشيق تنزهت انا وطارق في القاهره الناعسه التي توشك علي الاستيقاظ ثم لحقنا بالمترو في السادسه في طريق العوده للبيت بعد 18 ساعه قضيتها خارج البيت لاعود حاملا ابتسامه كبيره تساعدني في النوم


....................


خارج النص

كنت اقرا مقاله لمحمد المخزنجي في جريده الشروق لفت نظري ذكره لمحمد علي والمماليك ومطالبه الشعب له بتخليصه من حكم المماليك الفاسدين
فابتسمت عندما خطر لي اسم الدكتور محمد البرادعي لان الوضعين متشابهين نوعا ما من وجهه نظري

القاكم في الاسكندريه يوم 9 يوليو من هناك باذن الله



هناك 6 تعليقات:

adel يقول...

انا هنزله حفلة الضهر1 و لوحدي
محدش رضي ينزل امبارح معايا حفلة 12
:@:@
لو قالتالي كنت جيت :@:@:@

Tears يقول...

شوقتنى لمشاهدة الفيلم و يا رب يكون احسن من اللى فات لان صحيح كانت افلام مسلية بس كانت سطحية

ياريت توضح فيه ايه بالضبط فى اسكندرية 9 يوليو و فين بالتحديد


تحياتي

Kontiki يقول...

مماليك مين ! اى محتل او اى دخيل حكم البلد دى كان لة سلبيات و ايجابيات اللى بيحصل فينا دلوقتى مالوش وصف حكومة خونة كلها من المصريين هم فى وادى و الشعب فى وادى توب علينا بقى منهم يارب

ka3b3aly يقول...

خمحمد انت زي العسل والله انت بكااااش

ايه بكاش دي يا عم؟

انت اول واحد اشوفه عجبه الفيلم لا وكمان شايف انه احسن فيلم

الفيلم اسوأ افلام مكي وكل اللي شافوه قالوا كده لحد دلوقتي


السينما مكنش فيه حد بيضحك الا قليل اوي وكان الضحك على الولية اللي بترجم اللي هي "مديحة حاتم"

والله شكلك قريبه

Unknown يقول...

ازيك يا دكتور محمد وحشتنى كتاباتك فيلم مكى انا شفت اعلانات بس لسه هنزل اشوفه بعد الإمتحانات بقى ....وربط جميل وبعيد بتاع المماليك ده

Desert cat يقول...

انا جاية يوم 9 يوليو علشان اخبار البحر ايه ؟
مش تنسى تكتب رساله وترميها فيه وتتمنى امنية
مش عارفه ليه بس انا بحب اعمل كدا
:))