الخميس، 9 سبتمبر، 2010

رساله البرادعي الاخيره


عندي احساس اني مش هاشوفه تاني
كل سنه وانتم طيبيبن

هناك 32 تعليقًا:

قلــ"بـــلال"ــــــب فارس يقول...

طبعا انا مع البرادعى قلبا وقالب
وان شاء الله المطالب تتحقق
وربنا معاه

Maga يقول...

المفروض منسيبهوش يشتغل لوحده احنا كمان لازم نقوم بالدور دا
كل واحد لازم يكون مسؤول انه يوعي اللى حواليه يوعي اهله وصحابه مش مطلوب مننا اكتر من كدة
يحاول يخرجهم من السلبية والخوف اللى بيحيط بيهم ويجهزهم للعصيان المدني ان شاء الله
والحمد لله الحكومة ووحيد حامد علمونا ازاي نقوم بالمهمة دي :)

Tarkieb يقول...

كل سنة وانت طيب:::صدقني مفيش امل وكان غيرنا اشطر ......

adel يقول...

بص انا مش مؤمن تماما بيه
انا مؤمن بالتغير

بس الحقيقة انا قررت اوقع لسبب تاني
اللي بيحصل حاليا يخلي اي حمار يتحرك

طبعا مسرحية كاميليا شحاتة و الاغبيا اللي صدقوها من الطرفين
ومركزين اننا نولع في بعض

هيبقوا فعلا مبسوطين بعد الانتخابات

احنا فعلا شعب اهبل و نستاهل ضرب الجزم

Ramy يقول...

كل سنة وانت طيب

بس مش عارف فكرك كدة يعنى

ما أظنش صعب لأنه مش جى من جوه

دة جى من بره

Tears يقول...

ربنا معاكى يا مصر

فاتيما يقول...

ليه بس كدا يا ليكتر ؟!!

متبقاش متشائم

متهيألى صعب حد يهوب ناحيته
لا الوقت و لا الظرف ممكن
و المحاولات بتنحصر دلوقتى
ف القتل المعنوى
و دا شبه مستحيل
لأن أى حد
أى حد
و لو فيه كل العبر
برضو هيبقى احسن منهم
و انضف
و ارحم
و اى صيغة أفضل التفعيل الموجودة ف القواميس اللغوية


عجبنى كلامه
و ف البدايات كنت منتظرة منه حركات اقوى و اشد و اسرع
لكن يبدو ان الواحد اندفع بحماس و رغبة ف الخروج من الواقع المؤلم
من غير ما ياخد باله
ان اللى قصاده له منهج و اسلوب مختلف

الراجل دا
مينفعش يكون قائد
و لا زعيم
ينفع يكون صاحب فكرة
او صاحب مبدأ
ينشره و يشجع الناس عليه
لكن يقاتل و يحارب و يواجه
بالشكل اللى الناس عاوزاه
لأ
مش هوه اللى يصلح للمهمة دى
لكن يقدر يدعمها بأفكاره
بلاش الأفكار

على الأقل بنزاهته
و نضافته
و الحديث اللى انتا حطيته دا مع التدوينة ..اصدق مثال

الواحد كتير يتمنى حد يمدله ايده
و ينتشله من العثرة
لكن اوقات تانية برضو
بيبقى كفاية مدة الأيد تكون بكلمة
او تشجيع
او ثبات اللى قصادك على مبدئه
و بث الامل جواك


معرفش ليه حاسة انك المفروض ميبقاش دا احساسك يا ليكتر
المفروض تكون متفائل

انا بحب جملة عبدالرحمن الشرقاوى دى جدااااااا و كتبتها عندى فوق صدنوق التعليقات من شدة اعجابى بيها

الكلمة نور

ايوه
دى حقيقة

الكلمة نور يا ليكتر

متخليش الحاصل دلوقتى
يضلم قلبك يا عزيزى


البرادعى ف الرسالة دى
كل كلمة من كلامه نور


و لو محصلش حاجات منها حاليا
هيحصل قدام
صدقنى دا اللى دايما بيحصل
الزبد يذهب جفاء
و يبقى ف الآخر الصح

خليك متفائل يا عزيزى

و كل سنة و انتا طيب
و بألف خير يا رب

على باب الله يقول...

البرادعي موجود في قلوبنا و أفكارنا .. و الكلام الكبير ده .. إلخ إلخ

sal يقول...

كل سنه وانت طيب

ما اضيق العيش لولا فسحة الامل

إنـســـانـة يقول...

كل مرة بحس نفس الإحساس فيقوم يغطس يغطس ويقف فى الآخر .. ياترى هترسى على ايييييييييييه

Kontiki يقول...

سبتمبر 2011 لما نشوف

جايدا العزيزي يقول...

طول البلد حاكمها شوية ظلمه

عمرنا ما هنحقق حاجه

وقانون الطوارئ لزمته ايه

والمعتقلات مفتوحه على مصرعيها ليه

ريح دماغك

وكبر

مهما يحصل حالنا لا يمكن يتغير

تحياتى

MR.PRESIDENT يقول...

انا بعتذر إني حذفت التدوينة الأخير نتيجة لأمر من أبي فارجو أن تغفروا لي تلك الصنيعة ولكن لا ربما يدب خلاف بسبب ما كتبت .
فسامحوني

مواطن مصري يقول...

بص انا مع مطالب التغيرب س ناسيسن اهم نقطة
هي تحديد صلاحيات الرئيس و فصل السلطات

لكن انا مش شايف البرادعي ينفع كقائد

لدولة لأنة مش عارف خبايا الدولة اية

انا بميل اكثر لحمدين صباحي بغض النظر عن اخطاء النظام الناصري لكن انا شايف

برنامج حمدين صباحي اكثر واقعية من ففكر البرادعي

لكن انا مع مطالب التغير و موقع البيان بس لو اترشح حمدين هنتخبة

مواطن مصري يقول...

اة نسيت انا يمكن في حاجة مش عجباني

بين انصار البراددعي او التراس بردعاوي

او دراويش البرادعي انهم بينفخوة اوي


و بيصنعو منة ديكتاتور و انا مش بحب


الطريقة دي احنا عاوزين تغير مش عاوزين

نعمل ديكتاتور ثاني

dr.lecter يقول...

بلال

يسمع من بقك ربنا

dr.lecter يقول...

موجا

ياحبيبي بنعمل كده لكن الموضوع عاوز توسع اكبر من دجه كله عايز شغل تقيل وعايز عزيمه واراده وصبير

dr.lecter يقول...

تراكيب
بدات اياس بجد

dr.lecter يقول...

عادل

موضوع كامليا ده عايز بلوج لوحده ومش ناوي اتكلم فيه بصراحه علشان هاسب والعن للطرفين

dr.lecter يقول...

رامي

مالوش علاقه جاي مب بره ولا من جوه
الراجل له شعبيه كبيره لكن ناس كتيره خايفه تقف معاه

dr.lecter يقول...

فاتيما

والله مش متشائم بس حسيت الراجل جاب اخره مننا

اتفرجوا علي الفيديو حسيته يائس وزعلان من اللي حصل له من الاهانات وقله الادب

احنا اللي لازم نتحرك مش نقعد كده زي خيبتها

Ramy يقول...

يبقى

مفهمتش انا عاوز اقول ايه

هو جى من بره انا قصدى محدش من النظام هيقدر يأذيه

dr.lecter يقول...

علي باب الله
والله ماباين خالص

dr.lecter يقول...

رامي

ماهو اكيد مش هنجيب حد من النظام انت مصدق موضوع عمر سليمان والهلس ده ؟. دي اشتغاله ولو مسكها هنتنفخ كلنا بجد لانه صارم جدا

dr.lecter يقول...

دموع

ومعانا

dr.lecter يقول...

سال

افرجها يارب

dr.lecter يقول...

انسانه

بصي البلد كده كده رايحه في داهيه بس المهم هنعرف نعوض الخساير؟
هي خلاص خربت من زمان

بس هنمعرف نصلح ونغير؟

ولا نسبيبها كده؟

dr.lecter يقول...

جايدا

خلاص يبقي محدش يزعل ولا يشتم لما يلاقي نفسه مرمي في الشارع ومش عارف ياكل ومالوش لازمه

انا بقول نهاجر احسن ونخلع

dr.lecter يقول...

ميستر برزدنت

ولا يهمك يامان

dr.lecter يقول...

مواطن

ياعم انا مش عايز البرادعي يبقي رؤئيس

هو بس يوصلنا للبر الامان وكتر خيره ونشوف احنا بقي مين اللي هينفع رئيس

انتم ليه فاكرين احنا عايزينه رئيس والله هو نفسه معاوز

بلاش ننفخ فيه زياده عن اللزوم

Ramy يقول...

انت عارف

بره ليه ناجحين بجد غير الضمير و الكلام ده

انا بتكلم عن اوربا

الصرامة يا صديقى

هما مش محترمين او مؤدابين لالالالا

الصرامة ينفذون القانون بصرامة

ينفذون النظام بصرامة

الشعب دة عاوز حد يفشخه على رايك علشان يعرفه ان لله حق

dr.lecter يقول...

هههههههههه
هو هيتفشخ اكتر من كده يامعلم

ده بيتفشخ من سنه 1952 مع تحيات جمال عبد الناصر واصحابه

هو ان جيت للحق عايز حد زي محمد علي باشا
والله لو جه هيعرف يشكم البلد دي

لان البلد دي عيارها فالت وماشيه في البطال