السبت، 28 أغسطس 2010

لمه رمضانيه







بعيدا عن حراره الجو التي لا تطاق في بلدنا المختنق وكثره مشاكله وهمومه واوجاعه في رمضان

لكني اصر كل عام علي الاحتفال بالاجواء الرمضانيه في القاهره الفاطميه والحسين
سواء كان مع اقاربي او اصدقائي لاني من عشاق تلك الاحياء القديمه التي رغم عبث البشر بها مازالت تحمل عبق الماضي وتراث شاهد علي عظمه عصور ولت وانقضت واعشق المشي في احيائها وشوارعها

لذلك عندما قرر اصدقائي في بيت الشمس ان نفطر مع بعض في رمضان لم نجد انسب من تلك الاماكن لنقضي بها يومنا وخاصه اني قبلها باسبوع كنت في الحسين

مابين افطار مزخم باللحوم المشويه في الرفاعي وصلاه في السيده زينب
وتمشيه في الحسين وجلسه شاي في زينب خاتون مع الاصدقاء الرائعون نتسامر ونضحك
وحفله انشاد صوفي في مهرجان سماع الدولي في قبه الغوري ننقي اذننا باصوات المنشدين من جميع انحاء العالم
وخاصه الفرقه التي اتت من البوسنه والهرسك وكانت جميعها فتيات تميزن بصوت سوبرانو رائع جدير بالاوبرا
ينشدون في حب رسول الله وفي الذات الالهيه

الحق يقال ان الصحبه كانت رائعه واليوم كان مبارك رغم قصره لكننا امضينا يوما اعتبره افضل ايام رمضان حتي الان

اتمني ان اظل بتلك الحاله الصافيه التي رافقتني منذ بدايه رمضان ولا تتعكر روحي بهموم الدنيا


ياكاشف البلوي اتيك راجيا ارجو رضاك فليس لي الا رحماك
ان كان حظي في الحياه قليلها فالصبر يامولاي فيه رضاك
ماحيلتي والعجز غايه قوتي
فان قضيت فمن يرد خطاك


هناك 24 تعليقًا:

Kontiki يقول...

قبة الغورى وبيت الشمس اية بيت الشمس دة ؟؟ يا بختك بجد i love Cairo 

شمس النهار يقول...

ازيك
ان شاء الله تكون بخير

كل سنة وانت طيب

ودايما صافي ورايق

رمضان كريم

تحياتي

Yasmine يقول...

نفسي اوى اتسحر فى الحسين..كل سنة اقول السنة الجاية و مش بعرف او مش بتيجى مناسبة
مع ان رمضان السنة دى مش حاسة بطعمه زى كل سنة..لكن عندى اعتقاد ان الحسين و القاهرة الفاطمية و خان الخليلى هم اكتر اماكن لسه محتفظة بطعم رمضان

sal يقول...

ربنا يسعدك ويديم عليك حالة التوازن والصفاء

رمضان كريم

dodda يقول...

kol sana
we enta tayeb

we ya rab daymn fi 5ir we sa3ada

زهرة يقول...

كل سنة وانت طيب وبخير ومستمتع بالصحبة واللمه الحلوة

رمضان كريم عليك :)

hend anwar يقول...

كل عام وانت بخير


اتمنى ان ارى رايك فى اخر بوست ليا







دمت بخير

فشكووول يقول...

السلام عليكم دكتور
والله انا بحسدك على القعدات الرمضانيه فى الحسين والغورى وفى هذه الاماكن عبق التاريخ وعبق الاسلام
تحياتى

علاء المصرى يقول...

أسجل مرورى كل عام وأنتم بخير

تحياتى

أعتزر لعدم التعليق لأنى أمر على جميع الأصدقاء

Tarkieb يقول...

يا بختك

Desert cat يقول...

اجمل حاجه هى الصحبة الحلوة مهما كان المكان اللى موجودين فيه
كل سنة وانت واصدقائك بالف خير

dr.lecter يقول...

كونيكتي

بيت الشمس ده مجموعه من الاصدقاء بنلتقي كل شهر في اي مكان ثقافي او تاريخي او مكان عادي نتكلم فيه عن موضوعات فلسفيه ونروح اماكن متعلقه بالتراث او التاريخ

dr.lecter يقول...

شمس

يارب دايما يارب

dr.lecter يقول...

فله

اه بس زحمه مووت لو في العشر اواخر بتبقي الدنيا رايقه لكن في الاول لا

dr.lecter يقول...

سال

الله يكرمك يارب

dr.lecter يقول...

دودا

وانت باصحه والسلامه دايما

dr.lecter يقول...

زهره

الله اكرم ياستي

dr.lecter يقول...

شمس

وانت بخيبر

dr.lecter يقول...

عمو صلاح

هابقي اقولك ياعم المره الجايه

dr.lecter يقول...

علاء

شرفتني يافندم

dr.lecter يقول...

تراكيب

هههههههههههههه الله اكبر

dr.lecter يقول...

حنان

بالظبط والله ماتتعوض

سمراء يقول...

كل سنة وانت طيب مع انها متأخرة شوية

سمراء

dr.lecter يقول...

سمراء

ولا يهمك يافندم انت تنورينا في اي وقت