محطات ترانزيت

كانت اجازه سريعه كده علشان الواحد يشحن ويعرف يدخل علي رمضان وهو شبعان علي الاخر ابتدت التلاتء من رمسيس للتحرير للهرم وبعد كده رمسيس علي اسكندريه ومن هناك لمارينا وبعد كده اسكندريه تاني علي رمسيس لمصر الجديده ومن هناك للتحرير علي رمسيس لبيتنا والحمد لله وده كله من التلاتتاء للسبت يعني انجاز

هي صحيح كانت البدايه بتاعتها شؤم شويه لما كنت هناك في التحرير وقت ماولع مجلس الشوري بس ربك سترها

والواحد اهم حاجه انه اتبسط لما قابل اعز اتنين عرفهم في ايجي واجدع ناس بجد محمد قباري واحمد ماجد كان والله الواحد عارفهم من زمان جدا وقضينا وقت كويس وكان نفسي ييجوا معانا مارينا ويظبطونا هناك بس ان شالله المره الجايه

ندخل بقي في الموضوع الاساسي

الاهمال

احنا شعب مهمل فعلا بجد مش هزار

الاهمال والاستهتار بيغلف روحنا لاقصي درجه بشكل بشع

مش علشان حكايه الحريقه بتاعه مجلس الشوري ولا العباره اللي غرقت ولا قطار الصعيد ولا حريق بني سويف في المسرح ولا الفتنه الطائفيه ولا البلطجه ولا تسريب امتحانات الثانويه العامه

فكك يابني ويابنتي

الحاجات دي مسئوله عنها الحكومه

انا بتكلم عامه ولا علشان الحكومه بتاعتنا مهمهله يبقي احنا لازم نبقي زيهم

ولا سوء اداره الازمه ولا كيفيه التعامل معها

ده كله اللي جايبنا لورا

مابنتحرحكش الا لما المصيبه بتحصل وبعد مالكرسي اتكسر

حاجه تنقط بصراحه ناس ماشيه كده بظروفها ويقولك ربك يفرجها ماشي ياعم الحاج بس برده ناخد بالنا ونعمل احتياطتنا

واللي حصل يوم الجمعه باالليل في شارع الكوربه في مصر الجديده خناقه كبيره جدا شويه مراهقين اهاليهم ماربوهمش كانوا هيدبحوا بعض ومافيش امن خالص في الشاارع مع ان المفروض اليوم ده بيبقي الشارع مقفول للمشاه بس من 10 الصبح ل 10 بالليل علشان الناس تنزل تتمشي ويبقي علي الاقل فيه وجود امني لكن لا حياه لمن تنادي اهمال وتسيب لاقصي درجه وشويه عيال نازلين علشان يتمنظروا وينفخوا بعض حاجه تقرف بجد

اما الحكومه المبجله بسم الله ماشاء الله علليها عداها العيب

في حد يطفي حريقه بالمياه؟ فيه مواد مخصصه لاطفاء حريق وبعدين ازاي يقعدوا 8 ساعات فيها؟

ليه هي غابه اتحرقت ؟

الحكومه برده ماتحركنش في مساله الانفجار السكاني الا بعد 28 سنه وجايه تعملك حمله تنظيم النسل دلوقتتي؟

ااااااااااااااااااااااااااااااااااااخ

الحكومه جايه تطبق قانون المرور ؟ فيه حاجه اسمها قانون المرور اصلا المرور معروف قوانمينه من الازل جايين يفتكروا دلوقتي ان كان فيه حاجات المفروض يعملوها من الاول ولما لما اتنزقت في شويه فلوس قالت تعالي نخنصر شويه فلوس من الشعب

وايه حكايه مترو الانفاق دي

انتم بتشتغلونا ياعالم ولا ايه؟ قمه الاهمال

اقسم بالله العظيم الكارثه الجديده اللي هتحصل للشعب هتبقي في مترو الانافق وهتبقي كارثه بجد لان هيبقي فيها اعداد ضخمه

مترو الانفاق عاوز صيانه عاوز اهتمام وتنظيم

بصراحه انا لو مكان الريس اشيل الحكومه الفاشله دي اللي ماحققتش اي حاجه لغايه دلوقتي للناس غير انها موتت النتاس وجابت لهم الضغط

طبعا الريس عمره ماهيسمعني ومش عاوزه يسمعني بس عامه الرصيد بتاعكم بقي اووفر اوي والناس مش هتفوت اللي هيحصل بس لما يفوقوا لنفسهم ان شالله والناس نفسها تبقي ملتزمه وتبطل اهمال

wall - e

خارج النص انا بحب افلام الكارتون جدا

ومابخجلش اني ادخلها سينما

وباسمتع بها جدا وخاصه الفيلم ده الاخراني

مش مجرد فيلم كارتون والسلام ده فيلم هام جدا عن الارض عن مصير الارض في المستقبل وعن مدي اهمالنا للعالم اللي احنا عايشينه وعن خوفنا من اننا نفقد الصله بتراثنا وزكرياتنا ويصبح اعتمادنا الاساسي علي التكنولوجيا ونهاجر ونسيب الوطن بحثا عن رفاهيه مزيفه

ده كله شركه بيكمسار الرائعه عملته في فيلم ساعه ونص بس بشكل جذاب وعميق هيخليك تفكر مليون مره وانت طالع من السينما وتقول ازاي ربنا مدينا عالم رائع زي وكوكب جميل واحنا بندمره بنفسنا

مش فيلم عن روبوت وحيد عايش لوحده بروتينيه يوميه منتظر انه يجد الحب يوما ما بيمثل البني ادمين بيمثل الانتظار وبيحارب في سبيل اثبات وجوده ووجود الحياه المتمثله في نبته صغيره لم يمسسها التلوث بعد

بيحارب في سبيل العوده للوطن من اجل مستقبل افضل بيبذل اقصيب مابوسعه في سبيل من يحب

مش هاعرف اوصفلكم بصراحه لكني بكيت في مشاهد كتيره من شده التاثر ولاول مره ابكي في فيلم كارتون

احنا عامللين موضوع عن الفيلم في ايجي http://www.egyfilm.com/Forums/viewforum.php?f=45&sid=eeb1ab893d4d9d80c48102e8ec524d01

انا ماكنتش عاوز ارغي ده كله انا مالي بس انا لسه راجع من اجازه

.......................................

بعيد عن خنقه الشغل والناس والبلد والحكومه

وبعيد عن كل مشاكلنا الاجتماعيه والنفسيه

وبعيد عن الضغوط والاحباطات

وبعيد عن الزحمه والعياط

وبعيد عن قله الحيله والفقع

وبعيد عن سكه الانتظار

هاخليني في غيبوبه يومين تلاته واسلخ جلدي واغسل دماغي واطهر نفسي وبعد كده ارجع استعد واستني من اول وجديد

خارج النص

من فتره قريت روايه وكاله عطيه لخيري شلبي هتخليك تنسي الدنيا وتقضي 5 ساعات قرايه تعيش في جو خيالي واقعي ينسيك اهلك

شفت برده فيلم amelie هيخليك تحس بعذوبه نفسك وان الدنيا دي ولا حاجه وعيشها زي مانت عايز وبالطريقه اللي انت عايزها مش الناس عايزينها

انتم بتاخدوا فييزا؟؟؟؟؟؟؟؟؟؟؟

معلش استفسار بسيط حضرات الحكام

انتم بتاخدوا فيزااااااااااا؟ ولا مابتاخدوش؟

شكلكم كده بتاخدوا

معلش حضرتك هدفك ايه في الحياه؟ غير ان عندك شبق ومابتشبعيش ؟

معلش هو حضرتك مثل اعلي للشباب المصري ؟ ولا بتاخد فيزا ؟

يابن الظريفه جرررررررررررررررررر

A- 7-A

اكيد بتاخد فيزا

انت بتاخد فيزا؟ اه

وانا كمان باخد فيزا

كلنا بناخد فيزا

تعالي ناخد فيزا

بس يارب يكون في فيزا كفايه تكفينا كلنا ونلحق نتعنش بها

عاشت الفيزاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

غروب الفجر

fairy tales

هو شرس وعصبي جدا وبيغلي من جوه ولسانه لازع وناقد

هي طيبه جدا وهاديه ورقيقه وغلبانه وصبوره وكريمه

هو : انا لا يمكن ارتبط بقصه حب ده كلام فارغ وهجص وشغل مراهقين وبنات اليومين دول عاوزين الحرق وضرب البلغ ماتربوش جتهم البلا

هي : انا لا يمكن اخلي حد يضحك عليا بكلمتين ويعيشني في قصه وهميه انا ناضجه وعاقله وعارفه ان كل الرجاله غشاشيسن ومنافقين ومش بتوع جدا ولا بتوع زواج

هو : ده عند امها اللي هتقولي انا بحبك حبك برص و10 خرس انت بتعملي كده علشان عاوزه تصطادي عريس وخلاص اه منكم يابنات حواء شويه افاعي

هي : انا ليا زاتي وطموحي ومش هاخلي واحد ييجي يقولي اقعدي في البيت علشان العيال والطبيخ ويخليني خدامه عند اللي خلفوه لا انا ارقي من كده بكتيير

بعد شهر من اول مقابله

هو : غريبه البنت دي اول مره اقابل زيها عقلها حاجه روعه غير اي بنت تانيه بجد انا مندهش هل فعلا فيه بنات لسه زيها في زمننا ده؟ ثقافه ايه واداب ايه وتدين ونضج

هي : ايه ده؟ ده غير فكره الرجاله تماما عني راجل بجد طموح وواثق من نفسه ومتحضر ومثقف ومش له اي نيه سيئه ولا اي رغبه وسخه فيا

بعد اول شهرين

هو : ايه ده؟ في ايه؟ انا وقعت ولا ايه؟ انا مش بابطل تفكير فيها ايه اللي حصل لا لا لازم ااافوق وانهي علاقتي بها دي مجرد صداقه

هي : يالهوي معقوله قلبي اتحرك؟ لا لا اثبتي يابت اوعي تتهزي بس ليه انا عاوزه اسمع صوته واشوفه كل يوم واشوف عينيه الحلوه وماتكلمش خالص ادامه

بعد 6 شهور

هو : وبعدين بقي اعمل ايه ياربي

انا بحبها بحبها جدا انا ماتخيلتش ان اليوم ده هييجي بس انا فعلا مش قادر ابعد عنها خلاص اتعودت عليها ومابقتش شايف غيرها بس لازم اكون نفسي وابني مستقبلي معقوله هتستناني انا ماقدرش اتقدم لها دلوقتي خالص ياربي اعمل ايه بس ظروفي مش كويسه واهلي لا يمكن يساعدوني دلوقتي

هي ارحمني يارب انا باتنفس نفس النفس بااعه وباشوف من عينيه وباسمع من صوته هو كل حياتي هو املي ونوري وعقلي مش قادره ابعد عنه لحظه رحمتك يارب وصبرني بس هو ليه ماتقدمش لغايه دلوقتي انا خايفه وقلقانه مووت خايفه يروح مني

بعد سنه

هو : وبعدين بقي انا موقفي محرج جدا مافتحتش معاها موضوع الزوج لغايه دلوقتي ومكسوف جدا بس ماقدرش لان مش بايدي حاجه وخايف اقولها تسيبني مش قادر بجد اتخيل ده ده انا اموت لكن هي ذنبها ايه تستناني ده كله انا كده اناني جدا وبظلمها

هي : مش عاوزه اضغط عليه اكتر من كده بس موقفي محرج في البيت عماله ارفض كل العرسان علشانه وهو ماتحركش وبدات ازهق ويجيلي ياس مش عاوزه افتح معاه الموضوع علشان هو مش ناقص ربنا يكون في عونه وهو محتاجني جدا معاه

بعد سنتين

هو : هي مالها مابتتكلبمش ليه وبارده جدا ومابقتش تيجي في مواعيدها وكل شويه بحجه وبعدين مابقتش زي الاول وبقت تقعد ساكته معايا ايه التغيير ده ياتري انا عملت حاجه ؟ هي مش قادره تقدر اللي انا فيه حرام عليكي بجد ياشيخه فلقتيني

هي : هو مابقاش يحبني انا متاكده من ده خلاص اتغير وزهق مني وعاوز يخلع خساره بجد بيكنسل عليا ودايما مشغفوول وكل شويه يسافر وبيكدب ليه بس كده ده جزائي اني صبرت عليك واستحملتك

القلب : هتعانوا وهتتعبوا وهتزعلوا وتعيطوا بس ماينفعش تستمروا اكتر من كده علاقتكم بتموت

العقل : لازم تسيبوةا بعض خلاص الحدوته خلصت وحرام كده

القدر : يمكن مالكمش نصيب في بعض دلوقتي ويمكن الزمن كفيل انكم تنسوا بعض

توته توته فرغت الحدوته

out-of-such-world

مدونه من المدونات النادره اللي اول ماتدخلها تخلها ببطء وتحس بشيء غريب وانت جواها

ان صاحبه المدونه دي حساسه جدا من الصور والمقولات والامثال اللي مليانه حيطان المدونه

صاحبتها تحس انها هشه جدا وخايف وانت بتتحرك جوه المدونه تخدش اي حاجه او تكسر اي حاجه

تبتدي تبص علي المواضيع اللي كاتباها هتصدم ان رغم الشكل الخارجي الرقيق للمدونه لكن كلمات وسطور المدونه وعمق مواضيعها اكثر جاذبيه بكثيير ممكا كنت تتخيل

بتتكلم في كل حاجه الفلسسفه الشعر الفن السينما باسلوب عميق للغايه من غير زعيق او جعير بشكل سلس

صحيح انها بتكتب باللغيتين العربيه والانجليزيه لكنها متمكنه جدا منهم

من المدونات اللي وانت طالع منها هتحس ان انت ماضيعتش وقتك وانت بتتصفج اجوائها

لاعضاء ايجي فيلم هي عضوه مميزه جدا بمواضيعها وهنا اثبتت نفسها اكتر

عنوان المدونه

http://out-of-such-world.blogspot.com/2008/08/children-dangers-of-technology.html

من فيلم قص ولزق

في عز فرحتنا دايما نلاقي الخوف

واقف في سكتنا مشتاق لنا وملهوف

كاننا وحشينه مع اننا عايشينه

خوف خلانا واحنا مغمضين من شوقه

لا عمره خلا القلب يفرح فرحه بجد

ولا عمره خلا حد مطمن لحد

كاننتا واحشينه مع اننا عايشينه

خوف خلانا واحنا مغمضين بنشوف

ياما حاولنا وكان نفسنا

ننسي روحنا ونسيب نفسنا

بس تملي بيفوقنا شعور بالخوف

الاغنيه الجميله دي بصوت هدي عمار من الفيلم الرائع الجميل قص ولزق اللي بيعتبر افضل فيلم شفته في 2007

الفيلم ده بيعبر عن جيلنا وعن حياتنا عن الشباب اللي عايشين وميتين

بعد مهتشوف الفيلم هتتغير نظرتك للحياه ويمكن ماتتغيرش لكن لازم تشوفه

الفيلم متوافر حاليا علي نسخ دي في دي ومع باعه الجرائد وعلي مواقع عديده علي النت

نصيحه شوفوا الفيلم وقولوا رايكم

فوتكم بعافيه

النوستالجيا الكبري ياجدعان

a legend

a song



....................................................................................................................

Non, rien de rienNon, je ne regrette rienNi le bien qu'on m'a fait, ni le malTout ça m'est bien égal

Non, rien de rien Non, je ne regrette rienC'est payé, balayé, oubliéJe me fous du passé

Avec mes souvenirs J'ai allumé le feuMes chagrins, mes plaisirs Je n'ai plus besoin d'eux Balayés mes amours Avec leurs trémolos Balayés pour toujours

Non, rien de rienNon, je ne regrette rien Ni le bien qu'on m'a fait, ni le malTout ça m'est bien égalNon, rien de rien Non, je ne regrette rienCar ma vie Car mes joies Aujourd'huiça commence avec toi

***********************

لا...لا أنـدمُ على شيئٍ لا.. لا شيئ من لا شيئلا.. لا أندم على شيئلا ما أحسنوه إليّ و لا ما أساؤوه كل هذا عندي سيّان


لا.. لا شيئ من لا شيئلا.. لا أندم على شيئ فكلّه مضى.. انقضى ..انتسى لا أبالي بالماضي

مع ذكرياتي أوقدتُ النارأحزاني..سعاداتي لم أعد أحتاجهم رحلوا عشاقي مع زغرداتهم رحلوا للأبد وأعود إلى الصفر

لا.. لا شيئ من لا شيئ لا.. لا أندم على شيئ لا ما أحسنوه إليّ و لا ما أساؤوه

كل هذا عندي سيّانلا.. لاشيئ من لا شيئ لا.. لا أندم على شيئلأنّ حياتي لأنّ أفراحي اليوم.... تبدأ معك أنت

***********************

معرفش ليه جبت الاغنيه المشهوره دي لاديث بياف صوت فرنسا لكنها بتعبر عني تماما باستثناء الجزء الاخير



انا فعلا بقيت زيها

..............................................................................

book...........

and movie........

انا مكبوت ومضغوط

علشان كده حالتي النفسيه بتسمح لي اني اتكلم عنهم

الكتاب و
الفيلم طبعا غني عن التعريف وعن الشهره لانه من الافلام الصادمه جدا واللي حققت نجاح منقطع النظير نظرا لتناول الفكره والموضوع بشكل جريء ومرير

القصه ببساطه عن المجتمع المعاصر اللي اصبح افراده مفككين داخليا مدمرين نفسيا مكتئبين نتيجه للمجتمع الراسمالي الاستهلاكي البارد القائم علي الروتين واستعمال البشر كعبيد واستهلاكهم لاقصي درجه وازاله مشاعرهم بالعمل وادمان المنتجات الاستهلاكيه والاحلام الزائفه والقيم والرموز الفاتره المثيره للاشمئزاز والتي من المفترض انها مطمح جميع الناس

عن غسيل المخ الذي تعرض له البشر في عالمنا وزمننا المعاصر وسحق ارادتهم وشخصيبتهم
بطل الفيلم مصاب بالاكتئاب والاحباط وكاره الحياه المعاصره وكاره المجتمع وبيحتقره وبائس جدا لكنه في نفس الوقت مش قادر يعمل اي حاجه بيحاول انه يتعالج من اكتئابه بحضوره لجلسات علاج نفسيا لمرضي اخرين زي المصابين بالسرطان والايدز وامراض نفسيه اخري ويحاول انه يحاول البجث عن اصدقاء ليس له عائله

يشعر بالوحده والارق والملل في حياته التي بلا معني او هدف


يقابل شخص هو النقيض منه تماما يعيش بحريته متحديا المجتمع وراكل مؤخرته بعنف يقترح عليه انشاء نادي للقتال لتفريغ غضبهم وكبتهم ووازاحه همومهم النفسيه الرهيبه

راحه لن تتحقق الا باراقه الدماء والعنف وبسخريه الفيلم الرائعه تجد ان معظم الازواج والكثير جدا من المواطنين انضموا لهذا النادي السري ذو القواعد القاسيه والعنيفه











نادي القتال بيمثل ماوصل اليه حال الرجل رغم انه الذكر الا انه اضعف من الانثي في زمننا انه لا يحتمل مواجهه الانثي لانها اقوي منه بمراحل فسيسبب هذا له الخزي والعار





اصبح الرجل مخصيا كما يجوز لي الوصف




في نادي القتال بتطلع كل رغباتك وجموحك وكرهك وحقدك اللي اتكون بسبب المجتمع اللي انت عايش فيه

وتدريجيا بتبتدي تتمرد علي المجتمع وتطلع له لسانك وتقوله طز فيكي وفي اللي حطوا القوانين والقواعد للمجتمع

طز في الشعارات والمباديء والقيم

طز في الناس وتفاهتهم وبتبتدي تستريح لكن مابتهداش الا لما تصمم علي تلقين المجتمع درسا لن ينساه

انك تحطم رموزه وقيمه بنفسك علشان توري العالم كله انه مبني علي حاجات فانيه وضعيفه


هتحاول انك تكون خليه ثوريه مجموعه مناهضه للحكومه وللمجتمع اشبه باللي عملوه الجماعات الاسلاميه المتطرفه لكن انت مابتطمعش في سلطه او جاه او مركز او مال


انت بيتحاول تبكي وتصرخ باعلي صوتك

تحاول تتخيل اشخاص بتمزقهم وتقطع اشلائهم

بتحاول توجه طاقه العنف الرهيبه اللي جواك وكل الام السنين واحزانها بتطلعها بكشل متدفق كنهر لا يجف

ده حال الانسان المعاصر رغم الحضاره والتقدم والعولمه الا انه اصبح وحيدا خائفا محبطا

اصبح يشعر بالضاله وبعدم جدوي الحياه

اصبح ينتحر يوميا او يدمن مخدرات او ينجرف الي عوالم الظلام والجنس والانحراف

اصبح يمشي في وسط الناس تائها حائرا غاضبا

يشعر بالعجز وبقله الحيله


بيقولوا ان المثقفين اكتر ناس معرضين للاكتئاب معرفش الكلام ده صح ولا لا انا مبعتبرش نفسي مثقف ولا حتي افقه اي شيئ

لكني فعلا زي بطل الروايه مصاب بكل ماتم زكره

ارغب في الانضمام الي نادي القتال لكي استريح لكي استعيد ادميتي

ادميتي التي لن تتحقق الا بالعنف والدم

فيه مكتئبين كتير ومحبطين اكتر موجودين زيي ومتفقين معايا

بادعوهم لتكوين نادي خاص بنا

ليس بالبضروره ان يكون ناديا حقيقيا للعنف لكن علي الاقل نحاول به اظهار وجهه نظرنا وصوتنا للعالم


نحاول ان نثبت للعالم اننا موجودين واننا لن نندثر تحت اقدامه العملاقه

نحاول ان نترك اثر في وجه الزمن

لن نخلق عالما خياليا مثل مافعلوا في ماتريكس او ارض الاحلام والوعود

بل سنخلق عالما داخل عالمهم


سنقتحم منزلهم ونخرج مقتنياتنا

وليحتمل العالم والمجتمع مابداخلنا فهو الكثير


الويل ثم الويل

والهول
هو ماينتظركم

ماسبق يمثل 90 بالمائه مني

.........................................................

مصر الجديده

يمكن علشان فعدت هناك 5 سنين ايام الدراسه فاتعلقت جدا بمصر الجديده حبيتها شايفها اجمل جزء في القاهره بعد وسط البلد والحسين

يمكن علشان مافيهاش الغوغائيه المعتاده والزحمه الخانقه ويمكن منظمه اكتر وهاديه اكتر رغم ان فيه حتت تانيه منظمه ومنسقه زي المهندسين و 6 اكتوبروالمعادي الجديده

لكن مصر الجديده فيها سحر خاص سلب لبي واثر علي كياني

علاقتي بها بدات من سنه 1999 ومستمره لغايه دلوقتي

من اول مره نزلت فيها شارع الميرغني ومحطه كليه البنات وانا بقيت اسير للابد في الجزء ده من القاهره

بحس انه بلدي التاني بعد الزقازيق يمكن مابستريحش الا فعلا في بيت عمتي هناك في شارع اسماء فهمي اللي ادام كليه البنات علي طول

بحس اني اصلا كنت موجود من 50 سنه هناك من قبل حتي ماهلي يبقي لهم وجود

عارفين الاحساس ده ولا انا بهيس

انك اصلا بتنتمي لمكان عمرك ماشفته الا متاخر

مصر الجديده للاسف عيبها انك لما تطلع منها تبتدي تشوف قباحه العالم الخارجي وقرفه مع احترامي لكل سكان القاهره وبدون عنصريه او تحيز

لكني فعلا شايفها حاجه تانيه خالص

يمكن حتي سكان مصر الجديده مش مهتمين بجمالها ولا بسحرها يمكن علشان اتعودوا عليها كتير

انا قعدت 5 سنين كنت اخاص جامعه واطلع من رمسيس علي بيت عمتي علي طول وبالليل اخرج انا وابن عمتي بالعربيه نقعد في اي كافيه او ندخل سينما او نروح ناحيه قصر البارون او نتمشي بالليل خالص في روكسي والشوارع فاضيه ومافيش حد

نعدي في شارع العروبه وعلي القصر الرائاسي

ننعد في كوستا اللي ادام نادي هيليوبوليس لغايه مابقيت من مدنين كوستا منك لله ياللي في بالي

فاكر سنه 2006 ايام مامصر خدت كاس البطوله الالمم الافريقيه

مش عاوز اقولكم مصر الجديده كانت مقفوله تماما من كل حته بكميات لا تصدق من الشباب والبشر بجو رهيب مكانش فيه اوكسجين والاعاداد الغفيثره كانت كفايه بتكوين جيوش لتحرير القدس

معظم خروجاتنا كانت بتبقي بعد الساعه 10 بالليل ونرجع علي 4

بحب المترو بتاعها رغم انه سكه وبيعطل كتيير لكن فيه متعه كده تحس ان النحاس باشا بنفسه ومكرم عبيد كانوا بيركبوه زمان ايام الملك فاروق

انا عارف اني اناني اني بتكلم كتيير عنها بس اعمل ايه بحبها جدا ولازم كل اسبوع انزل يومين هناك علشان استرجع زكرياتي دول 5 سنين مش اي كلام يعني

ده عيب اللي عنده نوستالجيا زيي مابيعرفش يتخلص منها ابدا

شويه هلوسه مفروسه

من كام يوم كده قعدت اضحك لما سمعت ان الدوله والرقابه علي المصنفات الفنيه قررت تمنع اي كتاب او فيلم فيه مشاهد جنسيه فاضحه مش تقطع وبس لا ده هتمنع الفيلم كله او الكتاب ماينزلش اصلا خاصه بقي لو كان كتاب سياسي بيهاجم النظام او بيشوه سمعه مصر بعد الهوجه اللي حصلت بعد فيلمين هي فوضي وحين ميسره

علشان الداخليه طبعا

المهم كانوا جايبين علي او تي في بيستعرضوا اراء الناس في مفهوم الراقابه وطبعا كان فيه ناس بتتكلم كويس وناس تانيه ضايعه خالص

اصلا حكايه الرقابه دي اختراع ساذج جدا او بيتم استعماله خطا

لان اصلا الراقابه مهمتها تصنف العمل الكتاب في وزاره الثقافه او المجله او الجريده بس بما ان الصحافه حره فدي مش عليها رقابه اما بقي ياحلو لو الجريده دي او الكتاب ده جاي من بره بيتعامل معامله بنت ستين في سبعين قائمه علي مبدا التخسيس

انا فاكر مجله النيووزويك كانت عامله قبل كده ععدين واحد منهم كان عن حسني مبارك والنظام بتاعه والمعروف ان المجله لها طبعه عربيه بتنزل كل اسبوع العدد ده بالذات بقي مانزلش اصلا

المره التانيه لما روايه نجيب محفوظ عملت جلبه شهيره وبعد كده نظرا للتيار المتطرف وقتها ضغط علي وزاره الثقافه اتمنع الكتاب وبقي يتباع في السوق السوداء بس بعدها ب 6 سنين الكتاب رجع تاني وبطبعه فاخره

المره الرابعه لما كتاب علشان ماتتسكعش علي قفاك عمل مشاكل والداخليه قررت مصادرته وبرده الكتاب اتباع في السوق السودا ومحقق اعلي مبيعات

الخلاصه ان اللي بيمنعوا اصلا بيمنعوا علي اساس النظام عاوز ايه وعلي كيف النظام ولا لا

يعني لو كتاب طالعه فيه هيفاء وهبي عريانه مالط متاكد ان الكتاب هينزل عادي ومافيش اي مشاكل

لكن لو كتاب عن سيد قطب او كتب من كتب القرضاوي بتاعه زمان او دكتور عمر عبد الرحمن اوووووف انسي ياحلو هتروح ورا الشمس

من فتره ناس اتكلمت عن ان الروايات بقي فيها سكس ؟

سكس؟ علي اي اساس؟ اه هي فيها وصف جريء بعض الشيء لكن مش بمعني السكس

هو السكس اصلا مفهومه ايه عندكم ؟ السكس هو ممارسه فعل جنسي بصوره فاضحه ومثيره للغرائز وشوهانيه ومحرجه فين بقي الكلام ده اصلا ؟

عيب روايات اليومين دول حاجه واحده هي الالفاظ وبس الفاظ بذيئه اه واقعيه ولناس بحبهم زي خيري شلبي وعلاء الاسواني وغيرهم بس المشكله ان الالفاظ بقت اوفر

نفترض ان الافاظ بقت اوفر خلاص يبقي اعرفي ياشابه منك لها وانت رايحه ان فلان الفلاني معروف انه كذا علشان ماتتصدميش

نيجي بقي للسينما

معروف ان مصر لها سياسه معينه مع الافلام الاجنبيه مش مهم الجنسيه بس شديده جدا لو الفيلم سياسي او ديني او جنسي

في 1997 اتعرض فيلم شهير جدا اسمه DEVIL ADVOCATE في مصر اسبوعين بس

النتيجه ان الازهر هاج وماج وحصل مشاكل كبيره والوزير اتشتم وحاجات كتيره لان ملخص الفيلم عن الشيطان وعلاقته مع ربنا والبني ادمين بالاضافه لحبه حلوين من المشاهد الساخنه واهانه الذات العليا

اوكي انا معاكم الفيلم فعلا رغم اسلوبه الملتوي والصادم كان ماحدش يستحمله بس رغم كده الفيلم بينتصر لجانب الله

هي وجهه نظر المخرج وضحت طبعا بس لما ياسياده الرقيب انت عارف ان الفيلم فيه كذا وكذا وكذا ماقلتش ليه ان الفيلم ياخواننا مليان كذا وبيتكلم عن كذا وعن كذا زي ماي دوله بتحترم نفسها بتعمل ده

بره فيه حاجه اسمها نظام التقييم او RATING

لما يقولك كده يبقي لازم تقرا وتاخد بالك هيقولك الفيلم فيه عنف ودم وشتيمه وجنس يبقي متاخدش العيال معاك ونبه علي المدام او متاخدش اختك
او ان الفيلم بيحتوي علي مشاهد صادمه ( مش جنس بس اقصد صادمه لقدره المتفرج ) فتبقي عامل حسابك

الناس العاقله تعمل كده فتاخد احتياطاتها وماتقعش في مواقف محرجه وفي نفس الوقت الفيلم مايتمنعش من العرض

الفيلم اقل من 13 ماحدش يدخله اقل من 18 ممنوع مننوع اصطحاب الاطفال

وبصراحه حكايه الاطفال دي بتفقع

من 3 سنين دخلت حفله ميد نايت في سيتي سنتر فيلم رعب فعلا حتي للكبار وكان اغلب الناس اللي داخله عارفه انه رعب ومع ذلك الراجل الظريف اللي كان جنبي كان معاه طفله رضيعه حوالي 1 سنه وعادي يعني طبعا الطفله اصلا من شده المؤثرات الصوتيه قطعت الخلف وقعدت تعيط طيب يابني ادم مانت اللي جبته لنفسك

ماهن منبهين ان الفيلم مننوع اصطحاب الاطفال علشان كده ازا كان الكبار اصلا مش مستحملين الفيلم ؟؟؟؟؟؟؟؟؟؟؟؟؟؟

غباااااااااااااااااااااااااااااااااااااااااااااااااااااء يابويا




لما عماره يعقوبيان اتعرض كان قاعد جنبي بنتين حوالي 18 سنه او 20 في المعدل ده طبعا الفيلم كان فيه بعض المشاهد يمكن الجمهور المصري مش متعود عليها في فيلم عربي وكان محطوط تحذ1ير رقابي اقل من 16 سنه ماحدش يدخل واتنبه علي ده كتيير

لكن لاحياه لمن لاتنادي طبعا البنتين قاموا بعد ساعه من الفيلم قال ايه مش قادره استحمل؟

هو ايه اصله ده؟

قال يعني انت ماشفتيش افلام اجنبي قبل كده فيها الحاجات دي ؟ وبعدين باين من كلامكم قبل الفيلم انكم اصلا بتشوفوا افللام من كل النوعيات

ااااه ياني




برده نفس الكلام لما اتعرض فيلم HANNIBAL كان محطوط تحذير رقابي ياخواننا الفيلم فيه مشاهد دمويه جدا

وكان معاهم حق لان اخر مشهد في الفيلم اقل حاجه اقولها ان بطل الفيلم كان بيطبخ مخ واحد وبياكله وهو صاحي

صباح القرف يعني ومع ذلك كميه الاطفال اللي دخلوا والستات ياسلاااااااااام تقولش مولد سيدي العريان

ايه ده يابشر؟


لا وبقي بعد الفيلم واحده طالعه تقول ماتعرضوش الفلام العنيفه دي تاني احنا عائلات محافظه

نعم يادلعدي؟ محافظه؟

مانت عارفه ان الفيلم فيه عنف رهيب


النتيجه بقي ان ابنك ياهانم اللي سنه 5 سنين لما يشوف حاجه زي كده هتجيله صدمه ياما هيتحول لمخبول عقلي وحاول يقلد الحاجات دي

علشان برده مبنقراش

ومبناخدش بالنا


ده المفروض يبقي دور الراقابه


اما بقي الراقابه نفسها هي اصلا في الطراوه مابتوافقش علي اي عمل الا لو لنجم معين او كاتب معين تبع النظام حته لو هيطلع يشتم شويه مش مهم المهم هو تبعنا


وبعدين كان زمان طالع قرار ان يتم منع اي عمل يطلع فيه حد من الانبياء والرسل


وعادي جدا اتعرض فيلم PASSION OF THE CHRIST وماحدش نطق ليه علشان احنا نقول احنا عندنا وحده وطنيه ومتسانحين مع الاقباط ومش حارمينهم من حاجه

لكن تيجي ياعيني علي اعظم فيلم اسلامي الرساله تمنعه ليه؟

علشان ربنا طالع فيه؟

لا


علشان النبي طالع؟


لا



علشان سيدنا حمزه طالع فيه؟؟؟؟؟؟؟؟؟؟؟؟؟؟؟؟؟؟؟ظظظظ

تيييييييييييييييييييييييييييييييييييييييييييييت


لا تعليق

والاغرب ان بعد مرور 30 سنه الفيلم لغايه دلوقتي ماتعرضش في التلفزين المصري


احييييييه علي راي الاسكندرانيه

بنفكر ازاي؟

الله اعلم بس اكيد مابنفكرش بدماغنا بنفكر بحاجه تانيه خالص للاسف

حسبي الله ونعم الوكيل


اقسم بالله لو اتحقق حلمي وبيقت رئيس الرقابه علي المصنفات الفنيه لاقلبهالكم ظلمه

هه


















خارج النص"


لا تعليق علي براءه ممدوح اسماعيل

وسلملي علي القضاء


مبروك الدراسه هتبقي بعد رمضان علشان نعرف نصوم


مبروك قانون المرور الجديد

ماحدش هيركب عربيه بعد كده




مبروك قرار عقد الزواج الجديد

ابقي قابلني لو راجل رضي يعمل كشف طبي علي نفسه قبل الزواج

ده ممكن ياكلكم




سعد الدين ابراهيم خلع بره البلد قبل مايتحكم عليه بالسجن سنتين علشان اتهم بتشويه سمعه مصر

جدع ياااااااد




القبض مره تانيه علي شباب 6 ابريل




كلمه اخيره

الحكومه واخده اجازه كلها ونقلوا مقر العمل في مارينا وااساحل الشمالي

ماحدش يتفاجا لو اتكعبل في وزير او ريئيس الوزراء او شافه بيبص من فوق الجرانا والنظاره الشمس علي البنات اللي علي البحر

برده ياجماعه الناس دي ببتعب وبتتعب اوي لازم تستريح شويه وتعيش زي البني ادمين


مقتبس من طيور الظلام لوحيد حامد




A DIOS

نوستالجياتي بتخلص

اه عاوز ارجع تاني

اصل مش كل الناس تقدر تكمل

ازاي يابني؟

اقولك ازاي

كل واحد له حدود وله امكانيات

واكيد ربنا ماخلقناش كلنا زي بعض

كل واحد مختلف عن التاني


يعني انت مثلا اكيد تقدر تقاوم وتحارب لغايه اخر نفس

انا ماقدرش لان امكانياتي العقليه والجسديه لها حدود


علشان كده ماتستغربش من الناس اللي بتنهزم وترجع جوه جحورها

هم ماعملوش كده علشان هم عاوزين كده

لا هم عاملوا كده علشان خلاص كل حاجه راحت منهم

الدافع الاساسي اللي كان بيحركهم راح

بالظبط زي مقاتلين كانوا بيحاربوا وفجاه قالوا لهم الوطن اتخلي عنكم

او اللي انتم بتحاربوا علشانهم ماتوا


او المبدا اللي انت مؤمن به انتهي واتغير


ساعتها تتوقع ايه؟
هتكمل

لا طبعا انت كده بتضيع جهدك


يبقي احسن لك ارجع


لف وارجع تاني احسن لك

ادخل جوه وانعزل

اه ده مش حل طبعا

بس حاجه مؤقته

علشان تراجع نفسك وتقرر هتكمل الطريق ده ولا تبتدي من اول وجديد ولا تشوف طريق تاني خالص


اصل انت كده هترجع لمفترق الطرق من اول وجديد ياحلو

فاحسن لك تشوف حاجه جديده في مكان تاني باسم تاني وهويه تانيه

ممكن؟

اه ممكن تتولد من جديد

بس ياتري انت فعلا عاوز تتولد؟


اصل يابني المصيبله ان مابقاش فيك نفس تبتدي من جديد

انت كملت 25 سنه يعني ربع قرن هتبتدي فين تاني

وبعدين مكان من الاول

انت جاي دلوقتي في زمننا الاغبر ده وتقول ابتدي

وماتقعدش تعيط وتغني ظلموه

لا ماخلاص

ده مش زمن العياط


ماحدش اصلا هيسمعك كل بيقول يالالا نفسي



الاغرب يابني اني كنت شايف فعلا النهايه قريبه

بس قلت يمكن تتاخر شويه

دلوقتي كده مره واحده حتف وعرفت حقيقه نفسك

وبقيت تشك في نفسك هلانا كل اختياراتي صحيحه من الاول

هل انا فعلا انسان قابل للحياه في العالم ده ولا اللي زيك يروحوا يموتوا احسن ويريحونا جتهم البلا


يمكن ساعات يبقي الافضل لنا اننا نرجع اجنه ونمسح كل حاجه عرفناها وشوفناها


في حاله مشهوره اسمها وضع الجنين بتحصل للناس اللي مايقدروش يتحملوا المواقف الصعبه او يستحملوا الحياه


بينكبوا علي نفسهم

ويعتزلوا كل حاجه



بيتهيالي انا علي وشك ده بس لسه شويه


قلتله يابني لا ماتقولشكده


بعد الشر عنك


انت اصلا بقيت كده من زمان