الامام الشهيد حسن البنا
ليس ذنبه ان الاخوان المسلمين انحرفوا عن مسارهم
وليس له شان بما وصلوا اليه الان
هو رجل فريد من نوعه حاول ان يصلح وينشيء فكرا جديدا
لكن الزمن لم يمهله وخذله اتباعه
لم يكن يرغب في الجاه او الحكم
ولكنه رغب في اصلاح مجتمع كان يحتاج رجل مثله
هو بريء تماما مما فعله الاخوان بعد رحيله
لكننا في حاجه لتوحيد الصفوف الان لمواجهه مايجثم علي انفاسنا منذ ربع قرن
لست مناصرا للاخوان ولست علمانيا لكني وسطيا
ارغب ان يشعر الاخوان انهم مصريون وليس مجرد اناس يرتدون عباءه الاسلاميين
ويتركوا اهوائهم التي تجعلنا ننفر منهم ونخشاهم ونتجنبهم
لعل الله يهديهم ويصلح من شانهم ويناصرونا ويقفوا معنا في قضيه التغيير ضد النظام وحزبه الفاسد
ولكل امريء مانوي
" هذه التدوينه مهداه الي الاصدقاء الذين تشاجرت معهم بسبب مسلسل الجماعه "
هناك 36 تعليقًا:
كل سنة وحضرتك طيب
السلام عليكم
لسه الخناقات جاية لاتتعجل ياصديقي :)
ربنا ما يجيب خناق يا فندم
و الله انا اتحيرت فينا كشعب
احنا عاوزين ايه؟؟
اوقات احس ان الفكرة اى كان رونقها لازم ترتبط بشخص او رمز
حد يلم الناس حواله و يكسب قلوبهم عشان فكرته تكبر خصوصا لما تكون قايمة على مبدأ صح و قوى بس عاوزة كاريزما بنى آدم عشان يدعمها
و اوقات تانية اقول لأ
الفكرة لوحدها كفاية و مش محتاجة رسول ينقلها للناس
و نتهى عصر الرسل
و بقيت الرسالة و اعمال العقل
الاخوان فكرتهم بدأت زى انتا ما قولت
بحلم مشروع بيقول نتبع السنة و نطبق كلام ربنا ف الواقع زى ما الرسول عليه الصلاة و السلام ما عمل قانون للحياة و ارسى قواعد عالم حاله مش اهله و قومه و جزيرة العرب بس
لكن بمرور الوقت بقت احلامهم سياسة بحتة و انغماس ف الطموحات
بقت الحكاية مليانة حاجات
و درجات لون واحد
مبقتش واضحة
لما الحيرة بتاخدنى بوصل لحاجة واحدة
ان الاخوان زيهم فعلا زى أى فصيل سياسى ف البلد
له طموحاته و رجاله و افكاره
بس فكرة التصاقهم بالدين
نقطة ضعفهم من وجهة نظرى
مصر و اى بلد ف الدنيا لازم تقوم على اسس مدنية ..قواعد و اصول و منهج و دستور
كل دول مستمدين من المبادىء و الاخلاقيات و الأعراف المتبعة
و كل اللى فات دا هتلاى له انعكاس ف الدين برضو
ليه مش كل حاجة تمشى متوازي مع بعضها ..الدين و السياسة و الاخلاق و العرف و المبادىء ؟!!!
مكشلة الاخوان انغماس الدين بالسياسة و دى من وجهة نظرى آفة حكايتهم و سبب مشكلتهم
هم ف نهاية الامر جزء من هذا الوطن
بس جزء مش احسن من غيره
اللهم ف الإلتحام الشعبى
مع الناس و التكافل الاجتماعى
اللى هما اشطر ناس فيه فعلاً
و دى نقطة قوتهم الحقيقة
التى بلا زيف و بحترمهم عشانها
انا رغيت كتير قوى
رمضان كريم عليك
و على اصحابك
و بلا شجار ان شاء الله
الاخوان الصغار في السجن .....والكبار في النعيم...والاونطجية في المجلس...والاغبياء في النقابات...والسياسيين في العباية....ما اسخم من ستى الا سيدى
انا باحترمك وباحترم حزب الوسط
وباحترم كل انسان بيحاول يقف ضد الظلم
رمضان كريم
حطنى فى حزب الوسط معاك
حسن البنا سيظل من العلامات المضيئة فى تارخ مصر مع كل من حاول أن يبنى حجرا ويصلح بناء المجتمع بما فيه من فساد نعانى منه
وليس ذنبه شرود من بعده على الطريق بل يبقى هو وفكره مقيمين تقييما صحيحا
تحياتى وكل عام وأنت وكل من تحب فى خير حال
خلاص خليتوه امام و شهيد كمان ؟ طيب الاخوان يقولوا كده ماشى فاهمينها،هو كان امام جماعته ماشى برضه انما شهيد ازاى ؟ مات فى اى حرب مثلاً او فى سبيل ايه ؟ الاخوان اول من بدءوا بالارهاب و التصفيات الجسدية و هو نال من جزاء ما فعلت جماعته و ليس حقيقة ان الملك قد قام بقتله و هذا الهراء، و بعدين ما تضايقش نفسك قوى فى خناقات افتراضية ع النت مع اللى بيسموا نفسهم شباب الاخوان لان دى عالم فاضية و سفسطائية و المناقشات معاهم جدلية سفسطائية عقيمة زيهم بالظبط
"لم يكن يرغب فى مال ولاجاه"اشك فى هذا يااخى انه كان يرغب فى حكم مصر
وهو الذى زرع بذرة العنف فى هذا البلد وهو الذى كان يريد مصر فاشيستيه ووبعد حرب فلسطين 1948 قتل النقراشى بعلمه وادعى بان من قتله ليس اخواتيا ولم يعتقله ابراهيم عبد الهادى الذى خلف النقراشى..ليتيح الفرصه للبوليس السياسى لقتله..
ان من ينصدى للعمل السياسى لايكون ملاكا..
أتفق معاك الأمام الشهيد حسن البنا غير الأخوان اليوم حسن البنا كان يريد أصلاح المجتمع و غير طالب السلطة و البنا كان لا يدعو الي العنف انما المرشدين الي بعدة خرجو عن فكرة
انا بقول ان حسن البنا كان عامل زي الشهيد مالكوم اكس
كل سنة وانت طيب رمضانك كريم ،كيفك؟
انت رجعتني لثلاث سنوات الى الوراء كنت حاضره في المؤتمر السنوى لقسم الفلسفة بكلية الاداب جامعة القاهرة، وفيه تم عرض ورقة كانت رائعة عن الامام حسن البنا في إطار شرح فلسفته وتعليق الدراسات الاجنبية التى اتعملت عنه، لما الاجانب بيشيدوا بشخص ما مش معناه انه الشخصية الفظيعة في معظم الاحوال بس فعلا الشخص ده كان سابق عصره في كل حاجه في أفكارة وأقواله وانطباعاته
وبتفق معاك في ان لو الاخوان اتبعوا نهجه بمنتهى الدقة حيبقوا حاجه جامدة جدا
ياريت تقولي على الكتب اللى انت قرأتهالوا مفيس مانع الواحد يتثقف شويه في فكر الاخوان، بدل من المسلسل المبالغ قوى بتاع الجماعة انا اكتر واحد اتبسطت من تعليقه على المسلسل كان عمر طاهر حاجه كده من الخيال العلمي
eman
وانت طيبه
عادل
يابني كل يوم خنالقه بسبب الجماعه ومع ناس عزاز عليا
الدين يفسد السياسه والسياسه تفسد الدين
ده باختصار كل حاجه ليه مانبقاش وسطييين ومعتدليين؟
وحشتيني يافاتيما ورمضان كريم عليكي وعلي يوسف
تراكيب
ماهو ده اللي انا بشد
شعري منه حاجه تفطر
سال
الله يكرمك يارب
الازهري
تعالي ياعم مصر محتاجه وسطيين ومعتدليين
المصري
بص انا بحترم حسن البنا هو راجل مهم جدا وكان نيته طيبه وهدفه سليم لكن مقدرش يتحكم في اتباعه وبعد مامات العيار فلت منهم وبقوا فاسدين من جوه
ماينفعش احاسب الراجل علي انه السبب في وجود الجماعه
سهيل
واللهزي مارديت علي المصري هو مالوش دعوه بده كله
الجماعه من جواها كانت عايزه تتعدي الحدود اللي كان لاجمهم بيها
هم طبعا تاريخهم اسود بس نفسي يعقلوا كده ويقفوا معانا
مواطن
عليك نوور هو ده بالظبط
هي خليط من عده قراءات للقرضاوي ومحمد حسنين هيكل وناس تانيه بس هاجيبلك الكتب نفقسها
انا اوةل مره اعرف موضوع الاجانب ده بس مبسووط به جدا
اما الجماعه خلينا وراهم ونشوف وحيد ناوي علي ايه
كل سنة وانت طيب
اول زيارة
و اول تعليق ليا (:
بس الكلام عجبنى فى نقطة
ارغب ان يشعر الأخوان أنهم مصريين
بجد عاوزيتن كلنا بأختلاف اتجاهتنا و ديانتنا و مذاهبنا
نكون مصريين بس
يا ريت
انا غير متابع للمسلسل حتى و ان تابعت
لن اقدر ابدى رايى لعدم وجود خلفية لدى للجماعة
اقصد خافية صحيحة للحكم
شكرا للموضوع و الفكرة الجميلة
رمضاااان كرييييم
رامي
وانت بالصحه والسلامه
المسلسل هيفيدك في بعض الحقائق التاريخيه بس المشكله انها ممكن تكون مزوره نوعا ما
ان شالله متكونش اخر زياره
السلام عليكم
مصر فعلاً فى حاجه لكل القوى لأقامتها من عثراتها
ولا يهم الأن الشخوص ولكن الأفكار التى تدفعنا لبُكره إللى وحشنا قوى
وكل عام وأنت بخير حال
واحد من العمال
صدقت والله
هو لازم كل واحد فينا ينتمى لحزب أو جماعه عشان يبقى مُصلح !
مينفعش كلنا نطالب بالإصلاح من غير ما ننتمى لأى حاجه غير مصـر !!
مسلسل الجماعه إن اختلفت أو اتفقت معه
هو أكثر المسلسلات إستحقاقاً للمشاهدة فى رمضان
كل سنة و حضرتك بالصحه و السلامه
ابتسام
انا عن نفسي معنديش مانع وده فعلا اللي بنحاول نعمله نوحد الناس كلها في مظله واحده للتغيير وهيبحصل باذن الله
لماذا لم تضع صورة الأمام الشخصية بدلا من صورة الممثل الذي قام بدوره
هل لانك لم تجد صورة للامام ام انك تقصد معني معين
مؤمن
المسلسل بنتكلم عن الجدل بتاعه فجبت صوره اياد نصار لانه كمان مماثل تماما لحسن البنا من ملامحه والموضوع عن الفرق بين حسن البنا وبين جماعه الاخوان
الدين جوة الجامع بس جوة الكنيسة بس
وعلى فكرة انت عارف انى مشفتش الجماعه افصلوا الدين عن الدولة الكل حيرتاح واذا كان مش ذنبة انهم انحرفوا عن مسارة اللى انا معرفوش زى مانتا بتقول !!! مش ذنبنا اننا نوصل للتردى دة باسم الدين و تطبيق الدين عن طريق شوية ظلمة وجهلة !! وبالمناسبة بقى الاخلاق مش شرط مصدرها الدين على فكرة فى اختراع اسمة مبادىء وقيم وتربية وعقل الاجانب اللى بتعامل معاهم ميعرفوش حاجة عن ملتنا وانضف و احسن مننا عشرة مليون مرة الدين مش هو اللى بيخلق بنى ادم كويس الدين حاجة ضمن حاجات كتير وعذرا يا صديقى ان كنت انفعلت قليلا :)
كلام جميل و كلام معقول ماقدرش اقول حاجة عنه
فعلا انا كمان لا انتمي للأخوان المسلمين و لا انا ضدهم و لكني احترمهم
ساءني بشدة محاولة تشويههم بهذا الشكل في مسلسل الجماعة
konikkti
يافندم هدي نفسك ان شالله يتحرق كل اللي يتاجر بالدين
انا عارف طبعا الاوربيين بيتعاملوا ازاي وحياتهم مختلفه تماما عننا ومش شاغلين نفسهم بالدين ولا بيعطلوا حياتهم بسببها
انانفسي البلد تبقي زي تركيا نظام معتدل متنور متحضر وانت شفتي بنفسك بقوا عاملين ازاي
الجماعه مسلسل كويس لكنه بيشوه حقائق للاسف وبيحاول يهمش او يشوه صوره حسن البنا اللي انا شايفه كان راجل هظيم بغض النظر الاخوان بقوا ازاي بعد كده
احمد
نفس رايي
اخى
كل عام وانت بخير
.........
المسلسل زور كتير فى التاريخ
التاريخ محفوظ
وعمره مايتغير بمسلسل ولا اعلام بشكل عام
الامام حسن البنا منهجه واضح عند كل اخ
وقبل الانتماءات نحن جميعا مصريين
مصريين مصريين
ولكن تركنا فى الارض للاصلاح والدعوة والجهاد باقل الوسائل الممكنة
وهذا ما جاء به الله فى القران وفى السنة
بمعنى
احنا فى الارض علشان نصلح فيها ...
.... المعنى دا يتوقف على معانى كثييييرة جدااا
لا شك ان بعضهم كما قلت انحاز عن منهج الشهيد
لكن احب اقول ان الناس دى واضحة
والمنافق مابيكنش ليه مكان مع الكويسين
التظاهر يا اخى ليس منهج وعمره ما كان الا زى ما قلت للمنافقين
اللى بيتمكسك بدينه صح بيكون مظهره صح وانا هاقلها انا لسة ماوصلتش للمرحلة دى
انى اتمسك بدينى صح علشان كدا المظهر ما بيكون متدين جداا وسطى يعنى
يعنى اللى تلبس خمار مظهر لا جوهر صدقنى بتبان وسط مائة ومن نفسها بتاخد بعضها وتبعد لانها منافقة
منهج الشهيد واضح وتعاليمه الوسطية وليست المتشددة واضحة وتزير المسلسل لكل دا واضح
انا بجد اتعلمت كتير من استاذى حسن البنا والمسلسل دفعنى ان اقرا عنه واعرف كتير عن حيات مجدد القرن العشرين
سيبقى محفوظا لاخر الزمان
شمس
الله ينور عليك
أولا شكرا على الزيارة - ثانيا كلام مختصر مفيد وأؤيدك فى كل كلمة فيه -
وكمان أنا معك فى أن
Crime and Punishment
is the best novel ever
تحياتى ويارب ماتكنش أخر زيارة
ديستوفيسكي لا غبار عليه ولا جدال
نورتيني
إرسال تعليق