كنت اتمني ان احكي لكم عن الاعداد الغفيره من الشباب والوطنيين الذين تدافعوا الي اللجنه
كان بودي احكي لكم عن اصرار الناس علي ابداء رايهم
كان بودي احكي لكم عن تكاتف المعارضه وسحقها للحزب الوطني
كان بودي احكي لكم عن اني اتعرضت للمضايقات ومنعت من دخول اللجنه
لكن كيف احكي لكم عن لجنه لم يدخلها الا خمسه فقط من ضمنهم انا بينما صندوق الاقتراع مليء ببطاقات عديده توحي ان اهل الحي كلهم ذهبوا للاقتراع
وكل عام ونحن بخير في ظل الحزب الوطني لخمسه اعوام مقبله نتجرع ونقطف ثماره
احم احم
سابدا في تجهيز باسبووري حتي لواتت فرصه اخري جديده لاهرب من مصر الحبيبه
اه نسيت شيئا اخر
يناير القادم سانضم للحزب الوطني
وشكررررررااااااااااااااااان
هناك 8 تعليقات:
عمر ما كان عندنا انتخابات بجد و كل مرة تبقى تمثيلية و كان اكرم للكل الالتزام بقرار الجمعية الوطنية للتغير و حزب الجبهة الديمقراطية و غد ايمن نور و عدم المشاركة فى المهزلة لان كده اللى حصل ان المعارضة الغبية اعطت العصابة الحاكمة شرعية على الفاضى و برضة اخدوا على قفاهم و كله اتزور
صراحة مش متعاطفة مع اى حد اترشح او نزل ينتخب
ربنا يحميك يابني لشبابك وهننضم سوا للحزب اكيد
ههههههه وانت عايز تنهب وعايز خناقات وتوسخ صباعك....مش كتر خيرهم .. بيقرو افكار الناس عشان كدة جايبين الصناديق مليانة جاهز....بصراحة ما لكش حق وبجد اناني اووووي وياريت بس تفكر شوية في مستقبل اولادك....حتعرف انك غلطان...
الادهى من كده كمية السيدات اللى كانوا فى اللجان و لما حاولت اعرف ايه السبب المرة دى عرفت من احد محترفى الانتخابات انهم المرة دى بيستخدموا السيدات لان سعرهم حنين فى شراء الاصوات و الامن بيهشهم من بعيد
عندك حق ليه منسبهاش ونهج أحنا قرفنا بجد والله ...
مبروك ع مصر الحزب الواطي
نشكركم على حسن تعاونكم والى اللقاء في انتخابات اخرى قادمة...الحزب الوطني
دي اول مرة ادخل المدونة برغم اني شوفت الاسم اكتر من مرة بس كان بيحصل ظروف ومدخلش المدونة ...
انا مع tears في اللي قالته
وانا كمان منتخبتش يمكن عشان معجبنيش حد ولا اقتنعت بحد ولا حتي المعارضة ...
ثم ان الحكومة بتعمل اللي علي مزاجها برغم كل شيء لاننا سلبين وكل واحد بقرار ..لكن لو كلنا مجتمعين علي قرار واحد كان الامر اختلف
تحياتي وتقبل مروري الاول
انا سعيدة ياليكتر برجوعك
وحتى لو سيبتها وهجيت خليك معانا عرفنا اخبارك
مش ح نقولك لا خليك البلد دي احسن من غيرها لان ده مش صحيح
تحياتي
إرسال تعليق