هشام صاحبي بيقول لي اكتب وعبر عن نفسك
انا ناوي اكتب بس مش دلوقتي
كل اللي اقدر اقوله اني بعد خمسه وعشرين يناير بعد التنحي او بالاصح بعد استفتاء مارس انا اتغيرت وبقيت شخص تاني
واتشوهت من جوايا
انا بقيت نصين نص وسخ ونص بيحاول يبقي نظيف
خسرت ناس كتيره والاقسي خسرتك
انا مش حابب الفتره الانتقاليه بكرهها وبكره اللي غملته فيا
ماهو مش معقول واحد كان بيشتبك في معارك مع العسكر وبيدمن منظر الامن المركزي والجيش وريحه الغاز والمطاطي وبيجري علي اي مسيره
مش معقول بعد ده كله يبقي طبيعي اكيد مريض نفسي واكيد انسان مشوه من جواه
مش معقول بعد كل الموت ده والاعتصامات والادراينالين والعرق ابقي طبيعي
انا بس اللي حازز في نفسي اني مامتش لغايه دلوقتي
هناك 7 تعليقات:
تعرف كنت ديما باصبر نفسى وانا شايف كل ده
وحاسس بيه
واحساس لما يبقىدم أقرب الناس ليك مغرقك
بإنى أفتكر الآية الكريمة
من المؤمنين رجالص صدقوا ما عاهدوا الله عليه فمنهم من قضى نحبه ومنهم من ينتظر وما بدلوا تبديلا
وكنت بادعى
اللهم اجعلنى ممن ينتظر
لسه اللى جاى كتير
واللى راح كان ليه دور
واحنا هيبقى لينا باذن الله دور
اكتب وفضفض من تانى
بكره جاى
ان الله جعل لكل شيء سبب
وربما هي الصحوة لاتخاذ مةقف جاد مع نفس
موقف في تحديد الهدف والجري وراء هدف اسمى
الله يكون في عونكم يا اخوانا المصريين
ويحقق لكم الامن والامان في ظل من تريدونه حاكم لكم
ان الله جعل لكل شيء سبب
وربما هي الصحوة لاتخاذ مةقف جاد مع نفس
موقف في تحديد الهدف والجري وراء هدف اسمى
الله يكون في عونكم يا اخوانا المصريين
ويحقق لكم الامن والامان في ظل من تريدونه حاكم لكم
ماهو مش معقول واحد كان بيشتبك في معارك مع العسكر وبيدمن منظر الامن المركزي والجيش وريحه الغاز والمطاطي وبيجري علي اي مسيره
مش معقول بعد ده كله يبقي طبيعي اكيد مريض نفسي واكيد انسان مشوه من جواه
مش معقول بعد كل الموت ده والاعتصامات والادراينالين والعرق ابقي طبيعي
...........
طب ما نرجع لقبل دا كله يا ليكتر
والسؤال هو ...
الأسباب اللى ادت لأن كل دا يحصل
هل كنت انتا هتبقى "طبيعى" لو مكنش رد فعلك عليها ما كتبته ف سطورك ؟!
هل الطبيعى انك كنت تسكت ع الظلم
والممارسات القمعية للعسكر ؟
انتا من قبل كدا
وانتا متمرد ورافض الوضع الغلط
الثورة جت عشان تصحح
وانتا عملت اللى المفروض يكون
انتا منتاش طبيعى
انتا اتصرفت التصرف الطبيعى
اللى يعمله أى واحد بيحب البلد دى وما صدق لقلها مخرج من زنزانتها
وان كلفه هذا مزيد من محاربة لوحوش واقفين على ميت بوابة عشان يمنعوه ..
معرفش انتا اتفرجت على مسلسل
Angel
بس كان بيحكى عن مصاص دماء بيتحول لبطل يساعد الضحايا وبينقذهم من الأشرار من المخلوقات الشيطانية والعالم المظلم ..
كان عشان ينقذ أى برىء
بيقاتل وحوش ويعدى اختبارات
ويضحى يأشياء
وبياخد احيانا قرارت
توجع غيره وتخسره ناس
أغلى عنده من نفسه ..
بس بيضطر يعمل كدا
ومبيعرفش يعيش زى الناس
والعادى
لأنه مخلوق غير عادى
انتا كمان كدا يا ليكتر
انتا اخترت يا صديقى
تكون شخص غير عادى
اخترت تكون حد مختلف
اخترت تحب قوى
وتتبهدل عشان اللى بتحبها قوى
وتعمل حاجات
وتختار اختيارات
ولا عمرك كنت تفكر نفسك هتمر بيها
ولا تقول وتتصرف بلى يوجع أحب الناس عندك ...
والدنيا لسه مخلصتش
وبعد الشر عليك م الموت
انا مش عاوزاك تموت يا جدع انتا
انا عاوزاك تعيش وتشوف اليوم
اللى مر فيه هتكسر كل قيودها
وتبصلك بإمتنان وتضحك
وتردلك الجميل عشان حررتها
انتا وكل حد عمل زيك
بطلّ تفكر انك ليه قاعد
انتا قاعد عشان هدف ومصير
ومكتوبلك لسه عمر عشان تعيشه
وربنا يطول ف عمرك
لحد ما تفرح من قلبك
وتحصد زرعك وربنا يعوض عليك
كل الخساير ...
ربنا معاك
ربنا معـــاك يا ليكتر
الازهري
دورنا هيبقي معركه الدستور باذن الله
silent hell
يسمع من بقك ربنا
فاتيما
مش عارف اقولك ايه انت كلامك خلاني ابكي
انا مكنتش مستني حاجه من اي حد انا والله عملت بالفطره مش ليا اي اغراض انا طبيعتي بادي من غير مقابل
انت كلامك طبطب علي جروحي وخلاني اتماسك شويه ربنا يخليكي ليا
إرسال تعليق