shit happens

screw every thing

every thing

life

people

govement

law

rules

habits

traditions

and jon the hell

THE DARK KNIGHT

h '


انا مش هناقش الفيلم بتفاصيله الفنيه لان مش هو ده اللي انا عايزه


اللي انا عايز اقوله هو الحدوته الصغنططه



الحدوته



اللي خلتني طالع بعد ساعتين ونص من الفيلم شايف العالم بنظرتين

نظره الجوكر ونظره بروس واين



صحيح ان في ناس هتقول ايه ياعم التافه ده حد يناقش فيلم كوميكس


اقوله اتفرج الاول وركز



هتلاقي ان الفيلم مش فيلم كوميكس


الفيلم رحله نفسيه عميقه في عقل الاجرام ودوافع البشر للسقوط في النصف المظلم وفي العالم السفلي

الفيلم بيلخص زيف افكارنا ومبادئنا وفكره الحضاره اللي احنا معتمدين عليها


الفيلم بيلخص قبح الانسان من جوه اول مابيقع ويقع عنه القناع


ببساطه شديده الفيلم قائم علي 3 محاور






بروس واين محارب الجريمه الخفي المقنع اللي بيحاول التصدي باسلوبه الخاص للفساد والجريمه وقوي الظلام بطرق مخالفه للقانون نوعا ما لكنها تحقق العداله لكنه من داخله هو مش راضي عن اسلوبه وكان يتمني ان يحاول تحقيق العداله بشكل مضيء منير مايعرضش حياه الابرياء للخطر ولا احبائه وبالنهايه بيقرر التضحيه بكل شيء وتدمير سمعته في سبيل الحفاظ علي بصيص النور والامل الذي وهب للناس عن طريق هارفي دنت ولكي يحتفظوا بالامل







المحور التاني




هو النائب العام هارفي دنت الرجل الشجاع المخلص الشريف اللي بييقرر تطهير المدينه من الفساد وسيطره عالم الجريمه وبيرفض الرشوه ويحافظ علي قيمه ومصر علي تحقيق هدفه مهمها كانت العواقب لكنه بيعتمد في حياته علي الحظ في كل شيء هوة اللي يقرر مصيره هو اللي بيحركه عن طريق العمله المزودجه وبيعاني من اضطراب خفيف لكنه بيحاول يخفيه






المحور التالت هو الجوكر شخص مريض نفسيا بيمثل اقبح مافي النفس البشريه ومدي انحطاطها وفسادها

لكنه في نفس الوقت له فلسفه غريبه لكنها حقيقيه وصادمه وقاسيه انه يفهم الناس بشكل جيد يفهم ويقدر يشوف روحهم ويقدر يقرا افكارهم وعارف ان البشر بيتحركوا بدوافع معينه عارف ان البشر لهم حدود معينه في الشرف بعدها بتنهار قيمهم واخلاقهم

وعارف ان طالما تضاربت مصالحهم مع مصالح الاخرين بيتحولوا الي وحوش مسوخ همج انانيين




بالاضافه ان هدف حياته هو تدمير شخصيه هارفي دنت لانها بتمثل مثل اعلي للبشر شخصيه ذات قدوه وعظه محبوبه جدا من الناس بيمثل لهم الامل في عالم قاس فاسد منحل ظالم عالم غرق في بحر الظلمات




عالمنا المعاصر اصبح من شده ماديته وعفانته عالم اشبه بالكوابيس بدون قواعد او قوانين


عالم فوضوي وللاسف احنا شاركنا في بناء هذا العالم ثم شوهناه ودمرناه بانفسنا احنا اللي صنعنا االابطال واخرجناهم من وسطنا لكننا دمرناهم وشوهنا تاريخهم ببساطه عند اول منحني




اصبحت قرارتنا قائمه علي المصلحه الذاتيه فقط لا غير دون مراعاه لحريه الاخرين ومصلحتهم وماحدش يقدر ينكر ده ابدا

اصبحنا جميعا مصابين بانفصام الشخصيه ندعو ونصلي ونصوم ونرتسم ازهد وفي نفس الوقت نسرق وناذي ونزني ونهين الاخرين ونسحق احلامهم





اصبحنا ضائعين مشوهين





لذلك عندما تكلم الجوكر واظهر فلسفته لم اندهش ولم اصعق بل ايدته


الجوكر هو ماصبحنا عليه الان



ومانجح فيه هو عنما قام بتشويه صوره المثل الاعلي ورجل العداله وحامي المدينه وصاحب الفضيه هارفي دنت واظهر جانبه المشوه

وحطم جمييع انجازاته عرفت مدي ماوصلنا فيه حتي الان




ايها الساده انه ليس مجرد فيلم اكشن او فيلم مسلي

ادعوكم لمشاهده انجاز القرن الواحد والعشرين بما وصلت فيه حال البشر وحال عالمنا







اهلا بكم في عالم بدون قواعد





















سطر اخير




البعض غضب ان الفيلم ازاي تفوق في قائمه ال imdb علي افلام زي godfather...shawshank redemption..lotr

رربما لاسباب عديده منها مستوي الفيلم الرائع للجيال الجديده التي لم تعاصر الافلام ااسابقه الذكر

وربما لمدي تاثرهم باداء هيث ليدجر الرائع

وربما فعلا انه فيلم القرن


اسف علي المبالغه الشديده لكني بعد يومين من الفيلم مازلت ارتجف كلما اتذكر كل مشهد وكل كلمه



وزي مقال الجوكر


why so serious??????????????

حححححككككوووووممممهههه

من 60 سنه كان الناس بتجري ورا الحكومه في كل حاجحه الحكومه هي اللي متوليه شئون الشعب زي الام او الاب اللي حريص علي تكفيه متطلبات اولاده

وكانت الناس تحفي علشان تشتغل في الحكومه وتوظف ولادها وكان الشغل في الحكومه هو الحلم الكبير

لما اتعمل السد العالي شغل الاف الشبان المصريين وبقت الناس هتنتحر علشان تروح اسوان هناك وطبعا كانت مرتبات مجزيه ايامها بس كانوا بيشتغلوا زي العبيد بالظبط لكنهم الاهم كانوا بيشتغلوا لهدهف قومي ولمصلحه البلد

وفتها كانت طبقه الموظفين هي الطبقه الوسطي وكانوا بيعتبروا اعلي حاجه في البلد موظفين حكومه من المليانين المصالح والمؤسسات الحكوميه

بس يظهر ان كلمه موظف حكومي كانت شبه مقتصره علي الموظفين لكنها في الواقع مقتصره علي الاطباء واساتذه الجامعه والمدرسين وظباط البولبس وشيوخ الازهر يعني اي حاجه تابعه الحكومه يبقي انت كده ياحلو موظف حكومي ويبقي تفهم قواعد اللعبه

انك تروح شغلك من الساعه 8 ونصف الصبح علشان تمضي وفعليا الشغل مايبتديش قبل الساعه 10 او 9 ونصف بالكتيير اوي

ووادامك ربع ساعه تاخير او نص ساعه لو وصلت متاخر تتاخدغياب ياحلو وتاخد جزاء وتتعاقب ويتخصم من مرتبك اللي هو اصلا كلام فارغ يادوبك يكفي 5 ايام وبس

قال يعني انت الشغل خلاص واقف عليك

اصلا الموظف المصري الحكومي بيشتغل بالظبط ساعه واحده من ال 6 ساعات اليوميا بتعو الشغل باقي اليوقت بيقضيه في قرايه الجرايد والفطار والرغي مع الستات والقفش علي المواظنين وقرفهم وتطليع عين اللي خلفوهم والغتاته والتغليس

واصلا تلاقي شكله كئيب اعوذ بالله مكشر وباصللك بقرف وتعلبي ومنظره وسنانه صافره من كتر السجاير الكليوباترا

وتلاقيه يطلع عينك يقولك ختم النسر وامضاء المدير والوكيل واستاذ فلان ومضاء ام احمد اللي بتمسح السلم

بالظبط والله زي ماوحيد حامد عمل في فيلم الارهاب والكباب نفس المنظومه المخصيه دي

وبقي ايه لو اتكلمت نص كلمه عن النظام المصري او الوزير فلاني او لا قدر الله الريس والحزب

تبقي محط شبهات ويتم عمل تحقيق معاك واتهامك بقلب نظام الحكم وانك خاين وعميل وماتستاهلش المرتب بتاعك

المباني الحكوميه كئيبه جدا جدا جدا محتاجه ترميم والموظفين اللي فيها عاوزين الحرق بالجاز مش كلهم طبعا لكنهم كده بيضروا بالوطن وبالمواطن ويجيبوا له اكتئاب مجرد يتقالك انك لازم تروح تقضي مصلحتك من وزاره الصحه مثلا يبقي يوم اسود منيل بنيله عليا وعلي اللي خلفوني

بدايه من انك لازم تكون عندك واسطه وماحدش يعمل لك حساب انك مثل راجل مهذب اابن ناس لا انسي ياعينيا

ياما تبقي بجح ولسانك طويل وتدخل فيهم قافيه

مثلا مجمع التحرير شكل يقطع الخلف كفايه التجمعات الامنيه اللي حوله تحسسك انك داخل القصر الجمهوري والعياذ بالله يعني تف من بقك

وزحمه زحمه بغباء وتخلف وعشوائيه وبجاحه وقله ادب بجد

وده كله ماتنساش انك جوه مبني حكومي

او لو رايح تعمل فيش وتشبيه علشان مسافر بره او هتتوظف تروح تعمله مثلا من مصلحه الامن الجنائي في التحرير برده المخبرين والعساكر يعاملواك علي انك مشبوه او يعاملوك معامله مقرفه وممكن تفلت اعصابك وتتهجم عليهم وساعتها هتروح ورا الشمس لان الداخليه كلها هتركبك وتدلدل عليك

شكل الملفات والدوسيهات هناك تحس انها من ايام رمسيس التاني بجد وفعلا هتلاقي فيه صور لفراعنه كتيير ايه ده مش كفايه الفرعون اللي راكبنا؟؟؟؟؟؟؟؟؟؟؟؟؟؟؟؟؟

الاغرب يااخي رغم اتجاه ناس كتييره للعمل في القطاع الخاص لكنها بتفضل العمل في القطاع العام تقولك اضمن وضامن مستقبلي علي عكس الخاص

ياسلام

ده ايه الحلاوه دي

وده كله ياعزيزي زنبك انت لانك انت اللي رضيت تبقي بالشكل ده رضيت تتمرغ في تراب الميري

الميري هو الحل

وسائل النقل بتستحوذ عليها الحكومه وكلها غير قابله للاستعمال الادمي ومع ذلك تلاقي كميه بشر راكبينها بالهبل

والمترو ياعيني خلاص مابقاش قادر يشيل ولا قادر يتحرك بيقول هافطس يابشر

مش عارف ده عيب الحكومه ولا عيبنا احنا؟

احنا اللي بنسيء للممتلكات الحكومه فعلا وبندمرها ونهلكها وكل مالحكومه تحاول تعمل حاجه جديده تلاقيها حصلت اللي قبلها

كفايه المستشفيات مجرد انك تجيب فيعها الموظفين والدكاتره اللي كانوا بيشتغلوا في المستشفيات القديمه يبقي خلاص انسي المستشفي الجديبده هتتدمر بفعل المواطنين الشرفاء

علشان كده الحكومه نبيهه وقررت نقل الاماكن الحيويه الهامه لحتت بعيده عن المواطنين المتخلفين زي القريه الذكيه ووزاره الاتصالات هناك في اكتوبر بعيد عن القاهره وقرفها وقريبا جامعه القاهره وزاره الاعلام

تحس فعلا ان الاماكن دي مالهعاش دعوه بالحكومه خالص من كتر ماهي نظيفه ومنظمه لكن شكلها هتحصلهم قريب

انا للاسف اعمل في الحكومه بصفتي طبيب ويارتني ماحطيت نفسي في الورطه دي لان اللي بيدخل جوه الميري مابيطلعش منه

لكن وعد اول ماعرف افلت هابقي اطلع لساني لهم

محمود و بولس

http://www.egyfilm.com/Forums/viewtopic.php?p=2799166#2799166

فيليب كان حالف انه يبهدلني لو دخلت الفيلم لوحدي قلتله اطمن الفيلم ده مخصوصا هادخله معاك وابقي سلملي علي الوحده الوطنيه

بعد مانخلصه نطلع ندبح في بعض ونولع في الفتنته الطائفيه وسلملي علي مصر ياسمعايل بيه

اتاخر بسلامته وانا مستانيه جوه المول وكنت هاولع فيه لاني بحب ادخل السينما بدري

طبعا انا اتكلمت كتير عن الفيلم وشايف اهميته للغايه لاني اكتر شخص متوقع ان البلد تتعرض لحرب اهليه ومش هتبقي نابعه من اسباب دينيه بل بالعكس هتبقي نابعه لاسباب طبقيه ونفسيه

هتبقي اشبه بالحروب الصليبيه بحجه الدين وهي ابعد ماتكون عن الدين وهتبقي اشبه بعمليات تنظيم القاعده وهي ابعد ماتكون عن الاسلام

ماليش دعوه بقي ان نجيب ساويرس يمتلك

35 بالمائه من اقتصاد مصر

ولا معظم الاقباط جواهرجيه وهمعاهم فلوس

ولا قناه الحياه الفبطيه وصرخات اقباط المهجر

طيب ماحنا نفس الكلام

عندك شيوخنا بتوع الفضائيات طول الوقت بيسبوا 100 مله ويلعنوا دين النصاري ويمسخروا بهم طول الوقت

وبعدييييييييين؟

اخرتها ايه؟

امسك ساطور وادبح المسيحي وارميه في البحر ؟ هو ده الحل؟

لازم كلما نقعد ونتكلم

انا ماليش اي عداوه مع الاقباط بل معظم اصدقائي ايام الجامعه كانوا اقباط مع اختلاف الملل سواء بروتتستانت او ارزوكس

لكم دينكم وليا دين غير كده اصحاب وزمايل ونتكلم ونخرج ونتفسح وعلي اتصال

انا ليا بشخصيه اللي ادامي ماليش دعوه بيعبد ايه ولا بيصلي لمين

كلنا بنصلي لاله واحد معروف مساله بقي تكفيره او رجمه دي حاجه اسيبها لربنا مش لبشر

قال يعني المسلم ابو دقن وزبيبه لغايه سرته اللي بيصلي 24 ساعه هيدخل الجنه؟ باماره ايه

ماحدش ضامن اي حاجه

ثم ان ممكن يكون البيه اخلاقه زي الزفت ولا يتمتع باخلاق المسلمين ولا سماحتهم بيادي فروض وبس

واظن اننا شوفنا ناذج قذره زي دي كتيره

نفس الشيء في القاباط كتير جدا معلقين صلبان وهعم اصلا عمرهم ماراحوا كنيسه ولا عتبوا بابها

معظم النقط دي اتكلمت قيها مع فيليب بصراحجه وهو عارف كده

فيليب مش متدين اوي ومش متعصب

بصراحه انا عاوز اثبت لناس كتيره ببتهمني اني مصاحب اقباط علي حساب ديني لكن باقولهم ده مش صحيح

انا صحيح بت عندهم وفطرت في رمضان عندهم ووقفوا جنبي وقفه رجاله وانا وقفت برده معاهم

لكن لا يمكن ابدا ان ده يغير مني ولا من هويتي الاسلاميه

انا طول الفيلم كنت بس خايف علي مشاعر فيليب انه حد يعلق عليه ولا علي بعض الكلمات وكنت بحاول اشغله عن ده واقوله اضحك يابني عادي مانا بتريق برده علي الهبل اللي بيتريقوا عليكم

الحمد لله انه مازعلش واتفق معايا ان النهايه بشعه جدا ومخيفه وبصراحه قاللي اكتر من مره انه عاوز يسيب مصر ويروح امريكا هناك عند اخوه لانه زهق من البلد ومن تخلف الناس وتعصبهم

انا عاذره طبعا لكن المفروض يصبر ويخلي عنده امل ان الناس عقلها يتنور ويصبحوا اكثر تسامحا

وان كنت اشك في ده

عندما يرحل الكبار

يوم الثلاثتاء 1 يوليو قالوا لي ان جدتي بتموت وانها في غيبوبه

قولت مش هتموت دلوقتي ماينفعش

لانها لو هتموت يبقي هتموت بعد مانا اشوفها

قالوا لي حاول تيجي النهارده او بكره قلت لهم مش قادر غصب عني هاجي ان شالله الخميس

بقيت مبعرفش انام الا وكابوس موتها جايلي قبل ماشوفها
عدي الاربعاء وجه الخميس كنت في القاهره خلصت اللي ورايا ورحت طالع علي البلد بتاعتنا في المنوفيه

رحت بيت العيله هناك لقيت عمي وعماتي وولاد عمتي قضينا الليله معاها وكانت االي حد ما اتحسنت

قررت اروح ليلتها الزقازيق وانا مطمن اني شوفتها وساعتها قلت يارب وتموت الجمعه زي جدي حسن الله يرحمه من 7 سنين

نمت الجمعه الفجر وماصحيتش غير الساعه 10 بالليل من كتر التعب

بابا اتصل قال جدتك خلاص بتموت
يادوبك لبست لقيتها سلمت الروح

مازعلتش ولا اتصدمت ولا عيطت حتي لما روحت وشوفتها برده ماعيطتش يظهر ان خلاص الحزن بقي شيء اساسي في حياتي فبقي مابيجيبش نتيجه معايا
العيله كلها جت الليله دي ونقلناها البلد واتجمعنا كلنا مع بعض بقالنا فتره طويله
لكن للاسف اتجمعنا في ظروف حزينه

مانمناش يومها الا بعد الفجر مع ان ورانا يوم طويل جدا واجراءات الدفن والغسل والجنازه

يمكن كان اطول يوم في حياتي يوم السبت الللي فات ده كان طويلل جدا مش راضي يخلص وكان الجو مشحون وكله توتر

الغريبه اننا كلنا كنا عاديين جدا مافيش صدمه

لكن من ساعه مابتدينا نلفها في الكفن بقيت مش قادر امسك رجليا

والكل نفس الشيء

والدي كان شبه منهار وعماتي وولاد عمتي سميه محمد واحمد

ساعتها كانت حاله جماعيه من الفزع وعدم التصديق ان جدتي خلاص ماتت

كنت كل شويه اقول هي هتقوم اكيد هتقوم وبتشتغلنا زي كل مره

لكن المره دي كانت جد

واحنا ادام القبر واحمد ومحمد بينزلوها جوه وبيبكوا ووالدي خلاص منظره يقطع القلب

ساعتها لقيت نفسي بتهز وبابكي بحرقه

بابكي من شده الموقف وهوله

بابكي لان جدتاي ماتت خلاص

جدتي اللي كنا بنجيلها البلد مخصوص ماتت

جدتي اللي تعتبر اخر واحده من الكبار بالنسبه لنا

جدتي اللي رغم كل شيء كنت باحبها

جدتي اللي حسيت اني جزوري اتقلعت بموتها


المساله ان اخر صله لنا بجزورنا راحت

الكبار عندنا كانوا شيء مقدس صعب اني اوصفه

نفس الاحساس جه لما عمي عبد العزيز مات سنه 2004 وكان اقرب الناس ليا

ونفس الشيء لما جدي مات سنه
2000

الشيء اللي كان بيربطنا بالماضي انقطع خلاص
باحلي زكرياتنا وطفولتنا
بايام برائتنا

بعبق الماضي وسحره

اندفن خلاص واتقفل عليه

لغايه دلوقتي مش قادر استوعب ان خلاص ده كله راح ومش راجع تاني
مش هاقدر ارجع البلد تاني واشوف بيت العيله فاضي كده

ربنا يصبرني واقدر اعدي المرحله دي

انا بجد مفتقد الكبار بتوعنا

نفسي ارجع في حضنهم تاني

نفسيي ابقي معاهم تاني

نفسي ان الحبل اللي بيجمعنا بالماضي يخليه متماسك

نفسي العيله ترجع تتجمع تاني ومايكونش ده اخر لقاء بينا كلنا

الله يرحمك ياستو فقدانك مصيبه لنا كلنا وربنا يصبرنا

ياروح امك دي الحكومه

الحكومه هي ماما وبابا وجدو وتيته

الحكومه هي من يجب ان تطاع

الحكومه هي السلطه

تغمض عينك وانت بتكلمها وتطاطي لها وتعري مؤخرتك كمان علشان تضربك عليها

الحكومه هي اللي لها الحق انها تخصيك وتاخر زواجك وتتحكم في مصيرك

الحكومه هي اللي بتحول المواطنين لحيونات عايشه علشان تفرغ شهوتها الجنسيه وتاكل زي الحلالليف وتتناسل زي القرود وتيجي تقولك تحديد النسل

اه صحيح مالشعب هو اللي غبي متخلف لازم ينضرب بالنار

الشعب المصري ده لازم ينقرض

واد ياعثمان علقلي الحيوان ده علي البوابه علشان اطلع عين اللي خلفوه

الحكومه هي اللي كابسه علي نفسك هي اللي مؤرقه حياتك

هي اللي ماخره احلامك

هي اللي تحدد لك انت عايز ايه

وبما ان مايصحش نزعل ماما

يبقي تنضرب وانت ساكت

الحكومه هي اللي خافت من حته فيلم متواضع قال ايه علشان بيحفز للانقلاب علي نظام الحكم

عند امه يادهم

الحكومه هي اللي صادرت كتاب علشان ماتنضربش علي قفاك

علشان سبب وجيه فعلا

هو ماتنضربش علي قفاك

الحكومه ممثله في وزاره الداخليه وولللاسف بنبتدي نخسر اصحابنا وحبايبنا الللي بيشتغلوا في الداخليه علشان هم بقوا تبع الحكومه

الحكومه هي اللي بتولع الكره بين المواطنين

واللي خلت كلمه الداهليه بعبع

امن دوله

امن قومي

امن كوني

طيب وانا عملت لكم ايه اصلا

سيبوني في حالي

ده انا محلتيش غير الحكومه

وصباح الخير يامصر

مصر ياما ياسفينه

مصر ياما يابهيه يام طرحه وجلابيه الزمن شاب وأنت شابه هورايح إنت جايه ، مصر ياما ياسفينه فلاحينك ملاحين يزعقوا ع الريح يواتي)

بافتكر الاغنيه دي في اخر فيلم العصفور لما الشعب بينزل رافض للهزيمه بكل فئاته وبيهتف بحريه

مصر هي الشعب البسيط المكافح

مصر مش اللي ساكنين في مشاريع طلعت مصطفي

ولا نجيب ساويريس

مصر مش سيتي ستارز

ولا سان ستيفانو

مصر مش الحزب الوطني

ولا القريه الذكيه

مصر مش تامر حسني

ولا احمد عز

مصر مش اعلانات نورت مصر

وحفلات البروم بتاع المدارس الاجنبييه

مصر هي اللي في الصوره اللي فوق

انها حقا عائله ظريفه

مش تريقه والله

لا هي تريقه بقي

انا فعلا مفروس من العيله دي

ليه لا

وهاحبهم ليه؟

استفدت انا من وراهم ايه

مانكرش كنت باحبك ياريس زمان

كنت شتايفك مثل اعلي وكنت عامل زي الاب الروحي

كنت رجل الرجال وسيد الفرسان ليا

زعيم بجد

لكن لما عرفت

لما شوفت

لما قريت

ماكنتش مصدق

ياريتني ماعرفت

ياريتني ماصدقتهم

ياريتني مافتحت عينيا وشوفت الحقيقه

يارتني ماشوفت حقيقه الظلم والفقر والبطاله والفساد والانحلال

ياريتني ماشوفت القهر والمراره في عيون المصريين

يرايتني كنت جبله ومابحسش

لكني مش قادر بجد ياريس استحمل

بقيت لما اسمع سيره الحزب بتاعك او سيره ابنك اتنرفز

لما اسمع الشعارات الرنانه المزيفه

اتنقط

لما اسمع كل يوم الناس بتلعن فيك وفي عيلتك يجيلي هم اكتر

لما اشوف الامن المركزي بيضرب في الناس

لما الاقي الكبار واصحاب السلطه واخدين راحتهم وغارقين في فسادهم

اتعب

خايف اتحول لمعقد خايف اتمني لك ولعيلتك مصير السادات مع اني كنت باحبه جدا

نصيحه مني ياريس كفايه تطنيش للفساد ده وفوق وشوف اشله اللي حولك وحول ابنك وبيضحكوا عليك

شوف اللي بيحبك من اللي بيكرهك

الحق مصر قبل ماتضيع

الحق المصريين قبل مايغضبوا

اتق شر الحليم اذا غضب

hancock

عاوز ابقي زي الراجل ده

متاسالونيش ليه

هو خارق ومابيحوقش معاه اي حاجه وقوته خارقه ومابيهموش اي حد و بيعمل اللي بيحلالاه

ومدي الناس بالجزمه القديمه وبيقولهم طز

ومطلعه لهم لسانه علي الاخر

وماحدش يقدر يعمل له حاجه

بيكسر بقواعد المجتمع عرض الحائط

طز في الناس

طز فيكم

بس ده بيعمله لانه مافيش حد فاهم هو بيعمل كده ليه ولا ايه اسبابه

لانه له ماساه خاصه اللي يفهمها ويقدرها هيعرف يتواصل معاه

انا عاوز اطير واكسر وادمر

عاوز احطم واقفز

عاوز ابقي هانكوك

وداعا

لسه عارف الخبر من 5 ساعات لاني كنت مشغول جدا واتصدمت بصراحه

انا صحيح كنت اعرف انه تعبان جدا لكن مش عارف ليه عندي مشكله خاصه بالمفكرين النادرين من نوعته اني مبعرفش اتقبل موتهم

زيه زي دكتور يونان لبيب رزق

زي اي حد تاني من النوعيه دي

عبد الوهاب المسيري مش مجرد مفكر وزعيم حركه ساسيه ورجل مثير للجدل ومؤرق للحكومه المصريه وجريء في اراءه

كان انسان قبل ده كله

رحمه الله عليك يادكتورنا