مصر ياما يابهيه يام طرحه وجلابيه الزمن شاب وأنت شابه هورايح إنت جايه ، مصر ياما ياسفينه فلاحينك ملاحين يزعقوا ع الريح يواتي)
بافتكر الاغنيه دي في اخر فيلم العصفور لما الشعب بينزل رافض للهزيمه بكل فئاته وبيهتف بحريه
مصر هي الشعب البسيط المكافح
مصر مش اللي ساكنين في مشاريع طلعت مصطفي
ولا نجيب ساويريس
مصر مش سيتي ستارز
ولا سان ستيفانو
مصر مش الحزب الوطني
ولا القريه الذكيه
مصر مش تامر حسني
ولا احمد عز
مصر مش اعلانات نورت مصر
وحفلات البروم بتاع المدارس الاجنبييه
مصر هي اللي في الصوره اللي فوق
هناك 3 تعليقات:
Doctor
احييك على مدونتك اشعر فيها بطب الاسنان ( على فكره احنا فى الهم واحد فالاخ اللى هو ان كنت زميل وخلعت )
مصر يا صديقى هى كل الصور اللى فوق واللى تحت عظمتها انها خلاط رائع جميل عادل بيخلط كل حاجه وعظمه شعبها ان بيصفى اللى الخلاط ضربه .
تحياتى
ماجد
يازميلي احلي حاجه انك خلعت والله انت الكسبان
منور يابيه
السلام عليكم جميعا مصر مش كل الناس الغلابة اللى وقفين فى زحمة على رغيف العيش الله ينتقم من اللى مبهدلنا .
مصر التاريخ ,مصر العروبة, مصر الكرم,مصر اللى هزمت الصليبين ,مصر اللى قهرت التتار, مصر اللى حاربت اسرائيل انهزمت وانتصرت لأجل اخونا العرب مصر ياجماعة موضوع كبير . ومكانها كبير بس للاسف اللى حاكمينها مش عارفين قيمتها.. والموضوع كبير ومش هيخلص فى رسالة صغيرة زى كدة الموضوع عايز مجلدات علشان نقدر نوفى حبة من فضل مصر علينا.والسلام عليكم
إرسال تعليق