فيليب كان حالف انه يبهدلني لو دخلت الفيلم لوحدي قلتله اطمن الفيلم ده مخصوصا هادخله معاك وابقي سلملي علي الوحده الوطنيه
بعد مانخلصه نطلع ندبح في بعض ونولع في الفتنته الطائفيه وسلملي علي مصر ياسمعايل بيه
اتاخر بسلامته وانا مستانيه جوه المول وكنت هاولع فيه لاني بحب ادخل السينما بدري
طبعا انا اتكلمت كتير عن الفيلم وشايف اهميته للغايه لاني اكتر شخص متوقع ان البلد تتعرض لحرب اهليه ومش هتبقي نابعه من اسباب دينيه بل بالعكس هتبقي نابعه لاسباب طبقيه ونفسيه
هتبقي اشبه بالحروب الصليبيه بحجه الدين وهي ابعد ماتكون عن الدين وهتبقي اشبه بعمليات تنظيم القاعده وهي ابعد ماتكون عن الاسلام
ماليش دعوه بقي ان نجيب ساويرس يمتلك
35 بالمائه من اقتصاد مصر
ولا معظم الاقباط جواهرجيه وهمعاهم فلوس
ولا قناه الحياه الفبطيه وصرخات اقباط المهجر
طيب ماحنا نفس الكلام
عندك شيوخنا بتوع الفضائيات طول الوقت بيسبوا 100 مله ويلعنوا دين النصاري ويمسخروا بهم طول الوقت
وبعدييييييييين؟
اخرتها ايه؟
امسك ساطور وادبح المسيحي وارميه في البحر ؟ هو ده الحل؟
لازم كلما نقعد ونتكلم
انا ماليش اي عداوه مع الاقباط بل معظم اصدقائي ايام الجامعه كانوا اقباط مع اختلاف الملل سواء بروتتستانت او ارزوكس
لكم دينكم وليا دين غير كده اصحاب وزمايل ونتكلم ونخرج ونتفسح وعلي اتصال
انا ليا بشخصيه اللي ادامي ماليش دعوه بيعبد ايه ولا بيصلي لمين
كلنا بنصلي لاله واحد معروف مساله بقي تكفيره او رجمه دي حاجه اسيبها لربنا مش لبشر
قال يعني المسلم ابو دقن وزبيبه لغايه سرته اللي بيصلي 24 ساعه هيدخل الجنه؟ باماره ايه
ماحدش ضامن اي حاجه
ثم ان ممكن يكون البيه اخلاقه زي الزفت ولا يتمتع باخلاق المسلمين ولا سماحتهم بيادي فروض وبس
واظن اننا شوفنا ناذج قذره زي دي كتيره
نفس الشيء في القاباط كتير جدا معلقين صلبان وهعم اصلا عمرهم ماراحوا كنيسه ولا عتبوا بابها
معظم النقط دي اتكلمت قيها مع فيليب بصراحجه وهو عارف كده
فيليب مش متدين اوي ومش متعصب
بصراحه انا عاوز اثبت لناس كتيره ببتهمني اني مصاحب اقباط علي حساب ديني لكن باقولهم ده مش صحيح
انا صحيح بت عندهم وفطرت في رمضان عندهم ووقفوا جنبي وقفه رجاله وانا وقفت برده معاهم
لكن لا يمكن ابدا ان ده يغير مني ولا من هويتي الاسلاميه
انا طول الفيلم كنت بس خايف علي مشاعر فيليب انه حد يعلق عليه ولا علي بعض الكلمات وكنت بحاول اشغله عن ده واقوله اضحك يابني عادي مانا بتريق برده علي الهبل اللي بيتريقوا عليكم
الحمد لله انه مازعلش واتفق معايا ان النهايه بشعه جدا ومخيفه وبصراحه قاللي اكتر من مره انه عاوز يسيب مصر ويروح امريكا هناك عند اخوه لانه زهق من البلد ومن تخلف الناس وتعصبهم
انا عاذره طبعا لكن المفروض يصبر ويخلي عنده امل ان الناس عقلها يتنور ويصبحوا اكثر تسامحا
وان كنت اشك في ده
هناك 5 تعليقات:
عزيزى
من المدونات الرائعه التى رأيتها ارجو ان تضيف مدونتى عندك مثلما اضفتك ( ده بعد اذنك )
مع تحياتى
ماجد
مدونه kosasah.blogspot.com
على فكرة كلنا اقباط مش المسيحيين بس
يعنى كلمة اقباط تطلق على المسلم والمسيحى لان قبطى يعنى مصرى
بالنسبة لموضوع الفيلم انا كمان عندى اصدقاء مسيحيين وشوفت منه معاملة مش شوفتها من مسلم كل شوية يقول قال الله وقال الرسول ومعاملته لا يرضى عنها الله ولا الرسول
بكره جدا اللى يتكلم على مسيحى بطريقة مش كويسه وكانه خليفة الله فى الارض منزه عن الاخطاء
وتناسوا ان الدين المعاملة والدين عند الله هو الاسلام
ومعنى الاسلام هو من سلم المسلمين من لسانه ويده وليس سليط اللسان من يتناسى مشاعر الناس ويتغاضى عنها ويجرحهم بجهل منه وعندما تتحدث معه بلين وتساله لما كل هذا يقولك يا عم ده مسيحى وكانه ذنب وليست ديانة من عند الله
تحياتى
قصاصه شكرا علي كلامك ومدونه حضرتك اضفتها خلاص
ديزرت كات
كلامك متفق معايا جدا وفعلا وصفك لكلمه اقباط في محله
عارف ايه احسن حاجة عملها الاحتلال بفلسطين...
انه خلق حاجة اسمعا اقلية عربية..
فبما اننا اساسا اقليه..بطل المجال متاح قدامنا لاننا نخلق اقليات داخلنا كفلسطنيين اكتر واكتر..
والظاهر لازم تحصل مصيبة لكل شعب عشان يتكتل ويكتفي انه يدرج تحت اسم جنسيته..ويسيب التقسيم لفرق دينية لوقت الصلاة بس..
يعني ناكل ونفطر ونتفسح بع بعض..
ووقت الصلاة كل واحد يروح مكانه..
ووقت الاعياد كل واحد يعيد بطريقته..
وبعديها نرجع نكمل حياتنا اليومية العادية مع بعض...
ومستغربة جدا ليه فمصر فقط القضية دي بتغلي دايما..مع انها مش الدولة العربية الوحيدة الي فيها اقلية مسيحية..
بس يمكن من كتر مالشعب مضغوط بقى يفش خلقه ببعضه..
او ان جهات معينه بتحاول توجه ضغط الشعب ده وثورانه لقضايا زي دي وتبعده من طريقها عشان تكمل طريقها هي براحتها...
فبتأمل يعني انه يجي الوقت الي الواحد يكتفي بانه يبقى عربي لما يواجه بعض القضايا العامة.. بالكتير او ي يحدد نفسه اذا كان مصري ولا لبناني ولا عراقي...فقط لا غير
ومدونتك رائعة جدا على فكرة..:)
الفيلم ده احلى فيلم شوفته فى الصيف
عمر الشريف ابدع بجد
و كان فيه حاجات كتير توجع القلب بس ماقدرش اقول عليه حاجة غير انه واقعى جدا
انا عشت عشر سنين مع مسيحيين فى مدرسة راهبات لا عمرى سألت مين مسيحى و مين مسلم و كلنا كنا كده
الناس سابت دينها و بقت شاغلها نفسها فى تصنيف ده هيدخل الجنة و ده هيدخل النار
طيب انتوا ايه صلاحيتكوا يعنى مخاويين مثلا؟
لو كل واحد خلاه فى حاله بدل الهبل اللى حاصل ده كان حاجات كتير اوى هتتغير مش بس التعصب الدينى
بس كون المجانين منتشرين بشكل مبالغ فيه دلوقتى فده مش معناه ان الجنان استفحل...هوجة و هتخلص و يرجعوا لعقلهم
إرسال تعليق