مش تريقه والله
لا هي تريقه بقي
انا فعلا مفروس من العيله دي
ليه لا
وهاحبهم ليه؟
استفدت انا من وراهم ايه
مانكرش كنت باحبك ياريس زمان
كنت شتايفك مثل اعلي وكنت عامل زي الاب الروحي
كنت رجل الرجال وسيد الفرسان ليا
زعيم بجد
لكن لما عرفت
لما شوفت
لما قريت
ماكنتش مصدق
ياريتني ماعرفت
ياريتني ماصدقتهم
ياريتني مافتحت عينيا وشوفت الحقيقه
يارتني ماشوفت حقيقه الظلم والفقر والبطاله والفساد والانحلال
ياريتني ماشوفت القهر والمراره في عيون المصريين
يرايتني كنت جبله ومابحسش
لكني مش قادر بجد ياريس استحمل
بقيت لما اسمع سيره الحزب بتاعك او سيره ابنك اتنرفز
لما اسمع الشعارات الرنانه المزيفه
اتنقط
لما اسمع كل يوم الناس بتلعن فيك وفي عيلتك يجيلي هم اكتر
لما اشوف الامن المركزي بيضرب في الناس
لما الاقي الكبار واصحاب السلطه واخدين راحتهم وغارقين في فسادهم
اتعب
خايف اتحول لمعقد خايف اتمني لك ولعيلتك مصير السادات مع اني كنت باحبه جدا
نصيحه مني ياريس كفايه تطنيش للفساد ده وفوق وشوف اشله اللي حولك وحول ابنك وبيضحكوا عليك
شوف اللي بيحبك من اللي بيكرهك
الحق مصر قبل ماتضيع
الحق المصريين قبل مايغضبوا
اتق شر الحليم اذا غضب
هناك تعليقان (2):
خد بالك يا دكتور
ارحم نفسك شويه
ايه الاستبياع اللى انت فيه ده ياعم
إرسال تعليق