هانزل لان فاض بي الكيل بقالي اكتر من خمسين يوم
هانزل لسببين لاني مدون لازم اشارك ولازم ارصد اللي بيحصل
والسبب التاني لازم ادي شرعيه للثوره
احنا نزلنا في جمعه الانقاذ ودي كانت مجرد طلقه تقول اننا لسه موجودين
المره دي هتبقي باعتصام وعارفين ان الجيش ممكن يستغبي بس مش هنخاف
هنعتصم لغايه مالمطالب تتحقق ونجيب مبارك يتحاكم ونجيب حقوقنا
هنعتصم علشان طنطاوي مابقيناش نثق فيه
هنعتصم علشان نحمي الثوره ونبني البلد علي نضافه ونطهرها من العفن اللي كان فيها
هننزل في كل ميادين مصر لكني هانزل في التحرير لانه ملتقي الثوار
هننزل من غير مانقول سلفي ولا اخواني ولا لبيرالي او علماني او مسيحي
للثوره رب يحميها وللميدان ثوار يحرسونه
فكن مع الثوره
هناك 5 تعليقات:
برافو عليك لان ما لن نستطيع فعله الان ربما نحتاج ثلاثون عام اخرى لفعله و مصر ماعدتش فيها مليارات تكفى سرقات كمان و لا ح نسيب حد يستعبط و يضيع ثروتها بتعطلنا و تخريب القضايا
وعى الشباب هو ضمانه تلك الثورة و مش ح نفرط فى دمنا و لا خير بلدنا و لا حقنا فى الحياة و مش ح نتخدع تانى
ان شاء الله نازلين كلنا
كل اللي نزلنا من اول يوم هننزل تاني
ومش هنتعب لحد مافعلا نعرف ايه النظام
بيضحك علينا ولا في ايه
http://fritend.blogspot.com/
بإذن الله تعالى نتقابل هناك
حاول تنشر البيان الموحد
يارب اشوفك ياض بقي وننجز
نزلين كلنا
ومعانا ربنا
انضم لينا فجروب مدونين علفيس
واللينك مع موسوليني
إرسال تعليق