الأربعاء، 27 أبريل، 2011

طز


متمرد

صبور

ثائر

متامل

قنوع

غير نادم

بطيء التعلم

ساذج

غر

مختلف

غير اعتيادي

سهل التاثير عليه

شكاك

متهور بعض الشيء

مندفع

عفوي

تلقائي

هفواته كبيره وكبواته فظيعه

هيستيري

يتهته في الكلام

عصبي جدا

ولكنه هاديء جدا ايضا

غيور ولكنه بارد

مخلص ومضحي

يفرط في مشاعره حتي يستنفذ

مبتسم حتي في اسوا الظروف

يعشق النوم ليهرب من المشاكل



ورغم ذلك فهو يتفوق عليكم جميعا واللي مش عاجبه
طز ومليون طز







هناك تعليقان (2):

فاتيما يقول...

يا لهوى يا ليكتر

كأنك تصف اقرب الناس لقلبى
بالمللى ....

طب ممكن تنصح اختك الكبيرة
الخيبانة فاتيما
لوجه الله
والوطن


كيف يتأتى لأحد ما زى حالاتى
موافق على كل هذا التناقض
وقابله و راضى بيه و مبسوط
و معجب كمان
ان يظل فى الحيز المكانى والزمانى
لهذه الشخصية الأسطورية الخيالية
اللى طالعة من كتب الحواديت
و تجتر ف تعاستها ليل نهار
لأنها تحيا ف عالم البشر العاديين
ومحدش قادر يحتويها

طب اذا كانت بوسع الأرض
وبعد الشمس
و عمق المحيط
الشخص العادى يعمل ايه طيب ؟!!

يعنى مفيش صيغة توافقية
تخلى حجم التعاسات تقل
ومساحات التوافق تزيد
حيث ان هذا المتفوق ..مهما تفوق وقال ظز .. مينفعش يعيش لوحده علطول
و العاديين يتصادف ان منهم من يقدره حق قدره .. وملوش ذنب يتاخد بذنب الآخرين اللى مش عاجبهم دول ؟!!

انا عارفة انك مش بترد ع التعليقات
وبكتب وانا بفضفض
اكتر ما بسأل

او بالأحرى
انا بكلم روحى ..اكتر


تعرف ؟
من وانا صغيرة وبقرى مجلات سوبر مان وسباتدير مان و اختار ابطالى الرجل البرق او الرجل المطاط او الوطواط او أى حد كان ...
كنت بستغرب
ليه كلهم تقريباً ..تعساء كدا
مع ان عندهم مميزات رهيبة
كنت صغيرة طبعا
ومش فاهمة
ان الزيادة ف شىء يتبعه نقصان ف شىء آخر ....
بس كنت ولا زلت على فكرة ...
بحس ان الحكاية مش بالصعوبة دى
ما دام الشخص مميز كدا
وبالذكاء دا ..
لماذا لا يرى ما ف الامر من بساطة ؟
لماذا لا يحتوى بذكائه غباء او سذاجة الآخرين ببساطة ويفوت ؟!!!

وبعدين لما كبرت شوية
فسرتها بشكل تانى
اولا هما ناس غيرنا ومشاعر شوية مختلفة وحياة فيها تباعد اسرى واجتماعى اكتر
ثانيا فيه شىء تانى حسيته و فهمته
بان تركيز العقل ف الأفكار والتحليلات
بياخد من رصيد المشاعر كتير
وقليل قوى ..لما حد يبقى شاطر ف الناحيتين ...
وحاجة بتغلب حاجة ...


تعرف مواصفات بطل البوست بتاعك دى
مشكلتها ايه ؟!!!


انها عاملة زى ريجيم حرق الدهون كدا
يعنى زى ما اكل بيحرق أكل
فيه صفات بتحرق صفات
وزى ما تكون على رأى على سلامة
تجيب زرار .. تضيع جاكتة


انا رغيت كتير كدا ليه ؟

انا بخطرف الأيام دى جامد

طيب كفاية كدا

سلام

لأ أستنى

خلى بالك من نفسك يا ليكتر
وعندى امل ف يوم ما
اشوفك مرة ..
وياه بقى ..لو بقت المرة دى ف ميدان التحرير
وياه بقى بقى .. لو ف مليونية
او نص او ربع مليونية حتى ..

تعرف انى كل مرة اروح ..افتكرك قوى انتا وناس معينة ..
بفتكرك ..لأنى اول مرة روحت
كنت بتفرس ف وشوش الناس اللى وافقين حواليا ومعرفش ليه افتكرت ان ممكن تكون واحد فيهم وواقف جنبى وانا معرفكش ولا ناتا تعرفنى
بس الفكرة حسستنى بأمان
زى ما كنت بحس ف تلك الأيام الجميلة ..

تانى
هرغى تانى

اسكتى يا فاتيما
وكفاية عشان التعليق يكفى
و يتنشر

حاضر

سلااااام

sony2000 يقول...

:)

حساها بجد جدا
فالبوست دا

اتمني ان كل حاجه تكون كويسه

وطظ فكل حاجه ماتمشيش علي هوانا وتضايقنا:)