الأربعاء، 26 سبتمبر 2012

شكرا لكم



شكرا لكل حاجه والحمد لله عليها 

شكرا لربنا 

لاهلي  امي اللي نفسي افرحها قبل ماتموت وابويا اللي نفسي يفتخر بي

لحسن ابن اختي 

لعمتي اسماء الله يرحمها اللي مفتقدها جدا هي وعمي عبد العزيز 

لتيته سميره لما كنت بنام في حضنها 


لطارق وعمرو وعبد العاطي  اناتيمي

لخالد واحمد وزهره واحمد شاكر 

لحسن وفيليب وهشام واحمد منجود ورودي وساره وسيف

لقباري وفاطمه وماجا وياسمين 

لمروه وايمان وبيرو

اصحاب بيت الشمس كلهم نفر نفر

لزمايلي في الشغل محسن واحمد عبد الرحيم 

حتي لدكتور عادل 

لاحمد شحاته ومصطفي سامي واكرم 

لضياء وكريم وعادل صليب 

لمحمد امين راضي وشلته احمد شوقي وياسر وتامر وزيزو ومحمد سليمان ووائل حمدي

لداليا العقاد 

لفاتيما اللي عمري ماشوفتها وكنت حاسس انها فاهمه كل كلمه باكتبها

لنور 

لهبه  سبب  صبري ست سنين 


لضحا علشان صبوره علي رخامتي

لمحمد العايدي علشان طيب

لامنيه رغم كل شيء علشان بيينا عيش وملح وزماله

لمحمد البرادعي وجورج اسحق وعلاء الاسواني ومالك مصطفي واحمد حراره وعبد المنعم ابو الفتوح 

لعمرو خالد ومعز مسعود وحمزه نمره 
لحميد الشاعري


لسولاف فواخرجي  قبل 2011  


لاحمد خالد توفيق وبهاء طاهر وعز الدين شكري فشير وصنع الله ابراهيم ومحمد علاء الدين واحمد العايدي ونجيب محفوظ 

لوحيد حامد واسامه انور عكاشه  وداوود عبد السيد

لشريف عرفه وعاطف الطيب وعمر خيرت وطارق الناصر  ويوسف شاهين ويسري نصر الله وحاتم علي 

لستيفن سبيلبرج وريدلي سكوت ومارتن سكورسيزي وفرانسيس فورد كوبولا ومايكل كرايتون وكريس نولان وتوم هانكس وال باتشينو وميج ريان وسكارليت جوهانسون


لجنوب سيناء والعين السخنه وبورسعيد  والواحات واسكندريه والمقطم والحسين ومصر الجديده والتحرير وبيت العيله في البلد 

لرمضان كل سنه وللعشر الاوائل من ذي الحجه 

لشركه بيسكار اللي بتطلع لنا كل سنه فيلم كارتون رائع 

للثري دي وللسينابون وللسمك وعصير البرتقال والبطاطس

للخيل والمطر والشتا والخريف 

لسبتمبر للفجر 

للشجن للحزن 

لكل حاجه سابت ذكري فيا 


للثوره للتمنتاشر يوم لمحمد محمود 

للشهدا 



 



 

هناك 3 تعليقات:

فاتيما يقول...



يا لهوى
العفو يا ليكتر
وبتشكرنى على ايه ... ؟!!!


انا اللى هشكرك عشان خلتنى
ف قايمة الناس اللى حواليك
والمقربين منك كدا
واحنا زى ما بتقول عمرنا ما اتقابلنا
ولو ان دا مش حقيقى

احنا متقابلين بالروح
بس كمان كنا سوا
اكتر من مرة
ف مسيرة ولاّ مظاهرة
ولا ف الميدان
وصحيح كنت ف حتة وانا ف حتة
وملقيناش بعض ولامرة
بس كتير خصوصا وانا ماشية
ف أى مسيرة .. ببص ف وشوش الشباب
وأقول اكيد ليكتر واحد منهم
بس معرفش ملامحه
انما عارفة انه هنا


ولما ارجع واكتب عن حدث
او مليونية
او مسيرة
الاقيك كتبت عنها انتا كمان
وكنت فيها
وافرح قوى من قلب قلبى
عشان كان احساسى بيك
وبوجودك ف محله


اكتر مرة بقى
كنت عارفة انك موجود فيها
يوم جنازة الشيخ عماد الله يرحمه
كنت عارفة انك هناك وسط الناس
وكان هاين عليا أسأل كل حد يعدى جنبى
بس مينفعش طبعا
واصلا اصلا الموقف كان مهيب
ويهز الحجر ..
كنت عارفة انك هناك .. وكفاية



يارب التدوينة دى
تكون اشارة لأنك بخير
وكويس
وف لحظة هتودى على حاجة أحسن
حاجة كنت بتتمناها
وتستناها


الأسماء اللى كتبتها
أعرف طبعا المشاهير منهم
واعرف عادل صليب .. بس :)
وبصيت على اسم .. ملقتوش
معرفش كنت تقصد ولاّ هتسيبه لبوست تانى
لوحده ... ولا خلاص كدا ؟


عموما
ف كل الاحوال
انتا خليت صباحى منّور و جميييييل
و انا اللى هستلف منك عنوان البوست
عشان اختم بيه تعليقى
وأقولك


شكرا ليك .. يا غالى





ربنا يسعد كل أيامك يارب

غير معرف يقول...

ربنا يخليلك والدتك

السلام عليكم

dr.lecter يقول...

مش عارف اقولكم ايه