الثلاثاء، 1 ديسمبر، 2009

ذاتيزم






فوق قمه جبل المقطم وقفت اتامل القاهره وهي ناعسه ساهره تتوهج اضوائها من علي بعد في تمام الساعه الثانيه وربع بعد منتصف الليل اشعر بلا شيء وهو شعور ليس جديدا فكلمه لاشيء تعبر عن الفراغ الروحي وعن حاله معقده


انا اعلم ان هناك اشخاص لا يستطيعون الاستمتاع باي شيء واشخاص يتظاهرون بالاستمتاع واخرون يتظاهرون انهم لا يستمتعون اما انا فهو خليط من كل ذلك ويزيد


من المفترض اني سعيد لاني لم اذهب الي المقطم منذ فتره طويله وكانت في قائمه امنياتي قبيل نهايه العام تحققت كما تحقق اشياء اخري كنت زكرتها في تدوينه لي منذ شهرين ونصف في منتصف سبتمبر ساتحدث عنهم لاحقا لكني رغم ذلك كان بداخلي عوامل عده تتصارع مع بعضها وترغب في التنفيس عما تنتوي نفسي واكاد اختنق من عده اشياء اغلبها تتعلق ببلدي التي ضقت ذرعا بها ولم اعد احتملها كما سبق


مصدوما من اهلها ومن اخرون ون نفسي ومن اهلي ومن كل من اعرفهم بتصرفهم السلبي تجاه مايحدث


مصدوما في صديقه اعرفها واكاد اجزم اني معجب بها لافاجيء انها انضمت الي الحزب الوطني وجمعيه الاخ جمال مبارك رغم اني اعلم انها ليس لها ميول سياسيه ثم علمت ان صديق اخر لي ينتمي للاخوان المسلمين انضم هو الاخر للحزب


ما هذا؟ هل جن الجميع ام ماذا؟

ثم ماتلك النبره الوطنيه المزيفه المتصاعده عقب احداث الجزائر لكي تلهي الناس عن مصائب عده؟ هل وصلنا الي حد الخبال ثم التكهنات السخيفه الخاصه بتفضيل ترشيح السيد علاء مبارك للرئاسه لانه فقط دافع بحرقه عن تلك المهزله؟.


بئسا لنا جميعا




اكتشف اشياء عديده لاحظتها بالصدفه منها في احدي محطات الوقود المشهوره بمصر الجديده بها متجر معروف ومقهي كان به رف يبيع الواقيات الذكريه والمهيجات الجنسيه التابعه لاحدي شركات الادويه الشهيره كان مليء عن اخره وفي ال 3 ايام التاليه بيعت جميع المعروضات لاصدم واعرف بالصدفه ان اغلب المشتريين هم من الشباب؟


اي شباب هذا يقضي العيد في ممارسه الجنس بافراط ؟ وتحت اي لوائح؟


فاكتئب مره اخري واقارن بالشباب التعس الحظ الذي تعدي الثلاثون ولم يتزوج ويصبر في ياس ويتهم بانه السبب في التحرشات الجنسيه لمجرد انه نظر بدون قصد الي مؤخره فتاه ملفته النظر او الي نهديها الذين يبظان من صديرتها ثم يستغفر الله ويغض بصره مره اخري



اي شعب ذلك يقبل ان يتحمل تلك الضغوط السياسيه من نظام فاسد ثم بالتدريج يتضح لنا ان السبب في الفساد ليس النظام ولكن هو انفسنا


نحن نبدا بتلك البذره الصغيره ونقوم باخطاء متعمده ونتعمد التهور والتسيب ومخالفه القوانين وتسهيل امورنا بوسائل شتي من علي قبيل كل سنه وانت طيب


ثم يكبر الفساد ليرتقي هؤلاء الناس الذين هم اهلنا وجيراننا واقاربنا وزملائنا ليصبحوا في مراتب اعلي محملين بالفساد

ثم يصلوا الي مراتب اعلي واعلي ويترعرع الفساد في حجورهم ليصبح وحشا بانياب قاطعه يسيل الزبد منهم


انا وانت وهو وهي المتسببين بذلك


اتذكر روايه ذات العبقريه للمبدع صنع الله ابراهيم الذي تخوفت من اي روايه له لعلمي بميوله الشيوعيه اليساريه لكنه رغم ذلك اتفق معه في معارضته لنظام مبارك واتذكر تفاصيل الروايه التي جمع فيها بين تسجيله لجميع الاحداث المحليه التي حدثت منذ تولي مبارك الحكم حتي زمننا هذا وكل الفضائح وقضايا الفساد والتدخل الاجنبي وفساد النظام وجبروته وطغيانه جمعها مع بطله روايته الضعيفه المصريه التي تمثل اغلب نساء مصر العاديات البسيطات وما اثر ذلك في حياتها الزوجيه وحياه جيرانها ورغبتها في الانعزال عن نفسها بعالم قديم بعيد عن المناخ المقيت التي تعيش فيه


اصدم من جراه الروايه ومن تصويره للتغيير الذي طرا علي المواطن المصري المغلوب علي امره المتواطيء في نفس الوقت مع النظام وكان تخاذله وتشبتثه بالدنيا ومصالحه احد اسباب طغيان النظام


صنع الله ابراهيم عبر عني وعن فئه المثقفين السلبيين المراقبين لحال مصر وهي تنحدر بهدوء الي قاع الحضيض


عبر عن مايعتمرني من غضب وخوف وجبن تساهل رغم ماتشدق به طوال الوقت عن واجبنا نحو وطننا ونحو الظلم



اتفوه بكل هذا الي صديقي وانا احاول ان استنشق بعض الهواء الملوث كالعاده بسماء القاهره ونحن في طريقنا ناحيه احدي لجان الشرطه التي تتفحصنا والتي تمنيت ان يوقفونا بحجه قانون الطواريء لكي انفجر في وجوهمم عالما انهم لا حول لهم ولا قوه وانهم عبد المامور وهم فقط عصا النظام وحالهم اغلب من حالنا


انهي تلك السطور وانا افكر في احدي متعي الخاصه لالهو بها واشغل نفسي عن تلك السطور السوداء القابضه التي خطيتها حالا علي صفحه مدونتي واتظاهر مثل الجميع او احاول ان اتظاهر بالسعاده المؤقته لعل الله يفرج كربنا عن قريب




اهداء الي صنع الله ابراهيم



هناك 23 تعليقًا:

hend ga3fer يقول...

هههههههههههههههههههه

انت تحتاج الى مضاد الاكتئاب

من الواضح انى حسدتك

على العموم انا نفسى اصابتنى هيستريا علاء مبارك ولا انكر

ثم لاتسمع لجنرالات القهاوى امثال الكاتب المذكور وقد كنت احد معجبيه وقت فرقعة رفضه تسلم جائزة الدولة ولكن بعد ثراءة امريكانلى تغيرت النظرة تماما ..هؤلاء قد تعفنوا داخل ذاتهم يراقبون الاحداث من بعيد ويستلذون بجلد ذاتهم وجلد الآخرين فى حالة ماسوشيةممنهجة

صدقنى لو خيرت ان انضم للوطنى او غيره سانضم اليه لانى افضل لعب دور محارب الفساد فى داخله على ان العب دور احد جنرالات القهاوى




ان اردت المساعدة فغوص فى قاع المجتمع وساعد وهناك الكثير لتساعد فيه بدلا من المشاهدة عن بعد

هند ايجى

فكرة من الزمن ده يقول...

حالتك دي حالة ناس كتير
وضيف عليها حالة غيظ وكمد من الاخفاقات اللي نحظى بيها يوم ورا يوم
رغما عنا ظلم واخفاق ومهانة وضع كل المفردات اللي من واجبها تخمير حالة الحزن والاكتئاب وجعلها عجينة ضخمة للعكننة
ربنا يصبرنا ويزيح عنا


امااكتر شيء جنني
تعليقات كتير من المذيعين والمذيعات اللي كنت باحسبهم بيفهمو او بمعنى ادق محترمين

لما شفتهم بيكررو ان الشعب فرح بعلاء لما لاقاه بيتكلم زينا

بقيت اقول لنفسي يعني ايه زينا
هو حد قال لهم انه مولود في بوركينا فاسو؟
ولا كوالا لامبور؟
طيب نعتبر انه تعليمه اجنبي ومش بيعرف عربي واتعلم على كبر


تلاقيهم طلعو عليك بجملة تانية تفور الدم

اصله اكتشفنا انه حاسس بينا
حاسس بينا يعني ايه
عشان زعل على ناس اتضربت يبقى حاسس بينا مكلنا زعلنا هو لومزعلش يبقى اكيد مش بشر لكن حاسس مين قال انه حاسس
باي حاجة
هو ولا اللي خلفوه
بالناس اللي مرمية في الشوارع ولا البياكلو من المخلفات ولا اللي مش قادرين يعيشو في شقق زي الناس ولا المش قادرين يكملة مصاريف الشهر ولا المش عاارفين يتجوزوا
الناس دي عايزة ايه

زودت اكتئابك معلش اتحمل ما انت اللي فتحت الموضوع
تحياتي

سهيل ولى الدين علام يقول...

اول مره ازور مدونتك ..رغم انى اتابع تعليقاتك عند الاخرين ..والحاله التى تمر
بها يمر بها الكثيرين من هذا الشعب الطيب
مثل المعلقه الاولى وصفت صنع الله ابراهيم
الذى اعتقل 1959 حتى مايو 1964 بأنه
متعفن داخل ذاته وانه يستلذ من حالة
الماسوشيزم واصدرت هذا الحكم بعد قرآءة روايه واحده له وتريد الانضمام للوثنى لمحاربة الفساد من داخله..دون كيشوتيه..
يعنى..
لك الله يامصر..
سعيد بزيارتى ..

mUsLiM يقول...

يخرب عقل تعبيراتك يا دكتور

اهدى شوية كده ومش أى حاجه تيجى فى بالك تكتبها يا حج :)

والله يا محمد مصر بقت قاسية اوى على أولادها

بس معلش هيا مازالت فى قلوبنا وحياتنا أجمل بلاد الدنيا اللى عمرنا ما هنلاقى جوها ولا روحها ولا حياتها فى اى حته فى العالم

استمتع بوجودك فى مصر يا محمد

انا بدعو كل مصرى انه يستمتع بمصر

هذه المتعة التى ربما كانت غائبة عن كثير منا

استمتعوا بمصر بشتى الطرق

حتى لو كنتو مش لاقيين شغل

حتى لو كنتو تعبانين

حتى لو كنتو مخنوقين من البلد

صدقونى هناك شئ من المتعة يجب ان يدركه كل مصرى فى بلده

ويبدو أننى قد أدركته مؤخراً

وحشانى اوى مصر يا محمد

ومش هامل ولا هازهق انى اقول وحشانى ونفسى اعيش واكمل حياتى فيها

يارب يارب يا حبيبى

وفقنى انى اعيش فى مصر يارب

يارب ريح قلبى يارب

:))

أما عن صنع الله إبراهيم فانا مقرتلوش حاجه الحقيقة وان كنت سمعت اسمه قبل كده وسمعت عنه

لكن ده لا يؤهلنى إنى أقول كلمة عليه سواء بالمدح أو بالذم

وكل سنة وانت طيب يا محمد

واحشنى اوى والله يا محمد

يارب تكون بخير وبصحة وبسلامة يا حبيبى يارب

خلى بالك من نفسك :)

السلام عليكم

مي يقول...

مش غريبة عليك
هههههههه دايما بقولك دماغك بتعجبنى
بص لا يغير الله ما بقوم حتى يغيروا ما بأنفسهم
يمكن ساعات احنا المغلوبين على امرنا بنقول قضى اخف من قضى بمناسبة علاء مبارك
بس اصلا دى لعبة كبيرة اوى ودلوقتى الناس بقت بتفهم وتسكت سلمت للامر الواقع
هون على نفسك

El - Shandwely يقول...

"انا اعلم ان هناك اشخاص لا يستطيعون الاستمتاع باي شيء واشخاص يتظاهرون بالاستمتاع واخرون يتظاهرون انهم لا يستمتعون اما انا فهو خليط من كل ذلك ويزيد"


كيفتنى لآخر البوست ^_^

"اي شباب هذا يقضي العيد في ممارسه الجنس بافراط ؟ وتحت اي لوائح؟"

وأى شاب يفكر فى غير ذلك يا عزيزى؟

صحيح بافراط دى جبتها منين ^_^

مواطن مصري يقول...

أحسنلك تبعد عن الجرائد عشان الأكتئاب


بالنسبة للراب فدة منتدى الراب المصري

http://egyrap.net/forums/

و أسمع دي

http://www.4shared.com/file/163099794/97e1e367/EGyRapNET___3ashwa2yat-ELZer0_.html

EGyRap.NET _ 3ashwa2yat-ELZer0_Ft_Mc.Monadel,F.killa,Mr.Kordy


Mc amin _ E-money & Rush) khair Jnod el-Ard _egyrap.net

http://www.4shared.com/file/159074837/98fe237b/_Mc_amin___E-money__Rush__khai.html

مع اني مش بحب امين

hend ga3fer يقول...

الى صاحب التعليق الثالث

افضل ان العب دور دون كيشوت على ان العب دور فاوست

بالمناسبة للكاتب المذكور رواية باسم بيروت بيروت لو استطعت قراءتهاوتكملتها فانت بطل همام

ثم لاتتحدث عن من اعتقلوا وكانهم شهداء حرب
كان وقت يفرحون فيه بالاعتقال كان الاعتقال وسام شرف لامثالهم من الشيوعيين الذين ضحكوا وقهقهوا على وطن باكمله وهم بالمناسبةوامثالهم من قاد الديكتاتور الى النكسة

انا اتساءل ماذا فعلوا للبلد ؟ماذا جنينا ؟

لاشىء سوى جلدنا وجلد انفسهم

ولاتبنى المجتمعات المتحضرة بجلد الذات

اقرا عنا لمانيا بعد الحرب العالمية الثانية وفرنسا واليابان

غير معرف يقول...

على فكرة انت رخم اوي

انت لو اتكلمت تاني عن جمال مبارك وحسني مبارك هبلغ عن البلوج بتاعتك
ماشي يا بتاع المقطم؟

dr.lecter يقول...

هند

فعلا انا جيالي اكتئاب رهييب جدا انا الروايه جابتي هبل من كتر الفساد بتاع المواطنين الحكومي

بصي هي الروايه حلوه جدا وروايه امريكانللي عجبتني رغم قذارتها واللجنه نفس الحكايه

انا عارف انه ناصري وله افكار يساريه

هو كئيب جدا وسلبي وبينقد وبس وانا مقلتش انه في مقام احمد خهالد او علاء الاسواني بس الروايه دي بالذات انا شميت فيها تعفن الشعب المصري وانحلاله

اما حكايه الحزب انا بدات اقتنع بكلامك علي فكره
ياللا انا وانت ننضم ونشوف ايه اللي هيحصل

dr.lecter يقول...

فكره

والنبي انت قلتي اللي فيها
خلي علاء بيه يقف في طابور العيش ولا يروح يطلع بطاقه ولا يقف ادام المجعات الاستهلاكيه ولا يركب المترو

بجد اعلامنا اعلام قوادين وشويه مومسات مسميين نفسهم مذيعات

dr.lecter يقول...

سهيل

هي مش قصدها اما عارف تاريخ الراجل وعارف ظروفه وظروفه دي هي الي خلته ينقلها للورق ويطلع ابداعه

نورتني حضرتك

dr.lecter يقول...

مصعبنا

ماقدرش والله لازم اقول اللي في قلبي ده انا كنت هافرقع يومها انا كده صريح وقبيح للاسف ومش بايديا والله

انت واحشني اكتر ياحبيبي ومستنييك في فبارير ان شالله

dr.lecter يقول...

مي


يارب يامي يارب

dr.lecter يقول...

درش

اي خدمه ياعمنا جبتها من معجم اللغه العربيه ههههههههههه

dr.lecter يقول...

مواطن

شكرا ياشقيق

dr.lecter يقول...

هند

بصي انا مقريتهاش وعارفها وبكره الناصريين عامه علشان مافيش حد منهم اتحرك ولا حاول يعمل اي حاجه

واقربهم مثال الجعجاع اللي اسمه خالد يوسف اللي فاشخ لي حنكه وعمالي يقول الله يرحمك ياشتراكيه ياشيويعيه

dr.lecter يقول...

غير معرف

انت فين ياراجل؟ بقالك كام بوست مابتنورنيش

شكرا يابيه اصل اول مبحس انك هتعلق برخم في البوست علشان افقعك وابضنك بالمناسبه وروح ياخويا بلغ عني

ده انا عاوزك تبلغ والنبي لتعملها وغلاوه مصر عندك لتعملها ولا اقول اعمليها علشان انا ابتديت اشك اصلا انك بنت وغالبا عارف انتي مين كمان

نورتنيتي اقصد فقعتيني

dr.lecter يقول...

مكرر

غير معرف يقول...

ما هذه المدونة البضينة

كس أم المدونات

اقصوصه يقول...

كان الله في عونك

dr.lecter يقول...

غير معرف

شكرا ده من زوق جضرتك وبيدل علي ادبك العالي وتربيتك

dr.lecter يقول...

اقصوصه

كان الله في عون الجميع

نورتني