"انا بتهته وانا بتكلم مع الناس
بس مبتهتش وانا بتكلم مع نفسي بس مش عاوز اتكلم مع نفسي عايز اتكلم مع الناس"
يحيي من رسايل بحر
.................
" احنا في مجتمع وصل به الفجر ان روح الانسان اللي هي سر عظمه ربنا مابقاش لها قيمه"
بنتين من مصر
.................
" ايه فيه ايه
خدشنا حياء طنط مصر بتاعتك لما جبنا سيره ست خارجه من الحضيض وقدرت تكمل حياتها من اول وجديد
قدرت تسترجع انسانيتها
المجتمع حاسبها وهي حاسبت نفسها"
من احكي ياشهرزاد
.....................
" طول عمري برضي باللي تدهولي الدنيا حتي لو كان قليل
او اقول لنفسي معلش اللي ماجاش النهارده ييجي بكره
بس من كام يوم ببص علي وشي لقيتني كبرت والدنيا مدتناش اي حاجه
تفتكر البلد دي معندهاش حاجه تهديهالنا ولا احنا مش قادرين ناخد منها حاجه
لو العيب فينا يبقي متفرقش البلد دي عن غيرها لكن لو العيب في البلد يبقي نشوف بلد تانيه غيرها"
من فيلم قص ولزق
..............
" ههههه فكرك ربنا لو شايف اننا غلطنا هيخيل عليه الكلام ده"
من الجزيره
....................
" متخافيش ياحوريه انا عشري
لا مؤاخذه ياطاهره الكلام ده تقوليه لزرزور
ابراهيم خلاص مش طايقك والزرازير لو مسكوكي هينهشوكي يبقي فاضل لك مين يابنت خميس
هتيجي لعشري"
من ابراهيم الابيض
الحكايه ابتدت لما صحيت غلط روحت الشغل لقيت النهارده اجازه
قابلت سيد مرزوق وشفت مني
هربت منه بس كلام سيد استفز كرامتي
قررت ارفض السجن والحدود اللي حبست نفسي فيها २० سنه
حسيت بقوه غريبه رغبه في التحرر
وفي النهايه كانت ليله غريبه خرجت من سجني وحبيت واحده وبقي مطلوب القبض عليا
ازاي ممكن ارجع لحياتي الاولانيه بعد كل ده؟"
من فيلم البحث عن سيد مرزوق
................
" مابقتش عايز حاجه ولا محتاج انا لحاجه
لو عايز حاجه مخليتوليش ولا حاجه
انا مبخافش من حاجه
مانيش مسنود ولا حاجه
فرضا لو هاقول حاجه هيحصل ايه؟"
من فيلم ميكروفون
" انا مواطن خايف
هو مافيش حاجه متخوفش
الناس الطيور
الاخوان اللي كسبوا في الانتخابات
الحكومه
واسرائيل والارهاب
كل حاجه"
من جنينه الاسماك
......................
" انا لسه عايش يعني الخطر لسه موجود فوق الحدود
ضد الوجود
بكتب علي ورق محروق
ودي الحقيقه مش احساس ايوه العالم ده ملكي
والناس عندي ضيوف وبيشاركوني في رزقي
فلما الموت يعدي جنبي وهو خايف مني انا اتولدت اصلا ميت بس العند هو اللي بيحركني
عاوز تعطلني بحقدك وهبلك
احلق لنفسك ضعفي هو قوتي وجنوني هو غريزتي
الحياه لو لعبه كنت ولعتها
جمعتها
كسرتها
كسبتها وسبتها
الحياه لو لعبه
غنيت لها
رقصتها
وشوشتها
عاكستها
غازلتها
لمستها
هناك 3 تعليقات:
اخترت كلمات جميلة من الافلام
مش عايز اتكلم مع نفسي عايز اتكلم مع الناس
من اهم مشاكل المصريين التواصل الصح
رائع يابو اللكاتير
:)
ناقصة قافلة من طيور الظلام
الله
جمل متركبه صح
بجد احييك
إرسال تعليق