الاثنين، 23 يونيو، 2008

نوستالجيا 4


ايجي فيلم







ده بالذات له زكري معايا في 2007



انا اصلا مشترك في ايجي من 2004 في منتديات السينما من زمان وليا اصدقاء كتير اتعرفت عليهم


وبعد كده اتعرفت علي اصدقاء اكتر في اي كلام اللي بعتبره البيت التاني ليا واللي باقابل فيه ناس بحبهم جدا وبعزهم


ياما كتبت مواضيع هناك ودخلت في نقاش مع ناس وجدل وخناقات بس في الاخر طلعت منها بناس كتيره كويسه بحترمها





عامه ايجي في 2007 كان اكتر سنه لطيفه قضيتها هناك من ساعه ماعرفته




عاوز اخص ناس بالذكر ناس عزاز جدا عليا




محمد امين راضي


اعرفه من منتديات السينما العربيه


تقدر تقول كده الشخصيه اللي كان نفسي ابقي زيها او anti او فيها اللحاجات اللي مابقدرش اعملها لاسباب تتاعلق باني جبان


محمد من السويس دايما يقول انه اكبر مني بسنه بس مابتفرقش معايا لانه دماغه زي دجماغي ويمكن انضف مني بكتيير وله فضل كبير عليا انه بدون قصده حفزني اني ارجع تاني اكتب قصص قصيره زي زمان وارعضها عليه واخد رايه فيها


ويمكن انا نشرت بعضها في ايجي ونالت اعجاب بعض الناس



محمد عنيد جدا وصريح جحدا مابيعرفش يجامل بيقثول اللي ضميره بيقولهوله دايما وممكن لسانه ده يوديه في داهيه وماعندوش استعداد يتنازل عن معقداته ومابدئه


محمد كان بيحلم انه يبقي سيناريست وده اتحفقق له فعلا بس لسه بياخد نفسه ولسه الفرصه ماجتش له رغم انه سيناريست هايل وله كميه ورق روعه بتنم علي موهبه هتفرض نفسها في يوم من الايام


محمد مثقف جدا مسخره جدا جدع جدا جدا كعاده اهل السويس



محمد اول واحد من ايجي اعرفه كويس واتعمق في صداقتي معاه ويمكن ده اللي شجعني اني اعمق علاقاتي مع الناس التانيه رغم اني كنت حاطط لنفسي حدود اني اللي اعرفهم علي النت مجرد علاقه سطحيه


انا وممحمد ماتقلبناش لغايه دلوقتي كل ماتيبجي فرصه انزله تحصل حاجه يطلع مش فاضي او انا مش فاضي بس ان شالله انا ناوي اقابله قريب








ماجا



احمد ماجد من الناس اللي بيجد تفرح انك تعرفهم


اول لقاء ليا معاه كان جدال في المنتدي الديني وهجوم حاد منه بسبب موضوع كنت كاتبه بس بعدها بقيت اعتز به جدا ومبسوط اني اعرف شخص نظيف وراقي وحساس وانسان زي احمد




فنون



او اختي الكبيره زي مابحب اقولها ودايما بتزعل من الكلمه دي


لو كان ليا اخت اتمني موجودها فهي انت يافنون بجد انسانه مكانتش اتوقع وجودها بتجمع كل حاجه حلوه في الدنيا موجوده فيها من تدين وادب وثقافه ومرح وخفه دم وعناد وتصميم وروح طيبه وصرامه واصرار وحزم وشده


ايه ده كله انت جامده يابنتي





كباري


محمد الذ خلق الله بجد شاب متوقع له انه يبقي من الناس اللي هيعملوا حاجه بجد في البلد


محمد واللي زيه هما اللي هيعملوا تغيير بجد


محمد زي الاسكندرانيه شاب ماتزهقش ابدا من القعده معاه والرغي معاه



شريكي وشقيقي في المنتدي الاسلامي





الشارده


ايمان



متشابهه معايا في حاجات كتيره خاصه زوقها الفني والادبي والموسيقي من الشخصيات الرافضه واقعها ومش راضيه بالاستسلام للظروف


مش سهل ان حد يغصبها علي حاجه والا هتبقي وقعه اهله سودا


تمتلك قلم ادبي ينم عن اديبه عميقه زات حس ساخر جدا





سندريلاا


يسرا


من الناس اللي بتعتز جدا بمعرفتها سواء في نقاشتنا السينمائيه كل مافيلم يتعرض نقعد نتجادل فيه وننقد فيه غلي المنتدي


ولها حس نقدي وقلم بليغ بارع ينبيء عن ناقده مستقبليا ان شالله



ليا الشرف اني عملت معاها سلسله مواضيع مشتركه في ايجي واستفدت جدا من حسها الانساني الواقعي المؤلم الحزين


يسرا عندها حدود ترفض ان حد ياخد عليها ويسخر منها كده او يهينها


كرامتها فوق اي شيء تاني





انسانه حساسه جدا لكنها ذات حلم تسعي لتحقيقه عندها امل رهيب في ان الظروف تتغير للافضل رغم ان كل الاوضاع سيئه متشابعه بشكل كبير جدا مع الشارده وبيعتبروا توام واحد مش عارف ازاي







سما مصر



ايمان


اختي الصغيره بجد



لو كان ليا اخت تخاف عليا بالشكل ده هيبقي ايمان


طيبه الدنيا كلها وبرائتها ودماثه خلقها تلاقيها في ايمان


ايمان هي المعادل لليوتبيا المستحيله


وتحسسك انها لاتنتمي للعالم بتاعنا






ديزل



شقيقي السينمائي الفذ


رغم بعد المسافات الطويله جدا لكننا متشابهين في زوقنا للافلام ونفس الروح الساخره المميزه لنا



نفسي بجد اقابله بس هو عنده ظروف شغله تمنعه انه ينزل مصر





ناس كتيره عاوز اقعد اتكلم عليهم


زي بنت مصريه اللي عندها مدونه شديده الخصوصيه والروعه تخليك ماتخلصهاش وبلدياتي زي مابيقولوا


سالي اللي دماغها سايبه وجامده جدا زي حبها لرفق الميتال والروك



هانز زيمر زو الحس الموسيقي الرائع


مارياتشي اللي بجد بتنبسط لما تلاقي اسمه في الكمنتدي




رفاق منتدي خنان ترك


ومنتدي السينما العربيه


ومنتدي السينما العالميه


نهال وروان واحمد غريب وجاكي بوي وسام وان وبيكي





مشرفين اي كلام واعضائهم


جني


وعاطف المختار


مسلم


وغيرهم علشامن مانساش حد






كفايه كده عليكم

هناك 12 تعليقًا:

Here i'm يقول...

ربنا يكرمك يارب ..

أنت يابنى تستاهل كل خير ..

و الكلام اللى قولته عنى كبير قوووى

أنا مستهلش كل دا و الله .. مش تواضع و لا حاجة بس أنا أقل من كده بكتير


المهم ... أنت قررت أيه بالظبط ؟؟

samamasr يقول...

إيه ده يا دكتور..حضرتك هنا مش في الجيش :D

أنا هبعت لهم كلهم لينك الموضوع بتاعك ده :D


ربنا يوفق حضرتك :D

samamasr يقول...
أزال المؤلف هذا التعليق.
samamasr يقول...

أصل أنا كنت كتبت فوق احنا فرحنا بموضوع حضرتك قوي وهحطها في المنتدى..وبعدين قلت لا :D

فهبعت لهم كلهم اللينك ده علشان كلهم هنا :D

Founoon يقول...

انت بقالك كام يوم لازق في دماغي يا محمد ونفسي اتطمن عليك بجد :)

يعلم الله قد ايه انا بعزك ويعلم الله مكانتك عندي

انت انسان رائع سعيدة جدا بمعرفته

يا اخويا الصغير :)

خد بالك من نفسك وطمني عليك

الشارده يقول...

بقالى كتير بسال نفسى عليك وبقول هو مختفى فين
مجاش فى دماغى ادخل على المدونه بتاعتك لانى انا نفسى مش بدخل على بتاعتى لغاية اما ايمان قالتلى ايه الكلام الكبير الى انا مستهلش ربعه اللى انت كاتبه عنى ده انامشروع اديبه جامده ربنا يخليك انا مش عارفه اقولك ايه بجد ربنا يوفقك ويكرمك
بس اهم حاجه هو احنا مش هنشوفك تانى ولا ايه بجد هو انت فعلا رايح الجيش ولا وراك حاجه معينه ولا ايه بالظبط

الم يقول...

فكرة المدونه حلوة اوى
وان شاء الله تكون في ميزان حسناتك
الى لفت انتباهي
هى اليوتوبيا
اممممممم
ربنا يوفقك اد ايه انتا شخص كويس ونقي
ربنا معاك يارب
تحياتى
جيلي كاستر
مش هتقدر تغمض عنيك
ياريت تشيل تاكيد الكلمه بعد اذنكم يعني

banouta masreya يقول...

ايمان قالتلى اجى اشوف الموضوع و عايزة اقولك اولا انى بجد مبسوطة جدا انك افتكرتنى و انى انهاردة بالذات كنت محتاجة حاجة تفرحنى و فرحت اوى لما شوفت كلامك

ثانيا بقى و بما اننا بلديات يا ريت ما تغيبش كتير عشان بجد انت من الناس القليلين جدا اللى بحترمهم و بحب اقرالهم فياريت يعنى تكون رجعت عن قرارك و حتى لو مكنتش هتدخل المنتدى بانتام على الاقل اكتب هنا ليك جمهور كبير و انا اولهم :)

SAHARI يقول...

يا دكتور حقيقي انا الي اتشرفت بمعرفتك اصلا

بس عمال توصف اعضاء المنتدي كلهم بالرزانه و العقل و الفكر

و توصفني انا بان دماغي سايبه و جامده من فرق الميتال

طب دماغي جامده دي لا شك فيها

انما سايبه

سورييييييييييييييييييييييييي


مش فاهمه ايه حكايه ان الي بيسمعوا روك يبقوا مجنانين و تافهمين

دي صوره stereotype

و قالب مكرر

انا ردودي في ايجي بعتبرها الي حد ما بتنم عن قليل من العقل و الثقافه والله اعلم

بس انا مش زعلانه من وصفك نهائي

لاني بحب العفويه الصادقه و بحب الكلام الي من القلب

ربنا يخليك يا دكتور

و ميرسي اوي علي انك قولتني ضمن الناس الي انتا سعيد بمعرفتها

انا اكتر والله العظيم

يالا

keep on rocking


\/\/\/

عموما دماغي سابت من كتر الهم مش الموسيقي ههههههههههههههههه

و للمره التانيه

انا سعيده جدا والله يكلامك عني في المدونه

و ربنا يكرمك و يخليك

و انا اسعد بمعرفتك

و شكرا

samamasr يقول...
أزال المؤلف هذا التعليق.
dr.lecter يقول...

انا اف لو نسيت ناس كتيره بس والله من كتر مانتم كتير وكويسين مش قادر اتزكر كم كلكم

بالنسبه لسالي واله انا مش قصدي علي فكره نا برده بحب الميتال بس مش كل الفرق ناس معينه وفي اوقات معينه

وانت يعن ياسالي قفشتي ليه هههههههه



كباري ايمان سلمي فاطمه ايمان

شرفتوني بجد واخجلتم تواضعنا

samamasr يقول...
أزال المؤلف هذا التعليق.