28

http://www.facebook.com/ashraf.elzoheri/posts/278789255487304#!/photo.php?fbid=295304373829800&set=a.291249974235240.89977.157221820971390&type=१

بعدسه صديقتي الصحفيه المبدعه داليا العقاد

............

انا بتنفس حريه ماتقطع عني الهوا

لا تزيد كتير عليا يحسن نوقع سوا

ماتقدر ابدا تلغيني بدك تسمعني وتحكيلي

واذا فكرك عما بتداويني مش هو ده الدوا

جوليا بطرس

.............

راجعين من الماضي رايحين علي المستقبل بعزمنا الماضي الدنيا تصبح اجمل

ياحياه ياحريه ياروح مصريه ياعيش وملح الناس سواسيه

كلمه قلناها الدنيا تسمعنا

اتجمعوا ياناس وادوا الهوا حماس ادوا للحياه احساس النور هييجي اكيد

فرقه اسكندريللا

............

معادنا الجمعه معرفش ايه اللي هيحصل بس نازلين ومش خايفين علشان كفايه اووي كده

معنديش امل ان فيه تغيير بس نازل ولا عندي عشم عدد ضخم هينزل ولا الناس هتقف معانا

خلاص الانتخابات هتتعمل والمجلس قاعد لغايه الفين وتلاتشر والنشطاء بيتخطفوا كل شويه والوضع بقي اسوا من ايام حسني مبارك

والناس كرهت الثوره وانا برده كرهتها والسلفيين مكفريننا في كل حته وواكلين عقل الناس والاقباط غضابنين والاخوان بيهنوا بعض علي كراسي الحكومه الجديده المستقبليه والنيابه العسكريه عمال تستدعي كل شويه حد فينا

والناس اتفرقت وبقينا نحسد تونس انها انجزت في طريقها للديمقراطيه وماشيين صح واحنا بنرجع لورا

وانا واقف في مفترق الطرق ومش عارف امشي في اي سكه والامل اللي جالي بعد الثوره اتبخر

فمش هيحصل حاجه لو نزلت يعني اهو التحرير واحشني واهو تغيير فياريت اشوفكم علي الاقل نفتكر اننا في يوم حاولنا ونلنا شرف المحاوله

" الا ايها الليل الطويل الا انجلي بصبح ومالاصباح منك بامثل"