الخميس، 6 أكتوبر، 2011

من انكسار الروح

ومنين بييجي الشجن ...من اختلاف الزمن

ومنين بييجي الهوي ...من ائتلاف الهوي

ومنين بييجي الرضا

من الايمان بالقدر

من انتصار الروح في ضوح الوطن

من احتضار الشوق في سجن البدن

من اختمار الحلم بييجي النهار

يعود غريب الدار لاهل وسكن

.............

ليه يازمن ماسبتناش ابرياء وواخدنا في طريقنا من غير شموع

اقسي همومنا نفجر السخريه وباصفي ضحكه تتوه في بحر الدموع

.....................


رساله متاخره الي جيلنا الذي يدفع اخطاء من سبقوه ويتحمل الثمن غاليا في طريق مجهول وطويل مليء بالعوائق بعد ان دفع بالامل الذي خبا فجاه


اهداء الي زهره من علي البدري الذي انكسر حلمه بعد ان مني بالامل وتمسك بالحياه وتغيرت من رقتها ورومانسيتها وضعفها كانثي الي شخص اصبح غريبا عنه ويبتعد عنه تدريجيا

اهداء الي من مازالوا متمسكين بالمستقبل وعلي شفتيهم ابتسامه منكسره

اهداء الي من تغربوا ومن ماتوا ومن رضوا بالواقع ومن انعزلوا


اهداء الي صناع الاحلام والمتحكمين في الزمن وقتله الانسانيه

اهداء الي جيلي الذي تشوه واصبح متناقضا بفضل مجتمع مريض مادي


اهداء الي السينما والادب وحب الحياه


اهداء الي اسامه انور عكاشه سامحك الله عما فعلته بتعلقي بعلي البدري

هناك 4 تعليقات:

adel يقول...

:) لا تعليق
الله يرحم عكاشة واللي عمله فينا

Ramy يقول...

يااااااااااااااااااااااااااااااااااااااااااااااااااااااه

من هنا لبكره

الله يرحمه

فاتيما يقول...

انا عايزة اكتب تعليق طوييييل يا ليكتر
بس يبدو ان هيكون توقيته
مش مناسب
وانتا محبط كدا


عموما

لو جاز لى أقول واحد على عشرة
م اللى ف نفسى اقوله
فهقولك بس
ان الكلام بتاعك وكأن جيلك انتهى
و لم يعد له دور خلاص
وجه اللى ياخد مكانه

ودا مش صحيح يا عزيزى
انتا لسه ف مكانك
ولسه ف ايدك الكتير تعمله
ولسه مخلصتش
واستلموها مقشرة ..كما يبدو


لسه فيه جولات
ولسه جيلك قدامه كتير يعمله
ويطوله
ويديه
لسه بدرى يا ليكتر

لسه بدرى


وعلى فكرة
الجميل اسامة انور عكاشة
كان قال مرة ان على البدرى
يشبهه ف مثاليته وروزمانسيته سياسياً وعاطفيا و انه يمثله ف خيبة امله جدا ...
ومع ذلك
اسامة لم ينهزم ف الواقع
وحول الخيبات لنجاحات
اظن كلنا استفدنا منها
يعنى الراجل متعبش هدر اهو
وجنى ثمار الهزيمة وانكسار الروح
بمداوة جروحنا احنا
وكتب لنفسه خلود


برضو رغيت
مفيش فايدة فيا


ربنا معاك
يا كسير الروح
وقادر يجبر كسرك دا
ف غمضة عين

اللهم امين

AHMED SAMIR يقول...

بس علي البدري في اخر المسلسل لم يكن هو علي البدري الذي احببناه على الاطلاق..
رحمة الله على اسامة انور عكاشة