السبت، 2 يوليو، 2011

مطلوب دكر







مطلوب زعيم لشعب طول عمره عظيم

لشعب كان فاعل زمان لكنه هان حتي انه صار بايدين كبار وايدين صغار

مفعول به بيقسمه ويفرقه ويقطعه في عينه وعين اللي جاب ابوه علشان يموت او ينتهي

مطلوب زعيم لشعب حكامه خانوه وتوهوه وغيبوه


واللي انتبه فاق وكمموا عينيه وسلموه في المعتقل لكلاب جعانه علشان ياكلوه

لكنه فاق وزار رغم القهر

مطلوب زعيم يحمي الحقوق يعدل مابين الناس تمام زي الفاروق

يكون حنين علي الفقير وعلي الفساد يفتري

يهدم علي دماغه الشقوق ويعلقه في المشنق


او يرفعه علي راس خازوق

مطلوب زعيم ميقولش علي الخواف حكيم

ويكون سمعه سليم يسمع نبضه قلبنا ويكون مكانه وسطنا

واالبعض للاسف ساكن في القبور

مايكونش ساكن في القصور


يشرب وياكل اكلنا ويعيش كواحد مننا يسمع مننا وياخد راينا


وقت الخطر كلنا نتلم حواليه ونضحي بعمرنا


مطلوب زعيم علي المسئوليه يكون امين


يعرف يقول للظلم لا


ويموت ولا يفرط في الحق

لا يشترط للشكل ايه

لا يشترط للسن ايه

لا يشترط المله ايه

شرطه الوحيد يكون بشر

باختصار مطلوب دكر



هناك 6 تعليقات:

Tarkieb يقول...

جامدة جدا...بس هو موجود بس انت عارف ان العلوق(ج)حساسين اوووي مع الدكر

Egyptian Narrator يقول...

هذا وقد اعلنت الصين انها في طريقها لتصنيع اول دكر

بسمة حلمي يقول...

يعني ما ينفعش يكون ست؟؟؟؟
ودكر اكيد هيتغير بعد التعيين لانه المغريات كثيبرة اما لو كان ست يبقى احسن
لك تحياتي
بسمة

dr.lecter يقول...

تراكيب

والله يابني احنا هنوريهم بقي الدكره بجد

dr.lecter يقول...

نراتور
ماهو ده اللي ناقص

dr.lecter يقول...

بسمه
ههههههههههههههه علي رايك ياخوفي يابدران