مطلوب زعيم لشعب طول عمره عظيم
لشعب كان فاعل زمان لكنه هان حتي انه صار بايدين كبار وايدين صغار
مفعول به بيقسمه ويفرقه ويقطعه في عينه وعين اللي جاب ابوه علشان يموت او ينتهي
مطلوب زعيم لشعب حكامه خانوه وتوهوه وغيبوه
واللي انتبه فاق وكمموا عينيه وسلموه في المعتقل لكلاب جعانه علشان ياكلوه
لكنه فاق وزار رغم القهر
مطلوب زعيم يحمي الحقوق يعدل مابين الناس تمام زي الفاروق
يكون حنين علي الفقير وعلي الفساد يفتري
يهدم علي دماغه الشقوق ويعلقه في المشنق
او يرفعه علي راس خازوق
مطلوب زعيم ميقولش علي الخواف حكيم
ويكون سمعه سليم يسمع نبضه قلبنا ويكون مكانه وسطنا
واالبعض للاسف ساكن في القبور
مايكونش ساكن في القصور
يشرب وياكل اكلنا ويعيش كواحد مننا يسمع مننا وياخد راينا
وقت الخطر كلنا نتلم حواليه ونضحي بعمرنا
مطلوب زعيم علي المسئوليه يكون امين
يعرف يقول للظلم لا
ويموت ولا يفرط في الحق
لا يشترط للشكل ايه
لا يشترط للسن ايه
لا يشترط المله ايه
شرطه الوحيد يكون بشر
باختصار مطلوب دكر
هناك 6 تعليقات:
جامدة جدا...بس هو موجود بس انت عارف ان العلوق(ج)حساسين اوووي مع الدكر
هذا وقد اعلنت الصين انها في طريقها لتصنيع اول دكر
يعني ما ينفعش يكون ست؟؟؟؟
ودكر اكيد هيتغير بعد التعيين لانه المغريات كثيبرة اما لو كان ست يبقى احسن
لك تحياتي
بسمة
تراكيب
والله يابني احنا هنوريهم بقي الدكره بجد
نراتور
ماهو ده اللي ناقص
بسمه
ههههههههههههههه علي رايك ياخوفي يابدران
إرسال تعليق